حبيت اناقشكم في موضوع لذيذ اوي يارب يعجبكم هو الحب من اول نظره.

هل انت وانتي ممن يؤمنون بالحب من اول نظره؟؟

بتؤمن بيه؟ طيب ممكن تجاوب علي اسئلتي؟؟؟؟
1- هل الحب من اول نظره فعلا موجود؟
2-في رايك ده حب ولا مجرد اعجاب؟
3-هل تعتقد ان تستمر علاقه حب من اول نظره؟
4-وماذا تفعل ان اكتشفت ان مااحببته من اول نظره ليس جدير بحبك؟
5-لو اتخدعت في اول نظره هتغير رايك وتقول ان مافيش حب من اول نظره؟

اكيد افتكرت اني مش بؤمن بيه لالالالالالا استني بس متستعجلش

طيب لو اجابتك لا مش بؤمن بيه
1-معناها ايه الاحاسيس اللي جواك تجاه شخص اول مره في حياتك تشوفه؟
2-ازاي تشعر ان هذا الشخص هو املك في الحياه؟
3-وفجاه تحس انه بقي كل حاجه في دنيتك وانت لسه متعرفوش؟
4-وليه تفضل طول الوقت تفكر فيه حتي من غير ماتعرف اسمه؟
5-وازاي تبقي هتموت وتشوفه وتدور عليه في كل مكان؟

اكيد حيرتكم معايا!!!!!!!!!!

انا كمان محتاره بس قررت اوصل لاجابه تريحني عارفين هي ايه؟
انا لامؤمنه بالحب من النظره الاولي ولا مش مؤمنه بيه......

انا موؤمنه بالقدر ومن رايي هو اللي بيسبب الحب من اول نظره او ممكن يخليه ميحصلش.....


هل توافقني في الراي؟؟
بليز عايزه اعرف ردودكم وتجاوب علي سؤالي تؤمن بيه ولا لا؟ بس قبل ماتجاوب ماتنساش ترد علي ال 10 اسئله...

واتمنالكم جميعا وقت ممتع في المنتدي................ بحبكم كلكم يااحلي اصحاب علي احلي منتدي وماتنسوش الردود بليز

في رايي
لا يوجد حب من اول نظرة
لكن فيه اعجاب من اول نظرة وممكن يتحول بعد كدا لحب فعمليا ممكن يكون فيه حب من اول نظرة
لكن الانسان مبيحبش فعلا غير لما يتعرف على شخصية المعجب بيه ويحس انه بيباددله نفس الشعور

ميرسي ياعبدوا علي ردك الرائع وانت رايك حلو اوي

عزيزتى .. الحب كلمه كبيرة لا يجوز ان نطلقها هكذا جزافا...ولكن هناك شىء اسمه الكيميا..او التآلف الذى يحدث من النظرة الاولى..وهذه هى اول سلمه فى درجات الحب..اما ان نصعد السلم لاخره او نرجع من حيث اتينا..وهذا يتوقف على عدة عوامل منها الصفات الشخصيه...الاسلوب..الطباع..التوافق النفسى..اذن لا يوجد حب من اول نظره..

مرسي عصفور المطر علي مرورك الرائع وفعلا كل كلمه من كلامك لها معني كبير اوي وصلني مرسي كتير علي الكلام الرائع وزوقك الراقي

بعد التحية :

فعلا هو لايسمى حب ممكن ان يكون اعجاب
لكن ان تفكر كثيرا وبحب فى شخص رايته
فأظن ان هذا ليس بحب بل حرمان من الحب
نقص فى العواطف تكملها بالتفكير فى انسان رايته
حب فى خيالك الواقعى الوحيد فى هذا الحب الخيالى هو ملامح الشخص الذى توهم نفسك بحبه
دون تشعر.... تحياااااااااتى وانا معك ان كل هذا المهم فيه القدر...

