بسم الله الرحمن الرحيم

فى ناس كتير بتحلم بالسلطة بس لو انته فى سلطة بجد هتقدر تعمل ايه

كن رئيسا امامنا فماذا سوف تفعل

اولا العضو اللى هيكون رئيس لازم يحلف اليمين

القسم : -

اقسم بالله العظيم ان احافظ على المنتدى وسلامه اعضائة وانى لا استخدم منصبى اللا لخدمة الاعضاء


الله الوطن المنتدى انا الرئيس / اسمك


لو انته الرئيس حاول تحل هذه المشاكل


1 - الشغل يــا ريس مفيـــش شـــــغل عــــــــاوزين نشتغــــل ؟

2 - السكن ياريس انا خاطـــب ليا 6 سنين ومش لاقى شـــقـه ؟

3 - الاكل ياريس غالى وياريت كده وبس ده مسمم كمان نفسى اكل ؟

4 - التعليم ياريس الفصل فى 45 طالب نفسى اعلم ولادى ؟

5 - المــواصلات ياريس نفسى اروح الشغل فـــــى معادى ؟

كفايه الخمس اسأله دول ياريس علشان منتقلش عليك

جاوب على الاسئلة بجد لو انته توليت الحكم او توليتى الحكم هتعمل ايه

حط نفسك مكانة

ههههههههههههههههه موضوع جميل بس انت قلت لو رئيس طب مش ينفع بنت وبعدين المهمه دى صعبه انا كفايه عليا نفسى
موضوع جميل ياجينرال

القسم : -

اقسم بالله العظيم ان احافظ على المنتدى وسلامه اعضائة وانى لا استخدم منصبى اللا لخدمة الاعضاء

اعتبرني اقسمت

الله الوطن المنتدى انا الرئيس / اسمك

xax270

1 - الشغل يــا ريس مفيـــش شـــــغل عــــــــاوزين نشتغــــل ؟

ألبس فوق الركبة
أنا اسف بس فعلا هاد الواقع .

2 - السكن ياريس انا خاطـــب ليا 6 سنين ومش لاقى شـــقـه ؟

وتخطب ليه من غير ما تدبر سكن .

3 - الاكل ياريس غالى وياريت كده وبس ده مسمم كمان نفسى اكل ؟

صوموا تصحوا

4 - التعليم ياريس الفصل فى 45 طالب نفسى اعلم ولادى ؟

لو كل البلد تعلمت مش هنلاقي ميكانيكي , سباك , عامل نظافة الخ ودول محتاجينهم كمان .

5 - المــواصلات ياريس نفسى اروح الشغل فـــــى معادى ؟

ومالوا المشي رياضة

1 - الشغل يــا ريس مفيـــش شـــــغل عــــــــاوزين نشتغــــل ؟

ليه مفيش شغل البنات بتشتغل وزي الفل والحمد لله مش لازم الرجالة تشتغل احنا بنريحهم





2 - السكن ياريس انا خاطـــب ليا 6 سنين ومش لاقى شـــقـه ؟

6 سنين بس وزعلان غيرك بقالو اكتر من كده بكتير وصابر ومستني وانت بتشتكي شوف بلاوي الناس عشان تهون عليك بلوتك يابني





3 - الاكل ياريس غالى وياريت كده وبس ده مسمم كمان نفسى اكل ؟

ياعم ماتاكل هو حد ماسكك والاكل ايه يعني غالي شوية ؤمال هنجبلكو ثمن المبيدات اللي بنروشها فيه منين ومين قال انه مسمم هو يعني عشان بتطلع كل سنه اكتر من 20 حالة تسمم بسبب تلوث الغذاء يبقي الاكل مسمم ياساتر علي الظلم




4 - التعليم ياريس الفصل فى 45 طالب نفسى اعلم ولادى ؟

ايوه الفصل في 45 طالب عشان العزوة نعود الاولاد علي العزوة وروح التعاون



5 - المــواصلات ياريس نفسى اروح الشغل فـــــى معادى ؟

والله انك تروح شغلك في ميعادك دي غلطتك انت ليه متصحاش من الساعه 4 الفجر عشان تلحق تجري ورا الاتوبيس زي اخواتك

تصدق انت زهاتني باللاسئلة دي اعتقلووووه..