معلش ياجماعه انتو اخواتي انا هوجع راسكو بمشاكلي بس انا تقريبا لوحدي مش عارفة احكي لحد ولا اكلم حد مشكلتي باختصار ان انا لوحدي اوي لوحدي جدا الحمد لله انا محبوبة من كل الناس اللي بتعرفني بس لاني بضحك وبهزر وبحب الشقاورة وبس لكن وقت لما بزعل مش بلاقي غير وشوش متضايقة اني مش بهزر وليه مبتتضحكيش وكده هتعكنني علينا فبضطر اضحك واهزر واللي جوايا بيبقي جوايا انا تقريبا اكبر واحده في اخواتي الاكبر مني اتجوزت فاانا دلوقتي لوحدي جدا مليش تقريبا اصحاب حتي في الجامعه كلهم عادي مصالح ورق وملازم وبس لو غبت محدش بيسال انتي غيبتي ليه او كان مالك الا لو ليه مصلحه انا طول حياتي عايشة كده وعادي بحاول اصبر نفسي بقول اول ماالاقي الانسان اللي بحلم بيه هحبه وهيبقي حبيبي ومش هيخليني لوحدي ابدا عمري مااقبلت اني احب اي حد غير اللي في خيالي والقلب اللي بحلم بيه دايما كنت بقول لاء لاي حد يقولي بحبك علشان انا محتاجه قلب معين وبحلم باحساس مختلف فكنت برفض عشان متنازلش عن حلمي دلوقتي انا لقيته لقيت الانسان اللي بحبه وبحبه اوي ومقدرش اتخيل حياتي من غيره بس هو بيتصرف معايا بغرابة يعني لو اتصلت بيه يقولي مبحبش اتكلم في التليفون كتير ويقولي نشوف بعض مرة واحده في الاسبوع وقالي متدخوليش النت تاني اقوله طيب هدخل واكلمك يقولي مبحبش اتكلم معاكي علي النت طيب انا اعمل ايه؟؟؟؟؟؟ اكلمه ازاي انا كده برده لوحدي كده هو بيقنن علاقتي وقربي منه ولو مسالتش يقولي كده متساليش عليا انتي المفروض متقدريش يعدي يوم من غير ماتسمعي صوتي ياجماعه انا تعبت انا كده لوحدي برده انا بكتب دلوقتي انا طبعا مبسوطة اني بشارككم معايا بس اكيبد انتو حاسيين بيا فاهمين يعني ايه لما تكون واحده قعده بتكتب مشكلة وحاجه مضايقها علي شاشة كمبيوتر فاهمين يعني ايه يكون في حد في حياتي واكتب اللي بيضايقني علي منتدي علي الرغم المفروض يبقي هو الوحيد اللي جنبي ويحس بيا ويقولي مالك ويخفف عني انا طولت عليكو بس بجد انا مخنوقة علشان كده بكتب اللي جوايا كلو