نجوم مصرية
منتديات نجوم مصرية منتدى التسلية والترفيه منتدى الحب والرومانسية قلوب حائرة



تابع نجوم مصرية على أخبار جوجل




محتاجة رايكم

 

السلام عليكم ورحمة الله وبركاتة

انا عضوة جديدة هنا معاكم يا جماعة ومحتاجة اخد رايكم فى مشكلة عندى

واتمى اكم تساعدونى

انا بحب واحد جدا وهو كمان بيحبنى هو زميلى فى الكلية بس احنا الاتنين اد بعض

فى نفس السنة احنا الاتنين فى رابعة المشكلة ان كل شوية حد يتقدملى وانا ارفض لحد اخر مرة

ماما قالتى الموضوع دة اكيد فى حاجة لان كل شوية برفض باسباب مش بتبقى مقنعة لانى بحب زميلى دة جدا

لحد محكيت لماما علية وقالتى خلينى اكلمة ولول بيحبك بجد يجى ويتقدملك المهم حكتلوة ان ماما عايزة تكلمة
وفعلا كلمها وحكالها ان ةلسة بيدرس والشغل مش ثابت اوى لسة فية فماما قالتو انت ممكن تكلم اهلك وتيجوا تخطبوها او قراية فاتحة ودبل وكدا وهو كان دايما يقولى ان باباة قالوة ل سة كمان سنتين
على ما يخطب وقال لماما كدا وعجبهاش الوضع قالتوة بنتى مش هتستناك سنتين

وخصوصا ان كان متقدملى عريس وهى وبابا موافقين علية جدا بس كلمتة عشان تريحنى

قالتة لو اهلك موافقوش يبقى تسيب بنتى فى حالها

قالها هحاول اقنعهم فى البيت وارد عليكى

كلمت ةبعدها قالى اهلى موافقوش ومش عارف اقنعهم صدقينى بجد والله بحبك بس مش قادر

دلوقت اعمل حاجة استنى عليا لما اخلص

المهم انا بقى كلمتة وقولتة كلام وحش اوى لانى حسيت ان زليت نفسى اوى لية وخليت ماما تكلمة واهلوة مش موافقين حسيت انى نزلت من كرامتى وفضلت اقولة انت مفكر نفسك مين وكلام يجرح اوى

انا مش عارفة اعمل اية انا بحبة اوى ومش شايفة حد غيرة انا لو عليا استناة سنتين واكتر مش مشكلة عندى انما اهلى مش عارفة اعمل معاهم اية بجد

عمرهم مهيستنوا عليا سنتين وبقوا بيعاملونى معاملة وحشة اوى ياريت لو حد يقولى انى غلطانة فى انى برفض اللى بيتقدملوى وكل صحابى بيقلولى انتى بضيع فرص من ايدك ومحدش دلوقت بقى ضامن الحب

بس انا شايفة غير كدا ونفسى استنى اللى بحبة وابقى معاة ياريت حد يقولى اقنع اهلى ازاى انى استناة
تابع نجوم مصرية على أخبار جوجل



واسف انى طولت عليكم بس محتاجة الرد بجد






المقال "محتاجة رايكم" نشر بواسطة: بتاريخ:
احزان غزل
حاولى تقنعى والدتك انها تترك موضوع زوجك الان لحد ما تخلصى دراستك وتقنعيها ان اهم شى دلوقتى دراستك لحد ما تخلصى وجايز الانسان اللى بتحبى يجى يتقدم لك


هل انتى متاكدا انه بيحبك بجد انت ممكن تستنى وفى النهاية ظروفه لا تسمح انه يخطبك وبردوا هيتركك وفى الاخر سوف تتزوجى شخص اخر


وفى النهاية لا تتزوجى انسان وانتى بتحب شخص اخر انتى لا هتكونى سعيدة ولا اللى هتتزوجى هيكون سعيد

وافعلى الشى اللى انتى مقتنع بيه ولا تتركى اى شخص اخر يقنعك بشى انتى مش مقتنع بيه
الشادن
أقولك اسمعي كلام أهلك .... ودعي الله إن كان فيه خير الله يقدمك لكي

