غريبه كيف في لحظـة نسيتـي الـود واحلامـي
نسيتي من نسى نفسه وجـا يطـرق لـك ابوابـك
اجاكي مـن البطـى عانـي بإيـده قلبـه الدامـي
يبي منك تداوينه ........ تعالي جربـي اعشابـك
طبيبـه شاطـره لكـن نويتـي قتلـي واعدامـي
امانه وين ايمانك .............. وركعاتك بمحرابك
رميتيها وراى ظهـرك وجيتـي تسرقـي ايامـي
( وشفتيني حمل مسكين وكشرتـي عـن انيابـك )
وانا مذهول مو معقول ......حياتي تكثـر الامـي
انا (....) حبيب القلب ........ انا اهلك واصحابك
انا اللـي قـال لعيونـك ابسهـر وانتـي تنامـي
وانا تمنيت في لحظة اصيـر الرمـش واهدابـك
مرات امشي قدامك ...... ومـرات انتـي قدامـي
مثل ظلك انا احرسك ...... لو ان الطعن صابـك
لاني ميت بحبك ...... وحبـي صـادق وسامـي
رضيت اني على شانك اعفـر روحـي بترابـك
على النيه انا ماشي .... وبيض الرايـه اعلامـي
خدعتيني بكلمة حـب ..... واسرتينـي بسردابـك
اخيرا فقت من حلمي ... عرفتـك حـب اوهامـي
وبدعي ربـي الخالـق يجازيكـي علـى اسبابـك