نجوم مصرية
منتديات نجوم مصرية منتدى المواهب منتدى موهوبين الادب والشعر منتدى القصص والروايات



تابع نجوم مصرية على أخبار جوجل




أوقات فراغ

 

انا بصراحة كنت خايف يا جماعة انى اقدم القصة دى هى قصة مجموعة من الشباب هى ممكن تقولو (فيلم اوقات فراغ ) بس انا هغير فى الشخصيات والاحداث عشان مبقاش بكرر وخلاص وياريت متملوش انا والله عايز اقدم قصة لكل شباب المنتدى يارب تعجبكم انا هكتب اول حلقة لو عجبتكم هكمل والحكم ليكم انتم بس ممكن تعرفوا الشخصيات من اول حلقة بس يا ريت تكملو معايا للاخر

الشخصيات :
1- سيف : شاب فى الجامعة لا يهتم بالدراسة مطلقا واده رجل اعمال ووالدته سيدة مجتمع لا يقابلهم او يتحدث معهم الا نادرا له علاقة بفتاه هى منه علاقتهم متوترة كثيرا بسبب منه .

2- عمرو : شاب زميل سيف فى الجامعة ولكن فى كلية اخرى غير سيف والده متوفى وارغمه تنسيق الثانوية على دخول كلية لا يحبها ويحاول جاهدا التحويل لكلية اخرى يحبها يحب شيرين زميلته فى الكلية ولكن علاقتهم متوترة الى حد ما ايضا بسبب عمرو .
تابع نجوم مصرية على أخبار جوجل



3- يوسف : زميل عمرو وسيف فى الجامعة والده متششد الى حد كبير للدرجة التى تجعل يوفس يتزمر فى احيان كثيرة من ذلك يحب شيماء فى كليةطب تحبه الى درجة كبيرة ولكن تريده ان يتغير ولكن بلا فائدة

4- حسام : صديق هؤلاء الشباب ولكنه بعيد عنهم هذه الفترة

هؤلاء الشباب بلا امل فى الحياة بمعنى اصح ضائعين لكن لا يجب ان نظلمهم انهم لايشعرون باى حنان من عائلاتهم لا يجدوا من يتحدثون او ينصحونهم

5- منه: صديقه سيف ولكنها مضطربة فى معظم الاحيان بسبب اخلاقها فى خلاف دائم مع سيف

6- شيرين: صديقة عمرو وزميلته فى الكلية هى تريد من عمرو ان يكون انسانا اخر وتحاول جاهدة اصلاحة ولكن بلا جدوى

7- شيماء: مثلها مثل شيرين تحب يوسف وتحاول اصلاحة بكافة الطرق من اجل حبها له ولكن فى النهاية ...... انتم تعرفون

هولاء الشباب تائهين وسط الحياة لا يعرفون اى يذهبون يريدون اى خيط للامل ولكن لا يجدون

انا يا جماعة عايز بجد والله رايكم فى القصة من اولها لو مش هتعجبكم مش هكمل رايكم هو اللى هيخلينى اعرف اكمل ولا لا انا كاتب القصة دى للشباب عشان نتعلم منها وكاتبها بخاصة لشباب المنتدى

ملحوظة : انا اسف يا جماعة لو الحوار احتوى على كلمات او الفظ اوفر شوية بس دى والله هتبقى فى سياق الدراما






المقال "أوقات فراغ" نشر بواسطة: بتاريخ:
توته بسكوته
اولا بدايه جميله يا اسلام

وياريت بجد ميكونش في تكرار
والكل يستفييد

ويسلموو

بالنسبه لي ملحوظتك ياريت تشوف حد من الاداره تكلمه علشان يعني لو الافاظ مش مسموحه مش تورط نفسك بمشاكل



تسلم الايادي
titanic
شكرا ليكى يا توتة بجد على الرد وهعمل اللى هقدر عليه
scorpion
بجد القصة دي هتكون جميلة جدا
استمر فيها
titanic
شكرا ليك واستنى الحلقة الاولى
همسات مسموعه
قصه جميله من اولها



ياريت تكملها بس يكون فيها جديد نستمتع بيه


تحيااااااااااااااتى
صغيرة ع الحب
هى شكلها حلو من اولها فعلا ربنا يوفأك

عايزة اقولك انك غيرت تقريبا كل اسامى بتاعة الفيلم و سبت منة

بس انا اخلاقى مش كدة خلاص
nonosh
نتمنى اننا نستمتع بالقصه دى وميكونش فيها تكرار
وهننتظر حلقاتها اكيد



