قبل ما أقول أى كلمه
أنا عايز ألفت نظرك ونظر الى بيتابعونا لحاجه
وهيا أنى باخد إقتباس لكلامك كله
أنتى بتقطعى ف الكلام تاخدى الى على مزاجك وتسيبى الى على مزاجك علشان ردك يكون شكله شيك مفهوش أى تفكير ضال
إن شاء الله من الرد الجاى تاخدى إقتباس لكلامى كامل
لو محصلش مش هرد عليكى
ردى فى الإقتباس
أخر حاجه عايز أقولك للمره التانيه أعملى إقتباس لكلامى كله
مش للكلام الى أنتى عايزاه
وعايز ألفت نظر الكل لحاجه
الإخوان أصلا حواليكم فى كل مكان
أنت وأنت ف الجمعه ولا المعهد ولا المدرسه ولا الجامع
الإخوان حواليك بيقومو بشغلهم
بيعلقو يفط دينيه
وبيعملو حملات إسلاميه
الشباب الملتزمه الى عندك ف الجامعه دول إخوان
راقبهم
وشوف حركاتهم
تعرف هدفهم وطريقة شغلهم ونيتهم الصالحه
سلام
بس انا عاوزة اقولك حاجة اننا برد على كل جزئية فى كلام مبسبش ولا كلمة بس مش بعرف اعمل اقتباس زيت واعلقك جواة وبعتمد انك عارف الى انت كاتبة فاكيد هاتعرف انا برد عن اية
اما الكلام الى مابين الاقواس فدا الكلام الى شد انتباهى اوى وشايفاه غريب او مكانة مش هنا او جة معاك غلطة فا انا برد عن كل كلمة
وصدقنى حاولت اعمل اقتنباس للنص كامل مبيجيش غير اخر كلام انت كاتبة ودا ممكن يكون راجل لانك رادد داخل الرد بتاعى اصلا
المهم انا هارد عليك ةانت زى ما قلتلك عارف كلامك فى اكيد هاتعرف انا بتكلم عن اية وهاحاول افسر النقط اكتر
( والله ولا شفته ولا سألته ) سألت مين ياترى . أستاذ محمود المصرى فى إيه متصحصحى معايا شويه مش كده
دى اول حاجة انا حطتلك الرد بتاعك ما بين قوسين لان الكلام الى كاتبتة كان ( انا حاسة انى بسمع كوبى للشيخ محمود المصرى ) فكان ردك (انا لاشفتة ولا سألتة ) فمحستش اى دى جملة مفيدة تنفع رد على انا كتبتة واخد بالك ومتقاقش عليا انا مركزة اوى اوى اوى ومبنساش حاجة
بس دمك خفيف مشاء الله عمر وسلمى وجميل وامينة مشاء الله مشاء الله
( أنا عايز أقولك زى كل مره أرجعى للكتب وللتاريخ المكتوب مش هفضل أعدها كل مره
ثم أنهم سايبينه من قبل الثوره..دا التاريخ مش فيلم عمر وسلمى الى أنتى بتجيبى أحداث الإخوان منه :d
)
لا يا فندم ارجع انت للكتب الى بتقول الحقيقة وانت تعرف ان موضوع قبل الثورة دا مش صح ولو متاكد انة صح قول سنة كام وازاى وهات الكتب الصح الى بتقول الكلام دا بس قبل ما تدور هاجبلك المفيد الكتب كلها الى كانت بتتكلم عن الفترة الى كان فى الاخوان مسلحين وفترة نزع السلاح مختفية ومش هتلاقيها
لان فى ناس عاوزة تنسى الناس الفترة دى اصلا المهم نروح لكلام تانى
والله يا أستاذه مشمه أنا رديت عليكى بس يظهر أنك مش مركزه وأخر مره هرد عليكى تانى على الكلام كله
