قصــــ اسيره الاحزان ــــــــــه

.:: اللهم صل وسلم وبارك على نبينا محمد وعلى آله وصحبه وسلم تسليما كثيرا




هيه قصه قريتها فى منتدى تانى وعجبتنى اوى ويارب تعجبكم
بتتكلم عن(( ريم )) بطلت القصه فتاه فى اولى ثانوى والمشاكل الى هتوجيها فى حبها ويلا اسيبكم مع اول حلقه


الحلقه الاولي

ريم في الصف الاول الثانوي بنت رقيقه و تمتاز بقدر من الجمال و الذكاء يجعل من امامها ينبهر بشخصيتها و كلامها و اسلوبها في الحوار مكنش ليها اصحاب كتير و ده لانها مخلصه جدا لصديقتها الوحيده ندي اللي كانت مبتفارقهاش في كل مكان من المدرسه للدروس للفسح و الخروجات

تبدأ احداث القصه في اول يوم من الدراسه بعد انتهاء اليوم الدراسي في المدرسه و تبدأ مشكله الدروس و أول درس درس اللغه الفرنسيه

ريم:ياتري يا ندي الفرنساوي ده ايه نظامه زي الانجليزي و لا اصعب اكيد اصعب

ندي: لالا اتفاقلي خير و حياه ابوكي هي مش ناقصه من اولها انا داخله الثانويه دي بقدم رجل و ااخر عشره

ريم: ليه يا بنتي خليكي ايزي يعني انا لحد دلوقتي مش شايفه اي صعوبه

ندي : [IMG]http://www.**********/vb/images/smilies/doh.gif[/IMG]انتي لحقتي تحكمي عليها و كمان مفيهاش اي صعوبه ريم ربنا يشفيكي يا حبيبتي

ريم : بس يا بت فين بيت الاستاذ ده خلي اليوم يعدي

ندي : قربنا اهه

و يوصلوا علي بيت الاستاذ متاخرين كعادتهم من ايام الاعدادي و يشاوروا للاستاذ من بعيد بعد ما يلاقوا المجموعه متكربسه علي الاخر مفيش مكان لنمله حتي تقف و يخرج الاستاذ

ريم : السلام عليكم

الاستاذ : و عليكم السلام

ريم : لو سمحت يااستاذ احنا اولي ثانوي و عايزين ناخد عند حضرتك درس ممكن ندخل؟

الاستاذ : و الساعه كام في ايدك؟

ريم في سرها : اهلا هي من اولها كده ربنا يستر
الساعه ا ا ا ه خمسه

خمسه و ربع

الاستاذ : و الميعاد الساعه كام؟

ريم : معلش يا استاذ هو كان في ظروف اخرتنا شويه

الاستاذ : و الله طيب اهي الاوضه عندك لو تعرفوا تدخلوا اتفضلوا

ندي : بس مفيش مكان خالص يا مستر

فاكره نفسها في درس الانجليزي عند المستر عبد المنعم عكاشه

الاستاذ : خلاص انا هعمل ايه؟؟؟

ريم : طيب مفيش مجموعه تانيه؟

الاستاذ : فيه بس بكره الساعه 2 الضهر يناسبكوا الميعاد ده؟

ندي : اها يناسبنا اوي نيجي بكره ان شاء الله مفيش مشكله

و ترجع ندي و ريم للبيت بخفي حنين و تاني يوم يتقابلوا بعد المدرسه و المره دي قرروا يروحوا بدري عشان يلحقوا مكان و بالفعل يروحوا بدري ربع ساعه عشان يلاقوا المفاجاه

ريم : بسرعه يا بنتي شويه عايزين نلحقلنا شبر نقعد فيه و لا حتي نقف

ندي : خلاص قربنا اهه مالوش لازمه بقي الجري لسه ربع ساعه

ريم : ايه ده [IMG]http://www.**********/vb/images/smilies/punch.gif[/IMG] الحقي ده في شباب معانا

ندي : ايه مين شباب لا يلا بينا نمشي لالالالا مش هدخل الدرس ده الاستاذ ده اساسا شكله عبيط مش داخله

ريم : استني ياختي هما يعني هيعملولك ايه

ندي : يعني ايه هيعملولي ايه لا يا ستي انا مبحبش اخد دروس مع شباب

ريم : يا بنتي استني بس يعني هو احنا لقينا مكان مع البنات و قلنا لا

ندي : طيب لما نشوف اخرتها

_________________________________________

و في نفس الوقت واقف من بعيد عمرو و معاه صاحبه اسلام عمرو شخصيه جميله اوي ممتاز في كل حاجه شخصيه قويه محترمه و في نفس الوقت شاطر جدا لكن مغرور شويه و ليه اصدقاء كتير اوي

عمرو : وله الــحق ده فيه معانا بنات

اسلام : يا عم فكك هما دول بنات

عمرو : يا سيدي اهم اسمهم بنات و خلاص
و فجاه و هو بيلف بعينه ناحيه البنات لمح ريم و ندي من بعيد

عمرو : اسلام

اسلام بيكلم احمد و سامح

عمرو : اسلالالالالالالالالالام

اسلام : ايه سرعتني في ايه؟

عمرو : خليك معايا هنا

اسلام : خير عاوز ايه؟

عمرو : شايف البنت اللي هناك دي

اسلام : فين دي ما هم اكتر من الهم عالقلب

عمرو :يا ابني البنت اللي هناك دي

اسلام : اللي لابسه نضاره؟

عمرو : نضاره ايه يله اللي جنبها

اسلام : اها مالها؟

عمرو : حلوه اوي

اسلام : يا راجل ايه ناوي تعلقها

عمرو : تصدق انك تافهه

اسلام : طيب يا عم المهم

و يفضل عمرو معلق مع ريم و يدخلوا الدرس و يفضل طول الحصه باصص لها و منزلش عينه من عليها

و في نفس الوقت

ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
ندي : بت يا ريم

ريم : امممممممم

ندي : بت

ريم : ايه في ايه؟

ندي : شايفه الواد اللي هناك ده؟

ريم : اي ولد؟

ندي : انت بتبصي فين ما تخليكي معاكي شويه

ريم : ايه يا ندي في ايه فين الواد ده؟

ندي : اهه هناك

ريم : اها ماله؟

ندي : طول الحصه منزلش عينه من عليا

ريم : طيب

ندي : هو ايه اللي طيب انتي رخمه علي فكره

ريم : ايه بس يا ندي اعمل ايه يعني

ندي : يا بنتي بقلك منزلش عينه من عليا ده امور اوي يا ريم

ريم : طيب يا ندي ربنا يسهل سبيني بقي اركز مع الراجل اللي عمال يبرطم ده و الله ما فاهمه منه اي حاجه يخربيته انا شكلي شيلت الماده لا ماده ايه انا شيلت السنه بحالها انا شكلي هحول صنايع

ندي : هههههههههه طيب ابقي حوليلي معاكي

و تخلص الحصه و تمشي ندي و ريم في طريقهم






اتمنى تكون الحلقه الاولى عجبتكم

تشكر على الحلقه الاولى

فى انتظار باقى الحلقات

تحياتى لك

ههههههههههههههههههه

فكرتينى بايام المراهقه والله هههههههههههههه

جامده جدااااااااااااااااا كمليها بالله عليكى شكلها هتحلو

يسلموووووووووووا

الحلقه التانيه

خلصت الحصه و ريم مشيت في طريقها مع ندي و هما ماشين ندي مبطلتش كلام عن عمرو



ندي : ايه رايك يا ريم في الواد الامور اللي ورتهولك ده؟



ريم : اي ولد؟



ندي : معقوله يا ريم مش مركزه معايا خالص



ريم : يا هبله بهزر معاكي عارفه بتتكلمي عن الواد اللي اسمه عمرو



ندي : بجد اسمه عمرو اسمه حلو اوي يخربيته بس عرفتي منين؟؟



ريم : و عامله فيها ناصحه مش الاستاذ طلب من كل واحد يقول اسمه و لا انتي مش مركزه غير مع سي عمرو



ندي : اها صح و الله فعلا مش مركزه في حاجه



ريم : لا هتفلحي



ندي : بطلي رخامه بقي ..تفتكري ممكن يحصل ؟؟



ريم : ليه لا مش بتقولي طول الحصه منزلش عينه من عليكي و كمان عاجبك بس ربنا يستر و يطلع انسان محترم و كويس اصل انا عمري ما وثقت في اي ولد



ندي : لالالا شكله محترم اوي و ابن ناس



ريم : لما نشوف



___________________________



و في نفس الوقت عمرو مع اسلام بيتكلموا في نفس الموضوع



عمرو : بس البت ريم دي عسل وشكلها محترمه



اسلام : لحقت عرفت انها عسل و كمان محترمه ده انت معلق معاها جامد بقي ايه يا عم عمرو ده اللي بيسموه وقع علي بوذه من اول نظره



عمرو : شكلي كده يا اسلام البت مش راضيه تطلع من دماغي



اسلام : اها ما انا واخد بالي منزلتش عينك عليها من اول الحصه و صاحبتها اللي كانت معاها خدت بالها علي فكره



عمرو : بجد يعني ممكن يكونوا بيتكلموا عني دلوقتي



اسلام : انا عارف يمكن ليه لا



عمرو : يااااااااااارب



و اسلام يبصلوا باستغراب اوي



اسلام : طيب يا روميو



_________________________________





و تعدي ايام ورا ايام و عمرو كل يوم يتعلق بريم و مش عارف يكلمها ازاي و لا يوصلها ازاي اعجابه بيها و شايف انها و لا في دماغها و هيتجنن

و ندي مبقتش تتكلم عن حد غيير عن عمرو لحد ما بقت مهوسه بيه مبتفوتش موقف بيعمله عمرو الا و تعلق عليه لحد لما في يوم كان يوم جمعه و الاستاذ عبد المنعم بتاع الانجليزي لغي حصه الخميس و خلاها الجمعه الصبح و كالعاده ريم بتعدي علي ندي قبل الدرس





ريم : ايه ده يا ندي انتي ملبستيش ليه؟



ندي : انا مش هقدر اروح يا ريم النهارده الدرس



ريم : ليه



ندي : تعبانه شويه من ساعه ما صحيت اصلي منمتش كويس



ريم : طيب يا ندي الف سلامه انا همشي انا عاوزه حاجه؟



ندي : الله يسلمك هتروحي الدرس انتي لوحدك؟



ريم : اها هروح بقي هعمل ايه



ندي : طيب يا ريم سلام



و تمشي ريم في طريقها و قبل ما تعدي شارع ندي تلاقي المفاجأه

من بعيد تشوف ريم عمرو جاي من بعيد

ريم في سرها : ايه ده عمرو ..ايه اللي جابه هنا ده.. لالالالا اكيد مش هو. لا هو ..جاي يعمل ايه ده هنا.. يا عيني عليكي يا ندي كان لازم تتعبي النهارده.. يارب يعدي من تحت بيتها و تكون واقفه في البلكونه



_______________



عمرو برده في سره : الله اكبر ايه اليوم الحلو ده ..قال و انا صاحي مكسل و مش عاوز اروح الدرس ..بس بتعمل ايه هنا شكلها ساكنه هنا و لا ايه

و يقربوا من بعض و عمرو مش منزل عينه من عليها و ريم مستنيه يقرب و يعديها عشان تبص وراها تشوف هيمشي منين و ياتري هيعدي علي بيت ندي و لالا و فعلا يعدي عمرو



و تتلفت ريم وراها عشان تلاقي اللي مكنتش تتوقعه



ريم مع نفسها : ايه ده مش ممكن بيبص وراه ليه ده.. معقول لالالا مش ممكن يارب انا هتفلت تاني و اشوف يارب ما يتلفت وراه تاني

و تتلفت ريم تاني وراها و تلاقيه المره دي واقف و مش منزل عينه من عليها و مبتسم اوي ليها لحد لما عدت الشارع و هي هتتجنن مش عارفه ايه اللي بيحصل



ريم: ياربي ايه اللي ببحصل ده.. معقول انا.. لا طب و صاحبتي.. انا مش مصدقه ده بجد يارب اكون بحلم.. اعمل ايه اقولها ازاي بس لازم تعرف عشان تشيل الموضوع ده من دماغها يارب دبرني



_______________________



عمرو : ياااااااااااااااااااااه ريم بتبصلي.. ريم بصت وراها.. انا في حلم ده و لا ايه يا خرابي ده احلي درس و احلي يوم في حياتي انا بعد اللي حصل ده لازم اقولها مينفعش اسكت اكتر من كده لازم اتصرف



ـــــــــــــــــــــــــ ـــــــــــــــــــــــــ ــــــــــــــــــــ



راحت ريم الدرس بتاعها و طول الحصه مش مركزه و لا عارفه هتعمل ايه و لا هتقول لندي ايه لحد لما قررت تعدي عليها بعد الدرس و ربنا بقي يلهمها بالكلام اللي هتقوله و فعلا بعد الدرس تعدي ريم علي ندي



ندي : كويس انك عديتي عليا قوليلي بقي اخدتوا ايه في الدرس؟



ريم منزلتش عينها من علي ندي و مش قادره ترد عليها



ندي : ايه يا ريم في ايه الاستاذ زعق علي غيابي و لا حاجه



ريم : لا بس في حاجه كده حصلت و لازم تعرفيها



ندي : ايه في ايه؟



ريم : اصل و انا ماشيه................



