السبب ان الناس دلوقتي بقت عملية زياده عن اللازم ورتم الحياة بقي سريع وكل حاجة بقت تكاواي حتي المشاعر والحب وده اللي انا مش قادة اتأقلم معاه ولا اقبل بيه ويمكن هو ده اللي تاعبني مش موضوع اختيار خطأ للاصدقاء اصدقاء المنتدي بحببهم بس يمكن متعرضتش معاهم لمواقف مباشرة او مواقفل كتير لسه تبينلي هما بيحبوني لاي درجه بس انا عارفة انهم بيحبوني طبعا

بما انك تشعرى بذلك هل عندك اقتراح لزياده التفاعل بين الاعضاء وهذا مش ليكى بس لانى فى غيرك يشعرون بذلك؟

بصراحه المواضيع هي اللي بتخلق التفاعل لكن التفاعل بره المنتدي اعتقد ان ده صعب شوية

على العموم نجمتنا هنبقى نناقش القضيه دى والان سوال من احد اعضائنا ايه اكثر شى بتحبيها فى الشيخ محمد حسان ولماذا تهتمى بالاستماع الى خطبه ؟

بحب في الشيخ محمد حسان غزارة علمه ماشاء الله عليه اسلوبه وطريقته وكلامه يجبروك انك لو مش مسلم تحب الاسلام وبهتم بالاستماع ليه لنفس الاسباب

طبعا كلنا نحب الشيخ محمد حسان والان سوال مهم اوى ما مدى استفادتك بالنت ؟

بصراحه لو اقولك استفادت منه كتير ابقي كدابة هو تقريبا بنسبة40% مش اكتر يعني تسلية وابحاث للجامعه ومعلومات لو عايزة اعرف معلومة بطريقة سريعه

نتمنى المزيد يا نجمتنا 40 فى المائه قليل والان سوال لذيذ جاوبى على هذه الاسئله من وجهه نظرك هذه الصفات اختارى عضو او عضوه لها


كريم

- خلوق

- مؤدب

- خجول

طيب -

حنون -

طفولي -

مرح -

رائع -

محترم -

مسالم

عضو متميز -

عضو متكبر -

عضو تعطيه ورده عضو تقول له شكرا -

عضو تقول له الله يسامحك

كريم:-مش عارفةفي حد هنا كريم ولا لاء اعزموني علي العشا وانا اعرف-

خلوق:-احمد عوض طبعا

- مؤدب:-احمد شطا
- خجول :- همسات

طيب -ياسمين جيسي


حنون -احمد عوض

طفولي - بوسي كات

مرح -روميو

رائع -روميو واحمد عوض

محترم - اجتماعي اخر حاجة

مسالم:- ياسمين فيرجينيا

عضو متميز -عبدو باشا واجتماعي وميسرة

عضو متكبر -بصراحه مش عارفة

عضو تعطيه ورده عضو تقول له شكرا - اجتماعي اخر حاجة واقوله شكرا علي استضافتك ليا

عضو تقول له الله يسامحك:-راغب

والله يا ياسمين اختيارات رائعه وده شرف لى ان اكون فى وسط هذه الباقه الرائعه والشرف لنا انك فى برنامجنا والان السوال الاخير قبل الدخول فى موضعنا الليله بمناسبه قرب عيد الام تقولى ايه لست الحبايب ؟

اقولها سامحيني ومتزعليش مني في اي حاجة زعلتك فيها وفي اخر البرنامج احب اسمع اغنيه ست الحبايب ياحنا ياانت للمبي

ههههههههههههه ماشى يا نجمتنا والان نبدا فى موضوع حلقه اليوم الزواج العرفى نجمتنا سوالى لكى ما هو معنى الزواج العرفى من وجهه نظرك؟

بصراحه يااحمد انا مش موافقة اساسا انه يطلق عليه لقب زواج لانه بيفقد كل شروط الزواج ومنهم واهمهم الاشهار انا اسفه في اللفظ اللي انا هقوله بس هو يطلق عليه زنا ده راي

رائع جدا نجمتنا وزى ما قلنا فى بدايه الحلقه الزواج العرفى غرضه الجنس والمتعه وليس استقرار واسره والان سوال اخرى هل تقبلى ان يكون لكى صديقه متزوجه عرفيا ؟