أولا بالنسبه لمتقارنش فلسطين علشان هيا محتله ..أنا هقولك موقفين يارب تفتحى عقلك وأنتى بتسمعيهم لأنك برضه ف الرد الجاى هتحاولى تثبتى كلامك بكلام فارغ(وندخل فى مرحلة جدال ع الفاضى)المهم
أنا عايز أفكرك أن كل الصحابه كانو ماسكين السيف لحد أما كل واحد راح المقبره والخلفاء الراشدين وحتى السلطان العثمانى
دا شئ طبيعى أحنا محتاجين نكون مأمنين على نفسنا(أحنا كمصريين أو مسلمين عموما _علشان متجيش تقولى أحنا كأخوان عارف حركاتك دى)(هتقولى نأمن نفسنا من أيه هقولك أقرى الى جاى)
ثم أن ربنا بيقول أعدو لهم ما أستطعتم من قوه ومن رباط الخيل
مقلش أستنو حتى يحتلوكم وبعدين أعدو لهم ما أستطعتم من قوه علشان تحررو نفسيكم..!! لأنهم فى الحاله دى هيكونو أغتصبوكم وأسروكم وقتلوكم وعلى قفاكم ضربوكم
يعنى ياناصحه مش هنستى الإحتلال وبعدين نعقد 50 سنه بنجهز نفسنا وبعدين نروح نحرر نفسنا..!! دا تفكير مش منطقى(خلصنا من قضيه السلاح ولا لسه هتجادلى.؟)
عنيا هارد عليك يا ناصح
زمان ايام الرسول والصحابة كان ليهم جيش اسلامى وهوة الى كان بيئمن البلد الى زية دلوقتى موجود جيش مصر الى بيحارب وبيدافع وبيئمنا
والى كان عاوز يجاهد فى كان بينضم للجيش دا وكذلك جيش مصر الى هوة الجيش الاساسى مش محتاجين اخوان جايبين سلاح بطرق غير مشروعة علشان بئمننوا بية
(( اما بالنسبة لجمال عبد الناصر وانور السادات فبردة لسة بقولك الناس عارفين مين المجرمين الى عملوها
عاوزة الفت نظرك لحاجة لو مش عاجبك كلام الجرايد او الكتب الى يعتبر موثق ولة مصدر يبقا انصحك بردة متعتمدش على قعدات الحبايب الى بتجيب منها معلوماتك
أولا أنا مش بأيد أسلوبك ف الكلام أنا بكلمك بكل أدب وإحترام وهدوء ... يعنى سيطرى على نفسك شويه على شان شخصيتك متتهزش قدامى
ثانيا الناس كلها عارفه أن مين الى قتل أنور ومين الى ضرب الرصاصه المزيفه على جمال(الله يحرحمهم جميعا)
بس عرفتو منين(بتلفى أنتى ف الموضوع دا كل ما أقولك هاتى من كتب تفضلى تلفى وتدورى)
ثانيا أنا مقلتلكيش أنى مش بقتنع من الكتب الموثوقه(أنتى كده فعلا مش مركزه هبدأ أقلق عليكى)
أنا قلتلك متجبيش من الأفلام الى فى التلفزيون ولا الحواديت الى فى الجرايد (لأن أصلا الرقابه أتشالت من أيد مصر وبقت ف إيد أمريكا يحطو التاريخ الى هما عايزينو ويشيلو الى هما عايزينو)
وأخيرا أنا مش بقعد مع الحبيايب لأنى أصلا مش محتاج حد يجبلى المعلومات جاهزه (أنا بتعب وبقرأ وبدور فى التاريخ والكتب الى موثقه فى كل مكان) أما حضرتك فثقافتك كلها وللأسف من الأفلام الى كلها أكشنات وحركات ولعب عيال ))
