اسمحولى يا جماعة



انا قصدت اكتب الموضوع ده فى اكتر من قسم

لانى بجد عايز اشوف اراكم

احنا شباب تايهه وجيل فاشل

زى ما معظم الناس الكبيرة ومعظم اهالينا بيقولو علينا كده

عمالين نلف مش عارفين احنا عايزين اية

زى ما مروان خورى قال فى دواير

بنلف فى دواير وعمالين ندور وندور

وبنحلم وعمالين نحلم ونحلم ومبنحققش حاجة

ولا احنا جيل احسن من اللى قبلنا

بس عايزين ناخد فرصة زى ما اللى قبلنا خدوا

وهنثبت للناس كلها ان احنا جيل نا جح

ومش كل وقتنا بيبقى (اوقات فراغ)

عمالين نضيعها وخلاص

رايكم يا شباب

لا داعى من تكرار الموضوع يااخى
الموضوع فى قسم واحد يحقق المطلوب منه
شكرا ليك

انا بس نفسى اشوف راى كل الشباب وهيدافعوا عننا ولا الناس عندهم حق هل احنا جيل فاشل

بص مش كلكو وحشين بس مش كلكو يعتمد عليه برضه وفعلا انا بحب الفيلم ده لأنه بيعرض قضية جميلة وكلنا بنعاصرها
بالله عليك انا راضية زمة الشباب اللى فى المنتدى كله هل ياترى الشاب سورى اللى مسقط بنطلونه ولابس سلسلة وعاملك شعره عرف الديك ده حتى لو كان من جواه كويس وكل حاجة ممكن لما تشوفه تقول عليه انه ممكن يتحمل حتى مسؤلية نفسه انا ما بقولش ان الشباب كلها كده بس برضه معظم اللى باشوفهم كده وابصملك بالعشرة انا عن نفسى لو اتقدملى شخص بالمنظر ده عمرى ماهثق فى قدراته ثانيا فين الطموح فى ده كله تيجى تسأل الاغلبية انت طموحك ايه يقولك " شقة ووظيفة وجوازه وعربية " وبعدين هى الدنيا خلاص وقفت على كده البنت بتحب الشخص الطموح اللى تقدر تثق فيه والفلوس عمرها ماكانت كل حاجة سامحنى اذا كنت اتكلمت كده بس الاغلبية منكوا هى اللى ادت الانطباع ده لأهلها وشكرا على موضوعك

لا عادى يا طماطم انتى كلامك صح احنا لازم نغير نظرة الناس لينا مينفعش نبقى عاملين كده ونقول احنا مظلومين لازم نعرف الناس ان احنا مش فاشلين ممكن اى حد يعتمد علينا

اية يا شباب اية رايكم فى الكلام ده ليه كل الناش شايفانا فاشلين ومحدش بيسمعنا لية

بص يا سيدي احنا اه لازم نغير وجهة نظر اهلينا من نحيتنا ان احنا فاشليين ...... اه ومعلش احنا بنضيع وقت كتتير بس مش لاقييين اللي يملى وقت الفراغ بتعنا ده المفروض الشاب يبذل اقصى جهده في اجازته الصيفيه في الشغل ويثبت انه بجد راجل ويقدر يتحمل المسئوليه من وهو شاب يعني مثلا يرضيك يا اخي الشاب اللي بياخد المصروف من ابوه او امه يخرج يروح الكلية يشتري 3 او4 علب سجاير ويعمل نفسه انه فتك وانه راجل وكأنه جابه من تعبه وشغله ويوزع على ده وعلى ده ويا عيني تيجي تكلمه يقولك كأني كلت او شربت بيهم ..... وبرده من ناحيه تانيه تعالى شوف الشاب الرازين اللي ياخد مصروفه تلاقيه وهو لسه طالب بيستغله في حاجه كويسه لحياته وانا شايفه ان الشاب عشان يثبت انه راجل بجد يشتغل في الاجازات بتاعته اي عمل شريف ايا كان وبلاش يقول الاتيكيت ................. وبرده ياسيدي اهلينا بيبقوا عندهم حق في كلام بيقولوه وكلام لأ @وشكرا عل الموضوع كنا فعلا محتاجين نتسأله او نسأله

