|
انا بحب واحد معايا في الكليه من سنه تانيه واحنا دلوقتي في سنه رابعه ومفيش اي كلام بينا بس احيانا بحس ان هو كمان بيحبني من نظراته وحركاته يعني مثلا القيه يقف في المكان اللي انا فيه او يبص ناحية المكان اللي انا فيه لكن عمره مااتكلم معايا رغم ان انا بشوفه بيتكلم مع بنات عادي واحنا دلوقتي في اخر سنه . انا دلوقتي عايزه اعرف هو بيحبني ولا لاءه ولو بيحبني متكلمش معايا ليه ولو مش بيحبني كانت ايه النظرات والحركات اللي كان بيعملها ليه ياريت تساعدوني عشان انا فعلا محتاره بجد ومش عارفه اعمل ايه؟شكرا
|
|
نورتى المنتدى ياسلمى...................
سلمى هو لو بيحبك ليه معرفكش طول الوقت ده انه يكلمك ويعرفك نفرض انه خاجول بس مش سنتين ............... بعدين مافيش حد بينكسف فى الزمن ده وممكن يكون معجب مش اكثر او بيعاكس برخامه نصيحه اصبرى عليه شويه لحد م السنه تخلص وحولى تتألى عليه ومتكلمهوش انت عشان شخصيتك تتفضل قويه امامه بس ماتنسيش تكلمينا لوحصل اى شئ جديد أحمــــــــــــــــــــــــــــــــــد |
|
انا رائي ان الشاب ده خجول وخايف يصارحك بحبه احسن تصديه وساعتها يتجرح
من رائي اصبري عليه شوية وشوفي هيعمل ايه وربنا يوفقك يا سلمي |
|
شكرا جدا علي ردودكم وانا هعمل زي ماقولتوا ان شاء الله وطبعا يا احمد هقولكم ايه اللي حصل وشكرا
|
|
ازيك يا سلمى
مشكلتك دى صعبة أوى بس ان شاء الله هتلاقى ليها حل قريب جدا وأنا كان رأيى لو تعرفى حد من صحباتك بتكلمه خليها تشوف الموضوع ده ايه من غير ما يحس ان هى من طرفك أو ممكن تبقى تقفى معاهم فى مرة وتخلي صحبتك تعرفكم على بعض وممكن يكون ده بداية الكلام ابقى قوليلى عملتى ايه وأنا هفكرلك فى حل تانى وفى أقرب وقت وأقولهولك ان شاء الله وربنا معاكى وإن شاء الله هيكون بيحبك |
|
شكرا ليك يامصطفي علي ردك بس المشكله ان مفيش اي حد من اصحابي بيتكلم معاه ومقدرش كمان اقولهم حاجه زي دي وعايزاه هو اذا كان في حاجه هو اللي يبدء مش انا لاني انا بنت فاهمني. وميرسي جدا علي ردك وابقي اقولك ان شاء الله علي الجديد وهستني ردك
|
|
سلمى
هو بيتكلم مع البنات عادي لان مفيش مشاعر منه ناحيتهم واحساسه معاكي مختلف ومش قادر يعبرلك عن مشاعره لان الواحد في المواقف دي بيبقي خجول حبتين هو لو بيكلمك يبقي هتحسي من طريقه كلامه اذا كان بيحبك وللا لا ومنصحكيش انك تكلميه او تلفتي نظره هو اللي لازم يتحرك وربنا يوفقك يا سلمى |
|
سلمى
بجد أنا محتار فى حل المشكلة دى بس أكيد فى حل وان شاء الله هوصله وانتى لو وصلتى لحاجة قوليلى أنا على فكرة كنت فعلا بحب وحدة بس اتجرأت ورحت كلمتها ويارتنى ماتجرأت من سوء حظى ان هيا طلعت بتحب واحد تانى وكان معانا فى الكلية وعارفه وهو مكنش بيتكلم عنها خالص فأنا سيبتها لأنى مقدرش أقف قدام سعادتها معلش وجعت دماغك أنا عارف أنا كده دايما ربنا يوفقك يا سلمى - متنسيش ابقى قوليلى لو وصلتى لحاجة باى يا قمر |
|
