السلام عليكم ورحمة الله وبركاته
صورة اثبات خاص بى من الشركة وتحويل مبلغ 262 دولار ويسترن يونيون
تنبيه هام جدا علشان الناس اللى بتسال على تحويل الويسترن يونيون
الشركة مش بتدعم الويسترن يونيون كوسيلة دفع اساسية للاعضاء
لكن انت بعد وصولك ل100 دولار وميعاد الدفع وصل
هتراسل الافلييت مانجر بتاعك اولا والدعم الفنى للشركة ثانيا
وتقولهم انك عاوز فلوسك عن طريق الويسترن يونيون
لان دولتك مش متاح فيها الباى بال والاى باس والتحويل البنكى والحوارات دى
وان شاء الله الافلييت مانجر بتاعك يبعتلك الفلوس بالطريقه دى زى انا ما عملت كده
ندخل بقى على الموضوع
اهلا وسهلا بكم من جديد
موضوعنا النهارده يا شباب لذيذ وحلو قوى
وان شاء الله يكون لينا نصيب من الربح فيها
لان الشركة دى اسهل مليووووووون مرة من شار كاش
اولا وللامانه الشرح ده هيبقى فيه جزء مقتبس من كتاب اجنبى وهى الفكرة منه
لكن ان شاء الله انا عندى طرق جديده وسهله جدا نظبط منها كلنا بأذن الله
ندخل فى المفيد بأذن الله
تعريف للشركة
هى شركة من نوع جديد الى حد ما اسمه per pay install
يعنى الدفع مقابل التحميل والتسطيب
ايه الهدف من الموضوع ده للشركة
الهدف ان مع تسطيب البرنامج بيظهرلك اعلانات بوب اب ونوافذ منبثقه زى اللى بنشوفها فى كل المواقع دى
يعنى باختصار اعلانات بالعافيه للناس
الشركة جديده الى حد ما يعنى لاهى قديمة ولا هى جديده
لكن انا اعرف ادمن الشركة لكنها معرفه عاديه فقط مفيش بينا اى حوارات يعنى
مواصفات ومميزات الشركة
افضل مافى الشركة انها بتدعم كل دول العالم وده اللى عاجبنى فيها قوى
لكن طبعا لكل دوله سعر
1- امريكا 1.25$ ( دولار وربع يا معلم على كل واحد امريكى يحمل ويسطب البرنامج)
2- كندا واغلب دول اوربا 0.60$ 60 سنت لاغلب دول اوربا
3- فرنسا وبلجيكا وجنوب افريقيا ومش فاكر مين تانى
20 سنت لكل بلد منهم للتحميل
4- باقى الدول ومنهم احنا طبعا 3 سنت لكل تحميل ( مش وحشه ابدا وزى الفل والله وهتعرفو ازاى فى الاخر
)ندخل بقى على المفيد يارجاله
اولا التسجيل فى الشركة
ده رابط التسجيل فى الشركة ( الريفرال 5% بس على فكرة
)هنا للتسجيل الان
طبعا التسجيل سهل جدا
هتكتب اسمك وعنوانك ورقم موبايلك ومعلومات عن موقعك ووصفه وطريقة الدفع وكده
اللى مش عارف ازاى يسجل يكتب هنا وان شاء الله انا لو موجود او اى حد من الاخوة المحترمين هيعرفوه ويفهموه لان احنا هنا كلنا علشان ننفع ونفيد بعض
المهم بعد ماتخلص تسجيل هيقولك انه جارى الاستعلام عن الموقع وكده وهيبعتولك الموافقه فى اقل من 48 ساعه وكده
على فكرة
انا والله لما قدمت فيها قبلونى بعد 10 دقايق بس من التسجيل
تمام كده يا معلمين سجلنا والحمد لله تم قبولنا لازم بقى نبدا الشغل اللى بجد
هتدخل على حسابك عادى وبعد كده تضغط على
Marketing Tools
زى مافى دى كده
بعد كده هيجيلك اختياريت اختار الاختيار الاول اللى هو
FLV Direct
زى دى كده
تروح بعد كده واخد اول كود بس ( تنبيه هااااااام تاخد اول كود بس علشان بقية الاكواد لحاجات تانى ملناش دعوة بيها
)زى دى كده
اختار اول كود بس اللى عليه علامة صح فى زى مانبهت اهوه
تمام كده سجلنا واتقابلنا وبقى معانا الكود يا رجاله
باقى بقى تشغيل الدماغ علشان نعرف نجيبلنا قرشين حلوين كده من الشركة
اول فكرة ( مقتبسه من الكتاب الانجليزى)
