مشكلتي هيا اني لقيت اشخاص عرفت ايميلي من منتدي اشتركت فيه ولقيهم بيكلموني اتكلمت شويه

معاهم وبعدين حذفتهم من عندي ففمره لقيت ايميل طالب يضيفني عنده فوافقت وبعدين بدأت اتكلم معاه وحسيت انه مش بيكذب وانا كمان مكذبتش خالص بس رفضت اوريه صورتي ومقولتلوش معلومات تفصيليه عني ولا منين اسمي بس وفي كليه ايه وبعدين فضلت اكلمه كام يوم وبعدين لقيته في مره بيقولي انه بيحبني فاضطربت اوي وحسيت باحساس غريب وحلف كتير اوي
بس انا طلبت منه يقفل الموضوع ده لان مفيش حب من علي النت لانه ميعرفنيش كويسوكده فقفله وكلمه
بعدين حسيت اني مشدوده له اوي
عملت نفسي مش واخده بالي واتكلمنا في مواضيع عامه
وبعده كل يوم ادور عليه في الميعاد اللي بنتكلم فيه ملقيتوش
وكل يوم علي الحال ده
وبعده اخيرا لقيته فلقيت نفسي غصب عني بقوله انه وحشني المهم مش عارفه قلتهاله ازاي وبعدين قالي انه عاوز يشوف صورتي فرفضت رفض تام

فزعل وقالي انه كدب عليا في حاجه انه كان بيقول انه في كليه سياحه وفنادق وانه مخلص صنايع 3سنين وانه علي استعداد يتقدملي ويتجوزني وانه غني وكده
وقلتله اني مش بفكرف ي الجواز خالص واني مصدومه فيه
وبعدها بشويه لقيت نفسي تلقائيا بشيل ايميله من عندي وبقوله ينساني
المهم رفضت بعدها اني اكلم اي حد بس حسيت احساس غريب اني ظلمته واحاسيس مضطربه مش عارفه ليه
؟وهل يا تري انا ظلمته؟ولا انا وحشه ولا ايه عاوزه حد فيكم يقولي ايه رايه بدون مجامله وانا عارفه ان الموضوع كله غلط من الاول واني قلتله اني معجبه بيه وكده بس حد يريحني يا ريت يا جماعه

يا ريت يا جماعه اسمع تعليقكم علي مشكلتي

بصراحة انا شايفة انك عملتى الصح
لانك فى الاول غلطى بس مش مشكلة حصل خير
وحاولى تثبتى على موقفك متحنيش تانى
لانك انتى الى هتندمى فى الاخر
وكفاية ان هو كدب عليكى يعالم كدب فى اية تانى
وزى منتى قلتى مفيش حب من على النت
انتى بس اتعلقتى بكلامة واهتمامة بيكى
وحاولى تشغلى نفسك باى شئ
وربنا يوفقك يارب

بصي ياجميل انا مش موافقه خالص انه يبقي في حب علي النت اصلا لانه بيبقي كل واحد بيكدب علي التاني حتي لو انتي مكدبتيش فهو كدب عليكي وبعد كده انتي عارفه انك غلطي فخلاص كده خليكي علي موقفك وبعدين اللي كدب مره ممكن يكدب الف مره فخلاص متوجعيش دماغك وممكن يكون بيتسلي انتي لما حزفتي اميله عملتي كده الصح وبعدين متكتبيش اميلك تاني علي اي منتدي لان هتلاقي من ده كتييييييييييير
وربنا يوفقك ياقمر

شكرا ليكوا يا جماعه وانتوا بجد زي اخواتي
وانتوا فعلا صح بس انا كنت محتاجه حد يريحني

ربنا يكرمك وانتي شوفي اي حاجه تشغلك كده شويه عن الموضوع ده وانسي شويه وهي خلاص الدزاسه اكيد هتتشغلي اوعي تكوني بتكبري دماغك زي كده ببقي السنه كلها مش ورايا حاجه

