كل اسبوع هجبلكم طريقة سهلة لاكلة بسيطة
الطرق كاتباها توتي
انهاردة ميعادنا مع ------>
♥♥♥♥فاصوليا خضرا بالصلصة♥♥♥♥

المقادير:
1-كيلو فاصوليا خضراء.
2-راس ثوم مفروم.
3-2 معلقة طعام زيت ذرة او حسب ماتحبي .
4- معلقة شاي من الفلفل الاسود .
5- معلقة شاي من الملح.
6- دورق عصير طماطم .
الطريقة:
1. نشيل أطرافها ونغسلها جيداً بماء ومنظف خضروات او منظف عادي وتشطف جيداً.
2. نحطها في مصفاة ونقطعها حتت صغيرة 2 سم تقريبا.
3. نجيب الحلة عالنار ونحط فيها معلقة زيت كبيرة او تغطي الحلة يدوبك مش كتير عشان الكوليسترول ومنتخنش وكدة .
4. نحط الفاصوليا ونقلب ونضيف الثوم المفروم ونقلب لحد ما لونها يغير .
5. نحط فلفل اسود ونقلب طبعا .
6. نطفيها بدورق طماطم معصورة ونضيف الملح.
7. نسيبها شوية لحد لما لونها يحمر ونلاحظ ان كمية الصلصة قلت نضيف ميا لو عايزنها خفيفة او شوربة عشان تبقى دسمة اكتر شوية ونقلب .
8. نسيبها لحد متشرب ونتأكد انها استوت.
9. لو عايزين نتأكد انها استوت ازاي؟؟>>>>نطلع حتة فاصوليا وندخل فيها الشوكة لو دخلت بسهولة تبقى استوت لو بصعوبة يبقى لسه مستوتش.
وبالهنا والشفا

ملحوظة مهمة جدا :-
على فكرة انا مؤمنة جدا ان الكميات بتبقى بالاحساس مش حاجة جامدة بنمشي عليها مش بنصب وخلاص .

ياجماعة لو حد عنده نقد هادف لطريقة كتابة الطبخة يعرفنا عشان تكون افضل ان شاء الله

انهاردة معادنا مع الارانب لناس الي بتحبها يعني

♥♥♥♥الارانب بالقسماط♥♥♥♥
المقادير:
1- أرنب منزوع الجلد ومقطع كل قطعة على حدة.
2- بصلة متوسطة متقشرة ونعمل بها شق على شكلx .
3- معلقة بقسماط كبيرة+معلقة دقيق كبيرة(للتحمير).
4- بيضة مضروبة(للتحمير).
5- 2 معلقة كبيرة خل(للتنضيف).
6- 1/2 كوب دقيق(للتنضيف).
7- 2 معلقة ملح.
8- 3 ملعقة زنجبيل.
9- معلقة قرفة.
10- 1/2 معلقة فلفل اسود.
11- علقة قرنفل وحبهان مطحونين.
12- 1/2 معلقة كمون.

الطريقة:-
أولا :طريقة التنضيف:-
1. نشيل الدهون الزيادة الي فيه.
2. نضعه لمدة 10 دقائق فالملح ثم نقوم بشطفه جيداً.
3. نغسله بالملح مرة آخرى حتى تقل الريحة أو تنعدم بس متموتيهوش يعني.
4. نضعه في الدقيق والخل فترة 10 دقائق ونقوم بالتقليب والفرك لتزول الرائحة.
5. نقوم بغسله ونضيف له ملعقتين زنجبيل ونتركه لفترة فيتشرب رائحة الزنجبيل القوية.
6. ولاخر مرة نزيل الدهون الغير مرغوب فيها طبعاً ونضعه في مصفاة .
ثانيا:طريقة الطهي:-
1. نجيب الحلة ونحط شوية زيت يغطو قاعدة الحلة.
2. نحط قطع الارنب المقطع والمغسول بعناية.
3. نحمره فالزيت ثم ننشله في مصفاة.
4. نرمي الزيت ده ونغسل الحلة كويس.
5. نحط الحلة عالنار تاني ونضيف زيت نضيف.
6. نضع قطع الارنب مرة آخرى بعد تحميرها واكسابها اللون الذهبي.
7. نضيف البصلة والبهارات(2 ملح-1/2 فلفل اسود-1 زنجبيل-1 قرنفل وحبهان مطحونين-1 قرفة -1/2 كمون).
8. نقلب كلهم فالزيت ونضيف ميا بملأ الحلة ليتم تسويته جيداً.
9. عندما تقل الميا او الي بقت شوربة نضيف ميا تاني عشان نسويه كويس جدا.
إختبار النضج:-
• نغرس الشوكة في لحم الارنب لو غرزت بسهولة يبقى استوى.
• لو مغرزتش بسهولة يبقى لسه شور.

