طبعا ولاشك ان كل ولد عايز البنت اللي هايرتبط بيها تكون محترمة يعني:
1)مبتتكلمش مع ولاد. 2) مبتتاخرش برة البيت. 3)لبسها محتشم وفي الاغلب محجبة.
وفي شروط تانية كتير هو بيحطها......
لحظة من فضلك!!!!!!
شايف نفسك دلوقتي فيك كل الصفات اللي حددتها للبنت يعني:
1)مبتكلمش بنات. 2)مبتتاخرش بره البيت. 3)لبسك كويس.
شايف نفسك فيك كل الصفات اللي تخلي البنت تحترمك ولا هتقول انا راجل وميهمنيش؟؟
اسمحلي اقولك انك غلطان جدا
لانك لوعايز واحدة محترمة تصونك وتشيل اسمك لازم انت كمان تكون زيها .
والا زي ماانت هتلاقي .
لان ربنا مش هيظلم واحدة ويديها واحد مش تمام
ولا هيظلمك ويديك واحدة مش تمام
والطيور على اشكالها تقع
وطبعا نفس الكلام للبنات
يعني لو عايزة ربنا يكرمك بواحد ابن حلال لازم تكوني زيه.