|
الاهلى _الاسماعيلى_الزمالك حيفوت الماتش_الدورى لمين . دول اكتر اربعة جمل وكلمات ممكن تسمعهم اليومين دول
 بس من وجهة نظرى وانا على فكرة اهلوية جدا وبكره الزمالك جدا جدا وبدعى على الاسماعيلى جداجداجدا ان الزمالك مش حيفوت الماتش للاسماعيلى ومع كده حيخسر لان الاسماعيلى احسن منه بكتير واحنا احسن من الاتنين فيريت الاخوة الاهلوية ميتكلموش فى التفويت ده كتير ويمنحوا الزملكوية تقدير اكتر من اللى يستهلوه بكتير وانا متاكدة ان الدورى للاهلى لانه مينفعش يكون لحد تانى (وسلامى لحكم انبى)
|
|
اصل الزمالك فاكر نفسه برشلونة
وسواء كان في نيته يفوت للاسماعيلى او لأ فهو كده كده حيخسر وسلام خاص لحكم ماتش الاهلي وانبى وياريت مانشفهوش تاني |
|
فعلا المفروض اننا نقدرهم اكتر من الاول خصوصا بعد التقسيمه اللى لعبوها مع الاسماعيلى
بس نشكر لعيبه الزمالك على الاداء الرجولى فى المباره هههههههههههههههههههههههههههههههههههههههههههههههههه هههههه |
|
طيب يا شروق انتى شفتى المطش؟
ايه رايك مش بزمتك الزمالك سايب المطش للاسماعيلى دول حتى كان شكلهم وحش اوى وهما عاملين فيها زعلانين عموما انشاءالله الدورى للاهلى اهلاوووووووووووووووويه |
|
يا جماعه تفويت ايه الى بتكلموا عليه حد اتفرج على المسلسل الرائع الى مثله الزمالك امبارح ببراعه
الزمالك لو كان لعب نفس لعبه مع الاهلى كان ممكن يكسب انا مش عارفه هما راحو الاستاد ليه مكنش ليها لزمه والله بيجوا على نفسهم كتير الزمالكويه بس برضه الدورى للاهلى ان شاء الله |
|
لاتفويت ولا حاجة دة مستوى الزمالك الطبيعى
وبعدين انا مبسوطة من الى حصل علشان الاهلى ياخد الدورى بشرف مش باقدام الزمالك ان شاء الله الدورى للاهلىىىىىىىىىىىىىىىىىىىىىىىىىىىىىىىىىىى |
|
انا مش هرد لان لو رديت هتعصب ممكن اقول كلام مينفعش يتقال اقل كلمه هقوله
الزمالك ده فرقه معفنه وهتفضل طول عمرها منزله نفسه في الارض |
|
يا جماعة كل اللي شاف الماتش امبارح بيقول الزمالك سايب الماتش للاسماعيلي
والدليلي علي كده 4 اهداف كانوا في الشوط الاول فقط وكمان الهدف الثاني احمد مجدي بدل ما يطلع الكره كورنر بيديها لمصطفي كريم ولسان حاله بيقوله جيب جول يا مصطفي والهدف الثالث مصطفي كريم بيستلم الكره وسط 3 مدافعين وبيموه ويشوطها في الزاوية البعيدة والحارس عبد الواحد بترمي ع الكرة بعد ما دخلت المرمي بزمتكم مش لو الزمالك لعب زي مالعب قدام الاهلي كان كسب الاسماعيلي مع احترامي للدروايش وكمان حد شاف مستر ديكستال المدير الفني لنادي الزمالك طول المباراه قاعد ع الدكة موقفش ابدا طول المباره واعصابه هادية ودي صور من مباراه الاسماعيلي والزمالك    و دي لسامي الشيشيني ياتري بيكلم مين وبيقوله ايه اكيد انتوا عندكوا الرد  و دي شوفه شيكابالا بيشاور للكاميرا ولسان حاله بيقول مبروك الدوري يااسماعيلي ايه رايكم بقي  بالعكس في ماتش الاهلي كان متعصب اوووووووي وكان طول الماتش واقف ومع كل كره نشوفه بيتعصب اوووووووووي وفي الاخر بيقوله اننا ماسيبناش الماتش للاسماعيلي مع العلم ان الزمالك لعب بكامل نجومه ونرجع للحكم \ مدحت عبد العزيز حكم مباراه الاهلي وانبي الكل اجمع ان الحكم ظلم الاهلي ظلم واضح وباين اوووووووي كره مشتركة بين سيد معوض سهله ماتستحقش انذار لكن الحكم طبق قانون اخر فقام بانذار سيد وب تم طرده لانذار الثاني وسط ذهول كل من في الملعب او اما م شاشة التليفزيون واحمد حسن اضرب اكتر من 7 مرات فاولات خشنةالحكم مداش غير انذارين بس من 7 وبصراحة عندك عادل مصطفي يستحق كارت احمر للخشونة مع لاعبي الاهلي واسلام رجب هو الاخر يستحق كارت احمر كلكوا شوفته اخر كوره في الماتتش اللي احمد السيد لعبها براسه وجت في العارضه ولسان حال الكره بيقول انا مش هدخل المرمي الا باذن الحكم المهم اسلام رجب لا عب انبي قام بلمس الكره بيده غي نفس اللعبه بعد ما ارتطمت بالعارضة وتغاضي عنها الحكم باحتسابها ركلة جزاء لللاهلي وقام ايضا اسلام رجب بركل معتز اينو في باطنه بركبه الاعب اسلام رجب واليكم صور اللقاء وظلم التحكيم ما بتكدبش ضربة الجزاء الصحيحة لأبوتريكة   سيد معوض يلعب على الكرة ويطرد      أسامة رجب وعلى طريقة حراس المرمى يتصدى للكرة بيده ثم يركل إينو فى بطنه     عادل مصطفى الحاصل على إنذار والشد أكثر من مرة والحكم مش هنا   والحكم مدحت عبد العزيز شاهد ما شافش حاجة    انا اسف اني طولت عليكم اووووووي بس والله انا مدايق اووووووي من الظلم اللي بيتعرض لية النادي الاهلي وليه كل ده علشان مناخدش الدوري بس باذن الله تعالي وبعزيمة لاعبي الاهلي الرجالة هناخد الدوري السنه دي باذن الله تحياتي لكل الاهلاوية اللي ف المنتدي محمد القلب الطيب الاهلاوي اووووووووووووووي |
|
كلامك كله صح يا ابنى والله
|
|
زي ما شفنا كلنا لعيبة الزمالك عملو اللي عليهم وفوتوا المتش بنجاح .. انا زمالكاوي وبقول برافو للزمالك .. ليه .. الاسماعيلي اهدالنا الدوري 2005 فدا اقل واجب
|
|
وبعدين لسة الدورى متحسمش للاسماعيلى القلب الطيب شكراااااااا على مجهودك بجد صور تحفة كشفت حقايق كتيررعن الحكم (شاهد مشفش حاجة) لا وبيقولو الحكام بتجى معى الاهلى فعلا عندهم حق |
|
ميرسسسسسسسي لكل الاعضاء اللي ردت علي الموضوع
وباذن الله الدوري للاهلي |
|
السلام عليكم
انا زمالكاوي واحب اني ارد على كل مشاركه هنا عشان اوضح شوية حاجات من وجهة نظري اولا بخصوص رد شيماء الزمالك مهش فاكر نفسه حد غير انه الزمالك ويكفيه شرفا ذلك الاسم واحنا لما شجعناه شجعنا الزمالك مش برشلونه شيماء وان كان في حد مغرور فالكل عارفه وفعلا سلام لحكم المطش لانه مش اول ولا آخر حكم ميحكمش كويس وبعدين اخطاءه كلها م من السهل انها تبان ووضح كام حاجه جايه في الكلام اللي جاي وازيك سمسم اكيد مش فاكرني المهم الزمالك لعب فعلا بخطه شبيهه بالخطه اللي لعب بيها امام الاهلي مع بعض الفروقات الطيفه والآداء دول لاعيبه لسه ناشئين وبيلغبوا بقالهم فترة فاكيد المستوى هيكون هابط بالاخص بعد المجهود الرائع اللي عمله امام الاهلي وتضييع المباراة منه ومننساش كمان ان اللاعب المصري لما بيتسلط عليه الاضواء بيهبط مستواه انا شوفت المطش لوفي ومحمد فتحي شال اكتر من شوطه من حازم امام والمرغلي وغيرهم والكل شاف والدوري للاهلي او الاسماعيلي دي حاجه في علم الغيب نونوش المطش مكنش مسلسل ولا حاجه والروح الرياضيه المتبادله بين لاعيبي الفريقين مش هياثر عليها مطش ولا كلام الناس وفعلا الزمالك لو كان لعب بنفس حماس الاهلي كان غلب او ضيع المطش بتعادل عشان يكون مسلسل لمطش ااهلي بس ذي ما قولت في الاول روح اللاعب المصري ومستواه بيتاثر بمجرد تصليت الضوء عليهم انا معاكي روسي بس مش مستواه على طول هو من اول الدوري كان بنفس الطريقه ويمكن يكون كان اسوء كمان بس الزمالك بدا يتبني صح وهيقوم من تاني والموسم اللي جاي هو اللي هيتكلم وانا مش هرد على بحبك لان اسلوبك مش اسلوب حوار محترم والاداره لازم تتدخل والا اصبح المنتدى ليس الا مجرد مكان لوضع ما يلفظ من سوء قول الاعضاء على فريق لم يحبه بس يا قلب يا طيب مش دليل ان المط دخل فيه 4اهداف في الشوط الاول ان المطش متساب المعروف ان الشوط التاني شوط مدربين ولياقه ولزمالك حسن من دفاعه في الشوط التاني وقلت لياقه الفريقين ممكن يكون السبب اما كورة احمد مجدي فمش اول مره يعملها ياما حصلت مع معظم الفرق محدش قال انه متفق معاه وبعدين ظهره كان للاعب الاسماعيلي يعني مكنش شايفه والخطا الدفاعي وارد وياما فرق دخل فيها اهداف باقدام او رؤوس لاعبينه ومحدش قال ان هما باعوا المطش والهدف التالت الكوره جات في رجلوا وهو لوحدوا فشاط وجات جون ومتنساش صبري رحيل جاب جون بنفس الطريقه محدش قال ان الدفاع سابه ليه والحارس احيانا بيحاول على الكوره بس رد فعله بيكون ابطا من الكوره وديكستال مبنشفهوش بيقوم كتير في المباريات وبيقوم في الطبيعي مره او اتنين ودا نفس اللي حصل والروح اللي بين الزمالك والاسماعيلي مش هتضيع بسبب مباراه ولو الزمالك كان كسب كان الاسماعيلي هيزعل لسبب واحد تقلص الفارق مش فوز الزمالك ومش اي حد يتكلم في التلفون يوم المطش هيكون بيتفق على نتيجة المطش ولو هما متفقين مش هيستنوا لحد قبل المطش عشان يكلموه وشيكا ليه متكنش في اول المطش وبيقول انهم هيغلبوا حتى لو بيقول ففعلا مبروك ومليون مبروك للاسماعيلي لو اخد الدوري والاسماعيلي الفريق التاني لجماهير الزمالك والحكم مش اول حكم يحكم وحش ولا آخر حكم ومش الاهلي لوحدوا بيعاني من سوء التحكيم في الدوري المصري ولا على راسه ريشه عشان الحكم اللي يحكمله وحش يمشي ويسيب التحكيم زان مكنتش بتشوف الا مباريات الاهلي فاتفرج على اعادات المباريات وشوف التحكيم على اصله مش كورتين وحتى الكوره مسبتهاش في حالها وعلى فكره الاسماعيلي دافع للكوره وبعدين الاخطاء اللي انت بتقول عليها تعالى نحللها سوى وكويس انك جايب صور كوره انت مشفتهاش الا بالتقريب هو الحكم مش بني آدم ولا هو رجل