عدنا مره تانيه بعد ماموضوع ليله الدخله نال اعجابكم وتم
تثبيته والحمد لله
طبعا قبل الجواز بفتره بتكوني ملبوخه في مليون حاجه بتشتريها وعاوزاها وبتنسي نفسك خالص
مع ان المفروض
انك تحاولي تخلصي كل حاجتك قبل الجواز علي الاقل بشهر علشان الشهر ده يبقي مخصوص ليكي ولنفسك
وفي الشهر مفروض تتبعي حاجات معينه وتواظبي عليها علشان تقدر تجيب معاكي نتيجه
وطبعا مش تكرري كذا خلصه في وقت واحد لان بكدا عمرك ماهتلاقي نتيجه علشان تستعملي خلطه وتشوفي نتيجتها لازك تستمري عليها علي الاقل شهر
اتفقنا
طيب دلوقتي نبتدي نكلم عن الشهر اللي قبل الجواز اعمل فيه ايه؟؟؟؟
- اولا لازم تقللي نزولك في الشمس وابعدي خالص عن البيبسي والشيبسي والشيوكلاته لانهم السبب الاساسي في مشاكل البشره طبعا ده غير الموالح .
(شعرك)
نبتدي بالشعر ونقول مش تغسليه كل يوم دايما خليه فيه فرق طبعا انا عارفه اننا في الصيف وكل شويه نجري ناخد دش لاء.. مش لازم كل مره تستحمي فيها تغسلي شعرك البسي بونيه وانتي بتتسحمي
حمام الكريم مهم جدا جدا جدا للشعر في الشهر ده حمام الكريم بتحطيه بعد مابتبلي شعرك شويه بالمايه وتحطيه علي شعرك لمده ربع ساعه وبعدين تغسليه بمايه فاااااااتره انا بقول فاتره اهو لا بقول سخنه قوي ولا بقول ساقعه
وبعدين تغسليه بالبسلم وبعدين تحطي اي كريم او زيت بترتاحيله وبعدين تلفي شعرك وخلاص
شعرك مقصف وناشف والخ الخ
طبعا الجزء المقصف من شعرك لازم يتقص
ثانيا فيه خلطه حلوه انا جربتها
موزه ومجموعه زيوت بكميات متساويه يعني زيت زيتون زيت خروع زيت لوز وهكذا واذربيهم في الخلاط
وبعدين حطيهم علي شعرك 10 دقايق واغسليه بعدها بشامبو وبعدين لفي شعرك
انا كنت بتسعمل الخلطه دي مره في الاسبوع والله فرقت معايا كتير
البشره
انا قولت علشان تضمني بشره الشهر ده صافيه ومفهاش مشاكل يبقي ابعدي عن نزولك في الشمس علي قد ماتقدري وابعدي عن البيبسي والشيبسي والشيكولاته والموالح
وياريت لو كنتي بتحطي مكياج تقللي منه في خلال الشهر ده
طيب تمام اعمل ايه؟
لو عندك اثار للحبوب في وشك عليكي وعلي كريم فيوسيدين حطي منه بليل قبل ماتنامي بيضيع اثار الحبوب
وولو عملتي وشك ووشك التهب او احمر هاتيلك مرهم بيتاديرم حلو قوي قوي للموضوع ده
فيه ماسك حلو وبيبيض البشره وبيصفيها
نص علبه زبادي ومعلقه خميره وشويه مايه ورد واخلطيهم وحطيهم علي وشك لحد ماينشفوا وبعدين اغسليه
ومشي علي وشك قطعه تلجايه علشان تقفل المسام
ايدك
لو ايدك سمرا
كريم جليسوليد من الصيدليه واعصريه عليه لمونه وقلبيهم علي بعض وحطهم منه كل يوم قبل ماتنامي
هتفرق معاكي كتير
سنفره للجسم كله بصراحه هيه فادتني كتير قوي لاني معملتش حمام مغربي
بس هيه قامت بالواجب والله
رده وزبادي وليمونتين واخلطيهم علي بعض وافركي بيهم جسمك وبعد ماتخلصي هاتي الليفه المغربيه وخديلك كام دعكه كدا
لو عندك مناطق غامقه في جسمك زي مثلا ركبتك وكوعك
عندك حلين
1- جلسيوليد ومعصور عليه ليمونه
2- تعصري ليمونه علي ركبتك وهاتي حبه نشا وادفركيها
المنطقه الحساسه
اهم حاجه في المنطقه الحساسه دي انك تغيري الاندر علي الاقل يوميا
وانك دايما تخلي المنطقه بعيده عن البلل
لو المنطقه الحساسه عندك غامقه
فانتي عندك كريمين ممتازين
كريم فولدكس
وكريم ديرما وايت
بصراحه الاتنين ممتازين
عاوزه اقولكم حاجه خلوا بالكم منها
علشان جسمكم يفتح ويبيض شويه
1- لازم ترطبي جسمك كويس يعني تاخديلك شور حلو كدا وبعدين تدهني جسمك كله يااما بالفازلين يااما بالجلسيوليد
وزي ماقولتلكم احسن حاجه في الجلسوليد لو عصرتي عليه ليمونه بجد هيفرق معاكي كتير قوي
2- السنفره مرتين في الاسبوع علي الاقل
اللي هيه سنفره الرده اللي انا قولتلكم عليها
3- وصفه تمشي عليها كل يوم تقريبا
مش تجيبليلي 5 او 6 وصفات ةتمشي عليهم في نفس الوقت
اخر حاجه
فيه في الصدليه بودره معطره هاتيلك واحده هيه اسمها بوندز لو مش لقيتي هاتيلك بوده جونسون وححطي حبه في عليه وعليهم حبه زيت زيتون وحبه سكر او ملح الوصفه دي استعمليها علي جسمك لمده تلت ساعه بس
اخر حاجه واقولكم سلاموا عليكم بالنسبه للاغينه اللي باسم العريس والعروسه
هيه بتبقي زي كدا
http://www./audio/oZSvEN-Y/___online.html
وبتكون علي لحن مختلف
زي
1-وماله
2- وياه
3- قصاد عيني
4- غمض عنيك
5- نسيت الناس
6- الليله دي
وممكن كمان لو الفرح اسلامي بيبقي فيه اناشيد اسلاميه برده باسم العريس والعروسه
واللي بيعمل الاغاني دي