السلام عليكم

ازيكو جميعا بصو يا شباب انا مش هقلد فكرة برنامج يلا نغير حياتنا لكن هقدملكم فكره تانيه اسمها هنتغير بجد
هي بسيطه جداا وباذن الله هتعجبكم بس انتو ايديكو معايا عايزين ناخد حسانات واحنا داخيلن اهو علي رمضان

حملة للشباب والبنات

هدفها من اسمها هنتغير بجد
سياستها تحبيب الشباب فى الاسلام
شعارها هندخل الجنة سوا
ستتكون الحملة من حلقات كتير
وكل حلقة لها اسم
وكل اسم بتدور حوله الحلقه
وكل حلقة عباره عن حوار بين اتنين

+الاول وهو اللى هيغيرنا بجد
=والتانى وهو الشاب او الفتاه
يعنى انا وانت
ورجاء من كل قارئ
يقول رأيه بصراحة
وانا مش هزعل
وياريت نطبق الكلام ده بجد
علشان نتغير بجد
ونفرح نبينا
وندخل الجنة سوا
ومهما تكون ذنوبك
ومعاصيك
و بعدك عن ربك
معانا
كلنا هنقرب اوى من ربنا
بس
خليك معانا
يلا بينا ...
الحلقة الاولى
(المقدمة)
+السلام عليكم
=وعليكم السلام
+عامل ايه ؟
=تمام
+ومع ربك عامل ايه؟
=زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..
+طب وانت ايه اللى بعدك عن ربنا؟
=ان اى واحد يقولى لازم علاقتك
مع ربنا تكون 10من10
او0من10
+يعنى ايه؟
=يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه
+وانت عجبك حالك مع ربنا ؟
=طبعا لا بس
اعمل ايه؟
=وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..
+تعرف انك كده قانط من رحمة الله
القنوط من رحمة الله اصلا من الكبائر
=طب اعمل ايه؟؟!
+ان مصدق ربنا فى كل كلامه ..
=طبعا من غير تفكير
+ممكن تسمع الايه دى
=اتفضل ..
+قال الله عز وجل
(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم
+انت مش حاسس ان الايه دى
بتكلمك انت
=حاسس
+خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار
=انا ما قلتش كده
+امال ايه؟
=انا قصدى من السهل ان اعمل اى عمل وربنا يمسح كل ذنوبى
+انت ماتعرفش مين هو الله
=انا عارف
+ماتعرفش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
=عارف والله
+امال مستنى ايه
طب تخيل معايا المشهد ده
لو قلت
اللى عاوزربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه
____________
=قصدك ايه من المثال ده
+قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا
=والله انت غيرت تفكيرى
خالص
=قولى بقى ازاى ربنا يغفر لى كل
ذنوبى
+ده اللى هتعرفه فى الحلقه التانية بأذن الله
اهم حاجه
تيقن نفسيا ان ربنا هيغفرلك
ولا يبالى
+يلا سلام
=قول السلام عليكم احسن
+انت صح
+السلام عليكم
=وعليكم السلام ورحمة الله وبركاته


الى اللقاء فى الحلقة التانيه
مع
حملة
(هنتغير بجد)
مع تحياتي غاده احمد

شكرا ليكي ياغادة علي الفكرة الجميلة دي
وان شاء الله الفكرة تنجح
وبالتوفيق ان شاء الله

موضوع جميل جدا جدا يا غدغود و هتغلبينى بس كويس ان انتى عملتى الموضوع ده جه ف وقته و الله هتعرفى ليه ف الحلقة الستة من البرنامج بتاعى بس باذن الله ربنا يوفقنا و نتغير يا رب
و بجد فكرة جميلة يا قمر

Begad enti 3asal
teslam edek ya amar

w ya rab yezeed men 7asanatek
ameeen

--------------------------------------------------------------------------------

شكرا ليكي ياغادة علي الفكرة الجميلة دي
وان شاء الله الفكرة تنجح
وبالتوفيق ان شاء الله

