انا يا جماعه عضو جديد وبشتغل مدرب فتنس وطبعا بيجيلي في الجيم بنات وشباب كتير بيبقي هدفهم انهم يبقي جسمهم مظبوط
65% من الي بيجولي الجيم بيبقوا بيعانوا من السمنه
35% التانين بيعانوا من النحافه
الحاجه الي بتزعلني ان اغلبهم من الشباب
وطبعا الشاب ده بيبقي عاوز يعيش سنه وهو حاسس ان جسمه مسببله مشكله نفسيه
واغلب الناس الي بتجيلي بيحكولي انهم حاولوا يمشوا علي اكتر من نظام وتمارين وزهقوا وعايزين نحط 20 خط تحت كلمة زهقوا دي
خلينا ناخد النهرده الشريحه الااكبر اللي هي 65% الي عاوزين يخسوا ونتكلم في موضوع تاني عن الي عاوزين يذيدوا في الوزن او الي بيعانوا من النحافه



اولا الي عاوزين يخسوا
__________________
__________________
هنتكلم بطريقه سهله جداااااا وبسيطه جداااااااااااا
1- افضل وسيله للتخسيس ان مجموع السعرات الحراريه المحروقه من خلال الاعمال اليوميه او التمرين او اي نشاط بتقوم بيه في اليوم مجموع السعرات الي بتتحرق دي لازم يبقي اكتر من مجموع السعرات الداخله للجسم من خلال الطعام في اليوم من خلال عصائر او اي نوع من الاكل لان اول لما هنحرق السعرات الي اخدنها من خلال الاكل اليومي الجسم محتاج طاقه طيب هيجيب من فين الطاقه دي وهو حرق كل الي اخده من الطعام انا اقولك هيجيب طاقه من فين اول لما الجسم يخلص طاقته البنكرياس بيفرز هرمون اسمه جلوكاجون ده وظيفته انه بيحول دهون الي طاقه يستخدمها الانسان لاداء نشاطاته ومن هنا الجلوكاجون خلي الدهون تتحول لطاقه والطاقه بتتحرق يبقي الدهون قلت



2- اذاي نخلي السعرات المحروقه اكتر من المتناوله اول حاجه نخلي السعرات الي داخله اصلا قليله يعني مناكلش الاكل الي سعراته عاليه يعني مثلا هنستبدل العيش بانواعه بعيش السن لانه سعراته اقل من العيش التاني مثلا هناكل بياض البيض ومش هناكل الصفار لان الصفار فيه نسبة دهون لاكن البياض بروتين والبروتين ده مهم جدددددددددددددددددا علشان هيحافظ علي العضلات بتاعتي وانا بخس كمان ممكن اكل سمك مشوي في الغدا لان سعراته قليله
او لحوم مشويه او صدور الفراخ مش الوراك لان الصدور دهونها اقل من الوراك
في العشاء ممكناكل جبنه قريش
واهتم اوي بالسلطه طيب انا كده عرفت هقلل السعرات الي هخدها من الااكل اذاي
الجزء التاني اني هزود السعرات المحروقه علي اد ما اقدر
من خلال اني ابقي نشيط طول اليوم يعني اقوم وامارس نشاطات اخرج
اتمرن في الجيم ابقي بتحرك باستمرار اقللل فترات الجلوس في المكتب او في المنزل
وبكده هبقي بحرق باستمرار


3- اهم حاجه يا جماعه اني اكون بعمكل ده وانا واثق في الي بعمله وكمان مرتاح نفسيا مش زعلان او قرفان من التمرين لاء اتمرن وانا بستمتع بالتمرين اسمه موسيقي وانا بتمرن احب الي بعمله بمعني اصح

4- في طبعا منتجات رائعه بتتاخد في الحالتين زيادة الوزن او التخسيس
وده هنتكلم فيه في مواضيع تاني
اتمني مكنش طولت عليكم
واي سؤال حد يحتاجه يسالني ان شاء الله هيلاقي رد يريحه ويوصله لهدفه

شكرا على المعلومات الهامه