وإن كان فيه شر يبعده عنك ..
بنت الريف
لو الى متقدملك دا شخصيته كويسة وظروفه كويسة
إسمعى كلام أهلك ووافقى عليه
عارفه إنه صعب عليكى جدا
لكن الحب مابيفتحش بيت وكتير أوى أتجوزوا عن حب ومع الوقت والمسئولية الحب ضاع
ولو حتى إستنيتى لما يخلص ويشتغل ويكون نفسه على الأقل خمس سنين
وإنتى لوحدك إلى هتعانى من أى حاجة تحصل بعد كدا
ومش هتقدرى تشكى لأهلك لأنه هيبقى إختيارك
إعملى إستخارة وفوضى أمرك لربنا
lovershero
هقولك كلمتين

صلى صلاه استخاره بس مش عشان حبيبك لان تعتبر العلاقه قبل الجواز مهما كانت حرام

صلاه الاستخاره ديه فى الزوج الى متقدملك والى فيه الخير يقدمه ربنا

تقبلى مرورى
hazem_messi
القصة دى شفتها فى فيلم قبل كدة
hazem_messi
الحل الموجود ان الشاب يجى وبالبلدى يثبت اهلك بكلمتين على ميفكر هيجوزك ولا لا
hazem_messi
تقبلى مرورى
الفراشة الحزينة
بصى انا عضو قليل المشاركه يعنى قليل ام ادخل ع المندى الجميل ده
ولجل الحظ شفت قصتك
متزعليش من كلامى
انتى اى كلام
وملكيش شخصيه ع حبك
كلنا حبينا
بس مضيعناش كرمتنا
من اخت لاخت
اوع يوم من الايام تضحى بنفسك ولا كرمتك ولا كرامة اهلك عشان واحد
شوفى ذى مهو سمع كلام اهله انتى تدوسى عليه وتسمعى كلام اهلك
وتجوزى
وان شاء الله ربناهيسعدك اوى
متزعلش من صرحتى
hazem_messi
صح وانا معاكى
godzela55
اسمعي كلامي عن تجربة

اوعي تسيبي حد يخططلك حياتك حتي لو كانوا اهلك

يعني مثلا لو الراجل اللي متقدملك دة طلع وحش وضربك مثلا.. هل اهلك اللي هيتحملوا المشكلة؟

ولكن لو اخترتي يبقي لازم تتحملي نتيجة اختيارك حتي لو طلع غلط

ولكن عموما يعني اللي ميوعاش لنفسه ويسيب الناس تغامر بمستقبله يبقي يتساهل اللي يحصله

وربنا يوفقك للخير
g_gamal_e
عزيزتي:


صراحة

هو لو احبك

هايقنع بيكي اهله والعالم كله وهايعمل اللي هو عاوزه

لان الشاب مننا بيوصل لاي حاجه هو عاوزه غصب عن اي حد مهما كان

وبتكون الطرق والوسائل امامه لكدا



وبرده لو عاوز يهرب من حاجه او يبعد عنها

بيكون ليه طرق كتيره جدا


ومعقدش ان شاب ف الفرقه الرابعه

يعني تقريبا 22 سنه

مش قادر يقنع اهله ببنت بيحبها

لو ف اعدادي كان عملها

لاما هو سلبي اوي ومش جد معاكي


او


شخصيته معدومه امام اهله ود مصيبه اكبر لانه هايتعبك جد ويبهدلك بعد كدا.


مش بقول طبعا يعصي اهله

بس الاقناع شئ والمعصيه شئ


واكيد الشباب والبنات برده فهمني كويس.


صلي استخاره وربنا هايوفقك للاختيار الصحيح....


ان شاء الله
MR.Mahmoud Medhat
حوالى تقنعى امك بالوضع و لو محصلش حاجة ارضى بالامر الواقع بقا



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
منى زكي - مصر محتاجة أولادها
محتاجة رد ارجوكم
محتاجة ليك
محتاجة مساعدتكم
محتاجة مساعدتكوا

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية