بعد احداث تونس التى ادت الى اسقاط الحكومة وكان السبب الرئيسى فيها شاب يدعى بوعزيزى والذى قام باشعال النار فى نفسه امام الناس احنجاجاً على الوضع المعيشى السئ الذى يعdشه وبعد ان صادرت الشرطة عربته مصدر رزقه الوحيد ... ياترى هل هذا الشاب الذى اشعل الثورة يعتبر منتحراً أم هو بطل أو شهيد ؟؟؟
شاهد رأى الدكتور يوسف القرضاوى فى ذلك..

شكرا جدا علي الخبر

انا سمعت ان فيه جدل حوالين الموضوع ده ,لكن اللي يسمع صح هايفهم صح ,

الراجل اتكلم عن بوعزيزي (بشخصه) , واتكلم عن الموضوع بتاع تونس (بعينه) ,

يعني ماعممش الحكايه وقال كل منتحر عشان السبب ده يبقا شهيد ,يعني مش

اي حد في بلد يكون فيها ظلم مثلا ويروح يحرق نفسه يبقا كده مش هايتحاسب

عند ربنا! ,لا طبعا هايتحاسب وهايدخل النار طبعا , لانه قتل نفسه والحكم واضح ,

مثل الامور ديه مش اي حد يفتي فيها , لازم يسمع (ملابسات الموضوع كله) وبعدين

يحكم ولازم يكون (عالم دين) . ده غير كمان انه ماتكلمش انه شهيد او مش شهيد .

صحيح الدكتور القرضاوى ما قالشى انه شهيد و لا مش شهيد هو قال ان احنا ندعيله ، و بعدين هو الشيخ القرضاوى هيعرف منين اذا كان الاخ ده شهيد و لا مش شهيد ، ده خلاص دخل فى علم الله ، الاخ محمد - رحمه الله - اصبح فى ذمه و معيه و حضره و مواجهه الله سبحانه و تعالى ، و هو اراف به من نفسه و امه و ابيه ، فندعو له بالرحمه ، و لكل المسلمين و العرب بالصبر على ما نحن فيه و ان الحكايه دى ما تبقاش موضه كل واحد عاوز يحقق حاجه و ما عرفشى يروح يولع فى نفسه !! ده مش عقل و دى قطعا قطعا مش شهاده ،،،، و شكرا .

ياجماعة الشيخ القرضاوى فعلاً ماقالش ده شهيد او غير شهيد لكنه اتكلم عن السبب اللى خلى الراجل يحرق نفسه وقال ان احنا مافيش حاجه نعملها غير اننا ندعيله ومكانش بيبرر ابداً اللى هو عمله ده ...
بالنسبة للخ Mafesh Esm .. على فكرة الشيخ القرضاوى رئيس هيئة علماء المسلمين يعنى عالم ومفتى كمان .. يعنى ماينفعش نقول ان مش اى حد يتكلم فى الحاجات دى لان القرضاوى مش اى حد