http://www.egycrazy.com/vbارجو منكم تفيدوني
مبدأيا انا بنت محترمه جدا جدا عمري ما كلمت ولد ولا عملت حاجه غلط في نطاق الادب والاحترام لم اقترف اي غلط وبحاسب نفسي كويس اوي
والحمد لله مسلمه وعارفه موقف الاسلام من قصه الحب طبعا
بس المشكله ان الانسان لما بيدخل الجامعه وبينضج بيعرف حاجات كتير اوي مختلفه عن مبادئه و افكاره
انا بحب النت وبدخل عليه كتير
واحيانا بدخل غرف الشات بس ف نطاق الاحترام لو لقيت حد مش كويس بقفل معاه لو موضوع مش كويس بحذفه طبعا وعمري ما ولد شافني وبحب الموضوع لسبب واحد هو اختلاف الثقافات ومعرفه افكار جديده بس وفضول طبعا
بس المره دي غير اي مره ولد بعتلي اضافه علي موقع مشهور جدا (ف.ب) المهم اتعرفنا ع بعض وعرفت انه دفعتي ومعايا ف الدفعه المهم اتكلمنا وبصراحه هو شكله انسان محترم وبنتكلم ف مواضيع مهمه وامور عامه الكلام ده ف رمضان وفرحت اوي اما لقيته بيصلي التهجد والتراويح وكده
المهم الدراسه قربت فطلب مني انه يشوفني ف الدراسه والجامعه فقلت له لا واني مش بكلم ولاد ولا حتي ف نطاق الدراسه لاني بخاف ع سمعتي اوي
المهم فرح اوي بيا وقالي انه فرحان ان ف بنات كده المهم مرت الايام والدراسه بدات وشفته ف الجامعه لاني كنت شفت صوره ليه بس هو طبعا ميعرفنيش المهم حسيت انه بالنسبه ليا شخص عادي جدا
مفيش حاجه
المهم يوم عن يوم بيزيد تعلقي بيه رغم اني مش بكلمه غير ف اخر الاسبوع يومين بس بس لحد دلوقتي الموضوع بالنسبه ليا عادي
لحد ما طلب انه يشوفني تاني ولو حتي ع النت صوره بس ف اللحظه دي لقيت اعصابي فلتت مني واتعصبت وفقدت اعصابي وفضلت متمسكه جدا برايي وقالي ان انا فيا مواصفات الفتاه اللي يتمني يتجوزها في يوم من الايام لحد اللحظه دي انا حساه بيكذب وانه مجلرد كلام بس عشان يشوفني برضه كملنا كلامنا عادي وقالي انه كان بيختبرني بس وعدت الايام وبدات السكاشن ف الكليه وللصدفه لقيته بيحضر معايا سكشن والصدفه ان اللي بيحضروا السكشن قليلين جدا وانا واصحابي من الطلبه اللي الي حد ما مجتهده بتحب الاسئله وكده وفضل الموضوع ده فتره لحد ما طلب انه يشوفني تاني
فرفضت وبعدين قلتله ف لحظه انه بيشوفني ع طول ف السكشن ده فطلب مني انه يشوفني فرفضت قالي طب قوليلي علي لبس معين هلبسه عشان يعرفني بيه وووعدني ان عمره ما هيكلمني ابدا وفعلا حصل وشافني انا مش عارفه ده ازاي حصل ومش عارفه ده غلط ولا صح المهم شافني واعجب بيا وفعلا مكلمنيش وقالي ان انا المفروض اثق فيه اكتر
من كده بس انا خايفه اديله ثقه اكتر من كده وهو فعلا معملش اي حاجه وحشه فيا ولا حتي حاول يكلمني وبيكلمني بمنتهي الاحترام
مش عارفه اعمل ايه انا فعلا حبيته بس لسه ف الاول احساس متناقض جوايا قررت ف يوم اني عمري ما هكلمه تاني ع النت واقطع العلاقه دي بس مقدرتش قلت خلاص ا سيب العلاقه تمشي ف النطاق ده واشوف ايه اللي ممكن يحصل وخلاص
يا ريت يا جماعه ارائكم بصراحه ونفسي حد يقولي بصراحه عن اللي المفروض اعمله
يا ريت يا جماعه الحل منكم
.