هاي
انا عايزة اقولكم مشكلتى وياريت اسمع رد
انا من عيله ميسورة ماديه الحمدلله مرتبطه بانسان كويس بس وضعه المادى مش زىى بس هو انسان محترم اوى وبيحبنى ومجتهد هو بيدرس لسه بس بيشتغل في الاجازة المشكله عندى انا....
انا مش بقدر اعيش وانا حاسه اني مخنوقه ان مفيش فلوس او مفيش امكانيه ان اطلب منه حاجه او ادلع عليه مرة زى اي بنت وقوله عايزة حاجه لان بكون عارفه ان ظروفه الماديه متسمحش هو حاليا ظروفه الماديه وحشه جدا لدرجه انه احيانا مش بيكون معاه فلوس يشحن موبايله وباباه تعبان ومحتاج يعمل عمليه وظروفه وحشه جدا انا غصب عنى بدأت اتخنق انا والله العظيم بحبه هو انسان محترم وبيحبنى اوى بس مش عارفه اعمل ايه انا حاسه نفسي بدأت اتغير معاه مش انا حبيبته بتاعه زمان وهو ملاحظ بس والله مش عارفه اعمل ايه في نفسي حد يرد عليا ارجوكم انا والله بحبه بس انا مشكلتى ان مش متعوده علي كده خالص حاولو تفهمونى ..... ياريت حد يريحنى

الحب ليس فيه فوارق
اذا كنت بتحبيه بجد ها تصبرى عليه وعلى ظروفة
والا كانت العلاقة ملهاش لزمة من الاول
فكرى تانى واتأكدى ان حبك ليه هايساعدة على العمل والكفاح
قربى منه عشان خاطر يحس ان فيه حد جنبة ولا كل الدنيا علية (لو اتنى مش معاة )
خليك دافعة الاساسى فى الحياة
لان الانسان من غير حب (( بلا هدف ))
سلام

تصدقى ان اللى بيحب حد مش بيبص للكلام ده
وياستى الرزق على الله
الصبر حلو وكفاية انه بيحبك وانتى كمان

فكرى كده لو انت سبتى الانسان ده وارتبطى بواحد تانى
مش بتحبيه بس معاه فلوس كتير تقدر تعيشك ومرة واحدة الفلوس دى راحت منه وخسرها
تعملى انتى ايه يبقى منك مخدتيش الانسان اللى بتحبيه ومنك مستفدتيش بلفلوس اللى عيزاه

حرام تضيعى حبك عشان خاطر الفلوس اللى بطروح وبتيجى اقفى
جمب اللى بتحبيه وشجعيه وابتدوا النتوا الاتنين مع بعض وكونوا فلوسكم انتوا الاتنين

عندك حق ياجوليت بس انت عارفه بحس كتير ان بضعف بجد لما بقعد افكر مع نفسي واقول انا استاهل حد احسن منه يريحنى وكده بس والله لما اجى افكر ان ممكن ابعد عنه الاقيها صعبه اوى لان بجد الانسان ده وقف معايا في مواقف كتير جدا كان صعب علي اي راجل يتقبلها وبيحبنى جدا لدرجه انه هو نفسه بيقعد يقولي انا عمري ماهسمحلك تبعدى عنى حتى لو انتى طلبتى ان ابعد ومفيش حاجه هتبعدى عنك غير انى اموت وعارفاه ممكن يعمل ايه في نفسه لو اتخليت عنه بس والله غصب عنى بفكر كتير انه ليه هبقي اقل من فلانه او علانه مش عارفه بس والله العظيم بحبه جدا ومعرفتش معنى الحب غير معاه ولا معنى انك تعرفي ان قد ايه حبيبك ممكن يحبك ويحترمك ويخاف عليكى غير معاه لان هو مش اول واحد في حياتى فأنا عارفه كويس هو ايه بس الحلو ميكملش ......؟؟؟