خالص تحياتى لشخصك ولقلمك المميز ..........
احزان غزل
ربنا يو افقك وكمل

هى دى الحقيقى والواقع الذى نعيشه
الاهل لللاسف لا يهتموا بى الاولاد
بجد انا اتمنى ان تكون الام صديقة للبنت وتكون قريبة منها جدا
والاب كذلك يكون قربي من الولد
بس لللاسف مش موجودفى الزمن
الاهل دائما بيرفضوا كل شى كل شى عندهم لالا ونتيجة لذلك اننا بنخاف دائما نحكى لهم اى شى ونلجا الى اشخاص تانية لنحكى لهم
titanic
شكر ا لكل ردودكم الجامدة دى بس والله يا منه انا مقصدش خالص والله وبعدين انا سايب عمرو كمان وان شاء الله تعجبك
&عاشق الرومانسية&
استمر ياباشا وبداية جميلة وانشاء الله موفقة وانشاء الله نستفيد
titanic
شكرا ليك عاشق الرومانسية واستنى الحلقة الاولى
titanic
( الحلقة الاولى )
يجلس سيف ويوسف فى مقهى كعادتهم لا يجدون مكانا يذهبون الية ضائعين فى وسط المدينة معظم الايام يذهبون الجامعة قليلا
سيف : وأخرة القعدة دى اية بقى ان شاء الله ؟
يوسف: يا عم استنى عمرو زمانو جاى
سيف: ايوة وبعد ما يجى؟
يوسف: يبقى يحلها الحلال

ياتى عمرو الى المقهى حيث سيف ويوسف جالسان وسيف لم يكن على اعصابه بسبب منه

عمرو : مساااااااء الخييييييييير

يرد يوسف ولكن سيف لم يكن معه اساسا

عمرو : اية يا موزة مبترديش ليه وبعدين ا ية الحلاوة دى اية يا يوسف انت ازاى ماسك نفسك قدام الحلاوة دى كلها
يوسف: هههههه يا عم انا عن نفسى مش قادر بس دى بتقول انها مكتأبة ومضايقة
عمرو: بقولك اية فرفشى انتى بس ومتخافيش
سيف: يوووووه هنبتدى بقى
عمرو: احنا لسه عملنا حاجة
يوسف: اية ده اية ده مالك متعصبة علينا كده ليه
سيف: بجد انا مخنوق ومش طايق نفسى فخف نفسك انت وهو بدل ما اقوم اطقم لكم
عمرو : ليه يا بنى فى ايه
سيف: البت منه الزفته مش عارف هى فين وقافلة تليفونها ليه
عمرو : دا انا لسه شايفها فى عربية الواد احمد عا....................

ادرك عمرو انه اخطا فتوقف عن الكلام
سيف: ايه عربية عربية اية ما تنطق
عمرو : يا سيف والله ما كنت عايز افتح السيرة دى وبعدين ما انت بتسمع انها كل يوم مع واحد ما تسيبك من البت دى يا عم شوفتها مع الواد احمد عادل وانا جاى بالصدفة

انطلق سيف مسرعا
سيف: والله لمخلى يومها اسود عليها وعلى ابوها
يوسف : انت يا بنى انت رايح فين الله يخرب بيتك
ليه بس كده يا عمرو هى نقصه
عمرو : يا عم والله ما اقصد غصب عنى وبعدين ما هو عارف ان كل يوم بيطلع عليها كلام كتير جت على النهاردة
يوسف: المهم هنقضى الليلة دى فين انا مخنوق والل...
عمرو : معاك مفتاح الشقة
يوسف: ممكن النهاردة اخر يوم لان ابويا هاجرها والراجل هيفتحها عيادة
عمرو : ما تيجى نطلع
يوسف: معاك كام
عمرو: معييش غير 15 جنيه
يوسف: خلاص هتصل بالواد حسام ونشيلك احنا
الو حسام حصلنا يا بنى على الشقة امك دعيالك با ابن العبيطة
حسام: ماشى يا حيوان سلام والله اول مرة تتصل بيا على حاجة نطلة