كل الناس بتغلط بس انا هجاوبك بصراحه الرسول عليه الصلاة والسلام بيقول المرء علي دين خليله وانا بصراحه مبقبلش يكون صديقتي كده

طب مثلا هى صديقه عمرك وضحك عليها شاب ووقعت تعملى ايه فى هذا الموقف ؟

طبعا مش هقدر ساعتها اتخلي عنهابس ساعتها هسال بابا ايه التصرف علشان مغلطش

جيد انك تستعينى بالكبار والان سوال هام من احد اعضائنا بما انها بنت
ايه اللي ممكن يحسوا بيه اول ما حبيبها يقولها جواز عرفي ؟
او اهلها يرفضوه لما يتقدم لها ؟
وبتحس بايه لما اهلها بيعرفوا ؟
ولما يتخلى عنها ؟
ده سوال على لسان احد اعضائنا موجه لكى بالحرف الواحد جاوبى ؟

اولا لو حبيبي قالي زواج عرفي يبقي مش حبيبي ولا يستاهل الكلمة دي لان الحب اساسو احترام ولو اهلي رفضوه والله لو هو من نصيبي لو ربنا كاتبهولي هيبقي بتاعي وليا مهما طال الوقت وده ميبقاش مبرر للبنت انها تغلط وتغضب ربنا علشان اهلها رفضو عريس مهما كانت بتحبه وهو بو محترم وراجل عمره ماهيفكر في الغلط اما البنت اللي بتتجوز عرفي وبعدين يجي يتخلي عنها ده الطبيعي جدا لانه مبيحترمهاش وهي محافظتش علي نفسها يبقي متستناش منه يحافظ عليها

فعلا الله يكملك بعقلك والان سوال اخر فى رايك ما هو سبب الزواج العرفى ؟

انا مش هقول اسباب اقتصادية ولا طلبات اهل العروسة ان زي ماقولت ده مش مبرر لغضب ربنا ابدا بس هو قلة تربية دينيه انعدام وعي ديني للاسف

فعلا صدقتى والان سوال اخر هل ترى ان الزواج العرفى حرام ام حلال

احمد هو مش زواج اساسا هو زنا زي ماانا قولت في الاول وده طبعا اكبر حرام ربنا يحفظنا ويعفنا

بس البعض يرى عكس ذلك ويرى البعض بدام فيه اركان الزواح الصحيح يجوز ولكن فى الاصل ليس زواج للاسره ولكن للمتعه والان سوال هام جدا فى رايك لماذا تفكر الفتاه فى الزواج العرفى عامه مع انها تعرف خطوره هذه الخطوه

اولا يااحمد هو مش بيتوفر فيه شروط ولا اركان الزواج اساسا واهما هو الاشهار ووجود ولي للبنت اما البنت ليه بتفكر قله وعي ديني وانعدام تفكير وعدم تحمل مسؤليه وعدم امانة منها

وممكن نزود عليها ثقه فى هذا الشاب والان نجمتنا وانتى فى الجامعه هل شاهدتى حالات زواج عرفى احكلنا ؟ او نسبتهم كام فى اداب عبرى

انابصراحه عمري ماشوفت ده في الواقع بس عارفة انه موجود وانا كمان مليش اصحاب في الواقع معايا في الكلية اصحابي بس من ايام اعدادي لكن في الجامعه كله زمايل وبس فمقدرش افيدك في موضوع النسبة ده

الحمد لله والان موقف صعب شويه تخيل لو ليكى بنت وشاب ضحك عليها وتزوجت عرفيا تعملى ايه

انا لو ليا بنت وزي ماانت بتقول حصل معاها كده يبقي في تقصير من البيت من عندي انا يبقي انا مربتهاش علي الدين صح ربنا مبيضيعش اجر حد لو انا ربتها دينيا صح عمرها ماهتعمل كده ولو ده حصل يبقي ساعتها انا استاهل لاني انا المقصرة وهي تستاهل الدبح

فعلا والان مع اهم سوال فى حلقتنا هل ترى الحكومه المصريه مقصره فى الزواج العرفى وما اقتراحاتك لحل مشكله الزواج العرفى ؟