فتح أحمد حسن لاعب النادي الأهلي النار على من يهاجمونه في وسائل الإعلام بسبب تذبذب مستواه في الفترة الأخيرة ، وأكد في تصريحات شديدة اللهجة:" اللي بيهاجموني ناس جهلة..ومش هأنزل من قيمتي وأرد على أمثال هؤلاء".

واستكمل الصقر تصريحاته:" لن أذكر أسمائهم لأنهم أقل من ذلك ..وهؤلاء أفلسوا إعلامياً ولا يجدون ما يتحدثون فيه".

وكانت بعض البرامج الفضائية قد طالبت اللاعب باعتزال الكرة بعد اهتزاز مستواه في المباريات الأخيرة.

جرى ايه يا عم حسن انت محسسنا ان الموضوع يخص فرانك لامبرد هوا فيه بالضبط متفوق بقى شويه واعرف انك فعلا خلاااااااااااااااااااااااااااااص خلصت لحد كده .وده مش الآن لالالالالالالالا منذ حتى ما كان حسن شحاته بيجاملك ويضمك للمنتخب على حساب لاعبين أفضل منك بمراحل لدرجة انك صدقت نفسك انك مازلت تستطيع الاستمرار وبعدين ايه الاسلوب اللى بتتكلم بيه دوت شوية جهله وناس مش عارف ايه ..ياريت كل واحد بس يا جماعه مينساش اصله وهوا كان ايه قبل ما ربنا يعطيه.. واوعى تفتكر ان الفلوس بتعمل للشخص قيمه .لالالالالالالا . المحترم محترم من غير اى فلوس .والدليل عبد الحميد بسيونى كمثال لقمة الاحترام من الجميع. بدون ملايين ناس تانيه..وايضا عبد الحليم على قمة الخلق والاحترام من الجميع.. ياريت تفوق بقى شويه وتبطل الانعره الكدابه دى لانك اصبحت مااااااااااااااضى

كلام الاخ نبيل العربى صحيح مية في المية بدليل ان كل فلوس ابراهيم حسن وحسام حسن عمرها ما رفعتهم وهم دايما واضعين نفسهم في مذبلة التاريخ بقلة ادبهم واحترامهم لنفسهم قبل احترامهم لغيرهم
بس برضه ياعم نبيل عمرنا ما شفنا احمد حسن العميد بيشتم حد ولا بيعمل حركات قليلة الادب بايديه ولا بصوابعه ولا الفاظ خارجة ولا رفع جزم فى وش الجماهير سواء كانت جماهيري او جماهير فرق منافسة مش كدة برضه ولا اية؟؟؟؟؟؟؟؟

غير كدة ياعم نبيل ما تنكرشي فضل احمد حسن وتمسح تاريخه العظيم بشوية كلام وانت متضايق ومتنرفز كدة هدى اعصابك وروق كدة احمد حسن جاب بطولات كتيرة لمصر
انا عن نفسي مش عاجبنى مستواه الفترة اللى فاتت دى وباكره نزوله للملعب او ان الكرة تروحله حتى لكن ما فيش اى حد يقدر ينسي انجازاته واللى قدمه لمصر والبطولات اللى جابها

وعايزك تعرف معلومة مهمة جدا ان الناقد ما هو الا فنان فاشل بمعنى انه بيكون عنده ملامح فنية بحيث انه يقدر يفهم ويحلل اللى قدامه لكنه ما يقدرشي يعمل زيه او حتى يقلده
والنقد نوعين اما تقد بناء او نقد هدام
وللاسف 90% من النقد اللى فى مصر نقد هدام يعني بيقول على عيوب اللى قدامه وساعات بيقول عيوب تانية كتير مش فيه لمجرد انه عايز بس يظهر ويطلع على الساحة وياخد شهرة
ودول اقل ما نقول عنهم انهم بلا ضمير ولا اخلاق لانهم يريدون التدمير ونقدهم نقد هدام
يعني مثال بسيط اية رايك في شخص يدعي محمد شبانة ؟؟؟؟؟هل تعتقد ان هذا الشخص يستحق الظهور على شاشة التليفزيون باساليبه القذرة وكلامه القبيح ؟؟؟؟؟؟؟؟؟؟

عمر ما احمد حسن ما كان فاشل يا اساتذة احمد حسن عميد لاعبي العالم فاشل انتو بقتقولوا ايه