كويس انك بتكلمنى بكل ادب واحترام ودا نفس الاسلوب الى بكلمك بية مش عارفة كالكلام الى فوق فية شتيمة ولا اية واسيطر على نفسى ازاى بالضبط يعنى
مين الى ضرب الرصاصة على جمال عبد الناصر ومين الى قتل انور السادات نورنا ؟
ومعلومة مش امريكا بس هى الى بتشيل وتخفى الحاجات الى مش عاجباها
وصدقنى انا فرحنالك انك بتقرا بس اتمنا انك تكون بتقرا فى الكتب الصح
( يعنى اية وصفك للوحش دا مثلا اية الى كب كباية اللبن على الارض ولا الى ضرب اخوة الصغير
ما كلمة وحش تشمل كل انواع السوء سواء الكدب او الفساد او النفاق او الاستغلال ..........الخ )
(هنا بقى أنتى بينتي ليا أنك مش عارفه كويس عن دينك وثقافة بلدك(قبل كل حاجه عايز ألفت نظرك أنك قلتلى الوحش والمشتغل والمنافق..فلو من وجهة نظرك أن دول ينضمو للوحش ليه ذكرتيهم على إنفراد..؟علشان مش عارفه أسلوب الكلام فى الحجات دى) المهم
أن المنافق ميتقلش عليه وحش وكخ وياي ويع... لأ دا ليه وضعه فى القرءان يعنى القرءان مقلش على المنافق وحش قال عليه منافق وليه مقعد ف النار
والمستغل ف دى صفه بذيئه مش وحاشه لما حد يستغلك هتقوليله أمشى ياوحش مبحبكش..!! )
ياراجل هنا اثبتلك انى مش عارفة دينى وثقافى بلدى
بص عند البنى ادمين بيقلوا البنى ادم دا وحش او سىء لما يكون فية صفات وحشة ومش كويسة زى الكدب والفساد والنفاق والاستغلال كل دا مرادف للكلمة دى
وانا الحقيقة مستغربة على كلام حاسة انة كلام وخلاص
يعنى انت متفق معايا انهم وحشين بس مش منافقين ولا استغلالين
طيب يا سيدى الوحشين الى فى الاخوان عاملين ازاى ؟؟
وعلى فكرة مش المنافق ولا الاستغلالى بس الى ليهم عقاب فى القران كبير لا وفى الكداب والى بيجيب فى سيرة الناس وحاجات كتير يا فندم
( ياست الكل أنا عايز أفهم منك حاجه أنتى بتمشى تشمى على ضهر إيدك تقولى دا إخوان..؟!!
ولا حضرت الفكهانى ولا البقال بيكون كاتب على بضاعته صنع فى جماعة الإخوان المسلمين..؟
ولا بيكون كاتب على اليافطه بتاعته أنا إخوان ولا بيكون حاطط السيفين والمصحف
ولا بيقولك أنا إخوان..؟ولا مفيش حد ملتزم غيرهم أًلا ولا إيه
مش فاهم أنا أنتى أصلا فاكره أنى الى بيربى دقنه بقى إخوان.. ودى معلومه محتاجه تعمليلها دى أكتيف
مش أى حد مربى دقنه بقى منافق ومش أى حد مربى دقنه بقى إخوان
يا أستاذه الى بيربى دقنه فى ناس بتربيه علشان شكلها فيها حلو وناس بتربيها علشان سنه عن الرسول وناس بتربيها علشان مكسله تحلقها (أنتى مش فاهمه حكاية الدقن)
أنا خايف وربنا لما تشوفي ياهودى (هما بيربو دقنهم على فكره) تقولى عليه إخوان..!!
