رد البحر على الشاعر المحترم هشام الجخ
و ياريت لو يوم قراها يبقى يعذرنى
أصل البحر فى بينى و بينه عشرة عمر



ما يهمنيش تارك و لا يهمنى تهديد
أنا جيت هنا دارك و أنت اللى ظالم أكيد
تعالى نحسبها هات ورقه هات قلمك
وأى شىء نحسبه شهد عليه قلبك


فاكر أنا زيارتك كأنها أمبارح
جبتلى نانا وجيت والعقل كان سارح

حكتلى عن حبكم عن وعد بين قلبكم
شربتنى همكم مع أنه كان مالح
شربته و أنا فرحان ماأصلها طبيعتى
قولتولى ع الأسرار رمتها فى سريرتى


بالنسبه للعاشقين شطى ملاذ أمن
يادوب أنا شغلتى شاهد و مش ضامن
أضمن منين البشر كانوا ضمنوا نفسيهم
بيجيولى يتعاهدوا و أشهد أنا عليهم
متجيش تقولى يا بحر أنت هنا مسئول
منطق غريب مرفوض ولا تقبلوش عقول


بتقول سمايا هتبقى ليل و هتطفى شمسى
وهتطمث الدنيا و نهارها و ناسى أمسى
أكشف جرف جرس جوف و كتف دوس
أنا أصلى يا ما سمعت هوا الكلام بفلوس


زغزغت رجليها تمام و أنا معترف
رفعت عنها الحجاب فى شغلتى محترف
دا كله فى حضورك هتقول عليا ندل
فى كتير من العشاق ليا عليهم فضل
و الفضل فضل الله و ياريت متظلمنيش
خلص الكلام عندى و أحكم بقى بالعدل



بقلمى : إبراهيم زيتون

تحفه ، الله على هذا الكلام ، كل من هنا هواه الا انت محترف انسياب الكلمات اتى مثل البحر حقا فى سهولته و فى صعوبه الامساك منه ، انت فعلا بحر كبييييييييييييييييييييييييييييييييييير و جميل .

انسان،، احمد

بجد كلام جميل جدا مشكورين

فعلاً
كلمات جميلة ومعبرة

شكراً ليك

وتقبل مروري