كلنا طبعا عارفين باختفاء وائل غنيم ... مدير تسويق جوجل في الشرق الاوسط

وجت اخبار بانه هوه نفس الشخص بتاع ادمن صفحة كلنا خالد سعيد عالفيس بوك

بس اللى حصل امبارح ان الادمن بتاع الصفحة موجود والصفحة شغاله
وانا دخلت عليها امبارح ..... واللى يأكدلى ..... ان مفيش حد بيدخل بالادمن بتاع الصفحة غير صاحبها فقط

لان مفيش حد عارف مين هوه الشخص ده لحد دلوقتى ........
ودى برينت اسكرين من الصفحة حالا وانا بكتب الموضوع

ولو مش ظاهرة .... ده لينك الصفحة
http://www.facebook.com/ElShaheeed
يعنى دلوقتى وائل غنيم مش هوه ادمن كلنا خالد سعيد عالفيس بوك

وده فيديو اعتقال وائل غنيم ....... وركزوا اووووووووى من اول الدقيقة 1:10 بالظبط

معتقدش ان دا وائل غنيم اللي فالدقيقة 1:10
برغم ذلك ما يفعله الامن تخلف مسف

مش عارفه ياعبدو بجد ....... بس هوه في شبه كبير منه

يا جماعة قناة الجزيرة عرضت الفيديو واتصلوا باخوا وائل غنيم ونفى ان ده اخوووه وانا شوفت الكلام ده بعينى على الجزيرة

تم اثبات ان وائل غنيم هوه ادمن صفحة خالد سعيد

باعترافه شخصيااااااااااا واثناء انقطاع الانترنت في مصر
كان صديق وائل يدخل على الصفحة من خارج مصر

ايوة هو دا الي حصل فعلا صاحبه الاردني الي قال عليه هو و مني الشاذلي علي ما اظن
بس الي اتقبض عليه دا مش وائل غنيم وائل غنيم اتخطف من جوه تاكسي في ظل الليل قبل طلوع الفجر
انما دا الصبح و دا اعترافه الشخصي انه اتخطف عن طريق المخابرات بليل قبل طلوع الشمس في الفجر

اه فعلا صح كلامك ياهوبه
ده مش وائل ........ بس شبيه ليه جامد

الحمد لله انه طلع بالسلامة