سورى المرة ديه كلامى صريح ومحدش يزعل

عايز أبين فلسفة براد الشاى والتعامل معاه وهل أتعلمنا !!

طب شوف اللى جى

كلنا كنا صغيرين ..

طبعا يعنى ..

و أكيد عدينا على الموقف ده ..

ماما - او اى حد - جايبة براد الشاى علشان تشربه

او تقدموا للناس..

و بعدين .. و لأنك شجيع السيما و مش بيهمك ..

ولأنك فارس مغوار لا يشق له الغبار...

عايز تمسك البراد زى الناس الكبيرة ...


و كل من هب و دب يقولك و يحذرك..

كدة اوف..

واوا...

هتتعور...

بص كدة ..

و يروح مقربين صباعهم لغاية البراد و يسحبوه بسرعة

" اهئ اهئ .. شفت الواوا .. شفت الاوفة "

و طبعا بقى لو حد فاضى و بيشتغلك ..

هتلاقيه / تلاقيها ..

عامل نفسه بيعيط و خبى وشه ورا ايده ..

و طبعا .. ببراءة الأطفال بتروح تصالحوا ..

لكن هيهات..

و لأنكـ الفارس المذكور مسبقا..

ما بتقتنعش بسهولة بالموقف و مابتعلنش استسلامك..

و بتروح بكل ثقة و شجاعة رامى نفسك بايديك الاتنين

على البراد و تحضنه ...

و فى ثوانى بتكتشف بنفسك المصيبة اللى عملتها و تبدأ تعيط ..

بس بجد مش زاى اللى كان بيضحك عليك ..



هنا ..

بتنتهى المرحلة الأولى و تبدأ المرحلة التانية ..


سيادتك خاصمت البراد و حلفت ما تكلموا تانى ابدا ابدا ..

و

" كلمتى لا منكن تنزل الأرض أبدا "

و طبعا لأن ماما و بابا و بقيت القبيلة مش عايزينك تطلع جبان ..

بيحاولوا يفهموك ان البراد اما يبرد مابيبقاش اوف ولا واوا ..

و طبعا لازم يقدموا ده بالأدلة القاطعة زى المرة اللى فاتت ..

فا بيمسكوا البراد بايديهم الاتنين ..

و يقولولك حط ايديد ..

بتقول لأ ..

بيمسكوا ايديك ..

و يقربوها و انت بتشدها لبعيد ..

و مابتجربش تلمسه تانى الا بعد اربعة خمسة تقديم شاى تانى ..

بعد ما بيقنعوك كل مرة انه مش اوف خلاص..

و اما بتقرب منه تانى لأول مرة ..

بتقرب بحرص..

و بتلمسه بطرف صباعك الأول ..

و بعدين صابعك كله ..

لغاية ما تاخد الامان و تحضنه بأيديك الاتنين تحقيقا لحلمك السابق...

@@@@@@@@@@@@@@@@@@@@@@@@@@

رغم ان احنا كبرنا و بقينا - بجلالة قدرنا - بنقف نعمل الشاى بنفسنا ..

الا اننا دايما بنقابل ناس بنحط فيهم ثقتنا..

ناس بيحلفولنا انهم هيساعدونا و يقفوا جنبنا ..

و ناس بيقولوا ان سرنا فى بير ..

ناس بيقولولنا ان " الصديق وقت الضيق" ..

و ناس تانية بتقول انهم أهل ثقة ..

و لو ماوقفوش جنبنا مين هيقف..

ناس بتقول انهم بيدينوا لنا بمساعدة ..

و تانيين بيقولوا انهم بيحبونا ..

ناس كنا بنتوقع منها مواقف أفضل..

و أخرين كنا بنعتبرهم قدوة ..



الناس دى ممكن تكون ال

leaders

بتوعنا فى شغلنا .. سواء كان تطوعى او لأ..

ممكن يكونوا أصحابنا و الناس اللى بنحبهم ..

ممكن يكونوا زمايلنا فى أى عمل ..

ممكن يكونوا أفراد من عائلتنا ..