ميرسي ليك يا احمد وايه رائيك اكمل الحلقات ولا وبجد نفسي كلكو تساعدوني

موضوع جميل جدا جدا يا غدغود و هتغلبينى بس كويس ان انتى عملتى الموضوع ده جه ف وقته و الله هتعرفى ليه ف الحلقة الستة من البرنامج بتاعى بس باذن الله ربنا يوفقنا و نتغير يا رب
و بجد فكرة جميلة يا قمر




ميرسي ليكي يا ريهام يا قمر علي فكره يا حببتي انا مقدرش اغلبك لانك موضوعك غير موضوعي ممكن يكون الشبه الوحيد فيه اننا عايزين نتغير بس بجد انا مش عايزه اقلد حد ولكن انتي ليكي اسلوب انا بجد اعجبت بيه وقولت لكل الي اعرفه علي فكرتك وبرنامجك التحفه
وانا ليه اسلوب هعمله هو بسيط جدا جدا ونفسي بجد كلنا نستفاد منو مش عايز اتعب نفسي علي الفاضي وايدك معايا بقي نحاول بجد نعمل حاجه حلوه

--------------------------------------------------------------------------------

Begad enti 3asal
teslam edek ya amar

w ya rab yezeed men 7asanatek
ameeen


شكرا علي ردك ويارب اكون بدات اول حلقه تعجبكم كلكم وعلي فكره الحلقه ايل جايه انا حضرتها بس مستنيه رائيكم اكمل وانزلها وابدا في الي بعدها ولا انفض هههههه

جااااااااااااامد جداااااااااااااااا يا غاده
وانا معاكى ومستنيه الحلقه اللى جايه

موضوع جميل جدااااااااا يا غادة وفكرة حلوة اوى

تسم ايدك يا قمر

لا نزليها طبعا يا غدغود

Akeed tnazeleha

لا بجد موضووووووووووووع هايل ويارب فى تقدم مستمر يا قمر

ميرسي يا no 4 love
وحببتي مهيتاب وريهام القمر وjaidaوبيبي
ويارب حلقة بكره تعجبكم

شكرا ليكى يا قمر على الموضوع ده
ومستنين منك الحلقات اللى جايه علشان نعرف نقيمه كويس بس هو فكرته حلوة وربنا يوفقك

