انا دلوقت خلصت الثانوية بس جبت مجموع وحش في تالتة لاني مكنتش بذاكر هل ممكن اعيد تالتة تاني
في ناس كتير قالتلي لا ارجوكم ساعدوني انا مستعدة اعمل اي حاجة لتحسين مجموعي وشكرا ليكم

ازيك ياحبيبة عاملة ايه طيب ممكن أعرف انتى شعبة ايه وجبيتى كام

انا جبت مجموع السنتين 86 وانا في علمي علوم والي نزلني مجموع تالتة

طب والله جميل جدا ومش مستاهل ده كله طب ممكن تروحى لملفك وأنا أكلمك هناك

لا يا جميل الف مبروووووووووك وانصحك اوعى تعيدي انتي كده مايه مايه وممكن تتدخل اداب واي قسم حلو فيها

هو انا بسمع ارائكم بس انا عاوزة اعرف هو ينفع اصلا لان في ناس قالتلي مينفعش ياريت تجوبوني لو حد يعرف اي معلومة لان قالولي الموضوع ده اتلغى من 6 سنين

مينفعش تالته بس هتعيدى السنتين تانى تانية وتالتة

بالتوفيق انا لا اعلم

ايوه ياروحي ينفع بس انا بنصحك تاني اوعي تعيدي

انا اريج احمد من المحله داخله 3 حقوق شبين الكوم لو اي خدمه كلميني عل الموبيل لو عيزاه اسيهولك

لا طبعا متعديش
انتى مجموعك حلو لو عدتى هتعيدى السنتين
وانتى مش ضمنه مجموعك
فكرى فى كليه حسب مجموعك
واجتهدى فيها والله الموفق
تقبلى مرورى
عن تجربه

يا جماعة ارسلكو على حل ينفع ولا مينفعش لازم ايعد السنتين ازاي انا جايبة في تالتة 77% وتانية 93% مينفعش حرام

لا ياحبيبه ما تعديش حاااااااااااااجه والف مبروك

لية هضيعى كام سنة عشان مجموع
خش الكلية حلوة وخلاص
واجتهدى فيها

الف مبروك على النتيجة
اتمنى ان تجدى كلية حلوة تدخليها
انظرى الى الامام فقط

ماينفعش لازم تعيدى السنتين مع بعض وده كلام اكيد وسألنا فيه

والف مبروك نجاحك بس انتى اصلا حتى لو عدتى 3 مش هتقدرى تعوضى لانك علمى فبردو هتدخلى

تجارة واداب والكليات دى وعسى أن تكرهوا شيئاً وهو خير لكم

ربنا يوفقك

شكراااااااااا ليكو كلكم وانا الحمد لله شلت خلاص الفكرة من دماغي

الف الف مبروك النجاح
كويس انك شلت الفكرة دى من دماغك
لاان الانسان لازم يرضى بالمكتوب

الحمد للة

اهم شى فى الكون هو الرضا

بصي يا حببتي انا عندي فكرتين
1 انك متعديش تالته عشان مضيعيش سنه من عمرك و في نفس الوقت تدخلي الي ربنا هيجبهولك معهد اوي حاجه وعشان تبقي استفتي بالسنه تروحي تاخدي كورسات ودبلومات زي السكرتاريه مثلا

2 انك لو مصممه تدخلي كليه حلوه تعيدي السنه وامرك لله

وطبعا قبل ما تنفذي واحد من الاتنين تصلي صلاة استخاره وربنا يوفقك

لا الحمدلله انا داخلة كلية لغات وترجمة جامعة الازهر زخير ان شاء الله

انا من رايى تستخيرى
ربنا احسن من انك
تاخدى راينا بكتير

ليس هناك شيء مستحيل كل الاحتمالات واردة حسب قوة إرادتك ومدى عزمك

قولى يا رب واعملى صلاة استخارة وربنل يوفقك ويرشدك للطريق الصح

بصراحه مقدرش افيدك لاني في سياحه وفنادق

اة ولله ولا انا لانى تدخلت السن