السلام عليكم اخوانى واحبائى فى الله يارب تكونو بخير اللهم صلى على حبيبنا محمد علية افضل الصلاة والسلام
انا لقيت مشكلة عند البنى ادم فى ناس ماتعرفش اية الغلط اللى فيها اللى مش عارف انو ممكن يغلط وبيقولى اعتذر على اية لما مش انا اللى غلطان اللى مش عارف انو مغرور وانو لازم يتواضع وانو انسان عادى خلق من طين زى البشر واللى مش عارف انو بيتعامل مع الناس بطريقة خاطئة ودايما يزعق ويتكلم بطريقة وحشة ويقول اصل دا طبعى والناس اتعودو على كدا انا لو اتكلمت بهدوء ممكن يفكرو انى جبان ...... سؤال عاوزة الكل يجاوبنى علية
سلوكيات الانسان وافعالة جاية من غلط فى المفاهيم عندو ولا سلوكياتو خاطئة ؟
انا شايفة الاتنين هو لو كان شايف معنى الاعتذار جرح كرامة يبقى عمرو مايعتذر وفى نفس الوقت دا سلوك خاطىء وفى نفس الوقت هو اتعود انو يتعامل دايما كدا وفى ناس هاترد عليا وتقولى خلاص بقى طبع وانا مش هاينفع اغيرو
كل شىء ممكن يتغير اذا كانت دراستك بتتغير واصحابك بيتغيرو كل شىء فى الدنيا بيتغير يبقى لازم تصر انك تغير عيوبك وفى ناس ردت عليا احنا حابين نفسنا كدا واتعودنا على كدا والناس كمان .. لو انت كنت صح وبتتعامل بالطريقة دى مع الناس اية اللى يخلى بعض صحابك يسبوك او يعتبوك لو انت صح اية اللى هايخلى بعض الناس تزعل منك ؟
مش عيب ان يبقى عندك عيب لان كل الناس كدا بس العيب انك تطنش وتتعامل مع العيب دا كانو صفة مريحاك
لحد دلوقتى فية ناس مش مكتشفة عيوبها اية وفى ناس مش بتتقبل النقد او حتى الواحد يقولهم انك كويس بس فيك حاجة صغنونى وحشة ازاى تقولى كدا كانو واخد احسن جايزة فى البنى ادمين طب لية مش نعالج الوحش فينا عشان نصلح من نفسنا ونرجع الناس الى فقدناهم بسبب عيوبنا ونتخلص منها عشان حتى نبقى مرتحين ببجد من جوانا فى شعار ان شاء الله هانعملو فى رمضان جدد حياتك مع جدول جديد وانا كمان هابدائ تانى من جديد هانعمل جدول صغنونى هانكتب فية كل عيوبنا وبصراحة بينا وبين نفسينا فى الجدول دا ولو طلعت كتير مافيش اى مشكلة انا اول مرة عملتو اخد معايا ورقتين وكل مرة الحمد لله بيقل ونكتب عيوبنا والحل جنبها
واللى نخلصو نشطب علية ولو ضاق بينا الحل وحسيت انى انسان سىء هاكتب تحت فى الصفة ميزة واحدة فيك
وكل ما تضايق اكتب ميزة واحد وحتى نبقى عملنا حاجة جديدة ومختلفة فى رمضان ونبقى بردو حسنا من نفسنا وان شاء الله هاترجعو من رمضان وهاتلاقو كل الناس اللى فقدتوهم رجعو تانى
شوف سلوكياتك وحاسب نفسك قبل ما حد يحاسبك واعرف عيوبك قبل ما حد يقولك وعالج نفسك قبل ما تلاقى حد يبصلك بانك محتاج تتعالج قبل ما دول يحصلو اكتشف نفسك وصحح المفاهيم الغلط لو كانت فى دماغك
وثق دايما ان بعد تعب ومشوار طويل فى امل واحلى خير بس انت اتعب عشان تبقى الاحسن واسمع الناس لو انت ماعرفتش عيوبك شوفهم رائيهم اية فيك وابداء اكتب حل عيوبك وابداء فى رمضان وجدد حياتك عشان ترتاح من جواك وتريح الناس معاك ..... ماتبقاش عامل زى قصة الفيل وانا صغيرة شوفت فيل فى حديقة الحيوانات لقيتو مربوط بحبل صغير اوى وضعيف يعنى لو رفع رجلو هايتقطع سالت الراجل قالى الفيل دا من وهو صغير فى رجلو الحبل دا حاول يفكو ماعرفش بقى عندو اعتقاد من وهو صغير انو مهما عمل مش هايعرف يفك الحبل دا ياريت احنا بقى ربنا ميزنا بالعقل ياريت نبداء نفكر فى نفسنا ونجدد حياتنا ونبتدى مع بعض فى الجدول
بكدا الحمد لله كلامى انتهى اشوفكم ان شاء الله المرة الجاية فى موضوع