الحلقه التانيه يارب تعجبكم بقي

الحلقة الثانية
(امسح كل ذنوبك)
+ايه الاخبار
=ده انت عملت امبارح فيا
حتة مقلب قعدت تحمسنى
وفى الاخر علقتنى ومشيت
+عارف وكان قصدى
=ايه!!
=طيب ليه كده؟
+لان لو اخدت كل حاجة مرة واحدة
هتتحمس شويه وبعديها بساعة
ولا كأن فى اى حاجه
=كلامك مظبوط
+وخلى بالك كل حلقة هيكون
نفس النظام
=بس على الله يجى بفايده
+قلتلك امبارح ثق فى الله
وما تحملش هم
=ماشى..مش ندخل فى الموضوع بقى
+ماشى..يلا
3..2..1..
+السلام عليكم ورحمة الله
=وعليكم السلام ورحمة الله
+ايه الاخبار
=تمام..الحمد لله
+طبعا زى ماانت عارف ان حلقتنا
النهاردة عن ازاى نمسح كل ذنوبنا
+فى البدايه لو قلتلك
ممكن تعد ذنوبك اللى عملتها
من يوم ما اتولدت
=ايه ..
=انت بتكلمنى انا..
+طب بلاش ..
ممكن تعد ذنوبك اللى عملتها
طول الاسبوع ده
=يا عم انا ماشى ...
انت جاى تفكرنى باللى فات
+استنى انا قصدى ان انت
ماتعرفش تعد الذنوب اللى
عملتها النهاردة اساسا
+ومحدش يقدر يعدها الا
الله
=صح
+اذن ماحدش يقدر يمسحها
الا الله
=ونعم بالله
+ولكن ازاى نخلى ربنا يغفر (يمسح)
لنا كل ذنوبنا
=ازاى ..قول انت؟؟
+بصراحة مش انا اللى هقولك
=امال مين ..؟
+اللى هيقولك هو اللى هيغفرلك
كل ذنوبك..حيث قال
عز وجل
(فقلت استغفرو ربكم انه كان غفارا)
=صدق الله العظيم
=يعنى ربنا ممكن يغفر لى
ذنوبى كلها
+انت مش مصدق ربك ولا ايه ؟؟!!
=انا مصدق والله
ده حتى كلام ربنا
بس انا مش متخيل
يعنى ربنا هيسامحنى فى
كل اللى عملته؟
+انا عارف انك فرحان اوى
علشان كده اسمع الحديث القدسى
الجميل ده
(يابن ادم لواتيتنى بتراب الارض
خطايا ثم لقيتنى لا تشرك بى شيئا
اتيتك بترابها مغفرة)...
=طب ولو ذنوبى اكتر
+ممكن ما تقاطعنيش تانى
=انا اسف بس انا فرحان اوى
+عارف بس اسمع للاخر
=ماشى انا اسف
+(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)
+انت واخد بالك من حاجه
=ايه ؟؟
+ان ربنا بيقول غفرت على طول
يعنى ما فيش قبلها ثم ولا حتى
فاغفر
=طب ودى فيها ايه
+فيها كتير
+ان الله لو قال ثم قبل غفرت
معنى كده ان فى فترة ما
ما بين استغفارك لربنا و
ان ربنا يغفرها لك
ونفس الكلام فى لو كانت فاغفر
مع ان اللغه بتقول ان الفاء
تدل على سرعة التنفيذ
ولكن خلى بالك ان حتى لو فى
سرعة فى عمل شئ
برضه هتاخد وقت حتى
لو ثانية واحدة
بس اخدت وقت
ولكن ربك عظيم
اووووووووى
ان معنى ان ربك ما يقولش
ولا (ثم )ولا(ف)
معنى كده ان مفيش اى وقت
ما بين نطقك للاستغفار
وان ربنا يغفرها لك
=ياه ..اد ايه رينا كريييم اوى
+والله ربك عظيم جدا ولكن احنا
اللى مش واخدين بالنا
+ولو تاخد بالك ان
فى جميع ايات القران
ربك بيقدم صفة الغفران عن اى شئ
يعنى مثلا
(ان الله غفورا رحيما)
ربنا قدم صفة الغفران عن الرحمة
لان استحاله ربنا يرحم شخص
كثيرالذنوب وبالتالى ربنا
هيغفرله ذنوبه وبعده ربنا يرحمه
ولو افترضنا ان قلبك حتة قماشة
بيضة وكل لما تعمل ذنب الذنب ده
يعمل نقطة سوداء على القماشة
اظن كده حتة القماشة بتاعة كل واحد
اتحرقت مش اسودت
=صح
+وخلى بالك ان حبيبك النبى
شبه القلب كأنه حتة حديده
والذنوب كأنه الصدأ اللى على الحديده
والاستغفار هو المنظف لهذا الصدأ
طب ما تجى نلمع قلوبنا بقى
= والله انا نفسى بس التلميع
هيجهدنى اوى وهيتعبنى
+اهم حاجه انت ازاى بتستغفر ربنا
هل بتستغفر من فمك ولا من قلبك
=طب ازاى استغفر من قلبى
+بأنك وانت بتستغفر تكون واثق من ان ربنا هيغفرلك
=ونعم بالله
=طب ازاى استغفر ربنا ؟؟
+فى اذكار كتييير جدا
يعنى مثلا
(استغفر الله )
(استغفر الله العظيم واتوب اليه)
(استغفرك اللهم واتوب اليك )
وفى اذكار كتييير
ولكن لو تلاحظ ان النصف الاول
لو مشيت على حلقة النهارده
اتحقق وهو ان ربنا يغفرلك
ولكن ازاى تتوب لربنا بجد وازاى
تعرف ان ربنا تاب عليك
=اه ..ازاى ؟؟
+ده للى هتعرفو فى الحلقة الجاية
ولكن واجبك من النهاردة تكثر من الاستغفار
علشان نتظف قلبك من اى قذارة
واكيد القذارة على قلوبنا كتيير
+وفى الحلقة التالتة هنتوب بجد لربنا
=طب ما تقول اى حاجه
+انا قلت بكرة ان شاء الرحمن
+يلا..السلام عليكم
=برده بتعلقنى..
=وعليكم السلام
ايل اللقاء في الحلقه الثالثه
مع تحياتي غاده احمد

