نجوم مصرية
منتديات نجوم مصرية المنتدى العام منتدى الحوار العام

تابع نجوم مصرية على أخبار جوجل

تابع نجوم مصرية على تطبيق نبض الإخباري



الحلقه الثامنه من برنامج هات من الاخر

 

السلام عليكم ورحمه الله وبركاته

اعزائى المشاهدين اهلا وسهلا بكم فى حلقه جديده من برنامجنا ونحب نفكركم الفائز بسوال الحلقه الماضيه sasa اما عن موضعنا اليوم فهو مثير للغايه بعنوان ( الشعب والحكومه ) ولكن اذا مسكنا الوضع فى الحكومه المصريه فهو مختلف تماما اى مشكله بتحصل لاى مواطن يقعد يلعن فى الحكومه ويقول هى السبب والحكومه مش عارف اقول ايه ترى نفسها دائما الملاك والشعب هو المخطا دائما على راى عادل امام الروساء تتمنى تصبح الصبح متلقيش حد يحكموه وفعلا ده شى موسف ودائما الحكومه تحول تزين المساوه ودائما بنتحرك لما المصيبه بتحصل وللاسف اصبحت الالقاب تنهال علينا بسبب الاهمال ومن اشهر الالقاب اذا حدثت اى مصيبه يقلك يبقى انت اكيد فى مصر يا خبر ابيض مصر مهد الحضارات اصبحت بؤره الفساد حسبى الله ونعم الوكيل ولكن السوال الان من المسئول عن هذه البلد ؟ الاجابه الحكومه والشعب اذن ان الحكومه ليست الوحيده الذى جعلت البلد متاخره وللشعب دور فى ذلك ولكن لابد ان نعرف الان ما هى اخطاء الشعب والحكومه ؟
من ناحيه الحكومه واخطائها
1- عدم الوعى الكامل بتطوير هذه البلد
2- بعض اعضاء الحكومه يهمهم المكسب الذاتى وتولع البلد
3- اهمال من الحكومه بمتابعه احوال الشعب
ويوجد اخطاء اخرى ولكن ايضا يوجد مميزات مثل الحفاظ على البلد من الارهاب وانشاء بعض الكبارى والمصانع للبلد والدبلوماسيه مع البلاد الاخرى

اما عن اخطاء الشعب

1- التعود على الاسطوانه المشروخه الحكومه هى السبب فى كله

2- نسى الفرد انه يستطيع ان ينجح بدون مساعده الحكومه له

3- عدم العذر للحكومه فى بعض الاشياء واخطاء اخرى

ولكن اخيرا وليس اخرا سوف نتعرف اكثر عن هذه القضيه مع نجمنا اليوم ولكن بعد الفاصل

فاصل ونعود




تابع نجوم مصرية على أخبار جوجل

تابع نجوم مصرية على تطبيق نبض الإخباري




المقال "الحلقه الثامنه من برنامج هات من الاخر" نشر بواسطة: بتاريخ:
اجتماعى اخر حاجه
عدنا

اهلا بكم مشاهدينا بعد الفاصل والان من نجمنا الجميل الكابتن الذى نال اعجاب الكثيرون فى المنتدى والان نرحب بنجمنا ونقله عرفنا بنفسك ؟
captin
السلام وعليكم ورحمه الله وبركاته اولا انا بشكر احمد على مجهوداته الرائعه ووجوده المتميز دائما وبشكره على الترحيب الجامد ده وبشكر كل اللى كان مستنينى ورحب بيا فالاعلان

انا يا سيدى اسمى سعيد يوسف محمود ماشى ف 23 سنه خريج تجاره انجليش شغال فمطار شرم الشيخ ظابط مراقبه جويه ساكن فمصر الجديده شغلى بيبقى 15 يوم واجازه 15 يوم

اتمنى انى اكون جاوبت صح على سؤالك ولو ناقص حاجه اتمنى انك تسألنى واوعدكم كلكم انى هجاوب بكل صراحه

