بعمل كدة ليه ... مش هوة دة سؤالك ؟
أنا عايزة أجرح من كتر ما بكيت عايزة أشوف دموع
عارفة إنه مكنش يجي يوم على بالك
إني أجرحك و ترجع و أنا اللي أرفض الرجوع
مستغرب أزاي قادرة مسألش عن أحوالك ؟
منا كنت محتاجة في يوم صوت يكون مسموع
--------------------
أيوة من غير ما تفكر كتير
أنا بخلص منك كل اللي شوفته في حياتي
بلاش تسألني راح فين الحب الكبير
منا ناديت في يوم و محدش سمع أهاتي
لا هوة أنت فاكر إنك في أحلامي أمير ؟؟؟
أرد عليك ولا أحسن سكاتي ؟
--------------------
طب روح شوفلك حد يحبك بجد
أنا خلاص مات جوايا الأحساس
و متبقاش تأمن بعد كدة لأي حد
عشان لما تحب لازم تحب واحد من الناس
أسمع كلامي ... خليك للجرح دايماً مستعد
صدقني هوة دة الأساس
-------------------
عارف ممكن أكون عليك هموت
بس أنا قلبي مات
و هقتله لو سمعت لييه صوت
عشان أنا ياما شفت الام و حاجات
أكمل ؟ ولا أحسنلك السكوت ؟؟
بصراحة قلبي بيدقلك ساعات
-------------------
أيوة سهل علية أضيع قلب
منا قلبي ياما تاه
تعب و هوة بيقاسي جراح الحب
و فضل يدور على قلب يهواه
مش ذنب قلبي دة ذنب
كل اللي أفتكره لما دور عليه لقاه
-------------------
مش كفاية كدة
ولا عايز تبكي أكتر ...؟
لو عاجباك الدموع بالشكل دة
متخافش أنا عليها هقدر
أنا مش بكرهك ولا بحبك ... لا دة ولا دة
أنا بكره قلبي اللي معرفش يختار
-------------------
بس ... متقلهاش تاني و ليه أفهمك ؟
عايزني أرجع أحب و أدوب ؟؟؟
أسفة مش هقدر أسمعك
أصلي نويت إني عن الحب هتوب
مش هقدر أكتر من كدة أخدعك
الملاك اللي حبيته مليان ذنوب
-------------------
أنت مش غدار ... أنت مش أناني
أنا اللي تعبت من الحياة
عايزني أقلهالك تاني ؟
يمكن أكون بحبك أه
بس حبي دة هيضيع في لحظة غدر منك و هيبقى جرح في ثواني
عشان كدة قلبك مش عيزاه
بعمل كدة ليه ... مش هوة دة سؤالك ...؟
------------------- -