انتى عملتى الصح واى شاب بيتعرف على بنت بعد فترة قصيرة جدا بيقول لها انه حبها وعايز يجوزها علشان بس يشوف صورتها مش علشان حبها
وعلى فكرة فى برنامج بيسرق اى صورة من على الاميل يعنى اى بنت هطحت صورتها على الاميل بتعها بسهولة جدا اى ولد يسرقها وممكن بعد كدا ينشر صورتها فى كل مكان على الانترنت
اتمنى كل بنت لا تنخدع لمجرد اى ولد يقول لها كلمة بحبك واى ولد عنده فضول لكى يعرف الانسان التى تتحدث معه وعلشان كدا بيدخلها عن طريق الجواز ويقول عايز اشوفك علشان اعرفك اكتر واجوزك وهذا غير حقيقى طبعا
يا ريت كل بنت تفكر دايما بعقلها ولازم العقل هو يكون اقوى من قلبها لكى لا تقع فى الاخطاء

ياستي ان كان على الكذب ف الكذب موجود في الواقع وعلى النت في بيكذب بيكذب في اي موقف وخلاص

انما في حب نت او مفيش فدة راجع للناس الي بتحب اساسا وزي ما في الواقع جرح وخيانة في الحب على النت نفس الشيء
احنا بس شايفين ان النت هو بس الي كذب

الواقع ملايكة ؟؟؟؟؟؟؟

لالالا طبعا

على العموم انتي عملتي صح بس خلي بالك هو مدام اعترفلك بالحقيقة يبقى حبك بجد والا مكانش حط نفسو في موقف دة الا لو كان عايز يخلع دي الحلات الي موجودة بجد سواء في الواقع او النت

وياريت منحكمش على حد واحنا معرفوش

لا تعليق

الحب من على النت زى اى حب تانى

بس اهم حاجة الصراحة

شكرا ليكوا يا جماعه
بس المشكله اني كنت حاسه انه بيحبني بجد
والبنات مش بتلاقي حد بيحبك بسهوله وللدرجه دي
وكنت حسه انه حد كويس بس انا صدمت فيه لانه كدب عليا
عامه الحمد لله علي كل حال وربنا يعوضه بحد احسن مني

بصى يا قمر انتى قولتيها فى البدايه ان مفيش حب ع النت وانتى عندك حق فى كده لانه اساسا مبيبقاش صريح اولا انتى الانسان ده متعرفيش كل حاجه عنه متعرفيش شخصيته الحقيقيه مجرد كلام ع النت وبس ومبيبينش اى حاجه حقيقيه الكلام ده فانا شايفه ان اللى انتى عملتيه فعلا هو عين العقل.

هو في الاول لازم تكوني عارفه ان كل شئ علي النت ممكن يكون ادعاء

وكمان سهل اوي الادعاء علي النت وممكن اي شخص يبين انه اي شخص في خياله

المشكله اني كنت حاسه انه بيحبني بجد
والبنات مش بتلاقي حد بيحبك بسهوله وللدرجه دي
وكنت حسه انه حد كويس بس انا صدمت فيه لانه كدب عليا

ممكن يكون بيحبك بجد ومش بيكذب وهو فعلا حد كويس

بس انتي زيك زي اي بنت

ليكي في الاخر بيت وزوج واسره والاهم ان الاسره دي هتشيل اسم الزوج

ومعتقدش انه اتجرح بجد لانه واسف في الجمله دي

( ده ارتباط من شات علي النت )

انا شايف انك اتصرفتي صح

بس ياريتك تفتكري ديما وانتي بتكلمي اي شخص علي النت

انه ممكن يدعي انه اي شخص تاني

وان ده بيبقا سهل اوي

اسف للاطاله

اختى الكريمة
ارجوكى اقرأى السطور القادمة بعقل واع بعيدا عن المشاعر الطائشة التى قد تقضى علينا

اولا : لااعترف باى حب من النت لان 80% منه فاشل للأسباب الاتية
1- اى شاب عايز يدخل يشوف اى بنت ويقولها بحبك ويعيش الدور عليها والبنت للأسف بتقع فى الفخ لانها بتلاقى الى يعوضها نقص الاهتمام ليها
2- الى حصلك اسمه تعود مش اكتر لانك اتعودتى كل يوم تدخلى فى نفس المعاد تكلميه وتتكلموا فى مواضيع وفجأة اختفى , حسيتى بفراغ نقاشى
3- واحدة واحدة هتلاقى الكذب نازل يرف عليكى , مرة فى سياحة وفنادق بكرة فى هندسة بعده مااتعلمش بعد بعده سافر الخليج
4- اول مايلاقيكى ملهوفة عليه يسيبك فورا يبحث عن غيرك , ارجوكى لاتقعى فى هذا الخطأ احمدى الله على ماحدس حتى الان
5- احذفى ايميله تماما من عندك + اعملى ليه ignore حتى لاتضعف نفسك مرة اخرى لتكلميه
6- حاولى تشغلى نفسك بشئ مفيد
قراءة الكتب وياحبذا لو كانت خطتك حفظ ورد يومى من القراءن الكريم + اهتمى بدراستك واعطيها قدر كبير من جهدك
7- اوعى تندمى على انك بعدتى عنه وسيبك من الكلام انك بتحسى انك ظالماه , ده للأسف وسوسة الشيطان , اثبتى على قرارك وتيقنى انه من ترك شئ لله عوضه الله بخير منه فغدا ان شاء الله يرزقك الله بزوج يعوضك كل الحنان التى فقدتيه والاهم ان تعينوا بعضكم البعض على طاعة الله
ربنا يوفقك

عندى نفس المشكلة



ممكن سؤال

الحب من على النت غلط؟

و غلط لية لو غلط؟

بصي ياجميل انا مش موافقه خالص انه يبقي في حب علي النت اصلا لانه بيبقي كل واحد بيكدب علي التاني حتي لو انتي مكدبتيش فهو كدب عليكي وبعد كده انتي عارفه انك غلطي فخلاص كده خليكي علي موقفك وبعدين اللي كدب مره ممكن يكدب الف مره فخلاص متوجعيش دماغك وممكن يكون بيتسلي انتي لما حزفتي اميله عملتي كده الصح وبعدين متكتبيش اميلك تاني علي اي منتدي لان هتلاقي من ده كتييييييييييير
وربنا يوفقك ياقمر

تاب لو مفيش كداب

انا بحب بنت من على النت ممكن اديها عمري

فهمية انة مش ليكى



كلامية بعقلك

اختى الكريمة
ارجوكى اقرأى السطور القادمة بعقل واع بعيدا عن المشاعر الطائشة التى قد تقضى علينا

اولا : لااعترف باى حب من النت لان 80% منه فاشل للأسباب الاتية
1- اى شاب عايز يدخل يشوف اى بنت ويقولها بحبك ويعيش الدور عليها والبنت للأسف بتقع فى الفخ لانها بتلاقى الى يعوضها نقص الاهتمام ليها
2- الى حصلك اسمه تعود مش اكتر لانك اتعودتى كل يوم تدخلى فى نفس المعاد تكلميه وتتكلموا فى مواضيع وفجأة اختفى , حسيتى بفراغ نقاشى
3- واحدة واحدة هتلاقى الكذب نازل يرف عليكى , مرة فى سياحة وفنادق بكرة فى هندسة بعده مااتعلمش بعد بعده سافر الخليج
4- اول مايلاقيكى ملهوفة عليه يسيبك فورا يبحث عن غيرك , ارجوكى لاتقعى فى هذا الخطأ احمدى الله على ماحدس حتى الان
5- احذفى ايميله تماما من عندك + اعملى ليه ignore حتى لاتضعف نفسك مرة اخرى لتكلميه
6- حاولى تشغلى نفسك بشئ مفيد
قراءة الكتب وياحبذا لو كانت خطتك حفظ ورد يومى من القراءن الكريم + اهتمى بدراستك واعطيها قدر كبير من جهدك
7- اوعى تندمى على انك بعدتى عنه وسيبك من الكلام انك بتحسى انك ظالماه , ده للأسف وسوسة الشيطان , اثبتى على قرارك وتيقنى انه من ترك شئ لله عوضه الله بخير منه فغدا ان شاء الله يرزقك الله بزوج يعوضك كل الحنان التى فقدتيه والاهم ان تعينوا بعضكم البعض على طاعة الله
ربنا يوفقك

