قال تعالى " وتعاونوا على البر والتقوى ولا تعاونو على الاثم والعدوان " صدق الله العظيم

مش هدفع رشاوى ولا اكراميات فى المرور والقسم والمصالح الحكوميه
مش هعاكس البنات ولا اغلس عليهم لانهم اخواتى
مش ها مشى عكسى ولا اجرى بسرعه بالعربيه او موتوسيكل
هحترم الاشاره حتى لو مفيش عسكرى واقف
ها اطلب من الظابط يتكلم معايا باحترام كمواطن له حقوقه
هأطلع على القوانين واعرف حقوقى والتزاماتى
مش هرمى زباله ولا اى حاجه فى الشارع
هحاول انمى الشارع الى انا ساكن فيه
ها اساعد الناس الى محتاجين فعلا
هبلغ حمايه المستهلك لما الاقى حد بيبيع غالى
مش ها اكون سلبى تانى وهقول لاى حد بيعمل غلط انت غلط
هقدم بلاغ ضد اى تعديلات لرجال الشرطه والمرور او اى جهه اخرى مش شايفه شغلها صح
مش هايبقى في حد احسن من حد وهناعامل بعض احنا كمان بالتساوى ..... الغنى زى الفقير
لازم نعامل بعض با حترام ونطلب نتعامل باحترام
هأفتخر ببلدى قدام اى حد وادافع عنها





25 يناير مش بس تغيير سياسى
دى لازم تكون تغير لكل واحد فينا للأ فضل

فكره حلو قوى
ولازم فعلنا نغير سلوكنا كمان السلوك اللى عمله النظام القديم من رشاوى وكوسه
ياريت كل واحد يتعامل بما يليق به
انه مصرى

نايس راى ارواح