اخباركم ايه يا جماعة يا رب دايما بخير
انا بس كنت مخنوقة على مهمومة شوية وعاوزة افضفض
امبارح بس عرفت ان انشغالى بالحب خلانى افقد حاجات كتير اوى
تعتبر اغلى حاجات عندى
من يوم ما بدات فى مشوار الحب والكلام ده تركت كل حاجة
تواصلى مع اصحابى اصبح قليل جداااا
كمان مشاغلى الخاصة زى الدراسة ومشاغل اليوم عامة كلها بعدتنى عن ناس انا غالية عندهم اوى
اعصابى تعبت اوى امبارح لما كنت باتصل بواحدة صديقة قديمة وبعيدا عن التفاصيل عرفت انها بتحبنى جدا جدا واعترفت بده بنفسها وزعلانة منى لانى قاطعتها
قالت انى كنت بالنسبة ليها رقم واحد وزى اختها واعز اصدقائها
وانى كنت مثلها الاعلى
وانتهت المكالمة انها زعلانة منى بسبب تقصيرى
بجد انا تعبت نفسيا اوى
لانى ما كنت اعرف انها تكن لى كل هذا الحب بهذه الدرجة
ولانى حاسة انى كسرت جواها حاجة صعب اصلحها
ما اكذبش عليكم انا اصلا مش باعترف اوى بموضوع الصداقة المستديمة بسبب انى باحس ان البنات بتحبحكها اوى ولو حصل حاجة غير مقصودة ممكن تقلب بمشكلة وزعل وخصام وندخل باه فى مواثيق الصداقة
وانا ده بيدمر اعصابى لانى دايما احب احس انى حرة مش مقيدة بحد او خلافه
انا احب اعرف ناس كتير ويكون بيننا علاقة كويسة مافيش مشاكل بس ما توصلش لميثاق الصداقة بتاع البنات لانى جربته قبل كده وما اخدش منه غير وجع الدماغ
كمان انا مخنوقة لانى برده انشغالى بالحب خلانى ابعد عن ربنا كتير ...فى حاجات كتير كويسة كنت باعملها وبطلتها
تصدقونى لو قلت ليكم انى نفسى اوى ارجع اعملها تانى واواظب عليها بس دلوقتى مشكلتى فى الصحة
صحتى تعبانة اوى الايام ديه
كمان زعلانة اوى ومتضايقة لسبب تالث هو انى حاسة انى باظلم الانسان الى بيحبنى
صدقونى لو قلت ليكم باتمنى انه يكرهنى او يحب واحدة تانية
هو دايما شايف انى ارتباطنا شئ ممكن ...وانا شايفة ان ارتباطنا شئ شبه مستحيل
وهو مش حياخد منه غير المشاكل
بس هو دماغه ناشفة اوى
وكمان متضليقة لانى عندى مذاكرة وامتحانات ويا دوبك باذاكر بالعافية لما يكون عندى كده شوية صحة
ولالمتحانات قربت اوى
انا حاسة انى تعبانة اوى
انا باحكى ليكا مش علشان انا عاوزة حل
انا الحمد لله اقدر جدا على حل مشاكلى بامر الله
لانها مشاكل بسيطة محتاجة بس شوية صبر ووقت
وللاسف مش حعرف ابتدى فى حلها فى الوقت الحالى بسبب حالتى الصحية والنفسية
معلش فضفضت معاكم شوية وخنقتكم جبتين
بس عاوزة ااقولكم حاجة نا شايفة ان مشاكلى ديه كلها بسبب الحب الى شغلنى عن كل حاجة
بس ده سبب فرعى
لكن السبب الرئيسى فى الاول والاخر هو انى فشلت فى تنظيم حياتى
نفسى اوى ارجع سنة ونص للخلف ....اعتقد كنت اتصرفت احس من كده
بس علشان رجوع الزمن مستحيل ومش بايدينا
فاعتقد انه ممكن نصلح الجاى من عمرنا
اسالكم الدعاء بالشفاء ..........................................