زى مقال عبده الاعجاب يجيب الحب
شكرا على التوبيك
___________________________

لا اله الا الله محمد رسول الله

بيتهيقلى انة مبيبقاش

حب ممكن يكون اعجاب

موضوع جميل يا سمسمة بس أقولك ايه ساعات تكون مش في دماغ الواحد أساسا الحب لكن ممكن يشوف حد يحبه أوي من غير ما ياخد باله أو علشان مش في دماغه عامل مطنش (بيضحك ع نفسه) و ده اللي حصل معايا

مرسي برنس حمزه علي المرور..مرسي فيروز...................مرسي اوي اوي علي كلامكmusciens اكيد انت موضوعاتك اجمل ومرسي علي المرور

فى اعجاب من اول نظره بيتحول لحب

مفيش حاجه اسمها حب من اول نظرة ولكن ممكن يكون الشكل العام هوالعامل الاساسى فى هذا الاعجاب ولكن الحب ياتى من المعرفه الدقيقه للشخصيه التى يجب الارتباط بها .

بصراحة كلام أفلام
ولكن هناك رأى علمى :-
أكد فريق من الباحثين في جامعة فلوريدا الأميركية في أول تفسير علمي لظاهرة الإعجاب المفاجئ، أن هناك أشخاصا يتمتعون بجاذبية الوجوه والأشكال، بحيث يشدون أنظارالناس اليهم ويقعون في حبهم من أول نظرة.

وقد أرجع جون مينر الأستاذ المساعد في علم النفس في الجامعة - الذي أشرف على الدراسة المنشورة في مجلة Journal of Personality and Social Psychology السبب وراء هذا الإعجاب المفاجئ إلى أن هذا الأمر أشبه بجذب مغناطيسي، إلا أنه يتم على مستوى الإهتمام البصري.

كما شرح مينر أن الإعجاب يأتي على رأس قائمة التغيرات الكثيرة التي تطرأ على حياة الناس دون أن يشعروا بها ويسعون جاهدين لإيجاد المدلول أو التفسير العلمي الصحيح لها، ومن بينها ما يعرف بالحب من أول نظرة. وتأتى هذه الحالة عادة عندما تقع العين على شخص ما، فيعجب بإحدى صفاته كمظهره وقوامه أو ملامح وجهه وابتسامته ونظرته أو طريقة كلامه ونبرات صوته أو تصرفاته، أو شخصيته أو حتى لون عينيه.

وفي ثلاثة اختبارات أجراها الباحث الأميركي على مجموعة من الرجال والنساء، وجد أن أبصارهم إنشدّت نحو أشخاص جذابين خلال أول نصف ثانية من رؤيتهم لهم. ورصد العزاب من المشاركين في الدراسة الجنس الآخر فورا، فيما رصد المتزوجون الأشخاص الجذابين من نفس الجنس المنافس لهم.

وقال مينر، إن الأشخاص المهتمين بإيجاد زوجة لهم يجدون أن انتباههم كله مسلط على النساء الجذابات، أما المرتبطون بزوجة فإنهم ينشدّون إلى الرجال لأنهم يريدون رصد المنافسين لهم، أو غرمائهم، وأضاف أن هذين النوعين من الإهتمام المنحاز يظهران خارج الوعي البشري.

ويعتمد مبدأ دراسة الباحث مينر على فكرة أن مخّ الإنسان تطور على مدى سنوات من التغير البيولوجي، بحيث ينجذب بقوة نحو إشارات الجاذبية البدنية لدى الآخرين، وذلك من أجل العثور على الزوجة الملائمة وكذلك لحمايتها والدفاع عنها.