ندي : ها ايه اللي حصل؟؟



ريم : عمرو



ندي : ماله عمرو ايه شفتيه



ريم : اها شفته



ندي : بجد و الله يخربيت حظي عرفاه مقندل ..قوليلي بقي علي اللي حصل بالتفصيل



ريم : اصل اللي حصل مش عارفه احكهولك.. ازاي بصي يا ندي انا همشي دلوقتي و احكيلك بكره في المدرسه



ندي : استني هنا مش هتمشي الا لما تحكيلي ايه اللي حصل؟؟؟



ريم : بصي يا ندي انصحك معدتيش تفكري في عمرو ده تاني ده ميستاهلكيش انا حاسه انه مش محترم اساسا



ندي : ليه حصل ايه اتكلمي يا ريم



ريم : انا هقولك علي اللي حصل بس و الله و غلاوتك عندي انا ماليش ذنب و حياه ربنا انا عارفه انك مش هتصدقيني بس و الله ما هكدب عليكي في حاجه من اللي هقولها



ندي : طيب قولي



و تحكي ريم كل اللي حصل لندي



و نكمل الحلقه الجايه و نعرف رد فعل ندي علي كلام ريم كان ايه

اولا شكرا ليكى على الحلقة الاولى جامدة موت
والحلقة الثانيةاممممممممممممممممم
بردك جامدة بس موت موت موت
شكرا ليكى يا الحب الحمر قصدى يا وردى

اولا شكرا ليكى على الحلقة الاولى جامدة موت
والحلقة الثانيةاممممممممممممممممم
بردك جامدة بس موت موت موت
شكرا ليكى يا الحب الحمر قصدى يا وردى
ميرسى ليك على ردك ومرورك

بجد حكايه رووووووووووعه


بس في النهايه هيكون قرار


انتهاء الصداقه ام البقاء



تسلمي يا قمر

ومستني الباقي

الحلقه الثالثه


ريم: انا اسفه اوي يا ندي متزعليش مني بس كان لازم اقولك

ندي: بتتأسفي علي ايه يا ريم و انتي ذنبك ايه و بعدين كويس انك قولتيلي بدل ما أفضل عايشه في وهم

ريم: انا مش عيزاكي تزعلي عادي يعني و بعدين احنا لسه صغيرين و مسيرك هتلاقي واحد يحبك بجد

ندي: اه ان شاء الله و انتي هتعملي ايه؟

ريم: في ايه؟

ندي: مع عمرو

ريم: هعمل ايه يعني ..انا مالي و ماله

ندي: يعني ايه مالك و ماله ده شكله بيحبك اوي

ريم: انتي اتجننتي يا ندي بيحبني ده ايه و حتي لو بيحبني انا عمري ما هفكر فيه

ندي: ليه يا ريم انتي مش قلتي انه انسان كويس قبل كده و مفهوش عيب

ريم: ايوه بس ده اخر واحد ممكن ارتبط بيه

ندي : لا يا ريم مش للدرجادي انا شايفه انه لو جيه و اتكلم معاكي و قالك انه بيحبك مترفضيش و تضيعيه من ايديك

ريم: انا مش مصدقه اللي انتي بتقوليه ده واضح انك تعبانه انا همشي دلوقتي و انتي خلي بالك من نفسك

ندي: طيب يا ريم مع السلامه

و روحت ريم و مبطلتش تفكير في اللي حصل و في كلام ندي اللي مكنتش تتوقعه ابدا

ريم مع نفسها: ايه اللي بيحصل ده معقوله يكون بيحبني بجد و حتي لو كان بيحبني ازاي ندي تقول كده و هي بتحبه و الله شكلها ما كانت بتحبه و لا حاجه طب انا ممكن اعمل ايه لو بجد جيه و قالي ..لالالا طيعا هرفض دي مهما كان صحبتي و مش هخسرها عشان خاطر ولد..و بعدين انا اساسا عمري ما فكرت فيه و لا هفكر ..بس هي موافقه اني ارتبط بيه و مش ممانعه بالعكس دي بتشجعني..ايه ياريم انتي هتصدقيها هي اكيد بتقول كده عشان تقولك انها مش زعلانه
ايه ده انا مالي مكبره الموضوع كده ليه انا مش هفكر في حاجه ما يمكن اكون انا غلطانه انا هسيبها لربنا احسن



ـــــــــــــــــــــــــ ـــــــــــــــــــــــــ ـــــــــــــــــ

عمرو روح البيت و فرحان هيطير من الفرحه و مش عارف يعمل ايه و راح جري عالتليفون اتصل باسلام

اسلام : ازيك يا عمور فينك ياد

عمرو : انا انا طاير في السما

اسلام : اشطا خير ياد مالك مبسوط كده ليه

عمرو : مش هتصدق

اسلام: مش هصدق ايه ارغي

عمرو : لالالا لازم اقابلك مش هينفع احكيلك في التليفون انا جايلك دلوقتي

اسلام : طيب مستنيك

و يروح عمرو لاسلام و يحكيله علي كل اللي حصل

اسلام: و الله العظيم بجد حصل كده

عمرو : اها و الله انا مش مصدق نفسي انا خلاص قررت اني هتكلم لازم اقولها اني بحبها اللي حصل ده شجعني اوي

اسلام: تمام يا معلم هو ده الكلام بس هتعمل ايه هتتصل بيها؟؟

عمرو: مش عارف لازم الاقي طريقه بس خايف اتصل بيها حد تاني يرد عليا

اسلام: انا عندي فكره

عمرو : ها قوووول

اسلام: عارف البت سمر اخت الواد سامح

عمرو: اها مالها دي بت رخمه اوي

اسلام: هي دي الوحيده اللي تقدر تعرفلك

عمرو : ازاي بقي يا فالح هروح اقولها و النبي روحي شوفي ريم بتحبني و لالا طب ما اروح لريم احسن و اقولها

اسلام : انت غبي يلا الواد سامح اخوها هنقوله و هو يقول لاخته و اخته تقولها

عمرو: اها صح تصدق فكره بس انا خايف من العيال دي الواد سامح ده اساسا مبينزليش من زور

اسلام: هو انت هتناسبه دي خدمه هيعملها و خلاص هتخلص

عمرو: طيب خلاص يلا بينا نروحله

اسلام : يلا بينا

ـــــــــــــــــــــــــ ـــــــــــــــــــــــــ ـــــ

و يروحوا لسامح البيت و يتكلموا معاه و يقولوا علي الموضوع و يقول لاخته عشان توصلها الكلام تاني يوم في المدرسه و فعلا تاني يوم في المدرسه تروح سمر لريم و كانت معاها ندي

سمر: ازيكوا يا حلوين؟

ندي : اهلا ازيك انتي يا سمر

سمر : الحمد لله

ريم : خير في حاجه؟

سمر: بصراحه في موضوع كده عايزه اكلمك فيه ياريم و مش عارفه خايفه

ريم: خير يا سمر ارغي

سمر: هو اصل الواد اللي اسمه عمرو قال لسامح اخويا انه يعني

ريم: يادي النيله علي عمرو انه ايه يا ستي انجزي؟

سمر: انه بيحبك ....انا طبعا قلتله لا و ريم اكيد مش هتوافق و زعقتله بس هو امني اني اوصلك الكلام ها انتي ايه رايك؟

ريم: رايي في ايه ده واد عبيط انا مبفكرش في الحاجات دي وحتي لو بفكر ده اخر واحد ممكن افكر فيه

سمر: ايوه انا قلت كده برده

ندي: استني يا ريم في ايه بصي يا سمر قوليله هي هتفكر

ريم في زهول: هفكر في ايه انتي كمان بطلي يا ندي انا مش فيقالك و الله

ندي : زي ما قلتلك يا سمر قوليله هي هتفكر

ريم: لا ده انتي اكيد مجنونه

سمر: في ايه يا جماعه ما تفهموني اقوله ايه بالظبط في ايه يا ندي ؟ ما تفهميني يا ريم

ندي : روحي دلوقتي يا سمر و انا هفهمك بعدين

سمر : طيب و الواد ده اقوله ايه؟

ريم : قوليله لا

ندي : قوليله زي ما قلتلك يا سمر متسمعيش كلام ريم و بعدين روحي بقي انا قلتلتك هفهمك بعدين

سمر: طيب سلام

ريم: ايه يا ندي اللي بتعمليه ده مين قالك اني عايزه ارتبط بحد

ندي: انا مش عيزاكي تتسرعي يا ريم الولد كويس و انتي قولتي عليه قبل كده محترم و ابن ناس

ريم: انتي ناسيه انك كنتي....

ندي: كنت ايه؟؟؟ علي فكره اللي انا كنت فيه ده كان مجرد اعجاب مش اكتر انا عمري ما حبيت حد و انتي عارفه

ريم : بس يا ندي

ندي: خلاص بقي ياريم عشان خاطري

ريم : طيب يا ندي

ـــــــــــــــــــــــــ ـــــــــــــــــــــــــ ـــــــــــــــ

راحت سمر لسامح اخوها ووصلتله ان ريم رافضه الموضوع تماما و انها مش هتقبل ترتبط بيه و لا بغيره و ان ندي صاحبتها كمان اكدت علي كلامها ده

و طبعا راح سامح و قال الكلام لعمرو

عمرو: ايه اللي انت بتقوله ده رافضه ليه الموضوع يعني اوي كده

سامح: انا عارف اهه اللي حصل

عمرو في سره: مش ممكن بس اللي شفته غيره كده

سامح: بتقول حاجه يا عمرو؟؟

عمرو : لا مفيش خلاص شكرا يا سامح

و سابه و مشي و قرر انه لازم يكلم ريم هو بنفسه و مسكتش غير لما جاب رقم تليفونها و فعلا اتصل بيها

ريم: الو مين معايا؟

عمرو مش عارف ينطق

ريم: الو و بعدين بقي

عمرو بصوت مش طالع : الو

ريم: مين معايا؟

عمرو و بدا يتماسك شويه: انتي ريم؟

ريم: نعم ايوه انا ريم انت مين؟

عمرو : انا ....انا....عمرو

ريم من صدمتها مقدرتش ترد

عمرو: ريم لو سمحتي متقفليش السكه

ريم: عاوز ايه يا عمرو؟

عمرو: انا عاوز اقولك حاجه واحده بس و بعد كده لو عوزاني اقفل و متصلش تاني انا موافق

ريم: اتفضل قول

عمرو: انا بحبك و صدقيني بجد انا مش بضحك عليكي و لا انا زي الولاد التانين انا بجد حبيتك اوي يا ريم من اول مره شفتك فيها و كان نفسي اقولك من زمان بس مكنتش عارف اوصلك ازاي

ريم ساكته و مبتنطقش

عمرو: انا مش عاوزك تردي عليا دلوقتي بس عاوزك تقوليلي لو فيه امل انك توافقي قوليلي لو مفيش قولي برده عشان متصلش بيكي تاني

ريم: مش عارفه اقولك ايه يا عمرو بس

عمرو: عشان خاطري يا ريم فكري صدقيني مش هتندمي انا بحبك بجد

كلمه بحبك دي كانت بتهز في كيان ريم لدرجه انها ماكنتش بتقدر تنطق بعدها

عمرو: ارجوكي متسكتيش ردي عليا في امل و لا؟

ريم: خلاص يا عمرو سبني افكر و هرد عليك

عمرو: و الله العظيم يعني هتفكري بجد طب اتصل بيكي تاني امته بكره و لا النهارده باليل

ريم: ايه ايه بكره ايه و باليل ايه يعني سبني يومين كده

عمرو: خلاص النهارده الاحد اتصل بيكي الثلاثاء

ريم: لا خليها الاربعاء

عمرو : حاضر هتصل هتصل زي دلوقتي كده ماشي

ريم: اوك سلام بقي

عمرو: سلام يا احلي ريم

ريم قفلت معاه و كانت طايره من الفرحه و مش عارفه هي فرحانه كده ازاي و ليه
و فجأه افتكرت اللي قلب الفرحه دي لعكننه و دموع افتكرت ندي

ريم مع نفسها: ايه اللي انا عملته ده طب و ندي انا اكيد اتجننت انا غبيه ازاي اعمل كده دي ندي صحبتي و عمرها ما زعلتني اقوم انا اعمل فيها كده لا انا مش ممكن هقبل الموضوع ده مش هكمل فيه و مش هوافق..بس هي اللي شجعتني علي كده مش شفتي امبارح قالت ايه لسمر في المدرسه وقالتلي انا ايه...و انتي ما بتصدقي دي كانت تعبانه و زعلانه و حبت تبينلك انها عادي مش فارق معاها..مش عارفه اعمل ايه انا لازم احكي لحد و اخد رايه

و فعلا خطر علي بالها صحبتها الجميله شهنده و قررت تتصل بيها و تروحلها

شهنده دي بنت جميله اوي في كل حاجه اخلاق و ادب و احترام و كمان بتحب ريم اوي و بتعتبرها صديقتها الوحيده و ريم كمان بتحبها اوي و هتكمل
معانا لنهايه الحلقات و هتكون بطله اساسيه


و استنوني الحلقه الجايه

روووووووعه يا قمر

ومستني الباقي

الحلقه الرابعه

تتصل ريم بشهنده و تتطلب منها انها تقابلها

و بالفعل تروح ريم لشهنده البيت و تتكلم معاها و تحكيلها علي اللي حصل

ريم: انا بجد محتاره اوي يا شهنده شايفه ان مش من حقي ارتبط بيه و لا افكر حتي في كده

شهنده: بصي ياريم اولا اللي حصل ده حاجه عادي و ممكن تحصل لاي حد
ثانيا ندي هي اللي ضغطت عليكي و رد فعلها كان عكس ما توقعتي خالص
و ده ان دل يدل انه عمرها ما حبت عمرو و ان اللي كانت فيه مجرد اعجاب مش اكتر
ثالثا انتي بتقولي انك معجبه بيه و انه انسان كويس يبقي ايه المانع

ريم: انا خايفه ندي تكون بتقول الكلام ده من ورا قلبها

شهنده: زي ما قلتلك كده ندي لو كانت حبت عمرو بجد مستحيل هيكون ده رد فعلها صدقيني انا

ريم: يعني انتي رايك اوافق

شهنده: برده فكري كويس و قولي لندي و شوفي رايها

ريم: يعني انا لو وافقت مش هتبقي خيانه لصحبتي

شهنده: هتبقي خيانه ليها لو هي رفضت العلاقه دي و هي مش رافضه و عالعموم اساليها تاني

ريم: بجد انتي ريحتيني اوي يا شهنده ربنا يخليكي ليا يارب

شهنده: و يخليكي ليا يا قمر

طبعا بعد حوارات كتير و بعد ما اخدت راي ندي و رحبت اوي و مااعترضتش وافقت ريم انها ترتبط بعمرو و طبعا كان طاير من الفرحه و فضلوا مرتبيطين ببعض فتره طويله و في يوم ــــــــ

في يوم ريم و ندي رايحين الدرس و كان عمرو و اسلام و سامح و الشله كلها قاعده بره و ريم و ندي داخلين من باب الشارع اللي فيه الدرس

سامح بصوت عالي عشان يسمع ريم:ايه يا عمور هي حبيبه القلب مالها تقلانه عليك كده ليه ده انت حتي واقع فيها لشوشتك و الموضوع ريحته فاحت اوي

عمرو بنرفزه : اتلم يلا بدل ما اربيك

سامح: ايه مش سامع هتعمل ايه؟

عمرو: هعمل كده

و قامت خناقه جامده اوي بين سامح و عمرو و محدش قدر يحوش عمرو عن سامح

ندي و ريم دخلوا الدرس و طبعا سمعوا كلام سامح و شافوا الخناق

ندي: سمعتي اللي سمعته؟

ريم: ايوه سمعت

ندي: و عاجبك اللي بيحصل ده؟

ريم: يعني هعمل ايه يا ندي ده انسان سافل اساسا

ندي: لا يا هانم الموضوع فعلا هو اللي كبر اوي و زاد عن حده

ريم: يعني ايه؟

ندي: يعني مفيش قدامك حل غير انك تقطعي علاقتك بالواد عمرو ده احنا طول عمرنا في حالنا ميجيش واحد زي ده يضيعنا

ريم: انتي ازاي بتقولي كده اقطع علاقتي بعمرو ازاي مش هو ده عمرو اللي كان عاجبك مش انتي اللي شجعتيني ارتبط بيه و حببتيني فيه بكلامك

ندي: بصي ده اخر كلام عندي يا ريم ياانا يا هو

ريم: انتي بتخيريني بينك و بين عمرو طب ازاي؟

ندي: ده اللي عندي انا لازم اخاف علي سمعتي و مسمحش لحد انه يضيعها

ريم: سمعتك
!!!