ازيك يامصطفي انا اول ماحصل جديد هقولهولك دلوقتي انا روحت النهارده الجامعه وهو جه بردوا بس مكنش مهتم بيه خالص النهارده ومش بيبص ليه حتي او ممكن بصات عاديه وكمان كان بيتكلم مع بنات عادي ادامي يعني انا مش فارقه معاه ده اللي حصل النهارده ومش عارفه اعمل ايه لو لقيت حل قولي اوكي مستنيه ردك باي
|
|
ازيك يا سلمى
انتى لازم تستحملى شوية لازم تتأكدى من مشاعرك الأول يا سلمى ومتمشيش ورا أوهام ممكن تكونى فعلا أعجبتى بيه بس لازم تعيدى التفكير وأنا عندى تقريبا حل بس ممكن يزعلك انتى لازم تنسيه ومتفكريش فيه ولا تحطيه فى دماغك خالص هو فعلا لو معجب بيكى أو بيحبك كان جالك وقلك انه بيحبك وبعدين الايام دى مينفعش فيها النظرات بس لأن كتيير أوى من الناس بتنظر لبعضها بتتمنى اللى فى ايد غيرها وبعدين يا سلمى دول 3 سنين الناس بتعترف بالحب فى اسبوع ولا اسبوعين أو شهر ولا شهرين بالكتيير لأن محدش بيقدر يخبى المشاعر اللى فى قلبه وخصوصا لو كان حب بجد انتى لازم تنسيه لأن كده ممكن لا قدر الله تتعبى من كتر التفكير والنسيان هياخد وقت وهيسببلك شوية مشاكل وحاولى تقنعى نفسك بإن دى أهام - بس هى فترة وهتعدى أرجوكى متزعليش منى أنا فعلا حاسس باللى جواكى لأنى مريت بموقف عكسه وبرده اتخزلت فيه وهو هو نفس الشعور والاحساس وأنا زيك بحاول أنساها ودى سنة الحياة يا سلمى مش كله بيحب ولا كله مبيحبش ولازم نرضى بالمكتوب وسامحينى لو كنت ضايقتك أو زعلتك بالرد ده وربنا معاكى متنسيش لو فى حاجة قوليلى لا اله إلا الله |
|
على راي المثل اللي بيقول باب النجار مخلع
اعتقد ان انا ممكن انصح حد في المواضيع دي لكن للاسف مش عارف احل مشكلتي المهم اولا ازيك يا سلمى ثانيا كنت عايز اسالك كام سؤال وهستنى ردك وان شاء الله على اساسه هنوصل لحل كويسة سلمى انتي بتحبيه فعلا؟؟ انا اقصد انتي متاكده من كده؟؟ بمعنى هل شايفة ان انتي مش هتقدري فعلا تعيشي من غيره ومش هتعرفي تحبي حد غيره ولا هتعرفي حتى تنسي حبك ليه؟؟ ========= طيب انا عايز اعرف النظرات اللي كانت بتحصل كانت بتطول ولا بتبقى سريعة؟؟ وانتي متاكده ان النظرة كانت ليكي بمعنى انها مش مجرد نظرة عابرة؟؟ يعني كانت بتبقى eye to eye وتقعد وقت ؟؟ ========= طب البنات اللي بيقف معاهم بيكون لوحده ولا معاه اولاد غيره؟؟ ========= البنات دول يعرفهم بحكم انهم معاه في سكشن او جروب او غيره ولا ؟؟ويعرفهم من امتى تقريبا؟؟ ========= كفاية دول دلوقتي هيوضحوا حاجات كتيير وان شاء الله نوصل لحل اخوكي محمد |
|
ممكن يكون بيحبك فعلا بجد بس مش عندة الجراءة الكافية انة يصارحك بحبك او خايق لتصدية فى شباب خجولة جدا انا حصل معايا زى اللى حصل معاكى 7 سنين مضيها نظرات بس وللا سف ضاعت منى مع العلم انى لسة بحبها لحد دلوقتى ةنفسى يرجع يوم واحد من ايام زمان عشان اقولها حاولى انتى تقربى منة اكتر لو بتحبية بجد
|
|
فعلا يا سلمى جايز خايف انه يصارحك بحبه لتدية وساعتها هايتجرح ومش هايعرف يداوئ جرحه
لكن اصبرى عليه جايز هايجئ اليوم اللى يصرحك فيه وربنا معاكى يا سلمـــــــــى عمر |
| مواضيع مشابهة: | ||||
| › مشكلتى حبى | ||||
| › مشكلتى و مشكلتك | ||||