نذهب لسيف الذى انطلق مسرعا ليعرف اين هى منه وبعد محاولات استطاع ان يحدثها فى التليفون
سيف: انتى فين يا هانم
منه: سيف ازيك انت فين يا بنى
سيف: انتى فيييييين
منه: هه عادى فى البيت
سيف: انتى كدابة
منه: نعم
سيف: ايوة ووالله لو طلع اللى سمعته صح لخلى يومك جاز
منه: اولا تكلم معايا كويس وبعدين سمعت اية يعنى وحتى لو سمعت انت خطيبى ولا جوزى
سيف: كدة ماشى غورى فى ستين داهية تخدك

ويغلق التليفون فى وش منه ويتصل بيوسف وعمرو
سيف : ايوة يا بنى انت فين
حسام: ايوة يا كبير انت عايزنا نكون فين
سيف : لا والله ما تخلص يا خفيف انتو فين
عمرو: سيبك من الواد ده دا فاشل ايوه يا حبيبى عايز مين
سيف: ماشى ادينى بابا اكلمه يا نوغه
يوسف: ايوة يا ابنى عايز حد
سيف: انتو فين يا واطى يا ابن...........
يوسف: خلاص خلاص احنا فى الشقة عندى تعالا النهاردة الفنش
سيف : ماشى سلام
بعد قضاء الليلة يذهب كل منهم الى منزله ولكن المشكلة الاكبر كانت عند يوسف
يدخل يوسف الشقة واذا بصوت ينادى
يوسف
.........................................
الطفله البريئه المغمضه
علي فكره حلوه وهو ده حال الشباب اصلا ربنا يهديهم ويكثر امثال الشباب الخيره
scorpion
تسلم ايدك
بجد قصة جميلة جدا
في انتظار باقي الحلقات
titanic
شكرا ليكم يا جماعة وياريت اكون عرفت اغير ومش مجرد مكرر
صغيرة ع الحب
حلوة بس استمر بقى
nonosh
بدايه موفقه والحلقه ممتعه

ننتظر مزيدك وهنتظر كالعاده باقي الحلقات

خالص تقديري واحترامى .........
البرنسيسة الشيماء
تسلم ايدك
بجد قصة جميلةوبدايه جميلة كمان
منتظرين باقي لحلقات
تقبل مروري
titanic
شكرا ليكم يا احلى اعضاء فى احلى منتدى وان شاء الله هكمل
LOLO10
قصة جميلة تسلم ايدك ومستنيين بقيت الحلقات
titanic
شكرا ليكم يا جماعة واسف على التاخير بس بجد كنت تعبان شوية بس ان شاء الله الحلقة التانية النهاردة
titanic
(الحلقة الثانية)
يسمع يوسف صوت ات من الداخل
الاب: يوسف
يوسف: ايوة با بابا
الاب: تقدر تقولى الساعة كام
يوسف: 4 عارف
الاب: ولما انت عارف كل يوم هتشرف كده
يوسف: وانا كنت بعمل اية يعنى ما انا كنت بذاكر مع اصحابى
الاب: يا بنى انا قولت لك 100 مرة انا مبيجليش نوم الا لما انت واختك تبقوا هنا فى البيت
يوسف: يا بابا اناولد
الاب: يعنى هو الولد ده معندوش جامعة بكرة الصبح
يوسف: حاضر يا بابا معندتش هتأخر
الاب: ومتجيليش بعد كده متاخر عن الساعة12
يوسف: حاضر يا بابا حاضر