ندي: ايوه سمعتي انتي مش صحيتي و اللي يمسك يمسني

ريم: لا يا ندي هانم و انا مقبلش ان سمعتك تتمس باذي عن اذنك

و سابت ريم ندي و مشيت و راحت لاول مره قعدت لوحدها و طول الحصه مقدرتش تخبي دموعها و مش قادره تصدق ان صحبتها تتخلي عنها في اكتر وقت هي محتجالها فيه

عمرو قاعد مش علي بعضه من منظر ريم هيتجنن و مش عارف يعمل ايه

عمرو: انا هتجنن يااسلام ريم بتعيط اكيد سمعت كلام الواد الزفت اللي اسمه سامح

اسلام: ماانت كمان عكتها بالخناقه اللي اتخانقتها معاه دي يا عمرو مكنش لازم تعمل كده الموضوع كده كبر اوي

عمرو: يعني كنت اسكتله و هو عمال يبرطم بالكلام ده

اسلام: و الله ما عارف اللي وصلك للمرحله دي انت مبتعرفش تخبي عنيك دايما فضحاك و للاسف هي كمان كده

عمرو: احنا مبنعملش حاجه غلط انا بحبها بجد و هي كمان يبقي فين الغلط

اسلام: خلاص يا عمرو ربنا يستر

الحصه خلصت و ريم طبعا خرجت لوحدها و مشيت و ندي جريت وراها

ندي: ريم استني

ريم: عايزه ايه يا ندي؟

ندي: معلش متزعليش مني انا اسفه

ريم: لا اسفه علي ايه انتي فعلا عندك حق انا اللي اسفه اللي خليت سمعتك تتمس

ندي: خلاص بقي يا ريم متزعليش مني

ريم: خلاص يا ندي مش زعلانه

و مشيوا مع بعض لكن ريم مقدرتش تنسي الموقف ده ابدا من ندي و بينها و بين نفسها مبقتش بتعتبرها محل ثقه و بقت كمان مستنيه اللحظه اللي ندي هتبعد عنها فيها و تتخلي عنها و المقف ده كان فعلا سبب في تدهور علاقه ريم و ندي

اسلام: اهي هديت اهيه يا عم متزعلش نفسك بقي شكلها كانت زعلانه مع ندي

عمرو: اها شكلها فعلا كده بس انا و المصحف كنت ناوي لو السبب من الواد ده لكنت قاتله

اسلام: خلاص بقي قتل ايه و كلام فاضي ايه بص يا عمرو انا عندي الحل للمشاكل دي كلها

عمرو: ايه؟

اسلام: ريم لازم تسيب المجموعه دي و تروح مجموعه في يوم تاني خالص و تبعد من وش العيال دي

عمرو: ايه تسيب المجموعه طب و انا اشوفها ازاي ده اليوم الوحيد اللي بقدر اشوفها قدامي ساعه كامله

اسلام: لو بتحبها بجد و بتخاف عليها لازم تخليها تعمل كده الواد سامح بعد العلقه اللي خدها منك دي مش هيسكت و هيقعد يلقح عليها بالكلام في الرايحه و الجايه

عمرو: عندك حق يا اسلام لازم مكنش اناني انا هطلب منها كده و الاستاذ فعلا عمل مجموعه تانيه للبنات و طلب منها تروح فيها هي و ندي بس هي مرضيتش عشاني

اسلام: طب تمام اوي

فعلا طلب عمرو من ريم انها تروح مجموعه بنات و بدا يرتب نفسه انه يشوفها في اوقات دروس تانيه ليها صحيح اقل من الاول بس الحمد لله انه بيشوفها و بيطمن عليها بالتليفون علي طول و موضوع سامح هدي خالص

عدت ايام و شهور و سنين و علاقه عمرو بريم بتكبر و حبهم بيزيد بيتخانقوا و يتصالحوا لكن عمرهم ما جرحوا بعض بكلام يدايق و كانت احلي سنين عاشوها في حياتهم

لكن في يوم و بعد مرور 3 سنين علي علاقتهم ـــ

نكمل الحلقه الجايه

انا مش اقدر اقول غير حاجة بجد واحدة انها جميلة اوى انا اساسا واللة مش بيكون لية خلق اقراء بس القصة بتشد اوى هنشوف ياسى عمرو دة هيعمل اية لريم هانم بس علىفكرة على مااعتقد ان اسلام هيحب شاهندة او عمرو

الحلقه الخامسه


عدت ايام و شهور و سنين و علاقه عمرو بريم بتكبر و حبهم بيزيد بيتخانقوا و يتصالحوا و في يوم كانوا في تالته ثانوي حصلت حاجه غريبه اوي مع عمرو مترددش انه يحكيها لريم لانه اتعود يكون صريح معاها دايما



عمرو: ريم عاوز احكيلك علي حاجه حصلت معايا



ريم: احكي يا عمرو ها ايه اللي حصل؟



عمرو: تعرفي بنت اسمها ايمان الغزاوي؟



ريم: ااه اعرفها مالها؟



عمرو: اصل بقالها كام يوم بتعمل حركات غريبه اوي مش فاهمها



ريم: زي ايه؟



عمرو: يعني مثلا من يومين في درس الفيزياء لقتها بتنادي عليا و انا قاعد في وسط صحابي و قالتلي يا عمرو انا مش فاهمه المساله دي ممكن تفهمهالي



ريم: و طبعا اتكسفت تقولها لا



عمرو: يعني اقولها لا ازاي؟



ريم: لا ميصحش طبعا تقولها لا ازاي كمل يا عمرو و ايه تاني؟



عمرو: و امبارح بقي اتصلت بيا



ريم: و الله!!!!



عمرو: هي اتصلت عالموبايل و قالتلي انا ايمان يا عمرو و قعدت تتكلم شويه و بس



ريم: و انت رديت عليها و جارتها في الكلام؟



عمرو: يعني اقفل في وشها يعني يا ريم؟



ريم: لا يااابو قلب حنين تقفل في وشها ازاي و كانت عايزه ايه الست هانم؟



عمرو: هي قالتلي انها محتاجه اخ و صديق تتكلم معاه و ان ظروفها في البيت وحشه و في خلافات دايما بينها و بين اهلها و كده



ريم: عمرو البنت دي متكلمهاش تاني دي معروفه اوي و مشهوره بالحاجات دي و ممكن تسال صحابك هتلاقي منهم اللي يعرف هي عرفت كام ولد



عمرو: لا يا ريم مش للدرجادي دي شكلها بنت محترمه



ريم: محترمه!! في بنت محترمه تعمل كده عمرو لو سمحت اقطع علاقتك بالبنت دي خالص من الاخر كده يا انا يا هي[IMG]http://www.**********/vb/images/smilies/ranting.gif[/IMG]



عمرو: ايه يا ريم الكلام ده طبعا انتي انا مقدرش استغني عنك و انتي عارفه كده كويس



ريم: خلاص اوعدني دلوقتي انك مش هتكلمها تاني



عمرو: ما هي المشكله ان هي اللي بتتصل



ريم: متردش عليها



عمرو: حاضر يا ريم مش هرد عليها



ريم: ده وعد يا عمرو



عمرو: وعد يا روح عمرو


ريم قفلت مع عمرو و هي خايفه اوي من القصه دي ايمان دي بنت مش سهله و ياما مشيت مع ولاد و سمعتها علي كل لسان ازاي قدرت تخلي عمرو يصدقها و راحت ريم لشهنده اللي بقت اكتر من اختها و مبقوش يفترقوا ابدا و في نفس الوقت ريم محبتش تقطع علاقتها بندي لكن علاقتها بشهنده كانت بتزيد يوم عن يوم و خصوصا ان شهنده بتحب ريم اوي و بتخاف عليها اكتر من اي حد



ريم: انا حاسه ان علاقتي بعمرو قربت تنتهي



شهنده: ليه يا ريم بتقولي كده ايه اللي حصل؟



ريم حكت لشهنده علي كل اللي قالوا عمرو



شهنده: ايه ايمان الغزاوي !![IMG]http://www.**********/vb/images/smilies/shock2.gif[/IMG]يالهوي دي مصيبه البنت دي مشهوره اوي



ريم: ما هو ده اللي مخوفني و خصوصا ان عمرو مصدقها[IMG]http://www.**********/vb/images/smilies/sadd.gif[/IMG]



شهنده: لا ان شاء الله مش هيحصل حاجه عمرو بيحبك و مدام وعدك يقطع علاقته بيها يبقي هيقطعها



ريم: يارب يا شهنده يارب


ريم من يوم الموضوع ده و بدأت تشك في عمرو و لقت انه بدأ يكدب عليها عشان يريحها عمرو كان دايما يجيي لريم بعد المدرسه و كان ممكن يوصلها لدروسها كل يوم و كمان بعد دروسها تلاقيه دايما واقف مستنيها بعيد مع صاحبه اسلام و يفضل ماشي وراها طول الطريق لكن من يوم ما دخلت في حياته البنت دي و اتغير و اتغيرت كل حاجه كان بيعملها مع ريم و بقوا دايما في خلافات مستمره
لكن في يوم كانت ريم راجعه من درس ليها و معاها شهنده و ندي و كان الاستاذ بدل معاد الدرس و خلاه بدري شويه لان يومها كانت الدنيا برد اوي و مطر و فجأه لقت عمرو جاي من بعيد طارت من الفرحه اخيرا عمرو بتاع زمان هيرجع من تاني بس عرف ازاي ان الاستاذ غير الميعاد... و فجاه
اتصدمت لما شافت ريم ان عمرو مش واخد باله منها اساسا و ان ايمان جايه من بعيد و بيضحكلها و تضحكله كانت صدمه كبيره اوي لريم

و دار حوار بين عمرو و اسلام بعد ما اسلام لمح ريم من بعيد و علامات الحزن و الغضب ظاهره اوي علي وشها و عمرو سرحان مع ايمان و مخدش باله من ريم

اسلام: عمرو انت ليه جايبنا هنا؟؟

عمرو: عادي بنتمشي

اسلام: متاكد و لا جاي عشانها؟

عمرو: عشانها !!!! تقصد مين ريم ؟

اسلام: لا ايمان؟

عمرو: ايه ده انت خدت بالك؟ و انا بقول عليك قطه مغمضه

اسلام: انت عبيط و لا بتستعبط ايمان دي ايه اللي انت جاي عشانها و ريم دي ايه واحده بتتسلي بيها كده

عمرو: ايه يااسلام مالك متعصب عليا كده ليه ريم دي حبيبتي و بحبها بس هو فيه شويه مشاكل ما بينا الفتره الاخيره انما ايمان دي صحبتي و بحب اتكلم معاها مش اكتر

اسلام: بتحب تتكلم مع مين ايمان دي انسانه سافله و سمعتها سبقاها في كل حته ازاي تامنها علي اسرارك و حياتك و جديده اوي كلمه صحبتي اول مره اسمعها منك مش انت صاحبي ابدا عمرو صاحبي اللي من يوم ما شاف ريم و هو بيحبها و مخلص ليها عمرو اللي وقف بعلو صوته لما زعلها في وسط الناس و قالها بحبك عمرو اللي عمره ما غلط فيها و كان بيحاول يسعدها باي طريقه لكن للاسف جالك الشيطان اللي هيبعدك عن الملاك اللي بيحبك و بيخاف عليك يا خساره يا صاحبي

عمرو: مفيش حاجه في الدنيا تقدر تبعدني عن ريم و عمرو صاحبك لسه زي ما هو متغيرش

اسلام: بكره نشوف يا صاحبي ... علي فكره ريم شافتك و انت هيمان مع الست ايمان

عمرو و بدأ علي وشه علامات القلق و الضيق: ايه شافتني ازاي و انا ازاي مشفتهاش

اسلام: هو انت كنت فاضي مش بقولك جالك الشيطان اللي هيبعدك عن الملاك ربنا يهديك يا صاحبي



عمرو روح جري عشان يكلم ريم لكن مردتش عليه حاول مره و اتنين و في الاخر ردت

عمرو: ازيك يا حبيبتي وحشتيني اوي

ريم:ــــــــ

عمرو: ايه ياريم مبترديش عليا ليه؟

ريم: ارد عليك ليه ما انت خلاص لقيت اللي تحبك غيري و تسمعك

عمرو: تقصدي مين؟

ريم: هيكون مين الهانم اللي جتلها النهارده مخصوص في عز البرد عشان تشوفها ال و انا عبيطه و فاكره انك ـــــ ها

عمرو: انتي بتقولي ايه انا كنت جاي عشانك

ريم: انت كداب انت عارف كويس اوي ان ده مش معاد درسي

عمرو: ما هو انا ــــ انا سالت و عرفت

ريم: ماتحاولش تبرر اللي حصل و اللي شفته بعيني

عمرو: ريم متبقيش شكاكه زياده عن اللزوم انتي عارفه كويس اني بحبك

ريم: اللي اعرفه انك خدعتني ووعدتني بوعد وهم و الله اعلم بيحصل ايه تاني انت انسان ميتوثقش فيه

عمرو: لا كده كتير اوي انا مسمحلكيش تقولي عليا كده

ريم: ياااااه كمان محموق اوي و صعبان عليك اني اقولك كلمتين ابرد بيهم ناري و مش صعب عليك ريم مش صعب عليك حبيبتك انك تجرح كرامتها و تدوس عليها

عمرو: ريم انا هقفل عاوزه حاجه

ريم:

عمرو: عاوزه حاجه؟

ريم: ـــــــ

عمرو: سلام يا ريم

و قفل السكه في وشها و ريم انهارت

في نفس الوقت الست ايمان قاعده مع صحبتها اسماء و بيتكلموا في موضوع الجردل اللي وقع بكلمتين

اسماء: الا قوليلي اخبار الجردل ايه؟

ايمان: هههههههههه عمرو ده كميله خالص و الله ما كنت اتوقع انه كده

اسماء: عمل ايه و النبي ضحكيني شويه

ايمان: ههههههه خطتنا ماشيه تمام يا بت خلاص قرب يسيب البت ريم انا افكاري متنزلش الارض ابدا

اسماء: ازاي

ايمان: امبارح قلتله ان ماما و بابا مطلقين و اني ماليش غير اخ واحد عايش مع بابا و انا عايشه مع ماما و محتجالك اوي يا عمرو تقف جنبي و نفسي في اخ و صديق احبه و يحبني و يخاف عليا

اسماء: و دخلت عليه؟

ايمان: طبعا يا بنتي عيب

اسماء: هههههههههه يخربيتك ده انتي داهيه بس قوليلي انتي ليه عايزه توقعي بينهم

ايمان: و الله الموضوع مكنش في دماغي اصلا بس اصل قصتهم الدفعه كلها بتحكي فيها و بيحكوا علي حبهم الفظيع اوي و انا عايزه اثبت لكل البنات ان مفيش ولد ينوثق فيه ابدااااااااا