ولا وأنتى معديه من قدام كنيسه تلاقى قسيس تقولى عليه إخوان ..لووول (كان زمان بيقولو على الى مربى دقنه إرهابى دلوقتى بقى منافق وبكره هتكفروه)
كلامى واضح ولا محتاج توضيح.. )
كلامك ظريف انا عاملة اضحك وانا بقراة والله دمك خفيف
انا مشمتش على ظهر ايدى الناس دى مش مخبين كونهم اخوان لا بيقلوا عادى
وانا بديك نموذج علشان انت فى ردك الى قبل كدا قلتلى لايكن ابدا تلاقى فاسد ولا منافق ولا مستغل بينهم فكنت بدى لحضرتك نماذج من الحياة الواقعية الى بعشها
ومتقلقش انا عارفة موضوع الدقن وعارفة انهم كانوا بيربوها من قبل حتى الرسول ما يجى شفت بقا يا سيدى انا مش عاوزاك تقلق انا عارفة كل حاجة
( متكرريش الكلام ) انا مبكررش الكلام انا برد على كلام حضرتك بس الظاهر ان كلمة سلاح مش عاجباك
( بصى يا مشمشه أولا أنتى فهمتى كلامى غلط ثانيا أنتى كل هدفك الهجوم أما بتصدقى تلاقى كلمه تتمسحى فيها
ثالثا كل واحد محتاج الى يشجعه على الطاعه(بذمتك ودينك أنتى بتصلى.؟طيب ولما بتصلى بتقومى لوحدك كده ولا حد بيشجعك...خلاص بتصلى سنن بتذكرى ربنا ...كل دا ليه لأن مفيش حد يشجعك ع الطاعه) وأنا مقلتش أن الإخوان هما مصباح علاء الدين السحرى الى لوحدهم هيرجعو المجد للأمه ولا قلت أنها تمثل الدين
أنا بقول أنهم شوية ملتزمين وبيفتحو عقول الناس على الدين والسياسه
والأمن مش عايز كده
أحسن أوضاع أمريكه تتدهور والمسلمين يفوقو علشان كده طلبو بث السم فى الإعلام وأنتى شربتيه )
لا يا سيدى بقوم اصلى لوحدى زى كتير ابوهم وامهم علمهم يقوموا يصلوا فى معاد الصلاة وانا مش فاهمة كلامك غلطت خالص صدقنى ومش بهجمك انا برد عليك
والاخوان مش مصباح علاء الدين مينفعش اصلا يبقوا كدا
تانى حاجة الاخوان عندهم حاجة اسمها نظرية المؤامرة كل العالم غير المسلمين لازم يكونوا اعداء الاسلام منهم امريكا وغير امريكا وهاقولك حاجة انا مبقلش ان مثلا امريكا بتحبنا لسمح الله اطلاق بس بردة محناش مغرين ليهم فى حاجة ولا ليهم مصلحة عندنا
فا موضوع نظرية المؤامرة بتاعتهم دى انا رفضها
( بتهيألك هما مش بيقولو للى بيكلموه ف الدين ونبى تعالى أنضم معانا
ولا كاتبو لوحه الرجاء الإنضمام للإخوان المسلمين
ولا جم فى مره وعملو إحصايئه قالو أحنا عددنا 50 مليون فى مستوى العالم وفى إزدياد حيث كل يوم ينضم المئات ولا الهبل دا كله .. قولى بقى عايزين يكترو عددهم إزاى..؟ علشان الكتره تغلب الشجاعه...لوووول ) لا صدقنى هما محتاجين الكترة والانتشار علشان الانتخابات وعلى فكرة فى ناس كتير اخوانجية وهى مش عارفة لان بمنتهى البساطى فى قنوان بتبث افكارة وناس بتصدقها وتقتنع بيها ودا يبقا مكسب ليهم
( هنا بقى أنا عايز أديكى الى أنتى مخدتهوش من التلفزيون حلو
أولا أنا عايز أعرف أنتى عارفه الدكتور صلاح سلطان.؟(أكيد لأ تعرفى تامر حسنى بس)
صلاح سلطان دا عالم ف الدين(ومش أزهرى ولا فنجرى)
دا متخرج من نفس كلية الإمام الشهيد عليه رحمة الله
الى هيا كلية دار العلوم
فهل ياترى أنتى عارفه هما بيدرسو إيه فيها.؟ ولا محتاجه أقولك
طبعا هقولك