فى اليوم التالى بعد الجامعة يذهب الجميع الى النادى كل فى عالمه
يوسف مع شيماء
عمرو مع شيرين
سيف مع منه وعلى اخرهم
يوسف: اية انتى فين من كام يوم
شيماء: يوسف بلاش استهبال انا حاولت معاك كتير مش عارفة اعمل معاك اية
يوسف: ليه كل ده انا عملت اية
شيماء: ممكن تقولى انت كنت قافل موبايلك لية امبارح
يوسف: كان فاصل شحن وبعدين انتى مالك بتكلمينى كده ليه
شيماء: يعنى مكنتش مع سيف وعمرو انت عديت السنة اللى فاتت بالعافية والسنة دى مطنشها على الاخر لا بتذاكر ولا بتحضر
يوسف: مين قالك الكلام ده الكلام ده ملوش اى اساس من الصحة
شيماء: اساس من الصحة ....... شكرا
(نذهب الى عمرو وشيرين)
شيرين: ازيك
عمرو: انتى عاملة اية
شيرين: انت مكنتش بترد ليه امبارح يا عمرو على التليفون وليه بعد كده قفلته
عمرو:مفيش بس كنت مش فاضى
شيرين: مش فاضى لا والله
عمرو : انتى بتكلمينى كده ليه قصدك اية يعنى
شيرين: انت بتكدب عليا
عمرو: نعم
شيرين: ايوة انت كنت مع سيف ويوسف امبارح
عمرو: دا انت بتراقبينى بقى
شيرين: يعنى كلامى صح انا مش هقدر اتحمل كل الكدب دا
عمرو: بس انا مش بكدب
شيرين: مانت بتقول انى براقبك
عمرو: يا شيرين انتى على طول بتكدبينى
شيرين: انت مفيش فايدة فيك كل يوم توعدنى بحاجة وترجع فيها تانى قولتلى معنتش هشرب حاجة بس برده مفيش فايدة انا زهقت
(نذهب الى سيف ومنة)
منة : انت لسه زعلان
سيف: ليه هو انتى عملتى حاجة تزعل
منة: طيب انا كنت فاكراك زعلان
سيف: لا والله انت هتستهبلى ممكن تقوليلى انت كنتى فين امبارح
منة :هكون فين يعنى كنت فى البيت
سيف: انتى كدابة انا كل يوم اسمع عليكى كلام شكل ومش برضى اصدق
منة وقد بدات تبكى
: كده يا سيف انت ترضى تصدق عليا حاجة زى دى
سيف: ما انا زهقت كل يوم اسمع كلام ومش برضى اصدق وناس بتحلفلى وبعدين مفسيش دخان من غير نار
منة: اخص علي يا سيف والله ما عنت مكلماك وبعدين مانت طول النهار مع عمرو ويوسف فى الشارع وانت عارف بقى بتعملوا اية
سيف: وانتى مالك انا اجل اروح واجى زى مانا عايز انما انتى بنت
منة: لا والله انت انانى وفاكر نفسك عشان راجل تبقى تعمل اللى انت عايزه انا ماشية عشان اتخنقات
سيف: يووووووووووه فى داهية تخدك
(وبعد ذلك يذهب الثلاثة عمرو وسيف ويوسف الى الشارع حيث يسيرون كل يوم بنفس النظام الى ان ياتى المساء فيذهب كل منهم الى منزله ثم يكملوا المساء بعد ساعات فى الخارج الى الفجر هذه هى حياتهم كل يوم وفى كل الايام)

.......... انا حبيت اعرض الحلقة دى لمشاكل الشباب والبنات واستنوا الحلقة الثاثة..................
titanic
اية يا جماعة والله لو وحشة مش هكمل انا قولتلكم كده من الاول والله
ميسره
وحشه ايه بقى

دي جميله جدا

انا مكنتش اتوقع كده بصراحه

كمل يا جميل وامتعنا
scorpion
لالالالالالالالالالالالا
وحشة مين بس
استمر انت بس
كدة تمام
يلا بقي عاوزين نشوف باقي الحلقات
بالتوفيق ان شاء الله
صغيرة ع الحب
حلوووووووووووة اووووووووى
البرنسيسة الشيماء
لالالالالالا
وحشه ايه
دي جميلة جدا
تسلم ايدك ومستنين
باقي الحلقات
titanic
ماشى شكرا ليكم يا جماعة وانا هكمل ان شاء الله
titanic
( الحلقة الثالثة)

(عرضت فى الحلقة اللى فاتت حال هؤلاء الشباب هذه هى حياتهم يتخذون القرارت ثم يرجعون فيها بسرعة البرق لا يعرفون ماذا يردون فى هذه الحياه لا احد يسمعهم ولا هم ايضا ينصتوا لاحد)

فى الجامعة عمرو ويوسف وشيماء وشيرين يتحدثون عن خطوبة سيف ومنة

عمرو: سمعت اخر الاخبار
يوسف: اية اتحفنا
عمرو: استعدوا للقنبلة
شيماء وشيرين فى صوت واحد
( اية ما تقول)
عمرو: كلنا كده هنروح بكرة بالليل عند سيف فى بيتهم هيخطب منة هانم
البنات فى صوت واحد ( نعم مين دول اللى هيتخطبوا)

يوسف ** فى نفسه (يابن الهبلة)

يوسف: بقولك اية تعالى عايزك فى كلمة
عمرو: اية فى ايه

وبعد ان ابتعدوا عن البنات
يوسف: هما مين دول اللى هيتخطبوا يا عبيط انت
عمرو: يا عم انا مالى هو انا اللى هخطب
يوسف: يا بنى ده عيل مجنون هو بيحبها اصلا
عمرو: والله ما اعرف هنبقى نروح ونكلم معاه
يوسف: النهاردة