اسماء: طيب يا حبيبتي ربنا معاكي

ايمان: ههههههههههه يارب

دى البنت دى طلعت داهية هو فى بنات كدة الة يكون فى عونك ياريم

بجد بنوتة الجمجمه عندها ايه


شغالة اووووووووووووووووي


طب هي هتستفد ايه لم تعمل

كده


مستني الباقي يا قمر

جميله جدا وفى انتظار الباقى

الحلقه السادسه


فاتت ايام كتير و علاقه عمرو بريم ما بين الخناقات و الصلح لكن الخناقات كانت اكتر بكتير و علاقاتهم كانت كل يوم بتدهور و عمرو بدأ يقول دايما لريم انهم صعب يكونوا لبعض و انه لسه قدامه مشوار طويل بعد ما كان بيوعدها انه قبل ما يتخرج هيجيي و يتقدملها لكن الكلام كله اتغير و ريم كانت بتحاول ترجع عمرو زي زمان لكن ايمان مكانتش بتسبيلها فرصه لكده و كانت دايما بتقرب من عمرو اوي و تتحننله و تدلع عليه بطريقه سخيفه بتخلي عمرو يزيد في قربه منها و يبعد عن ريم
في يوم نتيجه الثانويه العامه
ريم: حبيبي عملت ايه؟
عمرو:باركيلي يا ريم باركيلي خلاص هحقق امنيه حياتي جبت 96% هندسه يا ريم هندسه
ريم: مبروك الف مبروك يا حبيبي
عمرو: الله يبارك فيكي يا حبيبتي و انتي عملتي ايه؟
ريم: لا يا عم انا مش قدك انا جبت93%
عمرو: كويس اوي حلوين ممكن تلحقي هندسه
ريم:[IMG]http://www.**********/vb/images/smilies/shock2.gif[/IMG]هندسه !! انا ادبي يا عمرو حتي دي كمان نسيتها؟!!
عمرو: اه اسف اوي يا حبيبتي معلش من فرحتي نسيت بس كويس اوي المجموع ده في ادبي هتدخلي حاجه كويسه ان شاء الله
ريم:ان شاء الله و اسلام عمل ايه و و و ايمان[IMG]http://www.**********/vb/images/smilies/11nk(2).gif[/IMG]
عمرو بفرحه عجيبه: ايمان دي طلعت حته بت و خبطت حته مجموع جابت 95.5%و ربنا كنت فاكرها فاشله و مش هتجيب حاجه بس طلعت باشا هي ناويه تدخل علوم اصلها علمي علوم انا قلتلها علوم صعبه اوي بس مجموعها مش هيجيب و لا صيدله و لا طب و و ........
ريم: خلالالالالالالالاص ايه انت ما صدقت اني سالتلك و كمان كلمتها قبل ما تكلمني هي وصلت للدرجادي يا عمرو
عمرو: ايه يا ريم انتي زعلتي انا و الله ما كلمتها هي اللي كلمتني
ريم: كلمتك كلمتها دي حاجه متهمنيش انا ماشيه عشان اتاخرت و لازم اروح
عمرو: اوك يا ريم و مبروك يا قمري الا قوليلي صحيح ناويه تدخلي ايه؟
ريم: لسه فاكر تسال عالعموم ربنا يسهل لما ابقي اعرف هبقي اقولك سلام
عمرو: اوك سلام
روحت ريم و كانت مخنوقه اوي من عمرو و من طريقه كلامه عن ايمان المستفزه اوي و اللي خلت دموعها تنزل علي خدها من غير ما تحس و هي ماشيه[IMG]http://www.**********/vb/images/smilies/sadd.gif[/IMG]
ـــــــــــــــــــــــــ ـــ
دخلت ريم كليه التربيه و مكنتش تتوقع ابدا انها تدخل كليه زي دي و عمرو دخل هندسه و شهنده اداب و اسلام سياحه و فنادق و الهانم ايمان دخلت علوم
عمرو كان دايما يتكلم كلام سخيف اوي عن كليه ريم و للاسف كان سبب اساسي في كره ريم للكليه و كل مره يشوف ريم و يمسك كتبها يقعد يتريق و يدايق ريم بكلامه
و في يوم قبل امتحانات الترم الاول باسبوع واحد اتصلت ايمان بعمرو
ايمان: عمور وحشتني اوي
عمرو: انتي وحشتيني اكتر ازيك عامله ايه
ايمان: مش كويسه ابدا يا عمرو تعبانه اوي و مخنوقه اوي
عمرو: ليه بس يا ايمان
ايمان: الامتحانات قربت اوي و بابا و ماما مبيبطلوش خناقات عليا ده عايزني اعيش معاه و دي عيزاني اعيش معاها انا زهقت منهم انا حاسه انهم واخدين الموضوع تحدي و محدش عايزني منهم
عمرو: ياه كل ده في قلبك ايمان متشغليش بالك و خليكي في مذكرتك دي اهم من اي حاجه و اهدي كده
ايمان: عندك حق يا عمرو تصدق انت الوحيد اللي بتهديني و بتعرف تخرجني من همومي ربنا يخليك ليا يا حبيبي
عمرو: [IMG]http://www.**********/vb/images/smilies/shocking.gif[/IMG][IMG]http://www.**********/vb/images/smilies/shocking.gif[/IMG]حبيبك
ايمان: انا اسفه يا عمرو معلش الكلمه طلعت غصب عني انا حاسه ان مش انا اللي نطقت قلبي هو اللي اتكلم
عمرو: قلبك !!! ايمان انتي ــــ
ايمان: ايوه بحبك اوي يا عمرو
عمرو:ــــــ
ايمان: انا اسفه انا عارفه انك مرتبط بس مش قادره اخبي مشاعري اكتر من كده
عمرو: ايمان ممكن تسبيني لوحدي دلوقتي
ايمان: اوك يا عمرو و انا اسفه
عمرو: لا متتاسفيش سلام
و قفل عمرو مع ايمان و هو مذهول من اللي حصل و راح اتصل بريم
عمرو: ريم ممكن تنزلي تقابليني دلوقتي انا مخنوق
ريم: دلوقتي يا عمرو [IMG]http://www.**********/vb/images/smilies/11nk(2).gif[/IMG] انا عندي امتحان عملي بكره و لسه مخلصتش
عمرو بعصبيه يعني ايه مش هتيجي تقابليني بقولك مخنوق[IMG]http://www.**********/vb/images/smilies/ranting.gif[/IMG]
ريم:خلاص هاجي بس نص ساعه بس
عمرو: ماشي مستنيكي
ريم: اووك باي
راحت ريم تقابل عمرو و كان مخنوق و زي ما يكون بيتلكك
ريم: ايه يا حبيبي مالك؟
عمرو: مفيش مخنوق شويه
ريم: من ايه؟
عمرو: الامتحانات قربت اوي و حاسس اني مش فاهم حاجه في اي حاجه
ريم: و مبتذاكرش ليه يا عمرو انت مكنتش كده
عمرو: الكتب صعبه اوي
ريم: دول 3 مواد
عمرو: مش عارف بس حاسس اني هسقط السنه دي
ريم: متقلش كده حرام عليك ده انت قدامك خمس سنين
عمرو: ربنا يستر..........النهارده ايمان كلمتني
ريم:[IMG]http://www.**********/vb/images/smilies/shocking.gif[/IMG] و بعدين
عمرو: عادي كانت مخنوقه فكلمتني
ريم: و انت بقي مخنوق عشان هي مخنوقه
عمرو: ايوه هنبتدي بقي في الموشح اللي مالوش لازمه
ريم: موشح[IMG]http://www.**********/vb/images/smilies/shocked.gif[/IMG]
عمرو: ايوه موشح ما انتي مبتبطليش كل لما اقولك ايمان تفتحيلي موشح هو انا ناقصك انتي كمان مش كفايه هي عليا كل يوم تكلمني و هي معيطه من اهلها
ريم: ناقصني و كمان تكلمك كل يوم و بعدين انت ازاي اساسا تقارني بيها
عمرو: بقولك ايه و حياه ابوكي ما ناقصك
ريم: [IMG]http://www.**********/vb/images/smilies/cry.gif[/IMG][IMG]http://www.**********/vb/images/smilies/cry.gif[/IMG]
عمرو: ايوه عيطيلي و اعمليلي الشويه دول اووووف انا زهقت انا ماشي
ريم: مع السلامه يا بشمهندس
مشي عمرو و ساب ريم واقفه مش عارفه تعمل ايه و لقت رجليها وخداها علي شهنده
شهنده: يالهوي مالك يا ريم
ريم: تعبت تعبت اوي يا شهنده
شهنده: ايه اللي حصل
حكت ريم لشهنده اللي حصل
شهنده: البت ايمان دي مش هتجيبها البر و عمرو ماشي وراها زي الجردل






ونكمل الحلقه الى جايه

الحلقه السابعه


ايمان: اسكتي يا بت يااسماء النهارده قلت للجردل اني بحبه ههههههههه
اسماء: لا و الله انتي بتتكلمي بجد
ايمان: اه و ربنا لسه قافله معاه من نص ساعه قبل ما اجيلك
اسماء: و بعدين احكي احكي
ايمان: قعدت ادلع عليه و اقوله اهلي و مش زمالك و في الاخر قلتله ربنا يخليك ليا يا حبيبي هههههههههه
اسماء: هههههههههه و هو قالك ايه؟
ايمان: استغرب اوي و بعدين قالي ايمان ممكن تسبيني لوحدي
اسماء:ههههههههه كده هيقلبلك يا فالحه
ايمان: لا مين دي اللي يقلبلها بكره هتشوفي ان ما جالي زحف مبقاش ايمان الغزاوي
اسماء: لما نشوف
ـــــــــــــــــــــــــ ــــ
و في الناحيه التانيه عمرو قاعد لوحده مبسوط و زعلان في نفس الوقت و مش فاهم هو عايز ايه او هيعمل ايه لكن قرر يهتم بمذاكرته و يشيل المواضيع دي من دماغه مؤقتا لحد لما الامتحانات تخلص لكن ايمان مكنتش بتسيبه في حاله و كل يوم تكلمه و لحد دلوقتي هو مفتحش معاها موضوع الحب ده
في يوم في وسط الامتحانات و لما لاقت شهنده حاله صاحبتها بتدهور و هي في ايام امتحانات و مش قادره تركز في حاجه خالص قررت تتصل بعمرو و تشوف ايه الموضوع و ليه كبر اوي كده و اتفجأت برد فعل عمرها ما كانت تتخيله من عمرو
شهنده: عمرو ازيك
عمرو: اهلا شهنده ازيك
شهنده: الحمد لله ايه يا عمرو للدرجادي الخلاف كبر بينك و بين ريم انت بقالك اكتر من اسبوعين مبتكلمهاش
عمرو: انا معملتش حاجه لريم و بصراحه تعبت من تصرفاتها و شكها فيا عمال علي بطال
شهنده: انت شايف انه عمال علي بطال
عمرو: شهنده بقولك ايه هي مش طلباكي انتي كمان بصي من الاخر كده انا معدتش عاوز ريم قوليلها عمرو بيقولك انسيه معدتيش تتصلي بيه تاني
شهنده اتفجأت بالكلام لكن طلعت بت جدعه و عرفت ترد عليه: ههههههه و مين قالك اساسا انها بتفكر فيك و لا كانت ناويه تتصل بيك تاني انت مغرور اوي علي فكره و فاكر نفسك حاجه و بصراحه متستاهلش ضفر ريم
عمرو: و الله طيب يا ست شهنده متشكرين عاوزه حاجه
شهنده: و هعوز ايه منك يعني سلام
عمرو: سلام
شهنده النار قادت جواها و مش عارفه تقول ايه لصاحبتها و لا هتعمل ايه في الموقف ده ريم عايزه تتصل بعمرو و تصالحه و تتأسفله و انا قلتلها استني شويه علي اساس اني اكلمه و اهديه من ناحيتها لكن كده مينفعش مينفعش تتصل بيه ده انسان ندل و حقير انا لازم مقولش لريم الا لما الامتحانات تخلص و في نفس الوقت امنعها انها تكلم البني ادم ده
و في يوم كانت ريم راجعه من الامتحان و عدت علي شهنده
شهنده: ازيك يا ريم عملتي ايه في الامتحان
ريم: اهه زي اللي قبله و سكتت ريم و الحزن مالي عنيها
شهنده: مالك يا ريم انتي محلتيش كويس
ريم: انا عايزه اكلم عمرو يا شهنده
شهنده: تاني يا ريم مش اتكلمنا في الموضوع ده قبل كده
ريم: مش قادره حاسه انه تعبان و مش بيذاكر كويس و كمان انا كنت عصبيه اوي معاه
شهنده بعصبيه: بطلي الهبل اللي انتي فيه ده و فكك بقي من البني ادم ده ده ميستهالكيش
ريم: ليه بتقولي كده انتي كلمتيه يا شهنده؟
شهنده: ـــــــ
ريم: كلمتيه صح قالك ايه اتكلمي اتكلمي يا شهنده عشان خاطري
شهنده: مش هقولك حاجه يا ريم الا بعد الامتحانات ما تخلص
ريم بدأت تفهم اللي حصل و تنحت لشهنده و قالتلها:اتكلمي يا شهنده دلوقتي انا مش همشي من هنا الا لما تقولي
شهنده: مقدرش يا ريم انتي في فتره امتحانات و مينفعش
ريم: خلاص فهمت كل حاجه
شهنده: فهمتي ايه؟
ريم: قولي يا شهنده الكلام اللي قالهولك عمرو بالظبط انا فهمت خلاص كل حاجه هو مش عايزني تاني صح؟
شهنده حطت وشها في الارض و مقدرتش تنطق و لا كلمه
ريم: عادي انا كنت متوقعه كده و هو اساسا خلاص مبقاش في بالي انا هخرجه من حياتي للابد خلاص انا مش عيزاه تاني
شهنده: ريم انا مش عايزه الموضوع ده ياثر علي امتحاناتك ذاكري يا ريم و انجحي بينيله انه و لا حاجه و لا فراقه اثر فيكي
ريم: ان شاء الله..انا همشي بقي عايزه حاجه
شهنده: خلي بالك من نفسك
ريم: حاضر باذن الله سلام
روحت ريم و كان بقالها خمس مواد لسه هتمتحن فيهم و مش قادره تصدق و لا تستوعب ان عمرو يطعنها طعنه زي دي و في وقت زي ده و كانت بتمسك الكتاب و مش شايفه و لا مركزه في حاجه ابدا و كانت بتدخل كل امتحان مش شايفه الورقه و مش عارفه تركز و لا تكتب حاجه
ـــــــــــــــــــــــــ ـــ
خلصت فتره الامتحانات و كانت ريم بقدر الامكان بتحاول تتماسك و مبتبينش حزنها لحد حتي اقرب الناس ليها شهنده و ندي صاحبها و كانت دايما تقول انها اساسا حاسه ان عمرها ما حبت عمرو و انه كان مجرد وهم و راحت ايامه و عدت


و في الناحيه التانيه عمرو بدأت علاقته تزيد بايمان و يحكيلها علي كل حاجه في حياته كمان قالها انه بدأ يتشد ليها و انه خلاص ساب ريم و ايمان كانت فرحانه و طايره و مستنيه الوقت المناسب اللي تضرب فيه عمرو الضاربه القاضيه و جيه اليوم ده لما اتفقت ايمان انها تقابل عمرو في كليته و قالتله انه هتجيله الساعه 10 و راحتله 11 و نص و

داخله علي عمرو و حاطه ايدها في ايد رامي
رامي ده من نوعيه ايمان اللي بيخطف و يجري و بعد كده يرمي ضحيته
عمرو باندهاش فظيع: مين ده يا ايمان ؟
ايمان: ده رامي صاحبي و زي اخويا بالظبط
عمرو: صاحبك
ايمان: ايوه صاحبي زيك كده يا عمرو ماانت صاحبي برده و زي اخويا
عمرو: ايه انتي بتقولي ايه صاحبك ايه و اخوكي ايه انتي مش قلتيلي انك بتحبيني
ايمان: هههههههههههه ايوه طبعا يا عموري بحبك بس زي اخويا
عمرو مسكها من ايديها بعنف و كان اول مره يمسك ايديها:انتي اتجننتي انتي مش عارفه انا مين ده انا اولع فيكي ده انا افضحك انتي انسانه ندله و حقيره
ايمان: اوعي كده سيب ايدي انت مجنون
رامي: جري ايه يله ماتحترم نفسك انت مش شايفها ماشيه مع راجل
عمرو: يله في عينك يا زباله منك ليها
رامي: زباله طب و حياه امك لاوريك
و قامت خناقه جامده بين عمرو و رامي و انتهت بفتح راس عمرو بطوبه خبطها بيه رامي كل ده و ايمان واقفه من بعيد تضحك هي و صاحبتها اسماء علي المنظر و فضحته في الجامعه كلها و قالت انه كان بيتخانق عليها هو وواحد صاحبها
و نكمل الحلقه الجايه

بجد يستهل عشان سب ملاك


وراح لهلاك


ودايما اللي يجري وراء الهلاك يستهل دموع الايام

الحلقه الثامنه

عمرو: اه يا رأسي ربنا ياخدك يا ايمان و ينتقم منك

اسلام: بصراحه تستاهل

عمرو: ايه يا عم انت النداله دي انت فرحان فيا

اسلام: لا اكتر من اني فرحان فيك انك صعبان عليا اوي يا صاحبي خسرت ريم عشان واحده متسواش و ادي النتيجه

عمرو: ريم ايه اللي خلاك تفكرني بس حرام عليك

اسلام: يعني عاوز تفهمني انك بتنساها

عمرو: و لا بتغيب عن بالي لحظه انا قلبي واجعني اوي نفسي اسمع صوتها وحشتني

اسلام: كلمها

عمرو: اكلمها!!!