بيدرسو اللغه العربيه والشريعه الإسلاميه(أخص شكلك بقى وحشششش)
يعنى هو دارس الدين يا أستاذه وكان من حقه ينشر أفكاره فى ناس أقتنعت بيها أهلا وسهلا وفى ناس مقتنعتش برضه أهلا وسهلا بس منعملش بقى زى أبو لهب وحبيب قلبه أبو جهل ونفضل نهجم ونشتم ونسب ونلعن فيه..!! )
انا شكلى بقا وحش سبحان الله
صلى على النبى
طيب زيد النبى صلى
بس ياسيدى انا دارسة دين فى المدرسة وانت دارس دين فى المدرسة باختلاف اسم المادة من زمان لدلوقتى الى درسة البنا وصديقة يا عزيزى كانت مادة او قشور الدين لكن الى عاوز يدرس الدين ويتخصص فية بيدخل الزهر ويدرس اصول الدين والشريعة والفقة ولا اية يا فندم
مين هجم ومين شتم ومين سب ولعن مين مين الى عمل كدا انا مقلتش كلمة وحشة من اول الكمونتات على البنا انت الى مش مركز معايا او بيتهيالك حاجات خلى بالك التهيأت هاتبد أ اهى
(( ( ان زمان بيقولو ليه الرسول مينزلش معاه ملك لأن دى مخيلتهم الى مش هينزل معاه ملك يبقى كذاب... أنت بتكرر الموضوع وأنت بتقول مش نبى ولا رسول .. أقرأ كتاب الداعى والداعيه وأعمل مقارنه بين أفكارك وبين الى فى الكتاب ) هنا بقا كلام فى الضياع خالص انا مش فاهمة انت ازاى قلتة اصلا انت ازاى تعمل مقارنة بين حسن البنا وبين اى نبى او رسول
وانا بقول انة ولا نبى ولا رسول لان دى حقيقة مطلقة اخر الانبياء سيدنا محمد
وأنا مقلتش أنه نبى ولا رسول أعوذ بالله هنا هقدر أطبق كلام الرسول عليكى (كل النساء ناقصات عقل ودين إلا أمهات المؤمنين)
أنا كل الى قلته أن الرسول قال أن الإسلام هيرجع غريب زى ماكان وقبل الإسلام كانو الأنبياء غرباء وكان الى بيهجم عليهم كفار
دلوقتى الشهيد كان غريب وهجمت عليه الدوله برعاية مسيس إنجلترا
وبعد كده لقو الشعب هيتعاطف معاهم قالو نعمل فلم ونخوف الناس منهم ))
انت الى بتقول ودا تعليقك ( ان زمان بيقولو ليه الرسول مينزلش معاه ملك لأن دى مخيلتهم الى مش هينزل معاه ملك يبقى كذاب... أنت بتكرر الموضوع وأنت بتقول مش نبى ولا رسول .. أقرأ كتاب الداعى والداعيه وأعمل مقارنه بين أفكارك وبين الى فى الكتاب ) واطلع فوق وبس دا تعليقك بترجع تنكرة ولا اية
وميرسى على حكاية النساء ناقصات عقل ودين وميرسى انك قلتها لانك لو تعرف معناها هاتعرف انة مفهوش اى حاجة تسوء للنساء بالعكس معناة جميل عموما ميرسى
( شوف ياباشا الهدف السلطه (أس 3) <<رياضه ) دى بقا حتة من التعليق بتاعك الظاهر انها جتا غلطت وانت بتعمل كوبى وباست من المكان التانى
أولا أنا عايز أقولك أ،ى مش زيك مش محتاج أروح وأدخل وأجيب كوبى علشان أديهولك
أنا كل المعلومات بجبها من دماغى الحمد لله كونك مش مركزه فدا شئ ميخصنيش
وعلى فكره دا بقى رد بتاعى وهتلاقى لونه أحمر مش أسود (صباح الخير يامصر)
صباح الخير يا مصر انت دا التعليق بتاعك اطلع وشوفة وانت هاتعرف هوة طالع اسود علشان انا واخدة كوبة وباست من عندك مش عاملة اقتباس والتعليق بتاعك موجود انامش هاعرف اعمل عليةتعديل واضيف الكلام دا يعنى
اما لو اتمسح فجاءة من تعليقك القديم فدا هايبقا ضعف منك