بصي هو في فعلا حب من اول نظره وانا واحد من اللي حبوا اول مره بس صدقيني بيبقي حب جاااااااامد جدا بس للاسف معظمه مش بيكمل انا حبيت بنت اسمها نهي من اول نظره ويمكن من قبل ما اشوفها ايوه بمجرد ماسمعت صوتها حبتها قبل ما اشوفها
بتكلم بجد مش هزار بس للاسف الحب مكملش لانه كان مجرد حب لجمال الوجه والطله الحلوه زي ما بيقولوا
ارجو الرد علي رايي
محمد رجب

انا بقي من رأيي فعلا ان مش في حب من اول نظره لكن ممكن تلاقي نفسك بتتشد لحد من اول مره تشوفه فيها واما بنحس بكده بنقول ده حب بس ممكن حد يقولي ده ايه بالظبط؟؟؟؟؟؟؟؟؟؟؟؟؟؟
مورتي

1- هل الحب من اول نظره فعلا موجود؟

مفيش حب ممكن ييجي من نظره واحده لان النظره مش كفايه عشان نحب

2-في رايك ده حب ولا مجرد اعجاب؟

اكيد بيكون اعجاب وممكن يبقي اعجاب شديد بس مبيوصلش لحب

3-هل تعتقد ان تستمر علاقه حب من اول نظره؟

ممكن اول نظره تبقي شراره لبدء الحب وممكن اوي يكمل الحب ده بس محتاج لتفاهم من الطرفين

4-وماذا تفعل ان اكتشفت ان مااحببته من اول نظره ليس جدير بحبك؟

أكيد مش هخدعه وهقوله ع الحقيقه لاني لو علقته فيا اكتر هكون سبب في جرح قلبه

5-لو اتخدعت في اول نظره هتغير رايك وتقول ان مافيش حب من اول نظره؟

لا لان صوابع ايدك مش زي بعضها ومفيش ثوابت لان فشل تجربه شخصيه لا تعني بالضروره فشل كل العلاقات


طيب لو اجابتك لا مش بؤمن بيه


1-معناها ايه الاحاسيس اللي جواك تجاه شخص اول مره في حياتك تشوفه؟

معناها ان كل واحد فينا بيدور في عيون اللي حواليه عن اللي بيتمناه في شريك حياته فاول ما بيشوف الحاجات دي في شخص معين بيتعلق بيه وبيقول اني لقيت اللي بدور عليه


2-ازاي تشعر ان هذا الشخص هو املك في الحياه وفجاه تحس انه بقي كل حاجه في دنيتك وانت لسه متعرفوش؟


ده زي ما قلت انه لما بيلاقي المواصفات اللي بيدور عليها


4-وليه تفضل طول الوقت تفكر فيه حتي من غير ماتعرف اسمه؟

لان الحب مش بيعترف باي حاجه غير الاحساس


5-وازاي تبقي هتموت وتشوفه وتدور عليه في كل مكان؟

وأكيد هتدور عليه في كل مكان عشان تتاكد من ان الانسان ده هو اللي يستاهل حبك

انا راى من راى عبدو باشا
مفيش حب من اول نظرة ممكن يكون فى اعجاب
نايس راى عبدو

انا من رايي يا شروق ان في حب من اول نظرة

وانا مجرب ده قبل كده

فعلا الموضوع دة لذيذ و تسلم الاصابع الحلوة الكتبتوا

و احب اقول انا بؤمن جدااا بالحب من اول نظرة و دى بتكون اجمل نظرة الانسان بيشوفها و بيحسها

على الاطلاق

بس ياخصارة مفيش حلو فى الحياة بيكمل لان بقدر ماهو حلو لكن نسبة نجاحة قليله

و انا اعتبرة اعجاب قوى و اولى درجات الحب الاعجاب و لكن هذه النظرة اخذت اعلى درجات الاعجاب

او وصلت لاخر سلمة و باب الحب امامها

ولو انا اتخدعت فى اول نظرة بردة اصر على ان الحب من أول نظرة موجود

وأنا معاكى فى حاجة لو نجح الحب يبقى من ترتيب القدر و القدر يفعل ما يريد من دون ان يتكلم

ممكن يكون اعجب ممكن حب موضوع جميل جداااااااااااااا

ميرسي كل اللي رد علي التوبيك
بجد ارائكم كلها جميله واكثر من رائعه
تسلموا جميعا ودمتم بكل الحب والود