فى المساء عمرو وسيف ويوسف
يوسف: انت صحيح يا بنى هتخطب منة
سيف: اه هو عمرو مش قالك
يوسف: بقولك اية وحياة ابوك ماتكدب
سيف: اية يا عم
يوسف: انت بتحبها
سيف:.....................
يوسف: اية صعب اوى السؤال
سيف: مش عارف
يوسف: اهو هو ده اللى انا كنت مستنيه شوفت يا عم عمرو
عمرو: هو اية ده اللى معرفش يا اما بتحبها يا اما لا
سيف: صدقنى مش عارف ساعات بحس انها مش فارقه معايا وساعات بحس انى بحبها وبتبقى وحشانى مووت
يوسف: شوفت يا عم عمرو انا عارف كده من الاول
عمرو: والله العظيم الواد ده مجنون
سيف: بقولكم اية سيبوكو من كل ده لمهم الواد حسام صحيح مش هيجى
عمرو: لا معتقدش كلمنى النهاردة وقالى انه مسافر
يوسف: اه صحيح انا مشوفتوش بقالى كام يوم
سيف: يلا مش مكتوباله

فى اليوم التالى فى المساء اجتمع كل الشباب بعد الحفل فى بيت سيف فى النادى ليحتفلوا بهم

واثناء الاحتفال ينطفئ النور ويدخل احد الاشخاص
الشخص الغريب : مبروك يا سيف مبروك يا منة يلا كل واحد فيكم ياخد هديته
عمرو: اية ده مين ده
يوسف: انا عارف
الشخص الغريب: يلا كلكم تقفوا طبورين طبور رجاله وطبور بنات هبوس الرجالة والبنات لا مفيش بوس للبنات

( ثم يعود النور ويكتشوا انه حسام)
سيف: حسااام
عمرو: هو انت
يوسف: يابن اللعيبة

( ويقفز جميع الشباب اليه وهو يدفعهم فى وسط ضحكات البنات )
حسام: بس يا واطى منك له بس يا حبيب انت ما بتصدقك )
الشباب: هههههههههههههههه

( بعد ذلك يخرج الشباب الى خارج القاعة يدخنون والبنات فى الداخل )

عمرو: اية يا عم حسام انت مش كنت بطلت وبقيت متدين وكده من سا عت ما سافرت
حسام : والله انا قعدت اسبوع مشربتش سيجارة وبقرأ قران وبصلى انما مقدرتش استمر فيها حاجة دى
عمرو: انا كنت عارف كده عشان انت خدتها افش انت عارف انت لوكنت خدتها واحدة واحد ة كنت عرفت تستمر انا بردة كان جه عليا وقت كنت بصلى وكده بس ده كان زمان يعنى بس برده معرفتش استمر عشان خدتها افش بردة خدها واحدة واحدة
احد الشباب:عمرو قصده يعنى النهاردة تصلى الصبح بس وبكرة تصلى الظهر بس وبعد كده تجمع فى الاخر
احد الشباب: هه هه ودى فى اى مسابقة بقه يا حبيبى
عمرو: هه هه لا مش كده يابن الظريفة ماهو مش يا أيما كده يا أيما يصلى ويقرأ قران ويقوم الليل الا قليلا ويدوس جامد
يوسف بسخرية : اة يشوف حاجة طرية يدوس عليها مش كده يا عريس
سيف: كده
يوسف: طبعا

( فى تلك الاثناء يبدا الشك والقلق يحيط بالبنات وفى نفس الوقت يدخل سيف تاركا بقية الشباب)
شيرين: سيف فى عمرو
شيماء: وفين يوسف
سيف: اية ... ه بره

( تخرج البنات وتر الشبب وهم تقريبا غائبين عن الوعى وهم يضحكون ضحك لا ارادى فيتركوهم وينصرفوا مسرعين وورائهم الشباب يحاولون الاصلاح من موقفهم )
.................... مع تحياتى.......................



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
شاهد بالصور الظهور الأول لشقيقة أحمد حاتم بطل فيلم أوقات فراغ .. لن تتخيل جمالها
شاهد لأول مرة صورة شقيقة الفنان أحمد حاتم بطل فيلم أوقات فراغ .. فائقة الجمال
اوقات فراغ

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية