مشكلة هاااااااااامة جدا عند اعز صديقاتى فى الكليه
بتحب واحد جارها جدا جدا وهو كمان بيحبها اوى ونفس الوقت هى اتعرفت على واحد تانى وحبيته زى حبها لجارها بالظبط وهو كمان حبها جدا لدرجه انه مش قادر يعيش من غيرها

هى مشكلتها انها لو سابت جارها علشان زميلها هتموت من غيره لانها تخلت عنه ولو سابت زميلها علشان جارها برضه هتحس بنفس الاحساس الصعب ده

هى عارفة ان القلب ميشيلش اتنين بس هى فى حيرة جاااااااامدة جدا

ارجو الحل على هذه المشكلة.

هى كده اصلا مبتحبش اى حد من الاثنين والحل بسيط . تبقى مع الاثنين او تسيب الاثنين بس خليها تفكر بسرعة قبل ما تحب شباب الكلية كلهم ومتقدرش تستغنا عنهم. عشاق اخر زمن

ههههههههههههههههه
ميرسى ليك ياعمرو وفرحنى ردك جدا

رد عمرو هو الرد الطبيعى ولكن دعنا نقول الصراحه عايزين نتكلم فى الواقع مش هتقدر تدوس على قلبها وايه المبرر انها تترك الاثنين ولكن انا بقلها بكل صراحه اعملى مقارنه بين الاثنين وشوفى مين بيحبك اكثر اعملى المقارنه الاول ولما تصلى الى الحل اقلك تعملى ايه بعد كده وارجوكى لا تنظرى فى المقارنه الى عواطف فقط بل عقلك كمان

هى لازم تفوق بسرعه وتسيبهم هما الاتنين
لانها لو سابت واحد عشان التانى تبئا بتظلمهم وبتظلم نفسها
فهى تسيبهم وتكمل حياتها وتحاول تتحكم فى مشاعرها شويه اكتر

معلش يا بوسي انا هعلق على انها بتحب الاتنين ديه الاول
مفيش حاجة اسمها بتحب الاتنين هي يا اما بتحب واحد ومعجبة بالتاني ياما معجبة بشخصية الاتنين وده الاحتمال الكبير ...
والمفروض هي تشوف هي بترتاح مع مين اكتر وتفرق مين الي بعزها اكتر علشان تقدر تفرق..
تحياتي بوسي

مش القلب اختار الاتنين يبقى العقل يعمل شغلة بقى وتشوف المناسب ليها ودة يبقى بجد الحل المناسب

هى كده مش بتحب حد فيهم
وبصراحه تنساهم الاثنين وتشوف حد ثالث
وفى راى نسيان جارها صعب لانه متواجد معها طول الوقت

انا شايفك ياراغب تحت حرف ال.......b

انا بقى مش هرد عشان جالى

ألف سلامه يا kaki
ومتزعليش نفسك خالص

ممكن تغير الاسم عشان انفلونزا الطيور

شكلى هعطس فى وشك واطير

ممنوع حد يتريق على اسمى

انا جالى انفصام فى الشخصيه مينفعش خالص حد يحب اتنين ده هبل مينفعش خالص طب بيحصلها ايه لما تشوف ده وعارفه انى التانى بيحبها ع فكره هى كده مش بتحب

والله يا kaki انت زى العسل
وانا بهزر معاكى

مينفعش طبعا تحب اتنيين

ونصيحتي ليها لازم تسيب الاتنين وتنساهم

علشان متظلمش حد فيهم

بسسسسسس

الاول ماينفعش تحب اتنين فى وقت واحد لان اللى بيحب حد مش بيشوف غيره واللى بتعمله ده مش حب خلاص ومادام خايف على مشاعر كل واحد تسيب الاتنين علشان مافيش حد يتظلم معاها




tata

بصراحة يا بوسى انا مش عارفة اعلق اقول ايه

بس احب اقول ان القلب عمره ما يقدر يحب اتنين صعب جدا ده يحصل

انا نزلت موضوع قلبك يقدر يحب اتنين على منتدى تانى

وبصراحة انا من رايى ان الانسان اللى بيحب استحالة يحب على حبيبه لانه مبيبقاش شايف غيره

تحب اتنين ده استحالة مش صعب

والحل انها تسيبهم الاتنين لان لو اختارت واحد فيهم المشاكل عمرها ما هتخلص

هو اكيد صعب ان انسان يسيب اللى بيحبه لكن بمرور الزمن يمكن تنسى

يارب اكون الى حد ما افادتك وافادت صاحبتك وتقبلى رايى ومرورى

بوسي حبايبي وحبايبك جابو المفيد كلهم معارضين على الفكره نفسها وعندهم حق بصراحه

يعني ايه تحب اتنين احنا بنلعب ولا ايه

اسمعي كلامهم وقوليلها

مع كامل احترامى لصديقتك ولكنها لم تحدد هدفا لها على الاطلاق

شكراً لردكم ومساعدتكم الغالية
ان شاء الله هيوصلها الكلام وهفوقها ان شاء الله من الهبل اللى هى فيه
شكراً