لكن كلنا بنمر بلحظات بيخذلونا فيها و مايكونوش عند حسن ظننا ..

لحظات بنعتمد عليهم و نحس اننا فى أمان فى وجودهم

and they simply let us down

بيخذلونا و يسيبونا فى أحلك الأوقات ..

لحظات بنعتقد اننا ممكن نواجه أقصى الظروف ..

و نتقبل المواقف الجديدة ..

و نوافق نخوض معارك مختلفة...

لأنهم موجودين جنبنا..

و بعدين ..

بيسبونا فى نص الطريق..

حيث لا مفر من الاستمرار...


ثقتنا فيهم يتتفق مع المرحلة الاولى من نظرية براد الشاى..

و اما بيحلفولنا ايمانات الله كلها انهم مقصدوش او كانوا

نفسهم يكونوا موجودين او نفسهم يساعدونا..

بندخل فى المرحلة الثانى من النظرية ..


بس و لأننا كبرنا خلاص..

بيكون أصعب علينا اننا نقرب من البراد بثقة زى أول مرة ..

لأننا و احنا صغيرين افتكرنا اننا معندناش تجارب و لا خبرة ...

و ثقتنا فى أهلنا كانت عالية اما قالوا مش أوف خلاص

و كنا عارفين انهم حذرونا قبل كدة ..

لكن دلوقتى..

أحنا رغم تجاربنا و خبرتنا وقعنا..

واللى بيحاول يرجع ثقتنا فيه ..

هو اللى كان السبب فى فقدان هذه الثقة...


و سواء الناس اللى خذلونا عرفوا انهم خذلونا او لأ ..

او اننا مضايقين او لأ..

فــ بنعتذر لهم اننا اضايقنا منهم ..

لأن البراد دايما بيكون سخن اما ينزل من على النار..

و انت اللى بتحدد امتى تمسكه ..

و كون ان ثقتك كانت كبيرة فيه ..

فــ دى غلطتك انت ..

مش هو ..


" نظرية براد الشاى "

بتمثلى جزء من الواقع المؤلم ..

لكن مش عارف ايه أكثر ألمـ..

انك تقرب و تتلسع و تتعلم ..

و لا انك تبعد على طول الخط و تشيل موضوع الثقة ده من دماغك ؟؟؟؟

تعامل بقى انت وهى

وقول الروسيـ قال

تحياتى والنعمة

ميرسى ياروسى بجد توبيك ممتاز

وكل كلامك صح جدا

تحياتى ياسونا وأسعدنى تواجدك وبجد يارب تكونى

أقتنعتى بالنظرية

ولك جزيل الشكر على المرور

روسيـ

ميرسي يامان علي موضوعك الجميل ده وانتا بجد افدتنا

ربنا يخليك ياعصام والحمد لله

ان الموضوع نال الرضا

موضوع جميل اوى ياروسى

انا عن نفسى مش هقرب غير لما اكون متاكدة

ان براد الشاى بارد علشان مااتلسعش

ولانى بحب لما احط ثقتى فى حد يكون انسان

جدير بالثقة ومايغزلنيش آه قصدى مايلسعنيش

شكرااااااا على التوبيك ياروسى

من كلامك يبقا الفكرة والنظرية وصلت يانادية

مش اى حد ممكن نديله الثقة ديه

بجد أسعدنى تواجدك

ومتابعتك

موضوع جميل جداجدا بجد تسلم ايديك

إلاما بجد أسعدنى تواجدك

ويارب يكون التوبيك نال إعجابك

نايس توبيك ونظرية جميلة

موضوع جميل ونظريه جامده


يسلموووووووووووووووووووووووو

شكراً محمد وهمسات على المرور

شكرا ع الموضوع

موضوع جميل

تسلم الايادي بجد موضوع جميل جدا انا مكنتش فهمه ايه العلاقه الي بنهم بس فهمت ايه المقصود
نايس توبيك

سجده وبرنسيسة

بجد اسعدنى تواجدكم وكلامكم

خالص تحياتى

شكرا على التوبيك الروعة
بجد جميل اوي