ثالثاً:طريقة التحمير:-
1. نضع الارنب في مصفاة بعد تمام النضج.
2. نضرب البيضةXالبقسماطXالدقيق+ذرة ملح+ذرة فلفل اسود.
3. نضع كل قطعة فالخليط ده ثم نضعها في مقلاية زيت تحمير.
4. وهكذا نحمرهم كلهم
وبالهنا والشفا ياجماعة

♥♥♥♥صينية بطاطس حمرا♥♥♥♥
اسمها ني فـ ني بالحق
المقادير:
1-1/2 كيلو بطاطس مقشرة ومتقطعة (ترانشات) بمعنى اصح للي مش فاهم الكلمة زي الشيبسي بس اتخن منها.
2- بصلة كبيرة مفرومة و فصين توم مفرومين بردو.
3- 2 معلقة ملح و معلقة واحدة فلفل.
4- دورق عصير طماطم.
5- معلقة كبيرة زيت.

الطريقة:
1- نحط كل المقادير في صينية مناسبة ونمزج البصل بالتوم بالملح والفلفل مالاخر كلو يتخلط بكله.
2- نحط شوية زيت منكترش عشان متلزقش مش اكتر.
2- نولع عليهم على نار عالية ونغطيهم طبعا عشان يستوا.
3- لما تبتدي تتشرب ولونها يحمر نوطي العين ونضيف شوربة او ميا حسب عايزنها دسمة ولا خفيفة .
4- طبعا عشان نتأكد انها استوت نطلع حتة بطاطس نونو كدة ونجرب بالشوكة لو اتقطعت بسهولة يبقى استوت لو كانت صعب تقطعيها يبقى لسه شوية عشان تستوي.


  وبالهنا والشفا   

♥♥♥♥لازانيا بالبشاميل واااااااو♥♥♥♥
هي نقدر نقول 3 طبخات فـ بعض
يلا مش هنحرمكم من حاجة

1-البشاميل.
2-اللحمة المفرومة بالصلصة.
3-اللازانيا بقى نفسها ولا ايه.

أولا : اللحمة المفرومة بالصلصة:-
المقادير:
1- 2 بصلة متوسطة مفرومة.
2- فصين توم مفروم.
3- دورق طماطم معصورة.
4- 1/2 كيلو لحمة مفرومة.
5- معلقة فلفل.
6- 3 معلقة ملح.
الطريقة:
1- نقلي البصلة فالزيت لحد ما لونها يغير (دهبي).
2- نضيف اللحمة ونقلب لحد ما لونها يغير من الأحمر للون اللحمة المطبوخة(هههه).
3- نضيف الملح والفلفل وبهار لحم لو عندكم يعني.
4- نطفي الموضوع ده بالصلصة ونغطي الحلة شور()
5-نسيبها لحد متستوي(هيبقى لونها محمر والصلصة قلت كدة يعني).