خارق عشان يشوف كوره ذي دي واحسن حكم في العالم ممكن ميحسبهاش واظن ان سيد عامل مقص عل رجل لاعب انبي وفي لاعب من انبي اخد انذار على كوره عمل فيها المقص بردوا في اكوره دي هو ممكن يكون الغلط من حكم الرايه مش من حكم الصفاره وبعدين الكورخ مكنتش مع معتز عشان تاثر عى الكوره وبعدين حاجه تانيه دي صوره ثابته مش متحركه يعني لاعب انبي حاول انه يطع الكوره بدماغه رد فعل رجله اترفعت وجاه اينو وهو اللي خبط فيها فمش واضحه والشد بيحصل من اي لاعب في الملعب ومحدش يقدر يقول لا فولان ممسكش اللاعب من الفنله وشده فالشد مادام ماثرش عل الكوره واللاعب فممكن يكون في اتاحة فرصه وفعلا عبده لو فعلا محدش اقتنع بالكلام اللي موجود فوق فابسط رد احنا سبناه ردا للجميل لاننا ناس بنشيل الجميل عندنا اصل وسلامي لكل زمالكاوي واسماعيلاوي واهلاوي بالمنتدى |
|
ميرسسسسسسسسسسسسسسسسسسسي لردك يا صاصا
وبرده الدوري للاهلي |
|
وفعلا عبده لو فعلا محدش اقتنع بالكلام اللي موجود فوق فابسط رد احنا سبناه ردا للجميل
لاننا ناس بنشيل الجميل عندنا اصل امال فين بقي القيم والمبادئ الى انتو ماشيين عليها جميل ايه الى انتو بتتكلموا عليه وهوا الاصل بتفويت الماتش انت بتبرروا موقفكم بايه انا مش فاهمه انتو ايه الى انتم فيه ده كلامكم صراحه بيدعو للنرفزه والاستفزاز ايه ده |
|
الاهلى بيعلأ اخطائه عى شماعة الحكم ليه هو الحكم معصوم من الخطأ ...ولاهو مرضيش يأبض من الاهلى عشان يحكملو عشان عندو ضمير
ولو الاهلى فريق جامد لاسامح الله ميهموش الزمالك يفوت ولا مايفوتش حاجه متخصوش ومش كل الاهلويه الى ملهمش فى الكوره بيتكلمو زمالك اسماعيلى زمالك اسماعيلى زمالك اسماعيلى زمــــــــــــــــــــــــــــــــــــــــــــــــ ـــــــــــــــــــالك |
|
في البدايه بشكرك يا قلب يا طيب
على رحب صدرك وهو دا فعلا اسلوب النقاش المتحضر مش نقول دا فريق كذا وانتوا تردوا لا دا انتوا اللي كذا وفعلا عبده لو فعلا محدش اقتنع بالكلام اللي موجود فوق فابسط رد احنا سبناه ردا للجميل
لاننا ناس بنشيل الجميل عندنا اصل امال فين بقي القيم والمبادئ الى انتو ماشيين عليها جميل ايه الى انتو بتتكلموا عليه وهوا الاصل بتفويت الماتش انت بتبرروا موقفكم بايه انا مش فاهمه انتو ايه الى انتم فيه ده كلامكم صراحه بيدعو للنرفزه والاستفزاز ايه ده وبعدين دا مجرد مبرر للي مش راضي يقتنع بالواقع وللي مغمضين عيونهم عن حقيقه الدوري وعلى فكره اسلوب الاغلبيه من جماهير الاهلي هو اللي بيخلي جماهير الانديه الشعبيه تكرهوا كالاتحاد والاسماعيلي والمصري وغيرهم كتير فياريت ذي ما بتغلطوا في الانديه التانيه استحملوا غلطهم لانهم بشر ذيكم |
| مواضيع مشابهة: | ||||
| › قمة بين الاهلى والاسماعيلى 3/5/2010 | ||||
| › صور مباراة الاهلى والاسماعيلى 3/5/2010 | ||||
| › كليب الاهلى ..... على الزمالك والاسماعيلى ... | ||||
| › درع الدوري بين الاهلي والاسماعيلي...لمن ؟ | ||||
