كلنا بنقول جملة واحدة عاوز اعمل حاجة بس مش عارف اعمل ايه
عشان نحافظ علي اللي عملناه عاوزين نحافظ علي اقتصادنا ونحمي البورصة المصرية
كل واحد فينا قادر ماديا يشتري ب100 جنيه اسهم في البورصة يوم الاحد 13 فبراير 2011
عشان بنحب بلدنا مش هنصلح حاجة ونخرب اقتصادنا
احمد نظيف قال مصر هتبقي دولة متقدمة عام 2020 واحمد زويل قال مصر هتبقي دولة عظمي بعد 5 سنين من دلوقتي
...لكننا نقدر نسبق الزمن بافعالنا
سواء كنت مؤيد للنظام او معارضه
مسلم او مسيحي
صغير او كبير
ولد او بنت
الاكيد اننا كلنا متفقين في حاجة واحدة كلنا بنحب البلد دي وعاوزينها احسن بلد في الدنيا
بعضكم هيقول انا مش معايا فلوس بس عاوز اشارك
تقدر تشارك بابسط حاجة ممكن تتخيلها
انشر المقال ده بين صحابك عالاقل حد من اللي قراه هيشارك ويشتري اسهم
ممكن تعمل فيديو للفكرة وترفعه عاليوتيوب او عالصفحة عندنا
(صناع القرار |Decision makers)
او علي صفحتك او جروبك او عالوول عندك او تعمل كومنت او لايك او تنشره في المنتديات او المواقع مهما كان اللي هتعملع بسيط
فالاكيد انك شاركت
(ولا تحقرن من المعروف شيئا )
عاوزين نثبت للعالم كله اننا صناع قرارنا
عاوزين نثبتلهم اننا بنتغير للاحسن مش للاسوا
لازم نقولهم ان تقديرات خبرائهم لسه مشفتش حبنا لبلدنا واننا بنحبها بجد
السياح كلهم سابوا مصر وشركات السياحه استغنت عن اكتر من نص موظفينها
فنادق وقري شرم الشيخ سرحت اكتر من نص موظفينها
لان نسبة الاشغالات قربت من الصفر والاستثمارات الاجنبية اتسحبت
لكن
احنا مش بنخرب البلد احنا بنكتب فصل جديد في تاريخ مصر
محافظ البنك المركزي قال النمو كان متوقع بنسبة 6% قبل اللي حصل
لكن بعد اللي حصل النمو ان مكنش صفر هيكون بالسالب
وخساير البورصة وصلت مليارات الدولارات وكل الخبرا متوقعين انهيارها اول ما تفتح يوم الحد الجاي
لكننا نقدر نغير اقتصادنا للافضل لاننا بنحب بلدنا هنحافظ عليها ومش هنسمح ان اقتصادنا يخرب
وهنكون ايجابيين عشان بنحب بلدنا
امضاء
شباب بيحب مصر