( أنا متفقتش معاكى أنا قلت الهدف هو أن الى يمسك السلطه واحد محترم يطبق الشرع لو مفيش هيمسكها الإخوان )
كلامك كان معناة الاتفاق راجع الكومنت بتاعك
( الأفضل يجى لما الناس تفهم لأن ربنا بيعين على الرعيه راعى من أعمالهم كل ما أعمالنا تكون تخذل ربنا هيعين علينا واحد يخذل(دا كلام الرسول) )
خلاص يبقا الناس تحسن اعمالهم علشان ربنا يبعتلنا راعى كويس
( حلو جدا يعنى أنتى مقتنعه أن الإسلام مش من حقه يحكم ويطبق فى مصر..! علشان هيا متعدده الأديان.؟(أصل أيام سيدنا عمر كان فيها دين واحد) )
ايا سيدنا عمر يا فندم كان فى سيدنا عمر احنا بقا دلوقنتى فى واحد عشر سيدنا عمر
( والله بدأت أِك فيكى ) لا متشكش انا الحمد لله مسلمة واحب لنفسى الى احبة لغيرى مش انانية وعاوزة اعيش فى سلام وعاوزة الناس كلها تبقا كويسة وتحب بعض مش عاوزة ناس تيجى تفرق الناس عن بعضها بفتنة طائفية
( ااه وتولع الدنيا ف بعضها القانون مش عاجبهم ولازم دينه ومذهبه الى يمشى..!! تفكير خاطئ طبعا
علشان تراضى دا كله فى حل من أتنين
ياتنضمى ليهم
ياتخلى كل واحد يمسك حته ف البلد(ودول أصلا مش هيرضو غير بكده) لازم نطبق منهج أهل السنه والجماعه(طبعا هتفكرى الجماعه الى هيا الإخوان هههه) )
انا الى بتجبرنى انى اكرر الكلام تانى لانك مبتدرش على كلامى او بترد رد ملوش معنا واو كلام مش مفيد
يا فندم كل واحد من دول عاوز شريعتة ودينة الى تحكم
زى ما انت بتفكر كدا غيرك بيفكر ويقول اشمعنة ما دينى هوة الى يمشى
رد عليا لو انت مكانهم هاتقبل ان دين تانى غير دينك الى تبقا علية مصر
ساعتها لو الكلام دا حصل هايبقا فى تمرد وحرب طائفية جوا البلد ودى موجودة فى بلاد وبتاعنى منها
(( علم غيب رائع جدا قوليلى إمتحان السنه الجايه بعد أذنك )) لا مهواش علم غيب شفنا العراق الى فية بس السنة والشيعة كان هناك حرب على السطة والسنة والشيعةكانوا بيموتوا فى بعض
اما عن امتحان السنة الجاية ياريب يارب تكبر كدا وتنجح وتبقا اد الدنيا دى كلها عاوزاك تبقا شاطر كدا وتفرحنا بيك
( مصر فلسطين سوريا العراق(أصلا صلاح الدين طلع من مصر) كله عالم إسلامى واحد ولا أنتى خلاص نسيتى ...)
اة بس احنا دلوقتى مبنكلمش عن العالم الاسلامى دا احنا بس بنتكلم عن مصر وحبيت الفت نظرك لانى لاقيت انك ناوى تدخل الموضوع فى كلام تانى وتسيب الموضوع الاساسى وانا الاسلوب مبيكلش معايا
ان احنا نكبر ونضخم وننقل على كلام تانى علشان نسيب الكلام الى مش عاجبنا او مش هايعمل معناة نتيجة
( على رأيك فعلا دا كلام صح بس مين الى هيطلع الإراده الشعب هيولدها بنفسه..أما الحكومه منيماه ف الخط ولاهياه بغلاء الأسعار والتلفزيون هارى الشباب ومخلى كل شب همه ف بنت وكل بنت هما فخطوبه وكل ست همها ف عياله ومحدش بيفتح عنيه لا لدين ولا لسياسه )
انت محمل الحكومة كل حاجة غلط مع ان احنا لينا نصيب كبير اوى فى الغلط دا وبتحمل كلة على الحكومة انا مش بدافع عنهم بس انا واقعية
(( فى قاعده بتقول أن مينفعش الإنسان يتغير لوحده ) انا مش عارفة ولا فاهمة مين الى قال القاعدة الرهيبة دى هى القاعدة دى موجودة اصلا ليها وجود يعنى مين ياترى العلامة الى قالها