ثانياً:البشاميل:-
المقادير:
1- 3 ملعقة دقيق.
2- 2معلقة كبيرة زيت.
3- معلقة كبيرة زبدة.
3- 3/4 لتر لبن(بارد وليس ساخن).
4- معلقة ملح.
5-1/4 معلقة فلفل.
6- بيضة.
الطريقة:
1- نضع الزيت والزبدة في حلة صغيرة.
2- نضيف الدقيق ونقلب بسرعة لحد متكون سايلة.
3- نضيف اللبن ونقلب بسرعة جدا حتى نحصل على قوام متماسك.
4- نضيف البيضة ونضربهم فـ بعض.
5- نضيف الفلفل والملح.

ثالثاً: اللازانيا(وهو المطلوب اثباته):-
المقادير:
1- 1/2 كيلو لازانيا.
2- 1/8 جبنة رومي جديدة أو قديمة الي يعجبكم.
3- 1/8 جبنة شيدر مستورد يفضل.
الطريقة:
1- نسلق اللازانيا حسب لو نية أو نصف مسلوقة (التعليمات بتكون مكتوبة عالورقة).
2- تنشل في مصفاة بحرص وحاسبوا عليها لتتقطع منكم(هههه).

طريقة الرص بسيطة ان شاء الله:-
1-نجيب صينية وندهنها زبدة على خفيف.
2- نضع راقة لازانيا لتغطي قاعدة الصينية.
3- راقة لحمة مفرومة بالصلصة.
4- راقة بشاميل.
5- راقة لازانيا.
6- لحمة مفرومة بالصلصة + الجبن الشيدر والرومي المبشور.
7- وهكذا المهم آخر راقة تكون مليانة جبنة كتير بتبقى هايلة على وش الصينية.
وحاسبوا على صحتكم وكلوا بالعقل

♥♥♥♥كوردون بلو♥♥♥♥

المقادير:
1- كيلو شرائح صدور دجاج
2- بصلة كبيرة مفرومة مع وضع البهارات :
- 2 ملعقة ملح
- 1/2 معلقة فلفل
- معلقة زنجبيل
- معلقة قرفة
- معلقة بهارات دجاج
- معلقة حبهان وقرنفل مطحون بودر
3- 1/8 بسطرمة مقشرة من الثوم
4- جبنة نستون او شيدر حسب الرغبة
5- خل اسنان(اعواد اسنان)
6-1/2 كوب دقيق للقلي
7- ملعقتين بقسماط+ملعقتين دقيق
8- بيضة مضروبة او اكثر حسب الحاجة

الطريقة:
1- نضع شرائح الدجاج فالتتبيلة (البصلة بالبهارات)ونتركها يوم كامل بتبقى جامدة.
2- نفرد شريحة الفراخ ونضع الحشوة من قطعة جبنة نستون وشريحة بسطرمة.
3- نلفها باحكام كأننا بنلف محشي ونثبتها بالخل عشان متفكش واحنا بنقليها.
4- نضعها فالبيضة ثم البقسماط المخلوط بالدقيق.
5- بعد تحضير الكمية المطلوبة نضع مقلاة بالزيت للقلي.
6- نقوم بتقليبها حتى تستوي وهكذا
وبالهنا والشفا

♥♥♥♥باستا مع الفراخ والصوص♥♥♥♥

المقادير:

1-دجاج

2- 2 بصل

3-1فلفل رومي اخضر

4- جزر/ مشروم(فطر )/ كوسا


5-ملعقتين معجون طماطم

6- زيتون

7- مكرونه انواع اللي تفضليها


الطريقة:

1-نسلق الدجاج

2- ثم نحمر البصل مع الفلقل الرومي

والجزر والكوسا والمشروم(الفطر)


3-نضع قليل من الماء حتى ينضج الخضار اذا سلقت الدجاج نقوم بتقطيعها


واضافتها للبصل والخضاروالمكرونه ثم نضيف البهارات


ومعجون الطماطم ونخلط الصلصة



مع بعضها مع رشة فلفل اسود واضافتها الى الدجاج ونتركها على النار


لمدة 10 دقائق



وتقدم


مع الـــــــــــــــــصلصة

ومكوناتها ك:---------


1-جبن موزريلا

2- ثلاث ملاعق جبن كاسات

3-حليب سائل/ قشطة

تمام كدة بالهنا والشفا