يا جماعه بس عشان انا حاسه ان في ناس متلخبطه انا قولتلك ان الحمله عباره عن واحد بيكلم واحد الاول اسمه +
والتاني اسمو=
يارب اكون كاتبه باسلوب سهل ميلخبطش حد

فكرة جميلة ياغاده
تسلم ايديكي

موضوع جميل ياقمر


وفى انتظار باقي الحلقات



تحيااااااااااتى

ميرسي ليكو يا جماعه يارب الحلقتين دول يكون عجبوكم واستفدتو منهم وياريت تقولو الي انتو استفدتو لاصحابكم وكل الناس

كلام اكتر من رائع
لو اتبعنه انشاء الله
ربنا هيغفر كل ذنوبنا
ونصلى طول السنة مش فى رمضان بس
وارجو استمرار الحلقات
حتى بعد رمضان

موضوع متميز جداااا

الموضوع فكرته حلوه

جزاك الله خيراا

هايل يا غاده
واوعدك معاكى ف كل حلقه ومستنين الباقي

احييكي يا غادة على موضوعك المتميز وإن شاء الله في ميزان حسناتك
فكرة التغيير للاحسن من المفترض ان تكون ضرورة في حياة الانسان وأن يبحث في كل لحظة عما يصل به في حياته الي الافضل في عمله في بيته في حياته مع الناس
ومن قبل كل ذلك والاهم على الاطلاق مع ربنا بعبادته بطاعتة وإتباع اوامره
وده حيكون لمصلحة الانسان فالله غني عنا إنما نحن من نحتاج إلى الله

توقيت موضوعك مثالي تقريبا لانه فرصة الناس بتستعد لشهر عظيم لو إستثمارناه صح اكيد حتكون حياتنا افضل ولو ربنا تقبل منا صيامه وقيامه يا اسعدنا من بشر
(( اللهم بلغنا رمضان ))

الإستغفار

رجلا أتى النبي صلى الله عليه وسلم
فقال: يا رسول الله .. أحدنا يـُذنب .. قال: يـُكتب عليه
قال: ثم يستغفر منه ويتوب .. قال : يـُغفر له ويـُتاب عليه
قال: فيعود فيذنب .. قال: يُكتب عليه
قال : ثم يستغفر ويتوب منه
قال : يُغفر له ويُتاب عليه
قال : فيعود فيذنب قال : يـُكتب عليه ..
ولا يمل الله حتى تملوا .

إن الاستغفار ليس فقط يمحو الله به الذنوب والخطايا وإنما هو دواء في رفع البلاء وإنشراح النفس والفرج والرزق
واستمع إالى قول رسولنا الكريم صلى الله عليه وسلم
( من لزم الاستغفار جعل الله له من كل ضيق مخرجا ومن كل هم فرجا ورزقه من حيث لا يحتسب )
صدق رسولنا الحبيب صلى الله عليه وسلم

لو أردنا ان نتكلم عن فضائل الاستغفار وفوائدة وصيغه والقصص العجيبة التي حدثت لكثيرين داموا على الاستغفار فلن يكفينا عشرات المواضيع التي تكتب في الاستغفار

استغفر الله العظيم الذي لا إله إالا هو الحي القيوم واتوب إليه

الحلقة جميلة والفكرة تحفة وميرسى يا غادة على المعلومات

فكرة جامدة موووووووووووت بس تفتكرى ان الشباب هايحبوا دينهم مافتكرش

ربنا يوفقك يا اجمل طفله بريئه
بجد فكرتك جميله

بجد جميل اوووووووووى والله

انا هشوف كل حلقات البرنامج ان شا ء الله وهحاول بجد استفيد منه

جزاكى الله كل خير

حلقات رووووووووعه ياغاده

تسلم ايدك يا قمر

وباذن الله هتابع كل الحلقات

بالتوفيق ليكم جميعا

ميرسي ليك وربنا يقدرني واكمل بس ايدكم معايا