السلام عليكم ورحمة الله وبركاته أنا اسمى عمر من الاسماعيليه عندى 22 سنه مواليد 1988/9/7 انا هحكيلكم قصتى مع أبويا ونفسى حد يقوللى أعمل ايه بجد لانى خلاص فاض بيا انا من صغرى عمرى ما شفت حنيه من ابويا ابدا ولا عليا ولا على اخواتى متجوز اكتر من 30 مره 4 مخلف منهم والباقى بنات صغير شهر وطلق شهرين وطلق كده يعنى عنده قريه سياحيه بمدينة فايد هو فى حياته عمره ما حسسنى ان معاملته ليا او لاخواتى معاملة أب لأولاده لا معامله كلها شده وظلم وافترى انا فاكر فى مره مجبتش مجموع ثانوى عام حبسنى فى مخزن اللى بنشيل فيه الحاجات القديمه وربطنى من ايدى ورجلى ونزل فيا ضرب بسلك الكهرباء وبالخرزانه وبعصاية المقشه لحد ما اتبهدلت يومها رجلى اتكسرت وايدى اتفتحت اخت فيها 4 غرز من ثغرى فى المعامله دى دايما بيعاملنا بنظام استعباد كأنه كافر واحنا مسلمين وديما شتايم وقلة أدب لحد ما فى مره فاض بيا وقررت اسيبه وأمشى وفعلا حصل انا وماما واخواتى الاتنين عندنا شقه فى القاهره قعدت فى مصر حوالى 3 سنين كان فى موضوع ماشى فيه بس للأسف متمش اضطريت أرجعله تانى وسبب رجوعى هو مفترى وكل حاجه فعلا بس كعيشه مستريحه أكيد انما نفسيا زى الزفت وطبعا لما رجعت المعامله زادت فى الظلم واخرها بيقولى انت قاعد عندى تشتغل بلقمتك والكلمه دى بيقولها لاخواتى كلهم اللى من امى واللى من الامهات التانيه وقاللى شفت اديك صعت وفى الاخر رجعتلى تانى وطبعا حزت فى نفسى اوى الكلمه دى بس فعلا اللى مالوش خير فى أمه مالوش خير فى حد أقسم بالله انا مش بكذب عليكم فى ولا كلمه هو عاق لأمه شتمها شتيمه سافله وقالها يا شحاتين انتى وجوزك انا اللى عملتلكم وانا اللى سوتلكم وانا غضبان عليكى ليوم الدين أول مره اشوف ابن يغضب على أمه المهم طبعا اخر ما زهقت بجد رحت عملت تحاليل لقيت لاسكر عندى عالى بس الحمد لله مفيش حاجه دلوقتى اضطريت اسيبه ورجعت القاهره تانى من حوالى اسبوعين كده بس بجد الحياه فى مصر صعبه وفى نفس الوقت مش هينفع أرجعله تانى لأنى بجد لو رجعتله أنا حاسس انى هموت عنده وهو ولا بيفرق عنده حد معندوش عزيز اخواته كلهم ماتو محزنش على ولا حد فيهم وفى اخ من اخواته لحد دلوقتى بيدعى عليه ويقول الله يجحمه عشان مشاكل كانت ورث وكده بس أان بجد اتخنقت واستغفر الله العظيم فكرت ان اخلص من القرف اللى انا فيه وانتحر بس طبعا الواحد بردو مبتهنش عليه نفسه فى نفس الوقت ده ميرضيش ربنا بس أعمل ايه بجد زهقت واتخنقت والله والله والله عمرى فى حياتى محسيت بحنية الأب أقسم بالله بشوف الابهات بتعامل ولادها ازاى كنت بتمنى ان اى واحد منهم يبقى ابويا تخيلو واحد يتيم الأب وأبوه عايش نفسى أنا كده حكتلكم باختصار شديد حد يقولى أعمل ايه أرجعله وأستحمل ولا أخلينى فى القاهره هنا وأنا ونصيبى ولا أروح لدكتور نفسى يمكن يريحنى شويه ولا أعمل ايه وأسف اذا كنت طولت عليكم

بص يا اخى
احتسب صبرك عليه عند ربنا
وحاول قدر الامكان انك تكون بار بيه
ربنا امرك بكدا
وحاول تشوف شغل بعيد عنه عشان متتعبش زيادة
محدش فى الدنيا دى بيختار ابوه ولا امه
ربنا يكرمك ويجازيك خير ويصبرك

بَشِّرْ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمْ الْمُهْتَدُونَ
صدق الله العظيم
مش حابب تاخد اجر الصابرين ولا ايه
ربنا يعينك

والله كنت بحاول بكل الاشكال عشان أرضيه بقول يمكن بس والله مفيش فايده زى ما هو مع انه كبر فى السن بس لسه جبار

ومتشكر يا افاندينا على تعاونك معايا

بص اولا ان شاء الله ربنا يهديه انما من وجهة نظري ابوك اما هو مريض نفسي(انا اسف في اللفظ) وكده لازم يتعالج يا اما عنده عقدة نفسية من صغره وبرضه لازم يتعالج.تقبل مروري

