فوجيء شوبير باستضافة برنامج 48 ساعة الليلة الخميس يستضيف إثنين من ضحايا واقعة نصب تعرض لها مجموعة من الشباب في الغربية كما ورد في بلاغ رسمي .. وقال الشابين ان شوبير وعدهما مع آخرين بتوفير فرص عمل لهما وتعيين في الجمارك بمطار القاهرة وقالا ان العرض كان بناءا على مسابقة وان كل واحد منهما دفع لشوبير بوساطة موظف في مكتبه يدعى شعبان 25 ألف جنيه لكنهم تعرضوا للنصب ....
وفي مداخلة تليفونية من شوبير رد بهدوء شديد .. أنا عايز الناس تشوف الاشكال اللي بتتهمني بالنصب وهي تعرف الحقيقة .. دي أشكال ....
أنا عينت اكثر من 1500 واحد وساهمت في مشروعات خيرية كثيرة .. ليس كل من هب ودب أو " زقه حد" يتهم الشرفاء ... انا اول ما قرأت الكلام الفارغ ده في الجرايد طلبت رفع الحصانة عني من د. احمد فتحي سرور لأن فيه " قلة أدب" موجهة ضدي .. ومعروف مين اللي ورا الناس دي ..
وقال شوبير : أقسم بالله ان الوجوه اللي على الشاشة دي أول مرة باشوفها وبالتأكيد آخر مرة .. الأشكال دي أنا لا شفتها ولا هاشوفها ولا بحب اشوفها ...
وانا نائب طنطا وباخدم كل مصر وبالنسبة لأبناء طنطا ساعدت ناس كتيرة في التعيين والحقيقة لما معد البرنامج كلمني كنت في غاية الانفعال ان الاشكال دي تكون موجودة على الشاشة ..
تدخل الاعلامي سيد علي وقال مدافعا عن الشابين ومعهما المحامي وقال انا اعترض على لفظ الاشكال دي لأنهم في النهاية ضيوف ...
وبدأ سيد علي وهناء سمري في استكمال استجواب الشابين وكأنهما متهمين وليسا أصحاب بلاغ ..
أنكر شوبير معرفته بالوسيط " شعبان " اللي خد الفلوس وقال ان مكتبه يعمل به خمسة موظفين ليس بينهم شعبان !!!