اسلام: ايوه كلمها و اعتذرلها

عمرو: اعتذرلها لا طبعا انا معرفش اعتذر لحد

اسلام: يووووه علي ام الغرور خلاص اتفلق و اخبط الناحيه التانيه من دماغك في الحيطه

عمرو: ما هو مش كده بس يا اسلام انا غلطت في حقها و جرحتها جامد تفتكر هتقبل ترجعلي

اسلام: جرب هتخسر ايه؟

عمرو: ايوه هخسر لو رفضت ترجعلي هخسر كرامتي يا اخي

اسلام: يووووووووه مفيش فايده بص انا قايم ماشي انت مش هتتغير ابدا

عمرو: هتسبني لوحدي

اسلام: مش في ايدي حاجه اعملهالك انت مهما حصل فيك هتفضل برده عمرو المغرور اللي مش شايف غير نفسه ربنا يهديك يا صاحبي سلام

و مشي اسلام و ساب عمرو لوحده محتار يكلم ريم و لا ميكلمهاش و خطرت علي باله فكره و بدأ في تنفيذها

الفكره اللي خطرت في بال عمرو انه يبعت ماسج لريم يفتح معاها كلام من جديد و هيجيي علي كرامته شويه و يعتذرلها و يبقوا اصدقاء لفتره و بعد كده واحده واحده يرجعوا لبعض ده لو ريم ردت علي الماسج لو مردتش يبقي خلاص غروره و كرامته متسمحلوش يتحايل علي حد اكتر من كده حتي حبيبته

نفذ عمرو بدايه خطته و بعت ماسج لريم كان ده نصه
(( ازيك يا ريم انا اسف اني زعلتك مني بس كان غصب عني و ياريت نرجع نتكلم تاني مع بعض و المهم انك متكنويش زعلانه مني))

وصلت الماسج لريم و كانت مسحت رقم عمرو خالص و قررت انها مش هترجعه تاني ابدا مهما كانت الاسباب قرت ريم الماسج و عنيها دمعت و افتكرت كل اللي عمله فيها و كانت بين امرين يا اما ترد علي رسالته او متردش و تخليه يغلي و هي عارفه يعني ايه كرامه عمرو

لكن عشان كمان كانت فاهمه عمرو كويس و عارفه اللي في دماغه و خصوصا بعد ما سمعت بحكايه ايمان و اللي حصل قررت ترد علي رسالته و ردت برساله
(( لا ابدا يا عمرو انا مش زعلانه و انا و انت ممكن نبقي اصدقاء و اخوات كويسين اوي و لو احتاجتلك في حاجه هبقي اتصل بيك باي))

الرساله دي علي قد ما حرقت دم عمرو و خلته بيغلي من جوه الا انها اديته بعض الامل ان ريم ممكن مع الايام ترجعله

مرت ايام كتير و عمرو كان كل شويه يتصل بريم و هي مكنتش بتكلمه طبعا زي الاول و مش مستحمله منه اي كلام لحد لما جيه وقت نتيجه الترم الاول

شهنده و ريم نازلين الجامعه عشان يشوفوا النتيجه و ريم مرعوبه و حاسه ان في مصيبه

ريم: انا خايفه اوي يا شهنده مرعوووبه حاسه اني شايله بتاع خمس ست مواد

شهنده: ليه يا بنتي ان شاء الله خير

ريم: مش هقدر ابدا اروح اشوفها روحي انتي يا شهنده شوفيلي نتيجتي

شهنده: حاضر ماانا بشتغل عندك

ريم : معلش بقي مش انا ريمو حبيبتك

شهنده: ايوه ادلعي عليا يا اختي و ثبتيني بكلمتين حاضر يا ريمو استني هنا

راحت شهنده تشوف نتيجه ريم و للاسف طلع عندها اربع مواد شيلاهم و معرفتش ترجع تقول ايه لريم ووشها كان جايب الوان

ريم: ااااه وشك ميطمنش بشريني

شهنده: يلا و هقولك في الطريق

ريم: لا قولي دلوقتي ماانا عارفه اللي فيها كام ماده

شهنده: اممممم اربعه

ريم:
شهنده: ايه خلاص اللي حصل حصل و انتي كنتي حاسه ان هيحصل كده

ريم: هروح ازاي و هقولهم ايه في البيت؟؟!!

شهنده: معلش يوم و هيعدي و هيهدوا بس استحملي اللي هيحصل النهارده و ان شاء الله هينسوا و تتعوض في الترم التاني

ريم: تتعوض هو اللي راح بيتعوض ربنا يستر

روحت ريم و طبعا خدت طريحه تزعيق و شتيمه محترمه من مامتها و باباها و تريقه اخواتها و طبعا كانت منهاره في يومين النتيجه دي و بعد يومين و لسه زوبعه النتيجه مخلصتش في البيت و لقت نمره عمرو بترن عليها ريم اول ما شافت نمرته كان نفسها تكسر الموبايل لان عمرها ما هتنسي ابدا انه كان سبب في اللي حصل و اللي هيحصل بعد كده

ريم: اوف عايز ايه ده
و ردت عليها بقرف فظيع

ريم: نعم

عمرو: ازيك يا ريمو

ريم: ريمو !!!زي الزفت عاوز ايه؟

عمرو: ايه يا ريم في ايه ؟

ريم: في اني مش طايقه دبان وشي و مش عايزه حد يكلمني بصراحه

عمرو: و الله طيب يا ست ريم عالعموم انا اللي غلطان اني كنت متصل اطمن علي نتيجتك

ريم: ههههههههه عاوز تعرف نتيجتي شايله اربع مواد بس حلوه صح تاخد حته

عمرو: يالهوي اربعه ليه ياريم بس

ريم: يالهووووووووي مش عارف ليه عمرو سلام سلالالالالالالالام

و قفلت في وشه السكه و قعدت تعيط بانهيار و تكلم في نفسها

يعني مش عارف مالي بيستعبط مش عارف انه هو السبب في اللي بيحصل ده مش عارف انه دمرني انا بكره ده انسان حقير و بارد و مغرور بكرهك يا عمرو بكرهك


و نكمل الحلقه الجايه و مستني رايكوا

و علي فكره الحلقه الجايه هتبتدي احداث ممكن تستغربوها متكتبتش في اي قصه قبل كده......وبجد هتبقى حلقه مهمه اوووووووووووى
و من الحلقه الجايه هيظهر معانا شخصيه جديده((مازن))
و ده انسان محترم اوي هيظهر لريم في الوقت الصح عشان يخفف عنها لكن ـــــــــــــ

استنوني و مستني رايكوا في الحلقه

عشان اتاخرت عليكم فى الحلقة الى فاتت حلقة تانية اهى
الحلقه التاسعه

ريم من يوم اللي حصلها و من يوم ظهور نتيجتها و هي تقريبا متحطمه و حاسه انها ضايعه و مكنتش قادر تفكر في اي حاجه و لا قادره تسمع اي كلام من حد مكنش قدامها غير اللاب توب بتاعها المسلي الوحيد ليها
ريم واخده دوره في الكمبيوتر و بتفهم فيه كويس اوي و كانت دايما بتلاقي اللي يسليها و يضيع وقتها لكن بدأت تزهق و قررت انها تجرب الشـــات
ريم كانت بنت عاقله و عارفه يعني ايه شات كمان كانت عارفه مخاطره بس قالت اجرب مش هخسر حاجه و مش هتفرق لاني عمري ان شاء الله ما هعمل حاجه تغضب ربنا لا عن طريق الشات و لا عن طريق غيره

دخلت ريم عالم الشات و شافت كتير و عرفت شبابو اتكلمت معاهم في منهم اللي كان بيخفف عنها و يفرحها و في منهم اللي مش محترم و النوعيه دي كانت بتعبد عن الكلام معاهم و تتجنبهم تماما

في يوم كانت قاعده في قمه زهقها و دخلت شات و قعدت تتفرج علي اللي بيكتبوا و تستغرب من كلامهم و تضحك مع ضحكهم و في وسط الاسامي لقت اسم شد انتباهها شخصيه متكلمه خفيفه الظل كمان بيتميز الي حد ما بالغرور مش عاجبه حد و لا فارق معاه كلام حد قررت تسلم و تبدا الكلام معاهم بالسلام
لم بنتيه الي سلامها احد منهم سوي(( انا مش فاهمني))
و ده كان الاسم المستعار الذي اختاره مازن لنفسه للدخول به الي الشات

مازن شخص محترم يتميز بالتلقائيه و الحنيه و الكرم كل اصدقائه يعشقونه لحسن خلقه و صفاته الممتازه كما انه يتميز بعقليه خرافيه و ذكاء غير عادي و يتميز ايضا بحسن تصرفه في الامور بهدوء و حكمه شديده

بدء الحوار بين مازن و ريم في وسط مجموعه من الشباب و البنات الذين يتحدثون في جميع المجالات ريم كانت داخله باسم اسيره الاحزان و هو الاسم الذي اختارته لنفسها بعد كل ما مرت به من ازمات


اسيره الاحزان: السلام عليكم و رحمه الله و بركاته

انا مش فاهمني: و عليكم السلام و رحمه الله و بركاته اهلا يااسيره الاحزان ازيك

اسيره الاحزان: الحمد لله بخير ازيك انت ياانت مش فاهمك

انا مش فاهمني: ههههههههه تمام الحمد لله رب العالمين انتي منين بقي

اسيره الاحزان: بلاد الله واسعه

انا مش فاهمني: عندك حق بقولك ايه ممكن نتكلم انا و انتي بس

اسيره الاحزان: ازاي يعني مش فاهمه

انا مش فاهمني: لا متفهمنيش غلط انا اقصد هنا برده بس لوحدنا بعيد عن الجيش ده

اسيره الاحزان: اه اوك مفيش مانع

انا مش فاهمني: قوليلي بقي انتي اسمك ايه

اسيره الاحزان: اسمي اسيره الاحزان

انا مش فاهمني: اه مش عايزه تقولي اسمك اوك و انا مش هغصبك علي كده انا اسمي مازن

اسيره الاحزان: اسمك جميل اوي

انا مش فاهمني: ربنا يخليكي ده من زوقك ...طب ممكن اعرف انتي منين و لا دي ممنوعه

اسيره الاحزان: انا من دمياط و انت؟؟

انا مش فاهمني: اممممم لا انا من بعيد اوي

اسيره الاحزان: من الصعيد الجواني مثلا

انا مش فاهمني: هههههههه مش اوي كده اقرب شويه

اسيره الاحزان: اوووووبس يعني انت صعيدي بجد

انا مش فاهمني: ايهمالك اتخضيتي كده ليه هما الصعايده وحشين

اسيره الاحزان: لا ابدا مقصدش و الله دول اجدع ناس طبعا

انا مش فاهمني: اتريقي اتريقي ياختي انا اساسا مش مستني رايك غصب عنك هما اجدع ناس
اسيره الاحزان: هههههه خلاص و الله اجدع ناس يا عم متزعلش نفسك

انا مش فاهمني: ههههه طيب ماانا عارف .....قوليلي بقي ليه اسيره الاحزان يااسيره الاحزان

اسيره الاحزان: لاني فعلا اسيره الاحزان يمكن فرحتي نادر لما تقابلني و لو قابلتني بتبقي صدفه بتعدي بسرعه و كانها مش من حقي

انا مش فاهمني: يااااااااااه ده انتي فعلا حزينه اوي بس الدنيا مش مستاهله يابنتي الحزن ده كله

اسيره الاحزان: اهه نصيبي هعمل ايه... و انت بقي ليه مش فاهمك

انا مش فاهمني: لاني فعلا مش فاهمني انسان غامض حتي علي نفسي و محتاج حد يفسرني و مش لاقيه

اسيره الاحزان: هههههههه حلوه

انا مش فاهمني: انا مبهزرش علي فكره

اسيره الاحزان: و انا مبتريقش علي فكره

مستني الباقي يا قمر


نفسي اعرف ايه النهايه بسرعه

روحت ريم و دخلت علي اللاب توب علي طول و اول ما فتحت اميلها لقت مازن فاتح

اترددت تفتح معاه هي الكلام و فضلت ساكته فات دقيقه اتنين و خمس دقايق و فجاه

مازن: ايه يا ست ريم طب ارمي السلام

ريم: ايه ده انت فاتح سوري يا مازن مخدتش بالي

مازن: لا يا شيخه علي اساس ان اميلي ده خيال و لا يكنش انا اوف لاين و انا مش واخد بالي

ريم استغربت اوي من الداخله اللي داخلها فيها مازن و عماله تكلم نفسها ماله ده بيكلمني كده ليه

ريم: ايه يا مازن مالك يا ابني داخل فيا شمال كده ليه عالعموم انا اسفه

مازن: ههههههههه يا هبله انتي زعلتي و لا ايه يا بت

ريم اخدت نفس عميق : يخربيتك وقعت قلبي انا افتكرتك زعلت بجد و مش هتكلمني تاني

مازن: مش بقولك هبله ازيك عامله ايه؟

ريم: الحمد لله تمام و انت؟

مازن: تمااااام الحمد لله مفتحتيش ليه بعد صلاه العصر انا فضلت مستنيكي

ريم: لا صليت و قلت اخرج شويه

مازن: اممممم خرجتي تتفسحي ايوه يا عم محدش قدك

ريم: لا و الله ابدا انا روحت لصحبتي

مازن: اسمها ايه صحبتك؟

ريم: و انت مالك

مازن: الله الله اتعلمتي تردي اهه يا لكمه

ريم: ـــــــــــــ

مازن: ايه مبترديش ليه انتي زعلتي

ريم: لا ابدا بس مستغرباك شويه

مازن: ههههههه عشان داخل فيكي شمال و بكلمك و كاني عارفك من سنين صح؟

ريم: صح

مازن: انا كده مع كل الناس اكلم اي حد من اول مره اخد عليه و اعتبره صاحبي و اكلمه كده بس لو هتزعلي يبقي بلاش و اكلمك ميري ها ايه رايك

ريم: لا ابدا مش زعلانه خالص انا كمان بحب كده بس استغربت لاني لسه عرفاك النهارده بس لكن عادي مش زعلانه و لا حاجه

مازن: طب تمام كويس انك بتحبي كده اصل انا معرفش اتكلم ميري خالص

ريم: لا يا سيدي عك براحتك

مازن: انا عكاك يا بت انتي يوم ما تنطقي تشتمي عمك مازن

ريم: عمي يا عم روح ال عمي ال

مازن:انتي تطولي اني ابقي عمك ده ايه العيال دي انا غلطان اني بكلم عيال

ريم: عيال!!!

مازن: تااااااااااني يا بت خليكي منعنشه بقي متبقيش كده

ريم: ماشي يا عم المنعنش

مازن: تصدقي نسيت اسالك عندك كام سنه

ريم: 17 و نص في اولي جامعه كليه زباله كده اسمها تربيه تسمع عنها

مازن: ايه الرغي ده كله ايوه يا ستي عارفها هو انا من بوركينا فاسو

ريم:هههههههه طب و انت؟

مازن: احم احم انا عمك مازن 18 سنه و نص برده في تانيه تجاره و لا عيب كره مستقبلا ان شاء الله

ريم: يا راجل بتلعب كوره فين في الشارع طبعا في الخرابه الا ورا بيتكوا صح

مازن: الخرابه دي تلعبي فيها انتي ال خرابه ال انا في فريق كبير يا امي

ريم: الاهلي؟؟؟؟؟

مازن: اهلي ايه بس و زمالك ايه بس الله يسامحك لا يا ستي مش قوي كده هو فريق في الصعيد عندنا بس ساعات بيتحط في قايمه الدوري يعني و بدون ذكر اسماء مش عاوز افتكر

ريم: امممممممم اوك بلاش ذكر اسماء " و مش ناوي تفوت عالاهلي في طريقك ده بيقولوا بيقولوا يعني انه فريق كبير

مازن: يااااااااااااااريت من بقك لباب السما ياختي قولي يارب

ريم: ان شاء الله شكلك لعيب شاطر

مازن: بيقولوا كده بس الواسطه عامله عمايلها معانا

ريم: ازاي؟

مازن: يعني عشان اتنقل لفريق كبير عاوز واسطه كبيره

ريم: و انت معندكش واسطه؟

مازن: عندي بس ان جيتي للحق مش عاوز استعمل الواسطه الا لو يأس خالص انا عايز مجهودي هو اللي ويديني فريق كبير زي الاهلي مش واسطه

ريم: و الله كويس اوي مفيش حد زيك كده دلوقتي

مازن: لا في كتير بس انتي مبتدوريش

ريم: جايز

مازن: قوليلي بقي انتي مرتبطه ؟؟

ريم اتفجات بالسؤال و فكرت شويه و بعد كده قالت: لا

مازن: تمااااااام و لا كنتي

السؤال ده وقع علي ريم و كانه حجر طوب شلها عن الكلام و الحركه لكن تمالكت اعصابها و كان ردها: برده لا

مازن: تمام تمام

ريم: و انت؟

مازن: لا انا كنت مرتبط

ريم: اممممم و هي اللي سابتك و لا كالعاده الولاد هما اللي بيخونوا و يخدعوا

مازن: ليه يعني دايما انا مسبتهاش علي فكره هي اللي للاسف سابتني و مش عارف ليه لحد دلوقتي

ريم: طب احكيلي و لا مش عاوزني اقلب المواجع

مازن: مواجع ايه لالالا خالص بصي يا ستي اولا انا ملحقتش احبها اساسا انا بس كنت معجب بيها يعني كانت جميله و شخصيه كويسه و محترمه بس فرحت قلتلها انا معجب بيكي قالتلي و انا كمان معجبه بيك بس و ارتبطنا فتره و الله ما كملت شهر و لقتها جايه تقولي انا اسفه يا مازن مش هقدر اكمل سامحني و قالتلي كلمه عمري ما هنساها ابدا

ريم: كلمه ايه؟

مازن: قالتلي انا اسفه يا مازن انا هروح و هسيبك بس عارفه ان لو لفيت العالم كله مش هلاقي حد زيك

ريم: امممم غريبه طب ليه سابتك

مازن: مش عارف مسالتهاش و مفكرتش اسالها فكك بقي من الموضوع ده

ريم: انت ادايقت اني فكرتك

مازن: لا ابدا يا بنتي بقلك انا ملحقتش احبها ده كان مجرد اعجاب

ريم: اوك ربنا يعوض عليك

مازن: يارب" كلميني بقي شويه عن نفسك

ريم: بنت عاديه اوي عايشه في الدنيا ضيفه لحد لما يخلص عمري عشان ارتاح في قبري

مازن: يا ساتر يارب ايه يا بنتي الياس ده يخربيتك

ريم: لا مش ياس و لا حاجه ده الواقع

مازن: بس شكل في حاجه كبيره اوي حصلتلك و مخلياكي كده

ريم اتهربت من السؤال بصتعه لطافه: ها و انت كلمني عن نفسك شويه شكلك مصيبه

مازن:امممم بتهربي من كلامي طيب انا مش مصيبه و لا حاجه و الله انسان عادي بحب الناس كلها و بحب اخدم الناس و اشوفهم فرحانين ليا 3 اخوات بنيتن وولد و ليا 5 اصحاب انتيم زي العسل كلهم زيي كده بس شفتي الكلام الموزون مش قبري و ضيفه يا معقده
ريم: هههههههه ماشي انا عندي اخ واحد علي فكره و صاحبتين انتيم

مازن: و حد سالك

ريم: ايه الرخامه دي

مازن: بت احترمي نفسك ايه ايه سكتناله انا صعيدي يا بت و مقبلش حد يكلمني كده اه حتي لو البت ريم

ريم: اه صح فكرتني انت بتتكلم صعيدي زي اللي في التلفزيون كده

مازن: تؤ يا بنتي الدنيا اتطورت و بعدين انا عايش في محافظه و مركز كبير و مش كل الصعايده دلوقتي بيتكلموا زي اللي في المسلسلات العربي دول كمان انا حياتي كلها سفر بسبب الكوره يمكن شهر و لا اتنين اللي بقضيهم في بيتنا و الباقي سفر و غربه انا نص حياتي من و انا في اعدادي في القاهره و اليكس

ريم: اممممممم و الله كويس

مازن : ماانا عارف انا ممكن اقفل بقي يا حاجه الواد احمد عمال ينده بقاله ربع ساعه في الشارع و انا عامل مش سامع

ريم: احمد مين

مازن: انتي لسه هتسالي احمد صاحبي عاوزه حاجه طب وفرتي سلام لا اله الا الله

ريم: ههههههههه محمد رسول الله

و قفلوا و الكلام لسه مخلصش ما بينهم
تاني يوم ريم لقت موبايله بيرن نمره مين عمرو

ريم: اوووووه و بعدين بقي ده مبيغلبش

ردت عليه

ريم: الو

عمرو: الو ازيك يا ريمو

ريم: الحمد لله

عمرو: اخبار شهنده ايه؟

ريم: انت عاوز ايه يا عمرو

عمرو: انا متصل اطمن عليكي مش اكتر

ريم: امممم طب انا كويسه الحمد لله تمام اوي

عمرو: يارب دايما

ريم: ان شاء الله هيبقي دايما

عمرو: اوك يا ريم ان شاء الله ممكن اسالك سؤال؟؟


و نكمل الحلقه الجايه

بسرعه ان مستني الحلقه التانيه يا قمر

الحلقة 11

عمرو: انا متصل اطمن عليكي مش اكتر

ريم: امممم طب انا كويسه الحمد لله تمام اوي

عمرو: يارب دايما

ريم: ان شاء الله هيبقي دايما

عمرو: اوك يا ريم ان شاء الله ممكن اسالك سؤال؟؟

ريم: اتفضل

عمرو: لو طلبت منك اننا نرجع تاني زي الاول هتقبلي ترجعيلي يا ريم؟

ريم:ــــــــــــــــــــ

عمرو: اول مره مفهمش سكوتك " هتقبلي يا ريم؟؟؟؟

ريم: لو انت مكاني هتقبل

عمرو: انا عارف اني غلطت في حقك بس انا محتاجلك

ريم: و انا مكنتش محتجالك لما بعتني في اكتر وقت محتجالك تبقي جنبي فيه

عمرو: غلطه و مش هتتكرر تاني ابدا

ريم: تفتكر

عمرو: صدقيني انا عارف انك لسه بتحبيني و انا بحبك اوي لازم تصدقيني

ريم: لا يا عمرو انا اسفه مستحيل هقدر ارجعلك انت بعتني و دوست علي كرامتي و اللي يبيع مره يبيع مليون مره و اللي يدوس علي كرامته الناس بتدوس عليه و انا معنديش استعداد اتباع منك تاني و لا عندي استعداد الناس تدوس عليا

عمرو: انا عمري ما هكرر الغلطه دي تاني بقلك محتاجلك اوي كل الناس باعوني محدش واقف جنبي حاسس اني لوحدي و تعبان تعبان اوي يا ريم اوي

ريم: انت اللي اخترت البعد لو كانت الدنيا كلها باعتك و فارقتك ريم حبيبتك مستحيل كانت هتعمل كده لكن انت اللي رمتها و بعتها و جرحت قلبها اللي كان بيعشقك بس احب اعرفك ان ريم الساذجه بتاعت زمان اللي كنت بتثبتها بكلمتين ماتت خلاص و اتولدت ريم جديده متقبلش الاهانه حتي منك انت يا عمرو و احب اعرفك انك كنت سبب اساسي في قسوتي عليك دلوقتي مش بس لانك بعتني كمان لانك علمتني ان كرامه الانسان فوق اي اعتبار و ان ممكن يدوس علي كل حاجه الا كرامته مش هو ده كلامك يا بشمهندس

عمرو: انا اسف يا ريم بس انا مش هيأس انا عارف انك تعبانه و مش طيقاني بس انا هسيبك فتره تريحي فيها اعصابك بعدها نبقي نتكلم من جديد

ريم: اه جايز ربنا يسهل" ممكن اقفل دلوقتي ماما بتنده عليا

عمرو: ها اه طبعا اتفضلي

ريم: سلام

قفلت ريم مع عمرو وكانت مرتاحه نوعا ما لانها طلعت كل اللي في قلبها و كل الكلام اللي كان نفسها تقوله لعمرو بدون خوف او تردد لكن في نفس الوقت كانت خايفه اوي لتحن لعمرو و ترجعله تاني

بس لا مستحيل هرجعلك يا عمرو اللي يبيع مره يبيع مليون و انت جرحتني هدوس علي قلبي لكن عمري ما هدوس علي كرامتي ابدا حتي لو بموت فيك

ـــــــــــــــــــــــــ ـــــــــــــــــــــــــ ـــــــــــــــــــــ

عمرو قفل مع ريم و كان مخنوق اوي و تعبان و قرر ينزل يروح لاسلام صاحبه

اسلام: مين عمرو ده انا قلت انك نسيت عنوان بيتنا

عمرو: بقولك ايه هي مش طلباك دلوقتي خالص انا مش طايق نفسي

اسلام: خير في ايه ايمان تاني؟

عمرو: يا اخي حرام عليك دي سيره تفتحها في وشي الله يحرقها مطرح ما راحت

اسلام: امال في ايه مالك؟

عمرو: ريم

اسلام: ريم!!!! مالها ريم انت كلمتها؟

عمرو: ايوه كلمتها

اسلام: و بعدين قلتلها ايه و قالتلك ايه احكيلي؟

عمرو: ها " مقالتش حاجه بس اللي فهمته من كلامها انها لسه بتحبني بس قلبها واجعها و زعلانه من اللي حصل مني

اسلام: انا نفسي اعرف انت بجد حبيتها و لا حبيت سيطرتك عليها و انها مبترفضش ليك طلب و تحت امرك في كل اوامرك

عمرو: انت بتقول ايه طبعا حبيتها لا كلمه حبيتها دي قليله عليها انا بعشقها بموت فيها بس اللي حصل غصب عني

اسلام: بتعشقها و تعمل فيها كده حرام عليك

عمرو: حرام عليك انت " انت ليه مصر تفكرني و تتعبني انا تعبان خلقه

اسلام: معلش بس اللي انت عملته مش شويه و هي عندها حق انها تزعل لانك جرحتها اوي يا عمرو

عمرو: اوووووووووه حرام عليك بقي ارحمني بص انا قايم ماشي

اسلام: هتروح فين بس؟

عمرو: مش عارف همشي و خلاص

مشي عمرو و فضل يلف و مش عارف رايح فين و لقي رجليه وخداه عند بيت ريم فضل واقف اكتر من ساعتين بيتمني انها تخرج تطل عليه طلتها الجميله و تبتسمله ابتسامتها الناعمه اللي بيعشقها و يشوف عنيها اللي بجد وحشته اوي

ياااااااااااه يا ريم وحشتيني وحشتيني اوي بجد نفسي اشوفك نفسي اشوف عنيكي وحشتيني

بدأت عنيه تدمع من كتر الاهات اللي جواه و خاف حد يشوفه و هو في حالته دي في الشارع و لما فقد الامل انها تخرج روح و كانت حالته وحشه اوي

ـــــــــــــــــــــــــ ـــــــــــــــــــــــــ ـــــــــــــــــــــــ

قربت امتحانات الترم التاني و ريم قررت تعوض اللي حصل في الترم الاول بانها تذاكر كويس و ده بعد تشجيع كبير اوي كانت بتاخده من مازن اللي بقي صديقها الصدوق اللي بيريحها بكلامه و اللي بقي الشخص الوحيد اللي بيقدر يخفف عنها كل همومها علي الرغم انه ميعرفش اي حاجه عن سبب حزنها

بدأت الامتحانات و طلب مازن من ريم ان في الفتره دي متشفش و متمسكش غير الكتاب و تمنع نفسها عن اللاب توب نهائيا لحد لما الامتحانات تخلص و بعدين يرجعوا تاني يتكلموا و هيبقي قدامهم الوقت كبير في الاجازه و كانت فرحانه اوي ان في حد بيخاف عليها و علي مصلحتها و بيشجعها كده و كانت بتنفذ كل كلامه و كمان كانت بتشجعه زي ما بيشجعها

بعد ما انتهت فتره الامتحانات ريم كانت حلت كويس اوي احسن بكتير من الترم الاول و كانت مطمنه و ما صدقت يعدي اخر يوم في الامتحان عشان تروح للاب توب بتاعها و تفتح اميلها و تكلم مازن تطمن عليه و علي امتحاناته لكن للاسف اميله مقفول
فكرت انه ممكن يكون لسه مخلصش امتحان و كانت بتستناه كل يوم و عدي اسبوع و اسبوعين و مازن مظهرش لما كانت هتموت من القلق و كمان الزهق لان مازن طلب منها متدخلش شاتات تاني و حذرها منها و هي وعدته بكده كمان وعدته انها تمسح كل الاميلات اللي علي اميلها و انها مش هتكلم حد تاني ابدا غيره

و كانت في يوم قاعده بتتصفح بعض المواقع و فجأه اميل مازن فتح و زي ما يكون هم تقيل و انزاح من علي قلبها و جيه اللي بيقدر يخليها علي الاقل تبتسم لكنها كانت زعلانه منه و قررت تعمل نفسها متعرفوش

مازن: السلام عليكم

ريم: و عليكم السلام نعم

مازن: انعم الله عليكي ازيك يا بت عامله ايه؟

ريم: انت مين و تعرفني منين عشان تقولي بت

مازن:[IMG]http://www.**********/vb/images/smilies/shocking.gif[/IMG][IMG]http://www.**********/vb/images/smilies/shocking.gif[/IMG][IMG]http://www.**********/vb/images/smilies/shocking.gif[/IMG] ايه يا ريم انتي نستيني انا مازن

ريم: مازن معرفش حد بالاسم ده

مازن: نععععععععععم

ريم: انعم الله عليك يا كابتن

مازن: هههههههههه يخربيتك انا قلت مسحتيني و نستيني يا بنت الايه عرفتي تضحكي عليا

ريم: ههههه و ليك نفس تضحك بالذمه مش انت واحد رخم و تدايق

مازن: معلش و الله انا عارف اني مقصر في حقك بس متزعليش مني الكابتن اتصل بيا اخر يوم في الامتحان و قالي لازم نسافر باليل القاهره و ملحقتش افتح و لا اكلمك لان مكنش فيه وقت خالص و الله

ريم: اااااه طب حمد الله عالسلامه

مازن: الله يسلمك يا قمر تصدقي وحشتيني

ريم:[IMG]http://www.**********/vb/images/smilies/shocking.gif[/IMG]

مازن: ايه طب قوليلي و انت كمان هو احنا مش اخوات يا بت و لا ايه

ريم: ماشي ياخويا و انت كمان

مازن: و انا كمان ايه

ريم: رخم

مازن: ههههههه ماشي يا عسل قوليلي عملتي ايه في الامتحان

ريم: تمام الحمد لله

مازن: بجد يعني هتعوضي الترم الاول

ريم: قول يارب

مازن: ان شاء الله" طبعا كنتي مبدعه في غيابي شات و ولاد و فله عليكي

ريم: علي فكره انا عمري ما خلفت وعدي مع حد حتي لو معرفوش و انا وعدتك اني لا هدخل شاتات تاني و لا هكلم ولاد تاني

مازن: بجد يعني مبقتيش تكلمي حد

ريم: مش هرد عليك انا قلت اللي عندي عايز تصدق صدق مش عايز براحتك


مازن : لا خلاص مصدقك معلش اصل انا شكاك اوي

ريم: عادي الحال من بعضه انا كمان شكاكه اوي

مازن : ههههه بصره علي فكره انا كنت حاسس انك هتنفذي الكلام بس كنت برخم عليكي

ريم: طب كويس انك عارف انك رخم

مازن : بت بت اتلمي و احترمي نفسك

ريم: طب ثواني في حته هناك اهيه هروح اجيبها

مازن: حته ايه؟

ريم: مش بتقولي اتلمي هروح المني و اجي

مازن: هههههههههه اتعلمتي الحاجات دي فين يخربيتك

ريم: تلميذتك يا معلمي

مازن: هههههههه " سمعتي اغنيه الفستان الابيض للعسيلي

ريم: اها تحففففه كنت قاعده انا و شهنده امبارح بنتكلم عنها و قلتلها اني نفسي يوم فرحي جوزي يغنيهالي

مازن: انتي مين؟

ريم: مين ايه انت بتكلم حد تاني؟

مازن: لا انت انتي مين؟

ريم: سلامتك يا كابتن انا ريم

مازن: بتهرجي انت احمد صح

ريم: مازن في ايه؟

مازن: قول بس انت احمد صح قول و الله يا عم ما هزعل بس قول

ريم: لا ده انت اللي بتهرج بقي في ايه بجد؟

مازن: طب بلاش انتي صاحبه ريهام اختي صح ماانتي هتقولي انتي مين يعني هتقولي مش هسيبك

ريم: سلامتك يا عمرو انا ريم و بعدين انت ناسي انك عرفتني من الشات

مازن: بجد انا مستغرب اوي سوري يا ريم اصل ــــــــــ

و نكمل الحلقه الجايه و مستنيه رايكوا في الحلقه

يا ريت تنزل الحلقة الجاية بسرعة

الحلقه الثانيه عشر




ريم: سلامتك يا عمرو انا ريم و بعدين انت ناسي انك عرفتني من الشات

مازن: بجد انا مستغرب اوي "" سوري يا ريم اصل انتي بتقولي كنتي قاعده مع شهنده امبارح و بتتكلموا عن الاغنيه و قلتلها انك عايزه عريسك يغنيهالك يوم فرحك انا كنت ماشي مع احمد امبارح و قلنا نفس الكلام و الله و انا بلساني قلتله دي اغنيه تحفه انا لو اتجوزت واحده بحبها هغنيلها الاغنيه دي يوم الفرح و الله الكلام ده حصل و امبارح عشان كده شكيت انك ممكن تكوني احمد و بتلعبي بيا او بيلعب بيا مش عارف

ريم: ههههههههه غريبه اوي

مازن: لا ما هي المصيبه ان دي مش اول حاجه غريبه بتقوليها انا حاسس انك عايشه معايا كل حاجه تقريبا بتعمليها انا بعملها و كل صفاتك شبهه صفاتي انا مستغربك اوي يا بت انتي مين؟؟؟

ريم: تااااااااااني" ياابني و الله انا ريم

مازن: ماانا عارف يا ستي انك ريم طب بلاش مين طلعتيلي منين و ازاي عرفاني كده انا مش فاهم حاجه

ريم: و لا انا فاهمه بصراحه

مازن: انتي يمكن مش واخده بالك بس انا واخد بالي كويس انها مش اول مره نتفق في حاجه يمكن موضوع الاغنيه ده حاجه تافهه و بسيطه ممكن تعدي بس دي لو اول مره"" لكن فعلا ده كتير

ريم: طب يعني و دي حاجه وحشه اننا شبهه بعض؟

مازن: مش عارف... اقصد لا ..اه .. لا مش عارف انتي حيرتيني و انا اسف معلش عاللخبطه اللي عملتهالك دي

ريم: و لا يهمك

مازن من بعد ما اتعرف علي ريم و بعد فوات شهرين تقريبا علي كلامهم مع بعض اللي منقطعش و لا يوم غير ايام الامتحانات و ايام سفره لكن قدرت تشغل تفكيره بطريقه مرضيه لدرجه ان صحابه و اخواته بدأوا يلاحظوا عليه حاجات غريبه عمرهم ما شافوا مازن كده كمان بقي لازق في البيت علي طول مبيخرجش كتير مع انه مبيطقش قاعده البيت

و في يوم كان ماشي مع وليد صاحبه


وليد ماشي طول الطريق يرغي و يكلم في مازن و مازن مكنش معاه خالص

وليد: امبارح كان حته يوم فاتك نص عمرك كان في خناقه جامده موت في شارع سعد زغلول عارف الواد مصطفي" فضح البت اللي بتمشي معاه و اخوها جيه و ابن عمها و كان مولد ياابني طلع واد قليل الاصل واطي و الله كلنا كنا فاكرين انه بيحبها بجد دي لو اخته يرضي يعمل فيها كده

مازن في دنيا تانيه و عمال يكلم في نفسه
**ايه اللي بيحصلي ده انا ليه مشغول بيها كده ده انا لسه عارفها من شهرين و كمان لا شفتها و لا اعرف عنها حاجه طب ازاي مشغول بيها كده عملتي فيا ايه يا ريم ازاي مش قادر ابطل تفكير فيكي ازاي انتي شبهي في كل حاجه كده انا تعبت البنت دي غريبه فيها كل حاجه انا بتمناهاا في البنت الذكاء و الاخلاق و التدين الاحترام كل حاجه لا و ايه الحاجه اللي مكنتش لاقيها في اي بنت انها بتفهمني اوي و كلامها زي كلامي و صفاتها زي صفاتي طلعتيلي منين يا ريم ازاي مش قادر اخرجك من دماغي انا هتجن

يقاطعه وليد بصوت عالي بعد ما نده عليه خمس مرات و لا حياه لمن تنادي

وليد: مازن انت يله مازن ماااااااااااااازن وله

مازن و اخيرا حس بوجود وليد معاه: ايه في ايه فاتح جعورتك ليه حد قالك عليا اطرش

وليد: و حياه امك انا بقالي ربع ساعه بتكلم و انت مش معايا خالص و بقالي خمس دقايق بنادي عليك و مش سامعني مالك؟

مازن: ماليش
وليد: في ايه يله انطق و الله شكلك بتحب جديد

مازن: بحب بحب ازاي يعني لا طبعا احب مين

وليد: يخربيتك و الله شكلك واقع كمان لشوشتك احكي ياض اخلص

مازن: عارف انا اول مره في حياتي اعرف ان في حد شبهه حد في كل حاجه كده

وليد: يا راجل

مازن: هنبتديها تريقه من اولها هسيبك و امشي

وليد: لا خلاص مين اللي شبهك دي؟

مازن: هي ... هي مازن2

وليد: مازن2؟؟؟؟

مازن: ايوه مازن 2 انا بحس انها انا

وليد: طب هي مين و عرفتها ازاي و ازاي عرفت انها شبهك كده؟

مازن: من النت

وليد: نعم نت انت عبيط و لا بتسعبط؟

مازن: انا بتكلم بجد و الله عرفتها من النت من شهرين" حاسس انها ملاك اول مره اقابل حد بالعقليه دي و الصفات دي او يمكن انا مدورتش مش عارف بس دي غريبه اوي

وليد: طب شفتها؟

مازن: هشوفها ازاي يعني طبعا مبتوريش حد صورتها انا حتي مكلمتهاش و لا سمعت صوتها

وليد: لا يا شيخ لا كلمتها و لا شفتها و واقع علي بوذك من شويه كلام بتقراه بقي هو ده مازن اللي اول واحد بنجري عليه عشان مخه الكبير انت اكيد اتجننت او موهوم بحاجه عبيطه ال نت ال فوق يا مازن دي ممكن في الاخر يطلع ولد و بيلعب عليك و انت تقع فيه و تحبه

مازن: انت بتقول ايه ولد ده ايه لا طبعا دي بنت انا متاكد انها بنت

وليد: و متاكد منين يا فالح اذا كنت بتقول لا شفتها و لا كلمتها

مازن: و هي ايه يعني اللي هيخليها تقول انها بنت و هي ولد

وليد: و ليه لا يعني بتحصل كتير في ولاد كتير بيعملوا كده خلي بالك يا صاحبي و متتعلقش بالوهم ده اكتر من كده عيب ده انت مازن اللي كل الناس بتحلف بذكائه و تفكيره

كلمتين وليد دول زرعوا الشك في قلبه من ناحيه ريم لكن برده مش قادر يبطل تفكير فيها بس قرر انه يتأكد هي فعلا بنت و لا ولد بيضحك عليه روح و فتح لقاها فاتحه فضل متنح للاميل بتاعها حوالي دقيقتين مبينطقش و عمال يكلم في نفسه

**معقول تطلعي ولد ده انا اجيبك من تحت الارض يا ابن لا انا متاكد انك بنت مش ممكن و حتي لو انتي بنت انا ازاي و ليه اتعلقت بيكي كده طب و بعدين لو حبيتك بجد يا تري انتي هتحبيني طب و لو حبتيني هقول لاهلي ايه هقول لاصحابي ايه اذا كان وليد قالي كلمتين سلخني بيهم عشان حكتله عاللي حاسه ناحيتك امال ابويا و امي هيقولوا ايه و يا سلام بقي لو طلعتي في الاخر ولد يالهوي يالهوي يانا

ريم: ايه يا سي مازن طب سلم

مازن: سوري يا ريم معلش

ريم: ازيك عامل ايه؟

مازن: كويس الحمد لله

فضل ساكت حوالي دقيقتين مش عارف يتكلم يقول ايه و سرحان خالص و نفسه يطلب رقمها عشان الشك يخرج من قلبه بس ازاي

ريم: مالك يا مازن في حاجه؟

مازن: لا مفيش ... لا بصراحه بقي في

ريم: في ايه؟

مازن: في اني بصراحه عاوز رقمك ممكن؟

ريم: رقمي ازاي يعني

مازن: رقم موبايلك ايه مش معاكي موبايل

ريم: معايا بس عايزه ليه يعني مش فاهمه؟

مازن: اصل ..اصل انا ... اه و افتكر ان الكابتن قاله في سفر الاسبوع الجاي لاسكندريه اصل انا هسافر الفتره الجايه دي كتير ايوه الكابتن قالي كده النهارده انا حتي مسافر الاسبوع الجاي و عاوز ابقي اطمن عليكي و اسال عليكي و كده بس

ريم اول ما سمعت انه مسافر الاسبوع الجاي حالها اتقلب و اتلخبطت و عنيها اتملت بالدموع لانها فعلا اتعودت عالكلام معاه و مبقتش تقدر يعدي يوم عليها من غير ما تكلمه ده غير ان كلامه بيريحها اوي تقريبا هو الانسان الوحيد اللي عايشه معاه و مش معاه لانها ليل نهار عالنت بتكلمه

مازن: ها يا ريم هتديني الرقم

ريم: انت مسافر فين؟

مازن: مسافر اسكندريه

ريم: و هتقعد قد ايه؟

مازن: مش عارف بس احتمال شهر و هرجع علي بدايه رمضان

ريم: ياااااااه رمضان ده كده يبقي اكتر من شهر

مازن: اه حوالي شهر و نص كده

ريم:طب هو السفر الاسبوع الجاي الاسبوع الجاي يعني و لا ممكن تتاجل

مازن: لو اتاجل هيبقي يوم اتنين مش اكتر عالعموم انا اسف اني طلبت منك الطلب ده انا عارف انه سخيف و ممكن يشكك فيا بس انا بس كنت عايز اطمن عليكي لما اغيب عنك مش اكتر