اجتماعى اخر حاجه
لا يالعكس شى جميل جدا مشرفينا وحلو اوى نصف شهر شغال ونصف راحه والان نجمنا ما هو سر اختيارك لمنتدى نجوم عن غيره ؟
captin
والله اختيارى كان بالصدفه الباحته انا كنت زهقان من النت ومش لاقى حاجه اعملها قولت بدل ما اشغل الراديو اسمع نجوم اف ام اونلاين على النت
المهم دخلت على جوجل وعملت سيرش وجانى الموقع الجامد اوى ده المهم قولت اشوف اخباره ايه وبعد كده اسمع الأذاعه
بصراحه دخلت قولت والله مانا خارج حد يلاقى الصحبه الجميله دى والروح الحلوه والناس اللى زى العسل دى ويخرج اللمهم روحت مسجل ودخلت وقولت اشوف ايه النظام ولو لاقيته رخم هخرج لاقيت ترحيب مش ممكن كأنهم يعرفونى من زمان والحمد لله انا ارتحت للكل والكل ارتاحلى الحمد لله وبقيت واحد من اعز اخوات ليا وكل المنتدى بقى اهلى واخواتى واصحابى
اجتماعى اخر حاجه
بجد الله عليك شعور جميل جدا وبما انك فى صحوه الحب دى عرفنا اعز 5 اصدقاء فى المنتدى عندك ؟
captin
انت كده بتحرجنى جدا وبتخلينى فى مأزق لا احسد عليه
بص انا هقولك مين اعز اصحابى كلهم لانى بعزهم كلهم عشان محدش يزعل منى وفنفس الوقت الكل معزتهم كبيره عندى اوى
{روميو \ احمد عوض \ احمد شطا \ وانت طبعا \ ووانتد \ لوست انجل \ اسو \ همسات مسموعه \ ياسمين فرجينيا \ زينا \ سلمى \ القلب الطيب**
بجد فى ناس كتير اوى ويارب اللى نسيتو ميزعلش ويتأكد انى بحبه جدا جدا جدا جدا وبعزه كمان وياريت تقدرو انه احمد عاصرنى بوابل من الاسئله
على فكره فى حد انا مقلتوش ومتعمد كده
اجتماعى اخر حاجه
ههههههههههههه حلوه منك يا نجمنا ولكن احنا قلنا 5 بس ولكن احنا يعتبر عرفنا الاجابه ولكن يوجد موضوع حدث فى جروب الاصدقاء بتاع راغب انت وميسره عرفنا القصه بكل صراحه ؟
captin
انا اسف لو مكنتش متابع بسبب شغلى وسفرى لكن انا هستأذنك تسالنى وانا اجاوب كان عن موضوع السؤال بتاع راغب لميسره صح مش كده
اجتماعى اخر حاجه
يا نجمنا مش هقلك احكى لنا القصه دى السوال بطريقه اخرى ما هى علاقتك بميسره بكل صراحه؟
captin
تماااااااااااام انا بحب الصراحه وعشان كده انا هرد عليك بكل صراحه
ويارب كلامى ميزعلهاش مع انى زعلان جدا انها مش موجوده معانا
انا يا سيدى لما دخلت المندتى معرفش اتشديد كده مره واحده ليه وكنا بنسأل على بعض عادى عجبنى اسلوبها وتفكيرها وشخصيتها وعندها
المهم فكرت فموضوع الارتباط وكلمتها هى الاول كانت مش مقتنعه ومكنتش تعرفنى
بس الحمد لله فضلت وراها ومسكتش والحمد لله بنحب بعض جدا ويارب اكون عند حسن حظها وزى ما كنت تتمنى انها تلاقينى