المسلم للمسلم كالبنيان يشد بعضهم بعضا )
انت مردتش على استفسارى انت بعد اما لاقيت ان الى انت كتبتة مش منطقى فهربت منه بقول تانى بدل ما تفسرلنا مين العبقرى الى قال المقولة دى
( وأنا مش هكون عايز أتغير إلا إذا حد نبهنى أنى غلطان وبعد أما ينبهنى للغلط ينبهنى للصح
بكده يبقى فتح قدامى طريق للتغير ) ولو حد نبهك انك غلطان ولو انت نفسك عارف انك غلطان بردة مش هاتتغير الا اذا كان عندك رغبة انك تتغير
( الرسول لو كان فكر بالتفكير دا كان زمان أسمك مريان... والصحابه لو فكرو بالطريقه دى كان زمان الإسلام موصلش للأندلس..! مش بقولك محتاجه تعملى فورمات للميمورى كارد بتاعك وترجعى تاريخها لأيام عزنا وتشوفى كنا أعزاء وشرفاء ليه..؟ )
معلومة صغير انت تعرف ان الناس الى الى كانت بتروح للرسول علشان تسلم لانها كانت بتسمع عن كرم اخلاقة فكانوا بيروحوا يشوفوا الراجل دا ودى نظريتى
( عايز أسألك حاجه ربنا عمل حاجه أسمها صلاة الجمعه وخطبة الجمعه ليه..؟ ياريت تجاوبى على سؤالى ) صلاة الجمعة بيتقال فى خطبة علشان تعلم الناس امور دينهم وعلشان هوا يوم مبارك
( بيهاجموا حسن البنا ومن الكتب الى كانوا معاه سواء المعارضين او المؤيدين فطبيعى ان يطلع كدا
قلتلك كذا مره أقرى الكتب الى هو جاب منها وشوفى هو عمل أكشنات وتعديلات قد إيه (هو أنا لو قلتلك أنا جايب كلامى دا من كتاب كتبه سيدنا عمر هتصدقينى ولا لازم تشوفى الكتاب وتقريه.؟ لو هتدقينى يبقى أنتى ف الضايع ولامؤخذه :d )
خلاص انا هاعتمد عليك مدام انت علامة وعارف الكتب هاتها هات كتب المعارضين والموؤيدين علشان هوا لم المادة من هناك يلا شد حيلك
( حلو جامد بس لما يضيف شوية دراما ف الفيلم أولا شكل الإخوان وهما بيدربو أيام الإحتلال وشكله هو نفسه وهو ماشى كأنه مغرور ولا لما باس إيده أستاذ عبد الرحمان ودا ضحك ضحكة زباله يبقى هو بيجيب من الكتاب..؟ يابنتى بصى للكتب الله يهديكى
وأنا مقلتش أصلا أن الفلم وحش ودا كان كلامى فى أول رد
لأنه خلى ناس كتيره تبحث وتشوف إيه الإخوان وخلى الى قاعدين على الكوفى شوب يقول الإخوان كذا وكذا ومحدش يقدر يعملهم حاجه(لأنهم بيتكلمو ع الفيلم) زمان الى كان يعمل كده يبقى أمه داعيه عليه )
موافقة هاتلى كتب المؤيد والمعارض هة شد حيلك
انا عاوزة افهمك حاجة واحدة بس هوة عامل المسلسل ولا شكر ولا ذم فى حسن البنا زى ما قلتلك لمم المادة بتاعتة من ناس بتعرضة وناس بتئيدة فطبيعى هايطلع كدا
بس عموما احنا مستنين الكتب
(( دا الى انا كاتبة : فانا شايفة انة اكتر من رائع ويجب ان يكرم علية كمان
الحاجة الاخيرة يا عزيزى انا مش عارفة مقارانتك مالها
صعب اوى انك تقارن هجوم على مسلسل زى الجماعة الهجوم على اسرائيل لان بمنتهى الوضوح لاى حد مبيفهمش كل هجوم ولة اسبابة الهجوم على اسرائيل سببة ان الدولة دى مستولية على ارض مش من حقها وبتمارس ممارسات عنيفة ضدد اهلها فبتالى فى هجوم عالمى عليها بسبب اسبدادها