انا شايف انها تسيب الاتنسن علشان بجد هى كده ممكن بجد تجرح الاتنين وهى مش عارفه

لكن لازم العقل يشتغل شوية لانى اكيد سيطرة العقل غير القلب الواحد دايما بيحط قلبه

فى مكان العقل وده مينفعش لانه ممكن يجرح وهو مش عارف بجد

وتقبلى مرورى يا اجميل بوسى تسلم ايدك


مع تحباتى وبالتوفيق ليها: عمــــــــــــــــــــــــر

شكرا لردك يا عمر
وميرسى لرايك

يا جماعة وارد جدا ان القلب يحب مرتين
بس أكيد واحد من التنين مكانه فى القلب بيبقى أكبر من التانى
وهى لازم تقرر وتشوف هى بتحب مين أكتر
وزى ما قلت القلب ممكن يحب اتنين بس أكيد فى نسب فى الحب ومفيش حاجة اسمها بتحب التنين زى بعض
وعشان تسيب حد لازم تتضحى لأن الحب كله تضحيات
بس المهم لما نضحى ما نقعش ولا نفكر كتير
آه هى لازم تفكر كويس بس لو فكرت كتيير أكيد مش هتوصل لحل وهتزهق وممكن بعد الشر لاقدر الله تنهار عصبيا
علشان كده لازم تاخد القرار بسرعة ومن غير تردد وباقتناع

ويارب يكون رأيى مهم ليها وتستفيد منه

صاحب قلبين كداب

و هتسبب فى دمار قلب من الاثنين

المهم هى بتحب مين

والله انا شايف برده ان القلب ميقدرش يشيل اتنين وهي اكيد مش عارفه تتحكم في مشاعرها نتيجة اندفاعها ورا عواطفها بمعنى انها مجرد مترتاح مع حد في الكلام بسرعه تعجب بيه وبسرعه برده تسميه هي حب بس انا شايف ان
هي لو كانت فعلا بتحب جارها عمرها مكانت هتحب واحد غيره ولو هي فعلا بتحب الانسان التاني ده عمرها مكانت هتفكر في جارها ونستنتج من كده انها مبتحبش ولا واحد فيهم وده على ما اعتقد مجرد وهم بس ان لو مكانها اكيد هفكر كويس قبل اتخاذ قراري واخليني مع الانسان الي بيحبني اكتر لانه اكيد هيخاف علي اكتر

تقبلي مروري

اقدر اقولك التفسير الوحيد لكلامك ده
اولا هى مابتحبش الاتنين ولا حاجه هى بتحب واحد بس منهم حب حقيقى
والسبب ان ماينفعش ابدا ان القلب يحب اتنين فى وقت واحد اما بالنسبه للتانى فهو مجرد عطف اتولد نتيجة احساسها المرهف وقلبها الطيب موش اكتر تجاه الشخص ده يمكن علشان بحبه ليها بيساعدها على تقويةحبها للشخص الاول فعلشان كده هى اكيد هتحب اى حاجه تحسسها بحبها للشخص الاول
زى مثلا لو شمت البرفان بتاعو فى محل معين اكيد هتحب تروح المحل ده علشان بيفكرها بيه بالاضافه
الى انها اكيد بتحس انها لما هتسيب الشخص التانى اكيد هيتجرح وده فى حد ذاته هيتعارض مع اسلوبها فى الحياه اللى هو الحب والاحساس المرهف والعاطفه علشان كده هى حاسه انها بتحب
الشخص التانى ده
لكن هى الوحيده اللى تعرف دلوقتى مين الشخص الاول ومين الشخص التانى
ونصحتى لازم لازم لازم تسيب الشخص اللى هو عباره عن عطف موش حب ...

شكرا لاحلى اعضاء واصحاب فى المنتدى

بصى انا اول مره اعلق على مشكله بس انا شايف انها ما حبتش ده ولاده بس هو جارها الاولنى الى هى حبتها مممكن يكون بعد عنها شويه فحست بالوحده فى الوقت الى كا ن زميلها ده قريب منها جدافى فى الحظه حبتها لانه حسساها بالحنان بس ده فى لغه الحياه مايبقش حب وتصدقنى هى تحاول تبعد عن الاتنين ةتحاول تعيش حب جديد بس حب بجد