هى انك هتعمل مدونة صغيرة كده وتشرح فيها ازاى الناس تقدر تحمل الفديوهات من اليوتيوب
لان فيه ناس كتير جدا على فكرة بتبقى عاوزة تحمل الفديوهات دى على اجهزتها ومش عارفه ازاى تحمله من اليوتيوب
متبصش لنفسك ولينا اننا عارفين ازاى نحمل من اليوتيوب سواء ببرامج او من مواقع
مش كل الناس زيك وعارفه يا معلم
المهم تعمل موضوع فى البلوج بتاعك ده وتكتب فيه الخطوات الصحيحه والطرق الصحيحه لتحميل اى ملف فيديو من اليوتيوب
طبعا هتكتب فى اول حاجه مثلا
1- لكى تستطيع ان تحمل اى فديو من اليوتيوب عليك اولا بتحميل هذا البرنامج حتى تسطيع تشغيل الفديوهات اللى سوف تحملها
( طبعا هتكتب الكلام ده بالانجليزى علشان الاجانب
)تمام كده وتحط رابط التحويل بتاعك الشخصى اللى فى السابقه اللى عليه علامة صح اول كود مننساش
وبعد كده تقولهم فى تانى خطوة خط لينك الرباط بتاع الفديو وحطه فى الموقع ده
( المواقع طبعا كتيييييير اللى بتعمل كده)
انا فاكر واحد كان اسمه
www.keepvid.com
بيعمل المهمه دى
بس كده يا معلم وتروح على اليوتيوب انت بقى وتعمل فديو عن الكلام ده وتكتب بقى فى الفديو اسم المدونة والرابط بتاعها فى الفديو وبس كده على البركة
تانى فكرة ( فكرتى الشخصيه على فكرة وهتجيبلك فلوس بالهبل وجرب وادعيلى
)بس متنساش بس تسجل تحت الرابط بتاعى
الفكرة بقى ياشباب كالاتى
طبعا كلنا بلا استثناء هوايته القديمة ولحد دلوقتى هو عمل مواضيع فى المنتديات
طيب تمام قوى قوى كده ايه المطلوب يعنى
اى حاجه ترفعها او تعمل موضوع عنها بعد كده تعمل الاتى يا معلم
طبعا ولنفترض مثلا انك هتعمل موضوع عن اهداف مصر والكاميرون
فطبعا انت بترفع الاهداف على موقع سيد فايل مثلا
قبل ماترفع الاهداف بقى او اى فديو انت بترفعه
ارفع معاه ملف تكست كده واكتب عنوانه مثلا
هام جدا جدا لتشغيل الفديو بجوده عاليه وبنقاء عالى
طبعا انت هتبقى كاتب الاتى فى الملف ده
لا بد من تحميل هذا البرنامج اولا ختى تستطيع مشاهدة الفديو بصورة جيده
لتحميل هذا البرنامج رابط مباشر ومجانا
تكتب رابط البرنامج اللى هو رابط الافلييت بتاعك للبرنامج اللى هو زى ماقولنا اول كود فى اللى عليها علامة صح
بس كده يا معلم وهتلاقى ناس كتير على فكرة انتبهت للملف التكست وهتحمل الملف
ده انا نفسى اهوه وعارف الحوارات دى ورغم ذلك برده لما بنزل اى حاجه والا قى ملف مهم جدا بدخل اشوفه رغم انى عارف انه تنبيه عن اسم الموقع وكده لكن برده بدخل اشوفه
افكرة دى تنفع على فكرة لاى موضوع فيه اى حاجه تتعلق بالمديا او الفديوهات
يعنى اى حاجه مرئيه تنفع ليها الفكرة دى وانت وشطارتك بقى كل ماتعمل مواضيع جديده كل ما هيبقى فيه فرص اكبر ان الناس تحمل وكل ما يكون الفديو بتاعك اللى انت رافعه مهم وليه ناس ومطلوب كل ما هتزيد فرصتك فى اكتر عدد هيحمل البرنامج وكده
ايه رايكم فى الفكرة دى بقى يا معلمين
ما تيجو بقى نعمل حسبه صغيره كده
تخيل انت مثلا كل شهر هتعمل كل الشغل المطلوب كالاتى مثلا
100 امريكى فى الشهر = 125 دولار
500 اوروبى وكندى فى الشهر = حوالى 300 دولار فى الشهر
3000 عربى فى الشهر = 150 دولار فى الشهر
يعنى ممكن مبدئيا تعمل حوالى 550 دولار فى الشهر و بتعب قليل
اعتقد انها فرصه كبيرة ومميزة لينا
ايه رايكم فى الفكرة دى بقى يا معلمين
بالتوفيق للجميع بأذن الله