اهدى بقى شويه عشان شكلك مش هتعدى الليله دى يا احمد
اجتماعى اخر حاجه
بصراحه يا نجمنا ده خبر رائع ونعلنها فى برنامجنا صريحا وبدون اشاعات من الاخرين مشروع ارتباط بين الكابتن سعيد وميسره وبجد ده خبر سعيد جدا وميسره انا اقول دائما عنها انها انسانه محترمه وممتازه مع انها مجهوله للبعض وانت انسان ممتاز يا كابتن والان مع سوال اخر فى السوال قبل السابق قلت فى حد انا مش هقول اسمه من هو هذا الشخص؟
captin
هو كان ميسره لانها مش من اصحابى ومن اصدقائى لانها حبيبتى
بس وانا تعمد انى اقول كده عشان محدش يفتكر انى نسيتها لانى مقدرش انساها
اجتماعى اخر حاجه
والله يا نجمنا كنت متاكد انه ميسره ولكن كنت اخشى ان لا تكون مشاعر حب وفاء ولكن الحمد لله والان سوال من احد الاعضاء بما انك تعمل فى هذا المجال هل يوجد مضيفات محجبات ؟
captin
فبعض الخطوط الجويه الخليجيه لكن مش فى مصر
اجتماعى اخر حاجه
للاسف لماذا مصر لا تقبل المحجبات هذه مشكله سوف نطرحها والان سوالى لك ما هى مواصفات شريكه حياتك ؟ وهل وجدتها فى ميسره ؟
captin
الحمد لله مواصفاتى كلها موجوده فميسره وده فضل من عند ربنا لكن هى عنيده حبتين وده على قلبى زى العسل عشان بحبها
اما عن مواصفات فتاه احلامى فهى انها تكون بتحبنى ورومانسيه وبتفهمنى من عنيه مؤدبه واخلاقها عاليه ولازم تكون مهتمه بيا وتكون رومانسيه زياده عن اللزوم لانى انشاء الله ناوى اعمل امبراطوريه رومانسيه لانى بحب الجو ده وتعيش معايا على الحلوه والمره وانشاء الله مش هتكون فيه مره
والجمد لله ربنا كرمنى بميو ومش هدور على حاجه لانى متأكد انها تملك كل هذه الصفات
اجتماعى اخر حاجه
والله شى جميل واتمنى ان يسمع هذا الكلام كل من يشكك فى مفيش حاجه اسمها حب لا والله فيه حب وده دليل من كلام الكابتن ولكن هل ميسره هى اول فتاه حبيتها ؟
captin
بصراحه لا
كان فى حد قبل كده بس الحمد لله انه محصلش نصيب والحمد لله
ربنا عوضنى بميسو حبيبه قلبى
وخلى بالك انت كده دخلت المنطقه الحمرااااا
اجتماعى اخر حاجه
لا ولا منطقه حمراء ولا حاجه نجمنا والان سوال هام اعطينا نبذه عن عملك ؟
captin
اممممممممم
طيب يا سيدى عنيا اللى اتنين
انا يا سيدى مسؤل عن حركه طيران الطيارات اول ما تدخل المجال الجوى اللى انا فيه وبحافظ على المسافات بينهم عن طريق الرادار ومسؤول عن الخطوط الجويه اللى بيمشوا فيه وانا المسؤل عن البيانات اللى بياخدوها من ارتفاعات وارصاد يعنى المناخ وحاله جو ودرجه الحراره وسرعه الرياح وكده يعنى لغايه لما تهبط فارض المطار فالمهبط يعنى
وبعد كده مسؤل عن اقلاعها برضه والبيانات اللى بتاخدها كلها لغايه لما احطهم على الطريق اللى هم رايحينوا لغايه لما اسلمهم لبرج المنطقه الجويه اللى هما رايحينها زى مانا استلمتها بالظبط وهى جايالى بس كده
يعنى لو لاقدر الله حصلت حادثه او كارثه هتبقى بسببى او بسبب عضل فالطياره وانت عارف دى ارواح ناس
يعنى
اجتماعى اخر حاجه
طبعا نجمنا دى مسئوايه خطيره جدا ربنا معاك والان سوال عرفنا بعائلتك هل عندك اخوات ام لا
captin
اه يا احمد عندى اخوات وكلهم الحمد لله متجوزين هما ولدين بس مش اكتر
اجتماعى اخر حاجه
الحمد لله عقبالك بميسره والان سوال هام ما هى الاحلام التى تود ان تحققها فى المستقبل ؟
captin
ميرسى كتير ليك الاحلام اللى ناوى اعملها انشاء الله
اول شئ اطلع والدى ووالدتى وانا وميسره نحج مع بعض انشاء الله عزوجل تانى شئ اجتهد فى عملى واكون انسان ناجح جدا فى مستقبلى تالت حاجه انى اتجوز ميسره انشاء الله
اجتماعى اخر حاجه
بجد احلام جميله ويارب تحقق لانك تستحق كل خير نجمنا والان ما هو اصعب موقف فى حياتك واجمل موقف ؟
captin
ربنا يخليك يا حبيبى
مممممممم
اجمل موقف هو شغلى لانى اشتغلت بصدفه غريبه جدا والحمد لله انا كنت لسه جايب النتيجه بتاعه سنه رابعه ورايح الشغل لاخويا عشان افرحه واقوله انى خلاص خلصت (اخويا شغال فنفس الشركه المقر الرئيسى للمطارات )
المهم رحت سلمت عليه ومش عارف ايه المدير بتاعه عرف انى موجود بره ونجحت طلبنى عشان يباركلى المهم دخلت سلمت عليه وقالى الف مبروك على النتيجه وانه عايزنى كمان ساعه قولتله ماشى ومعرفش هو عايزنى ليه المهم طلبنى بعد نص ساعه وقالى ادخل اعمل الانتر فيو ده عشان هتشتغل معانا انا مصدقتش نفسى من المفجأه والسرعه المهم دخلت الحمد لله نجحت واشتغلت بعد نتيجه الانتر فيو
ده كان احلى موقف


اصعب موقف بقى هو انى كنت لابس ومتشيك ورايح عيد ميلاد ناس صحابى من المطار هما طيارين مش شغالين فالمطار المهم انسات وشباب واللى اعرفه واللى معرفوش وكنا فشيراتون المطار المهم طلبت عصير كوكتيل وجه الويتر وشايل طلبات الترابيزه كلها وفجأه وقف واحد صاحبى ووقعت الطلبات كلها عليا ولك ان تتخيل بقيت عامل ازاى وهدومى بقت عامله ازاى طبعا القاعده كلها اتقلبت ضحك وروحت ماشى مروح وانا فنص هدومى ربنا ما يكتبها على حد ابدا
اجتماعى اخر حاجه
والله شى ممتاز والمدير عنده نظر انه اختار نجمنا والان سوال هام فى احد مواضيعك وهو اول حرف من اسمك يعبر عن رومنسيتك انا اسئلك بصراحه هل انت توافق على هذه الكلام ام تعتبره خرافات
captin
كله بتاع ربنا بس منكرش انى بهتم بالكلام ده وبحب اقراه بس مش اكتر لكن ممشيش وراه ومش بقتنع بيه
اجتماعى اخر حاجه
وجهه نظر نجمنا والان سوال هام هل لديك خصومات مع احد فى المنتدى او لايعجبك اسوبه من الاخرين



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
برنامج أهل الجنة حلقة الاحد 28/7/2013 قناة النهار يوتيوب كاملة الحلقه الثامنه عشر
الحلقه العاشره من برنامج هات من الاخر
معاد الحلقه الثامنه من برنامج هات من الاخر
الحلقه السابعه من برنامج هات من الاخر
رشح نجم الحلقه التاسعه من برنامج هات من الاخر

Powered by vBulletin Version 3.8.8
Copyright ©2000 - 2022, Jelsoft Enterprises Ltd
جميع الحقوق محفوظة © fmisr.com منتديات نجوم مصرية