مطلوب من كل واحد هيدخل الموضوع ده انه يجاوب على سؤالين:
** قول موقف انقذتك فيه صراحتك؟؟
** وقول موقف انقذتك فيه عدم صراحتك؟؟
هما صعبين شوية بس هستنى ردودكم ومواقفكم.
مطلوب من كل واحد هيدخل الموضوع ده انه يجاوب على سؤالين:
** قول موقف انقذتك فيه صراحتك؟؟ ** وقول موقف انقذتك فيه عدم صراحتك؟؟ هما صعبين شوية بس هستنى ردودكم ومواقفكم. |
بصى حتى لو عدم صراحتى انقذتنى فبعد كيد بتعملى مشكله وبتكون اكبر عن لو كنت اتعاملت بصراحه ودا حصلى مره وكلت علقه سخنه من والدى فى موقف لو كنت صارحته ماكنش قال حاجه
|
انا اصلا مابعرفش اكدب يمكن ده نوع من انواع الهبل بس انا بحمد ربنا عليه لان الكدب شئ سيء مش حاجه حلوة
|
انا بصراحه طول عمرى صريحه والله ومش بحب الكدب
|
عمري ما كنت كداب ابدا في حياتي
|
مفيش انسان مبيكدبش محدش فينا نبى
|
موضوع جميل جدا بس للاسف ماحدش هيجوبك عليه
كل اللي بيقول انه عمره ماكدب كدابواخطر كدب انك تكدب علي نفسك او تكدب الكدبه وتصدقها وربنا غفور رحيم وكل ابن ادم خطاء وخير الخطائين التوبين انا صادقه طول عمري لكن في مواقف باكون مطره اكدب فيها علشان ماجرحش حد مثلا او علشان اصلح بين اتنين او علشان اخرج من موقف محرج ليه وده بصراحه بجد والله الموفق |
انا انسانة صريحة جدا وعمري ما قلت الخلاف والحمدلله
فلو جاوبت على السؤالين هكون كذبت علشان كدا هجاوب على الي اقدر اجاوب عليه ** قول موقف انقذتك فيه صراحتك؟؟ الحمدلله كتيرة وللاسف كمان الصراحة اوقات كتيرة بترجع على الانسان بشكل سيء يعني مثلا ممكن تخسر اصدقاء بسبب صراحتك .. او تفقد شغلك او غيرها لكن اخترت الصراحة والحمدلله ** وقول موقف انقذتك فيه عدم صراحتك؟؟ الحمدلله في المسألة دي تيجيني عناد ولازم اكون صريحة |
مفيش حد عمرة ما كدب اكيد بس انا مشكلتي اني مبعرفش اكدب
شكرااااااااااااااااااااااا |
ينفع مجوبش لانهم صعبين جدا
|
قول موقف انقذتك فيه صراحتك؟؟
لما بابا عرف انى بشرب سجاير لما رجعت البيت سالنى انته بتشرب سجاير لقيت نفسى من غير ما افكر بقوله اه بعدها قالى عارف لو كنت كدبت عليا انا كنت حسبتك حساب كبير لكن انا حترم صراحتك وحصل بقى النقاش فى موضوع السجاير بهدوء وقول موقف انقذتك فيه عدم صراحتك؟؟ الشغل اللى انا فيه اول ما قدمت كان المفروض انى ابقى معايا موقف من التجنيد بس انا كان باقيلى شهرين على الفرز بتاع الجيش كدبت عليهم فى الشغل وقولت ان الشهاده ضاعت وانى محتاج وقت علشان اطلع غيرها لحد لما جه معاد الفرز والحمد الله اخت تاجيل وعدى الحوار |
والله كل انسان مايقول الصراحة وانا كمان
|
موقف أنقذتني فيه صراحتي لما جبت مجموع وحش في الثانوي ومش خبيت على أهلي...
وعمر الكدب ما ينقذ حد... شكرا على الموضوع... |
بصوا بقى انا مش هقول موقف انقذتنى فيه صراحتى عشان هما كتير
لكن موقف انقذتنى فيه عدم صراحتى؟؟ دخلت المحاضره متاخر والدكتور قالى لو قولتى اتاخرتى ليه هدخلك اتريت اكدب واقوله راحت عليا نومه |