اما الحكومة فالهجوم عليها بسبب عدم توفير متطلبات الشعب دا السبب فى الغالب اما مسلسل الجماعة فما هوة الا مجرد مسلسل بينقل سيرة ذاتية وتاريخ مجموع من مادة علمية وسر الهجوم علية بمنتهى البساطة انة بيوضح اشياة فى ناس عاوزها تفضل مش معروفة وبالتالى هايأثر على شعبيتهم الى حد كبير فالهجوم هنا والتشوية هنا سببة الخوف من تأثير العمل على جماعة معينة دا سبب الهجوم
دا ردك
طيب طالما جايبه لكل خجوم سبب ورغم أنك قلتى سبب الهجوم بالفيلم غلط
بس هقولك
أنتى عارفه أن الدوله بتاعتنا أصلا مداره من أمريكا برموت كنترول (يعنى إيه) يعنى هيا من هناك تقول لصاحبنا أعمل يعمل
تقوله لا دا يأثر علينا يضيعها
هما لقو الإخوان بيصحو الشعب النايم
لقو فى تهديد على إسرائيل
وعلى مستقبل أمريكا
وحسو أن الإسلام هيرجع زي زمان نكون أحنا الأسياد وهما التابعين
هما الى يتعلمو عندنا مش أحنا الى نتعلم عندهم
قالو لأ ضيع أجل الإخوان(قالو نقتل الإمام)مضعش أجل الإخوان(قالو نعتقلهم) ثبتو على عقيدتهم
خلاص يبقى نهاجمهم ونسؤ سمعتهم(بس هنا فعلا هيطبق حديث الرسول ) بدأ الإسلام غريبا وسيعود غريبا كما كان
والإسلام هنا مش المقصود أن الواد يعبد ربنا ف السر
لأ
المقصود أن محدش يقدر يتكلم ف الدين إلا ف السر أحسن هيكون إرهابى ومنافق وضلالى وبيحب السلطه
طبعا واضح ان ردك ملوش اى علاقة بالكلام الى كاتبه دى مجرد داعية للاخوان الى انت كاتبة دا انا كلامى كان على الهجوم على المسلسل
(اااه نبدأ بقى نخبط ف الدين
أنتى كده بتعملى لغبط لغابيط(بكلمك بثقافتك)
أنا قلت قبل كده أنهم أًلا مش بيعيدو المجد لمصر أنا قلت بيعيدو المجد للأمه(تانى هقولك صحصحى)
ثم أن المجد يكون بالإسلام
متقنعنيش أن أحنا لو بنحارب أمريكا (مش فبلدنا لأ فى بلد تانى) هينضم للجيش مسيحين
عيب يعنى تعض الإيد الى بتتمدلك
دى أمريكا مأكلاهم ومشارباهم ومزغطاهم
يحاربوها ليه هيا خربت
يا أستاذه فتحى عينك شويه متخليش أفكارك تعميكى فيها إيه لما تبحثى وتدورى وتقرى وتتثقفى بالكلام الصح
التمثليات مش هيا كل حاجه
مش هيا الى بتدينا ثقافتنا
أقرى القرءان وأفهميه وأحفظيه
أقرى السنه وأعرفى السيره
أقرى كتب التاريخ الإسلامى
هتعرفى أن الإسلام هو الى بيتهجم عليه مش الإخوان )
ياريت متتهمنيش باتهامات تعبانة عيب عليك
الامة بالنسبة ليا هى شعب مصر لان المسلمين فى البلاد الاخرى ليهم حكومات هما تابعين ليعا
الامة فى مصر مكونة من اشخاص والاشخاص دول فيهم مسلمين ومسحين
وصح المجد بالاسلام المجد انك تتبع تعاليم الاسلام ونحب نفسنا وغيرنا والقيم الجميلة بتاعتة
اما موضوع ان المسحين هايحربوا مع الامريكان فدا كلام سورى يعنى مش ولا بلد قبل كدا حربنا الانجليز والفرنسوين والالمان ودول طبعا كانوا مسحين ومع ذلك المسحين المصرين حربوهم مع المسلمين المصرين علشان دى بلدهم يا فندم
المشكلة عندك المشكلة لو انت فاهم ان دينا وثقفتنا بتقولك ان احنا نكرة الغير ونقول عليهم انهم خونة لان عمر ما دينا قلنا كدا دينا فى قيم جميلة حاول تعرف عنها حاجة
وبرضة كل سنة وانت طيب ورمضان كريم