ريم: لا بس يا مازن انا فعلا مش هينفع اديك الرقم انا اسفه

مازن: و لا يهمك يا ريم بس بليز متزعليش مني انا عارف اني دايقتك

ريم: لا ابدا مدايقتنيش و لا حاجه انا اللي اسفه بس مش سهل كده اني اديك رقمي

مازن: عارف طبعا خلاص و لا يهمك

مازن علي قد ما كان كلام وليد ماثر فيه لكن مقدرش يغير حاجه من تفكيره ناحيه ريم و برده كان من جواه متاكد انها مبتكدبش و انها فعلا بنت و انها نفس الشخصيه اللي رسمها جواه و مع ان رفضها انها تديه للرقم قلقه و زعله لانه كان نفسه يسمع صوتها و يشيل الشك من جواه الا انه فضل يلوم علي نفسه كتير انه طلبه منها بالجرأه دي

اما ريم فكانت برده مبتطبلش تفكير لكن مش زي تفكير مازن ناحيتها لكنها كانت بتفكر في انه هيسافر و ازاي هتقضي فتره سفره دي و هتكلم مين و مين اللي هيقدر يخرجها من وحدتها

**ياااااااه يا مازن هتوحشني اوي بس ازاي طلب مني الرقم بالسهوله دي و هو ليه بيعاملني كده و اشمعنه انا الوحيده اللي عايز يطمن عليها انا خايفه تكون ___
يكون ايه انتي اتهبلتي هو شافك و لا يعرف عنك حاجه عشان يكون اللي في دماغك ده حصل
بس كل كلامه بيقول انه فعلا كده
مش عارفه بقي بس ده لو حصل دي تبقي كارثه

جيه اليوم اللي الكابتن قال فيه السفر بكره يا شباب وقع الخبر علي مازن و كانه جمره نار مع انه كان زمان بيستني وقت السفر بفارغ الصبر لكن المره دي غير اي مره ازاي مش هيكلم ريم الفتره دي كلها

مازن: ريم انا مسافر بكره

ريم: ايه بكره؟؟

مازن: ايوه بكره الكابتن قالنا النهارده

ريم: و هتسافر بكره امته؟

مازن: باليل هنخرج من هنا عالساعه 11 كده

ريم: معقوله هتسافروا باليل كده

مازن: عادي متعودين علي كده

ريم: ربنا يرجعك بالسلامه

مازن: الله يسلمك


و سكتوا شويه و ريم بتفكر هتعمل ايه في غيابه و ازاي مش هتكلمه الفتره دي

و فجأه اخدت قرار مهم

نعرفه الحلقه الجايه

بجد القصة بقة حلوة اوى يا ريت متتاخرش علينا بالحلقة الجاية

جميلة اوى بجد كمليها لان مازن دة شكلة هيجنن علينا

الحلقه الثالثه عشر



سكتوا شويه و ريم بتفكر هتعمل ايه في غيابه و ازاي مش هتكلمه الفتره دي

و فجأه اخدت قرار مهم

ريم: مازن اديني رقمك
مازن شاف الكلمه و كان هيطير من الفرحه اخيرا هسمع صوتك يا ريم
مازن بابتسامه عريضه و استهبال: رقم ايه؟
ريم: هيكون رقم ايه يعني رقم موبايلك يا اخي
مازن: ااااه .....لا
ريم باندهاش : لا ايه؟؟
مازن: لا مش هدهولك
ريم: و الله براحتك انا اساسا غلطانه اني طلبته اتهبلت انا عشان اطلب رقمك
مازن: هههههههه 01....... خدي الرقم اهه
ريم: و مين قالك اني عيزاه و لا حتي هاخده
و كانت فعلا نقلته لا و كمان حفظته
مازن: يا بت يعني مش سيفتيه عندك دلوقتي و منور الموبايل
ريم: لا نقلته بس لسه مسيفتوش
مازن: مبتعرفيش تكدبي بيبان عليكي
ريم: طيب ياخويا
مازن: طب ايه؟
ريم: ايه ايه؟؟؟
مازن: رقمك اخباره ايه؟
ريم: كويس بيسلم عليك
مازن: لا و الله طب سلميلي عليه..... هنستعبط هاتي الرقم
ريم: لا طبعا مش هديلك الرقم
مازن وشه جاب الوان: يعني ايه مش فاهم امال واخده رقمي ليه؟
ريم: انا هبقي اتصل بيك من اي موبايل بره لكن رقمي لا
مازن زعل اوي من كلامها: يااااااااااه للدرجادي معندكيش ثقه فيا
ريم: مش موضوع ثقه يا مازن بس .......
مازن: خلالالالالاص يا ريم من غير بس انا مش عايز منك حاجه و مبكلمش حد مبيثقش فيا انا عندي اخوات بنات و بحبهم اكتر من نفسي و عمري ما اذيت بنت و لا عمري هاذي اي بنت لاني عارف ان اي حاجه هعملها هتتردلي يا في اختي يا في مراتي يا في بنتي و الحمد لله معنديش خصله النداله
ريم: انا اسفه انا فعلا مكنتش قاصده اني ازعلك
مازن: لا متتاسفيش و انتي عندك حق تخافي علي نفسك انا اللي مفروض اتاسف لاني طلبته منك للمره التانيه بدون وجهه حق بس صدقيني غصب عني انا اسف
كلام مازن اثر اوي في ريم و زعلت اوي من نفسها انها زعلته و بينتله عدم ثقتها فيه مع انها من جواها كانت بتثق فيه جدا اكتر من اي حد و قررت تديله الرقم

ريم: رقمي اهه 01 بس امانه عليك تحافظ عليه اعتبره رقم ريهام اختك
مازن: انا مش هاخد الرقم يا ريم بجد خلاص مش عايزه و مدام هتتصلي تطمنيني عليكي ده يكفيني
ريم: طب و لو قلتلك عشان خاطري تاخده
مازن: خاطرك ده غالي عليا اوي حاضر هاخد الرقم و من غير ما توصيني عليه انا عندي استعداد احطك جوه عنيا مش رقمك بس
ريم حالها اتشقلب من الكلمتين دول
**معقوله يا مازن كل يوه بتاكدلي الشك اللي في دماغي بس ازاي ازاي و انت مشفتنيش و لا حتي سمعت صوتي ازاي يا مازن اتعلقت بيا كده
مازن: انتي بتهزري يا ريم؟
ريم: في ايه؟
مازن: الرقم اللي ادتهولي مغلق
ريم: يالهوي رنيت عليه
مازن: ايوه رنيت و لقيته مغلق افهم من كده ايه بقي ان شاء الله
ريم: علي فكره الموبايل فصل شحن من ساعه تقريبا و حطيته عالشحن ونسيت افتحه و هو بره جنب ايمن اخويا و كانت هتبقي مصيبتي مصيبتين لو كان مفتوح و رنيت و شاف رقم غريب بيرنلي يالهوي الحمد لله كنت هتوديني في داهيه يا مازن
مازن: اووووبس ايمن لا الحمد لله و معلش عشان شكيت انك ادتيني رقم غلط
ريم: لا ابدا عادي و عالعموم هبقي ارن عليك لما اقفل معاك عشان تطمن
مازن: ما قولنا خلاص فكي بوذك ده شكلك وحش
ريم بصت في المرايا اللي قدامها و قعدت تضحك
** هههههههه يخربيته عرف منين اني اضايقت الواد ده هيجنني و الله انا بحس انه عايش معايا و شايفني
مازن: رحتي فين لسه زعلانه و لا فكتيها
ريم: خلاص فكناها
مازن: طيب تمام بقلك استملي كده دي
ريم: صوره ايه؟
مازن: دي صوره لشله اصحابي و انا في وسطهم يلا وريني هتعرفيني و لالا
ريم: اممممممم اوك بس انا هنقي الاحلي و اقولك انت ده لو مطلعتش حد من اللي نقتهم هقفل في وشك ههههههههه
مازن: يالهوي عليكي يا بت ايه النداله دي ان شاء الله هطلع احلي واحد فيهم
وصلت لريم و فيها 6 شباب كلهم مش عاجبينها معادا اتنين بس واحد لابس تيشرت اصفر و التاني تيشرت كحلي
مازن: ها حزري فزري انا مين فيهم
ريم: اممممممم اقول و ربنا يستر هما اتنين عاجبني في دي.. شيك و في وشهم طيبه و رجوله كده
مازن: انتي هتقعدي تحللي العيال خلصي
ريم: طيب متشخطش كده انت اللي لابس اصفر او اللي لابس كحلي
مازن: يا بنت الايه فكك من الكحلي ده خليكي في الاصفر عرفتي ازاي
ريم: هههههههه ايه ده ده بجد يعني انت الاصفر اللي واقف متنحلي ده ههههه وحش اوي
مازن: و الله نصابه ده انتي لسه قايله بلسانك هختار احلي اتنين
ريم: بصراحه فعلا هما احلي اتنين بس الاصفر احلي كمان من الكحلي و الله
مازن: يا بت؟
ريم: انا قلت و الله
مازن: ماشي يا ست ريم متشكرين عالمجامله الحلوه دي
ريم: مجامله ايه يا ابني انا اعرفك.... انت بعتلي صوره و عرفتك من غير ما تقولي و قولت رايي من غير ما اعرف انه انت... فين المجامله بقي ان شاء الله
مازن: ماشي يا قمر بس انتي اكيد احلي مني صح
ريم: لا مش اوي
مازن: لالالا اكيد احلي بكتير عارفه انتي لو شبهه ابو جهل برده هــ.... هــ.... هكلمك يعني
ريم: كداب و نصاب و الله لو شفت صورتي و مش عجبتك و لا هتعبرني تاني
مازن: لا و الله ابدا يا بنتي انا اخر حاجه افكر فيها في البنت شكلها انا يهمني الروح الاخلاق التدين الشكل ده اخر حاجه ممكن افكر فيها
* ريم يعني ازاي يعني ايه العك اللي بيعكه ده انت حبتني بجد و لا ايه
ريم: تقصد ايه يعني؟
مازن: ها لا و لا حاجه انا هقوم بقي عشان عايز اشتري شويه حاجات للسفر و الله ما عايز اسيبك بس غصب عني لازم اقوم
ريم: اوك يا مازن و لا يهمك ... هتكلمني قبل ما تسافر نت و لا خلاص كده
مازن: مش عارف اصل الوقت ضيق اوي بس اوعدك هحاول و لو معرفتش هابقي اكلمك موبايل مش ده رقمك برده و لا رقم غلط
ريم: امشي يا مازن من هنا بدل ما ارتكب فيك جريمه
مازن: ههههههههه ياريت
ريم: ياريت ايه؟
مازن: ياريت تبقي معايا و اعملي فيا اللي انتي عيزاه
ريم قفلت عالموضوع بسرعه: روح يلا بقي عشان متتاخرش
مازن: حاضر يا ريمو بس ممكن طلب؟
ريم:طلب ايه؟
مازن: ممكن اكلمك باليل
ريم:ايوه بس يا مازن
مازن: عشان خاطري اسمع صوتك بس
ريم: بس انا مش ضامنه ظروفي معرفش ايمن ممكن يبقي قاعد معايا و معرفش ارد عليك
مازن: حاولي لو مش هتعرفي تردي كنسلي عليا بس لو ينفع ياريم متحرمنيش اني اسمع صوتك دقيقه واحده
ريم: ماشي يا مازن موافقه
مازن: ميرسي يا احلي ريم انا همشي بقي و هكلمك باليل متنسيش تستنيني
خلي بالك من نفسك
ريم: حاضر ان شاء الله و انت كمان
مازن: حاضر يا قمر لا اله الا الله
ريم: محمد رسول الله


بعد الحوار ده ريم اتاكدت من الشك اللي جواها و خصوصا بعد ما وراها صورته و الكلام اللي قاله بعدها كانت بتحاول تكدب نفسها كتير لكن هو كان بياكدلها الشك ده كل يوم اكتر من اللي قلبه و الغريبه ان ريم مكنتش بتشك في كلامه و لا كان عندها حتي مجرد احساس انه بيضحك عليها و انه زي الشباب التانين اللي بيضحكوا عالبنات في النت و يقنعوهم انهم بيحبوهم

شهنده زارت ريم في اليوم ده و حكتيلها علي كل اللي حصل بينها و بين مازن
شهنده: ايه الواد ده بيعمل معاكي كده ليه عايز ايه؟
ريم: يارتني كنت اعرف انا مخنوقه اوي من الحوار ده كله
شهنده: ريم.. مازن ده مش حد وحش و مبيلعبش عليكي و لا هو زي الشباب التانين... انا امنيه صاحبتي حكتلي علي حوارات كتير مع شباب في النت برضه لكن مازن ده غيرهم الكلام ده بقولهولك عشان لازم تاخدي قرار سريع في موضوع مازن ده قبل ما يكبر اكتر من كده
ريم: قرار ايه؟؟؟
شهنده: لازم تبعدي عنه لازم
ريم: ابعد عنه؟؟؟؟!!!
شهنده: ايوه يا ريم لازم تبعدي عنه لو كان غالي عليكي لازم تبعدي مازن لو حبك بجد هيتعب معاكي و خصوصا ان حب زي حب النت ده لما بيبقي حقيقي بيبقي اصدق حب و انتي لسه خارجه من ازمه عمرو مستحيل ينفع توافقي ترتبطي بيه لو صرحلك بحبه و صعب اوي تجرحيه كمان لو فكرتي توافقي يبقي بتظلميه لانك لسه بتحبي عمرو
ريم: انا مبحبش حد و مقدرش ابعد عن مازن صعب ابعد عن الانسان الوحيد اللي خرجني من ازمتي و هو حتي ميعرفش اللي فيا انا معرفش يعدي عليا يوم من غير ما اكلمه
شهنده: يعني ايه حبتيه؟
ريم: معرفش و مش فاهمه انا ايه اللي بيحصلي بس مقدرش ابعد عنه
شهنده: ريم انت لسه خارجه من صدمع عمرو من كام شهر بس و لسه سايبه اثر كبير في حياتك بس اوعي تخليهاسبب في جرح لانسان ميستاهلش منك الجرح ده
ريم: خلاص يا شهنده لو سمحتي قفلي عالموضوع ده دلوقتي
شهنده: حاضر يا ريم بس فكري في كلامي كويس و ابعد عنه ده لمصلحتك و لمصلحته صدقيني
ريم قاطعتها بصوت عالي: ارجوكي يا شهنده ارجوكي اسكتي
شهنده: حاضر يا ريم خلاص
ريم فكرت في كلام شهنده كتير و خافت علي مازن منها خافت تجرحه زي ما شهنده قالت خافت تكون عايزه تداوي جرح عمرو علي حساب حد تاني و خصوصا لو كان حد زي مازن
بس قررت تسيب الموضوع للايام و خصوصا ان اللي في دماغها مجرد شك في حاجه لسه محصلتش و كانت بتدعي من جواها انها متحصلش


جيه الليل و ريم كانت مستنيه مكالمه من مازن لكن اتاخر اوي

**ايه الواد ده فاكر نفسه ايه عشان يقولي هكلمك و ميتكلمش انا اللي غلطانه واضح اني بقيت بعمل تصرفات و انا مش في وعيي رقمي ده ايه اللي ادنهوله ده انا اعرفه منين عشان اديله رقمي انا غبيه اوي غبيه بس لا و الله لاوريه انا لازم ارد كرامتي حرام بقي كل واحد يبعزق فيها شويه هو انا ايه و الله لاحرق دمه زي مابيحرق في دمي و قعدت تفكر هتعمل ايه

انا مستني الباقي يا قمر


وياريت بسرعه