شكرا ليك انا استفدت اوي بالكلام اللي انت قلته وانا فعلا عملت ignore user
وانا خلاص اخدت عهد علي نفسي ان الحب علي النت لو حتي مفيهوش كدب اكيد فيه غلط
يبقي الاحسن نتجنبه
وشكرا ليك بجد وربنا يعوضني يا رب بالاحسن منه

بصراحة يابنتى الموضوع كان فى الاول غلط لان مفيش حب على النت وكمان لما قولتيلة انك معجبة بية بس انتى بداتى تحلى الموضوع لما نهتى لان الموضوع دة كان هيجيب مشاكل بعد كدة وياريت تخدى بالك بعد كدة

دة مش حب

دة تعود

صدقنى انتى مبتحبيهوش

صح مفيش حب من على النت
وبعدين حتى لوكنتى انتى صادقة معاه كل كلمة هيقولهالك بعد ماكدب عليكى انه فى سياحة انتى نفسك هتشوكى فية وتقولى ياترى صادق ولا كداب
فدا احسنلك وان اتكلمتى تانى مع اى شخص سواء شات او على الايميل تكونى حاطاها فى دماغك انك بتتكلمى مع الشخص دا كتسلية او عايزة تكلمى فى موضوع عام كدا يعنى
يعنى ماتحوطيش حكاية بيحبك والحاجات دى فى دماغك عشان ماتتعبيش
وربنا يوفقك ويصلح الحال
ان شاء الله

علاقات النت مش مضمونه أوي...

وسيبك من الكلام اللي بيتقال لإن مش كل الناس بتقول الحقيقه...

معظم الناس بيجملوا الحقيقه لحد ما تقع الفاس في الراس...

كويس إنك مسحتيه وخلي بالك من نفسك كويس أوي...

شكرا على الموضوع...

ايوة ده تعود ياحبيبتى والله انتى صدقينى وشوية وهتنسيه للابد والىانتى عملتيه ده الصح

بصراحة انا شايفة انك عملتى الصح
لانك فى الاول غلطى بس مش مشكلة حصل خير
وحاولى تثبتى على موقفك متحنيش تانى
لانك انتى الى هتندمى فى الاخر
وكفاية ان هو كدب عليكى يعالم كدب فى اية تانى
وزى منتى قلتى مفيش حب من على النت
انتى بس اتعلقتى بكلامة واهتمامة بيكى
وحاولى تشغلى نفسك باى شئ
وربنا يوفقك يارب

انا كمان متفق تماما معاها يعنى انتى ممكن تكونى اتعودتى عليه وهو برضه ممكن يكون اتعود انه يكلمك وتكلميه وانا اعتقد انه بيبالغ فى مشاعره لانه عى الاقل مشفش حتى صورتك عشان يقول انه بيحبك قوى وفكرى كده لحظه وتخيلى انك خلتيه يشوف صورتك وهانفترض انك (ومع احترامى الشديد ليكى )ان شكلك مش عاجبه او ان مش هو ده الشكل اللى كان فى خياله ودا مجرد تخيل ومع احترامى الشديد ليكى وبصرف النظر عن شكلك ان كان حلو ولا مش حلو فى الحقيقه انا بس عايزك تتخيلى تعتقدى ومن خلال معرفتك بيه تعتقدى ايه هايكون رد فعله
هل هايتمسك بيكى حتى لو كان شكلك مش عاجبه؟
ولا هايعمل ايه فى رأيك؟
ملحوظه
انا مقصدش انى اقولك بصى لشكلك ان كان حلو ولا وحش لكن انا اقصد انك تتخيلى انك ورتيه صورة وحده غيرك وحشه قوى ايه هايكون رد فعله
واعتقد ان مينفعش حد يحب من غير ميشوف حبيبه واعتقد انك ورتيه صورة وحده وحشه انه هاينسحب لوحده وانتى ممكن تعمليلو اختبار ولاختبار مش هايكون انك تعرفى انه بيحبك ولا لاء الاختبار هايكون عشان تتأكدى انه فعلا هو اتعود بس عليكى ومش بيحبك واسف للاطاله

انتى غلطانة مينفعش تتعرفى على اى حد من عالنت اوك