اولا شكرا على مشاركتك
انت كلامك كله صح بس محتاجين حد يشجعنا ويسمعونا فى كتير من الشباب بيكونو محتاجين يتكلمو مع اهاليهم بس محدش بيسمع وهو ده اللى بيحبطهم

ميرسي علي التوبيك يا قمر انت بجد عثل

ماشى يا سيدى ويارب يكون الموضوع عجبك

موضوعك جميل انتو اللى مسوئين صورتكم بالبنطلونات السأطة و الجيل و أصات الشعر عرف الديك و رجل الديك و الكريه جود توبك

انا هقولك حاجة مش كل الشباب كده فى برده شباب ممكن تعتمدى عليهم وممكن يتحملو المسؤلية

انا هقولك حاجة مش كل الشباب كده فى برده شباب ممكن تعتمدى عليهم وممكن يتحملو المسؤلية انا مش قلت انى مفيش اعتماد عليهم بس الشكل مش بيبقى ظريف

ماشى الشكل بقى هما اللى بيبقوا مسؤلين عنه

كل انسان مسؤول عن نفسه يعنى ميهمكش اللى يشتم فى جيلنا ولا اللى يقول اى حاجه المهم ان انت تكون
مدرك للى بتعملة عايش حياتك صح وزى ماانت عايزها بس بالعقل

كلامك جميل وصح شكرا لمشاركتك

الحكاية وما فيها ان الشباب عايز اللى يوجهه وياخد بايده وأنا واثقة من كده لأن فعلا البركة بالشباب بس هما بس يعرفو قيمة نفوسهم وهيبقو ميه ميه والرسول الكريم عليه أفضل الصلاة والسلام قال ان الخير فى أمته ليوم القيامة ومعظم الشباب دى من أمة الرسول صلى الله عليه وسلم يعنى فيهم خير كتير بس يحاولو يجتهدوا ويغيروا للاحسن

شكرا على المشاركة الجميلة دى يا طماطم وياريت كل الشباب ياخدو بنصيحتك

احنا مش فاشلين
احنا طيبين أوى من جوانا لكن الموضوع إن كل واحد بيحاول يجذب الإنتباه ليه علشان يلاقى الإعجاب
من اللى حوليه بطريقته
صحيح ممكن تكون الطريقة ديه هايفة لكن المهم ان كل واحد يلاقى نفسه ويعبر عنها بطريقة صح
وده يحصل لو كل واحد حط قدامه هدف نبيل ويصمم على تحقيقه مهما كانت الصعوبات اللى بتواجهنا
بس احنا محتاجين نثق فى نفسنا أكتر من كده
ونتذكر قول الله تعالى"فان مع العسر يسرا ان مع العسر يسرا"

يا سلام هو دى الكلام
وكل واحد يا شوف نفسه فين ومن ثم
اعرف
انا فاشل او لا
انا...... او لا

ما تحاولش تبقى حد غير نفسك
خليك واثق فى نفسك


taha azeema

بجد يا جماعة وجهات نظر سليمة احنا بجد فعلا لازم كل واحد فينا يلاقى نفسة الاول

نااااااايس توبيك

ميرسى ليكى على مشاركتك

هى ديه سنة الحياة يعنى زمان كانوا اجدانا كانوا بيقول على جيل امى و ابويا انة جيل فاشل و طبعا اهاليهم كانوا بيقولوا عليهم بردو كدة الزمن هو السبب و التطور فى التكنولوجيا بردو و الناس بتتخلى عن عادتها و تقالديها فهو ده اللى بيخلى جيل اوحش من اللى قبلة بس احنا مش كلنا وحشين

ماشى بس لازم كل الشباب يعرفوا ان العادات والمبادئ مش بتتجزأ

جامد
جداالموضوع دة وان شاء لله هرد

احنا نحتاج الى فرصة بس

لاثبات احنا مش وحشين

كلامك صح احنا بجد محتاجين فرصة مش اكتر لاثبات نفسنا وانا عن نفسى والحمد لله عندى قوة شخصية

صدقونى يا جماعة لو خدنا الفرصة دى هنثبت لكل الناس ان احنا احسن من اللى قبلنا كمان

كلامك كلة صح بس احنا حتى لو عملنا قرود هيقولوا علينا برضة جيل تافة بتاع الانترنت والتكنولوجيا المتخلفة
وهو دة ولله انا بشوفة