بس حبيت الاول اعبر عن فرحتى بالرجوع تانى للمنتدى والمشاركة فيه بفاعلية بعد الانسحاب بسبب الادارة ولكن الذى شعرته به لفترات طويلة وانا متواجد هنا لم اجده فى اى مكان اخر
ولذلك اقول ما احلى الرجوع اليه
اولا احب ان اوجه التحية والسلام لكل الموجودين فى المنتدى الذين يعرفونى او لا
ثانيا احب اقول انى رجعت للمشاركة تانى عشان اعضاء المنتدى وحشونى بجد وحابب انى اقضى الصيف ده معاهم
ثالثا حبيت ان عودتى للمنتدى تبقى بموضوع يفيد الموجودين ونثيره للنقاش
موضوع مهم بقى واضح اوى فى حياتنا وهتكلم فيه بالعامية
هل احنا بنحب اللبان
ولما اللبان طعمه يروح بنرميه وندور على لبانة تانية
كل فترة لينا موضوع تلاقى كل مصر بتتكلم فيه ويوم يومين تلاتة ولا حس ولا خبر ويظهر موضوع جديد
يعنى كنا فى موال اسعار اللحمة بعد كده دخلنا على كاس مصر والاهلى طلع الزمالك بعد كده اسطول الحرية وهنكسر الحصار وبعد كده كاس العالم وبعد كده الشاب خالد ربنا يرحمه اى كان حاله وبعد شوية موضوع المحاميين والقضاة وفى الاخر نلاقى ايه
ولا لحمة رخصت ولا حصار اتكسر ولا صعدنا كاس عالم ولا موضوع القضاة والمحامين اتحل ولا ولا ولا
نمسك الموضوع كام يوم ناكله باسننا تحس ان مصر هتتغير فى اللحظة دى وبعد كده ولا مين شاف ولا مين درى
شاركنا برايك فى الموضوع ده وقول ازاى نقدر نتغلب على الظاهرة دى ولا هيه ظاهرة طبيعية فى كل المجتمعات
مستنى ارائكم