بعد اسبوعين راح الشاب للناس وقابل ابوها قالو البنت عندها شرط قاله ايه الشرط ده قاله انها تقعد معاك فرح هو على الطلب ده
قالو نقعد فين رد ابوها براحتكم المهم اتفقو انهم يطلعو فى حديقه واخوها الصغير معاهم طلعو واتكلمو وانبسطوا رجعت البنت للبيت ابوها قال ها عساه يكون عجبك
قالتلو هو عجبنى بس فيه حاجه معجبتنيش ابوها قالها ايه قال بياكل لبان من يوم مقعدنا ابوها قال خلاص انا هكلمه
راح الاب للشاب وقاله انت فيك حاجه معجبتنيش قاله ايه قاله انتا ليه بتاكل لبان الاربعه وعشرين ساعه
رد الشاب بصراحه انا مابكلش لبان غير لما ادخن (ياعينى على الصراحه)
قال الاب انتا بتدخن ؟رد الشاب انا مابدخنش غير اذا شربت قال الاب وبتشرب كمان رد الشاب مابشربش الا اذا حششت
قال الاب وبنحشش كمان قال الشاب انا مبحشش الا لما اقعد مع صحبى الى اتعرفت عليه فى السجن
قال الاب لااااااااااااا وكنت مسجون كمان وايه كانن قضيتك؟
رد الشاب ابدا قاتل واحد بس قال الاب ليه قتلته قاله خطبت بنته وابوها قالى انى معجبتهاش
رجع الاب للبنت وقالها يابنتى انا شايف ان اللبان مفهش حاجه يعنى