بجد انت ليك كل الاحترام والتقدير انك استحملت اب كدا

بس لازم تخليك فى القاهره وحاول تثبت وجودك عشان تخلى اهلك يبقوا معاك بس اوعى ترجعله تانى

ابقى زوره بس مش تقعد عنده

انت كبرت خلاص وقادر انك تتحمل مسئوليتك وربنا يكرمك ان شاء الله ومش تحتاج من حد حاجه

وبجد كلنا هندعيلك من قلبنا والله العظيم
بس بالله عليك تبقى تتدخل تتطمنا عملت ايه

ربنا يرزقك بالرزق الواسع يارب

ربنا يصبرك يا اخى
بس اظن فعلا زي ما قال الاخ زيكا ماكس ان ابوك بيعمل كدة انتقاما اكيد اتعرض لموقف في صغره خلاه يتعامل مع الكل كدة فدة لازمه طبيب بس طبعا مش هيعرف حد يعالجه او ينصحه بدة لانه مش هيتقبل الامر خاااااااااالص

الحل الوحيد هو الصبر والدعاء له بالهداية

وان شاء الله تلاقي نصيبك في شغلانة كويسة

الفلوس مش هى كل حاجة يا اخى الراحة النفسية ممكن تخليك تجيب الفلوس

احتسب امرك لله عز وجل وشدة وتزول ان شاء الله

ربنا يعينك ويساعدكـ

ويفرج همكـ قريب

أكثر من قول

أستغفرالله العظيم الذي لا إله إلا هو الحي القيوم وأتوب إليه

ربنا يصبرك ويجعلك من الصابرين ان الله مع الصابرين واحتسب اجرك عند الله والسلام عليكم ورحمه الله وبركاتة

اساسا كل الاهالى فى زمانا ده بقوا زباله ..
الله يرحم زمنك يا سيدى محمد صلى الله عليك وسلم ..
انا هقرأ وهرد عليك ..
فى رعاية الله ..

اولا :
انا مع الاخ اللى بيقول إن باباك عنده حاله نفسيه (مريض نفسى) بس مش هقول اسفه لأن ده حقيقه ومن المفروض الطيبين اللى زيك مايحبوش الظلما اللى زيه ,ومش مع إنك ترضيه ولا تشوفه هو كان عاق بيك قبل ما تعق بيه .

ثانيا :
لأ طبعا خليك بعيد عيش حياتك اللى عدا منها 22 سنه من غير متعرف تعيشهم ربنا ياخده مكان مهو موجود ربنا عالظالم وربنا ينصرك ويعوضك السنين اللى فاتت ومعلش انا عارفه إن عيشتك اساسا فى الدنيا هتفكرك مواجعها بس اتحمل واعتبره ده اوحش الذكريا وربنا لا يعيدها تانى وربنا يرعاك ويحفظك ويبارك فيك ويخليك تتحسن احسن بأحسن وربنا يهد ابوك ويهديك انت ويرحمك ويكفر ذنوبك ويبدل سيئاتك بحسنات منه واهم حاجه ربنا يجيبلك حقك واحلى حق تاخده يكون فى الاخره او لو عايز فى الدنيا
فأنا بدعيك ياربى ياكريم ياودود ياذا العرش المجيد ان تدى اخويا فيك عمر كل حق ليه وحقق ليه كل حاجه عايزها يارب سهلها له واجعلها بين يديه وانصره يارب انصره على كل ظالم وابعد عنه كل ظلم يارب استجيب دعائى ..
اختك فى الله ..

ثالثا:
يا أستاذ / عمر اقولك تعمل إيه
اسلم حل اعمل زيى وإدعى عليه إن ربنا ياخده ليه , انا كمان بدعى علي بابايا وعلى باباك وكل ظالم لان دعوة المظلوم على الظالم بإذنه مستجابه لكن إختلافنا إنك عندك جرئه تقول وتحكى حكايتك وانا معنديش غير بإنى ادعى عليه وهو ده بنسبه ليه ليك الحل .. انا هجمع لحضرتك ادعيه للمظلوم ..
اختك فى الله ..

دعاء ..
يا رب اللهم انتقم من الظالم في ليلة ﻻ أخت لها، وساعةٍ ﻻ شفاء منها، وبنكبة ﻻ انتعاش معها، وبعثرةٍ ﻻ إقالة منها، ونغّص نعيمه، وأره بطشتك الكبرى، ونقمتك المثلى، وقدرتك التي هي فوق كل قدرة، وسلطانك الذي هو أعزّ من سلطانه، واغلبه لي بقوّتك القوية، ومحالك الشديد، وامنعني منه بمنعتك التي كل خلق فيها ذليل، وابتله بفقرٍ ﻻ تجبره، وبسوء ﻻ تستره، وكله إلى نفسه فيما يريد، إنّك فعّال لما تريد.

دا ابوك دا ما يؤمن الا بمبدا القوة لازم تبقي قوي وتقدر ترد الاهانة عن نفسك والا هتفضل كده يستعبدك ويستحقرك و يسخر منك و يستهزا بيك ويجرب و يمارس جميع طرق الحرب النفسية كلها واي نوع موجود في السوق هيجيبوا و يجربوا فيك لانه يخاف يجربه في حد تاني احسن يكون ليه رد فعل مزعج