نجوم مصرية
منتديات نجوم مصرية المنتدى العام منتدى الحوار العام

تابع نجوم مصرية على أخبار جوجل

تابع نجوم مصرية على تطبيق نبض الإخباري



كيف تكون رخم؟؟؟؟؟؟؟

 

السلام عليكم ورحمة الله وبركاته
How To Be RezeL?

واحدة واحدة معايا بقى إن شاء الله هخليك
أرذل واحد فى الدنيا دى
نبتدى الحصة الأولى
ازاى تبقى رذل فى المواصلات

لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى
لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك
.....................................
فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم
..............
كده إنتهت الحصة الأولى
واللى عنده أى إضافة مفيش مانع
أهو معلومة ونستفيد منها كلنا
........................
الحصة التانية
ازاى تبقى رذل فى الكلية

الكلية هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى
.....................................
المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا
..............................
عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن
وبكده يبقى أنت مارست هوايتك وقضيت يوم رذل
..............................
الحصه التالته
الموبايل

بص ياسيدى أنت دلوقتى ماسك موبايلك وبتلعب فيه وبتسأل أى واحد جنبك أو حد متعرف عليه جديد رقمك كام ؟
سيبه يمليك نص الرقم كده وروح مشغل أى نغمة هو فاكرك بتسجل الرقم أتاريك بتلعب فى النغمات وهو بيملى عالفاضى
بتاخد الرقم من حد مش معاك رقمه وتقوله قولى رقمك وأنا هحفظه عشان الموبايل فاصل شحن
وشغل الغباء بقى كل مايقولهولك قوله غلط ومرة كده قولها صح يقولك تمام كده قوله اشطه يعنى هو كذا كذا وقوله غلط
هيقولك يابنى حرام عليك بقى قوله معلش معلش عشان احفظه بس وسوق الاستهبال لحد ماتحرق دمه
بتاخد الرقم من حد برضه قوله رن عليا عشان أسجل رقمك أنا حاطط الموبايل فى جيبى بس عامله صامت
ومليهوله غلط بقى هيرن عليك هيلاقى اللى بيفتح عليه ويقوله آلو وقوله معلش معلش مليتهولك غلط قال يعنى حد بيتلخبط فى رقمه
............................
أضمن بقى قعد أخوك الصغير بموبايلك وقوله أنا خارج وأول ماتسمع صوت الموبايل أتكى على الزرار ده
الزرار الأخضر ده ؟ أيوة ياحبيبى الزرار ألأخضر ده وأقول آلو ؟ برافو عليك تعجبنى نصاحتك قول اللى أنت عايزه
وأطلع بقى يامعلم خد نمر ناس على قد ماتقدر أخوك يرد وأنت تقوله آآآخ نسيت الموبايل فى البيت وخليه يشيل بقى
كل ماتتفق مع حد على ميعاد قوله أبقى رن عليا قبلها بنص ساعة عشان لو نسيت بس وأستناه فى الموعد المرتقب
وأول ماتلمح اسمه رد علطول هيقولك بتفتح ليه ؟ قوله فاكرك بتتصل عشان غيرت الميعاد أو مش جاى قولت أطمن
بقى بذمتك قولت أطمن ولا قولت أرذل ماشى ماشى ماعلينا
.........................
قول لصحبك هات الموبايل بتاعك هعمل منه دقيقة هيقولك والله ممعيش غيرها برن بيها قوله ياعم دى مسألة حياه أو موت
وخد الموبايل بقى أتصل بمامتك أيوة ياماما عاملة أيه ياحبيبتى ؟ أنتى عاملة أيه على الغدا النهارده ؟
محشى الله بموت فيه طب وأيه تانى ياماما ياماما ياماما عفوا لقد نفذ رصيدكم
لو صحبك معاه كريديت كتير بقى أبقى خلى مامتك تحكيلك عملت المحشى ازاى
صحبك بيتصل بس اتأكد انه بيتصل عشان حاجة مهمة عشان ميقفلش السكة فى وشك وكل شوية قوله خليك معايا كده
أنت رجعت من الشغل يا بابا ؟ طب ماهو من ساعة مانت اتولدت وهو بيرجع من الشغل فى الوقت ده أيه الجديد
أرجع لصحبك بقى أيوة معاك طب أستنى أستنى أيه الصوت ده ياماما أنتى فى المطبخ ؟ ماهى طول عمرها بتحضر الغدا فى الوقت ده
طبعا الله يكون فى عون صاحبك اللى مش عارف ياخد منك كلمتين على بعض
قول لصحبك حلوة أوى الرسالة دى هنقلها بس طويلة أوى طبعا كلنا فاهمين أنت بتلمح لأيه يارذل
(هو عشان يطلع ذوق معاك هيقولك خلاص ياسيدى أبعت اللى عاجباك دى (واحدة بس
طبعا فهمتوا قصدى من اللى بين القوسين أبعت بقى الرسايل كلها حتى لو فيها كلمنى شكرا
وقوله بصراحة كله عجبنى بس ياخسارة الرصيد خلص كان ناقص واحدة نفسى أخدها
أستلم رقم ابعتله كل يوم التلاتة بتوع كلمنى شكرا ورن عليه كل فيمتو ثانية مرة يتصل بيك أفتح ومتتكلمش ولا كلمة
آلو آلو آلو رد ياحيوان وأنت باصص فى السما وعامل أهبل خليك كده بقى لحد مايغير الخط أو يبطل يشيل موبايلات
...........................
بتبقى اسمها بالعربى ملاحظات ده فى نوكيا(notes)معاك موبايل فيه بلوتوث وقاعد فى مدرج الكلية أو سينما وكده أفتح الـ
أكتب فيها - فكك منى - وأبعتها لكل اللى فاتحين طبعا أى حد هيستلمها هيقول أيه الرذل ده أنا يعنى كنت طلبت من خلقته حاجة
قول لصحبك معرفش يا أخى الموبايل بتاعى ماله هيقولك أيه يعنى فيه أيه ؟ قوله رن عليا كده هيرن عليك
أتكى على أى زرار فى الموبايل هيقوم فاتح عليه قوله شوفت بتكى على أى زرار يقوم الموبايل فاتح على اللى بيرن زيك كده
(Any Key Answer) طبعا أنت مشغل خدمة
اللى هى خدمة أى زرار يرد على اللى بيتصل بيك وخليته يشيل المكالمة
قول لصحبك حولى جنيه رصيد عشان أرن بيه بدل مانا مفلس يعنى يرضيك كده ولا هتستخسر فيا جنيه
هيقولك لا مش هستخسر بس ازاى ؟ قوله تمام قولتلى ازاى تحولى ستة جنيه ولما يوصلوا أحولك أنا خمسة جنيه
هيقولك ماشى حول بقى يامعلم ولما تيجى تردهمله هيقولك مينفعش تحول رصيد وأنت رصيدك أقل من سبعة جنيه
وخليه يشيل الستة جنيه بحالهم والطريقة دى هدية منى ليكم

خلاص ! أضمنلك إنك هتاخد جــــايزة [ Eggz Empire ] في الحوار ده لو عملته ! وطبعاً مش هتلاقي حد تصاحبه إلا حد قري ده وذاكر أكثر منك
..........




تابع نجوم مصرية على أخبار جوجل

تابع نجوم مصرية على تطبيق نبض الإخباري




المقال "كيف تكون رخم؟؟؟؟؟؟؟" نشر بواسطة: بتاريخ:
hamadause
هههههههههههههههههه

جميل جدااااااااااااااا

صاحبى ورخم ماشى يا عم معلومات جميلة
WaNTeD
والله يا كبير مش عارف اقلك ايه بجد

ههههههههههههههههه

بس العمليه ابسط من كده يا راجل

انا لما بحب ارخم ببقا رخم اوي من غير ده كله

هههههههه

توبك رائع

تحياتي
ESSAM.FARES
هههههههههههههههههه

جميل جدااااااااااااااا

صاحبى ورخم ماشى يا عم معلومات جميلة
اي خدمه يا حماده علشان تعرف انا متعلم الرخامه منين
ESSAM.FARES
والله يا كبير مش عارف اقلك ايه بجد

ههههههههههههههههه

بس العمليه ابسط من كده يا راجل

انا لما بحب ارخم ببقا رخم اوي من غير ده كله

هههههههه

توبك رائع

تحياتي
هههههههههههههههههههه
بس برده الرخامه ليها ناسها
مرسي يا وونتيد علي مرورك الجميل
أسيرة الليل
غلااااااااااااااااااااااااااااااااااسه
hebaahmed
هههههههههههههههههههههههه
بس لو انضربنا حساب المستشفى على مين
strangerofthenight
طيب انا مش فاااااااااااااهم

ممكن تانى


ههههههههههههه



رخم بقا هههههههههه


حلوة يا عصام نايس توبيك ....
ESSAM.FARES
غلااااااااااااااااااااااااااااااااااسه

مرسي يا اسيره علي مرورك للموضوع
ESSAM.FARES
هههههههههههههههههههههههه
بس لو انضربنا حساب المستشفى على مين
طبعا عليا ياباشا
مرسي يا هبه علي مرورك الجميل
ESSAM.FARES
طيب انا مش فاااااااااااااهم

ممكن تانى


ههههههههههههه



رخم بقا هههههههههه


حلوة يا عصام نايس توبيك ....
بس ديه مش رخامه ديه غلاسه
بس انتا والله دمك زي العسل
ونورت التوبيك والله
ندى الليل
هههههههههههههههههه حلو اوى
القلب الطيب
روووووووووووووووووووووعة اووووووووووووووووي
ESSAM.FARES
هههههههههههههههههه حلو اوى
مرسي يا ندي علي مرورك للموضوع
ESSAM.FARES
روووووووووووووووووووووعة اووووووووووووووووي
مرسي يا محمد
علي فكره انتا كنت هاييل في انا ميييييييين
somalove
بجد انت دمك زى العسل
ههههههههههههههههههه[/
ESSAM.FARES
مرسي كتير يا somalove
ومرسي علي مرورك بالموضوع
tito policeman
موضوع جميل
شكرا لمجهودك
%u0632%u0627%u0626%u0631
ههههههههههههههههه تصدق ان أكبر نذاله عملتها انته دلوقتي انك خليتني اقرأ موضوعك الجميل ده وانا في الجامعه والكل بيسمع الدرس غيري
هههههههههههههه فااااصل يطردني المدرس وارجع
engami
هههههههههههه
انا هطلع ارزل منك بقى
و هقولك الموضوع مش حلو
هههههههههههه

تسلم ايدك موضوع جبااااااااار
رد زائر9002
هاه؟...............ههههههههههههه مش فاهم



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
من تحب أن تكون ؟
ان تكون طيباً لا يعنى أن تكون ضعيفاً.
الرجوله كيف تكون ؟
كيف تكون صديقاً لأبنائك قبل أن تكون أباً لهم؟
كيف تكون رجل

Powered by vBulletin Version 3.8.8
Copyright ©2000 - 2022, Jelsoft Enterprises Ltd
جميع الحقوق محفوظة © fmisr.com منتديات نجوم مصرية