اعزائى عضوات نجوم مصرية طبعا كلنا كتير بنقرا العنوان ده
اخسرى 20 كيلو فى اسبوع
ريجيم يخسسك 15 كيلو فى اسبوع
طريقة تخسسك 10 كيلو فى اليوم
هل دا ممكن؟؟
اولا عاوزاكى تتخيلى انه لو حصل فعلا والدهون اللى تحت الجلد دى دابت وخسيتى 20 كيلو فى اسبوع جلدك وبشرتك هايكونو عاملين ازاى؟؟ دا لو كنتى عايشة اساسا لانك لو هاتضربى عن الطعام خالص عشان تفقدى 20 كيلو فى اسبوع احتمال ماتكمليش الاسبوع ده هههههههههههه
المهم عايزاكى ماتنخدعيش وتجرى ورا اى وهم او ادوية تقنعك ان ده ممكن لانك هاتدمرى صحتك ومش هاتوصلى لحلم الرشاقة اللى بتتمنيه
الدهون اللى اكتسبها الجسم فى شهور ماينفعش ننزلها فى يوم او اسبوع، واحدة واحدة باتباع نظام صحى هاتوصلى للى انتى عاوزاه
اخصائيين التغذية و العلاج الطبيعى بينصحو بان المعدل الطبيعى والصحى لنزول الوزن فى الاسبوع 2 -3 كيلو يعنى من 8 -12 كيلو فى الشهر
وان شاء الله بالعزيمة والاصرار توصلى للى بتتمنيه
اتمنى يكون الموضوع عجبكم وفى انتظار تعليقاتكم وردودكم يابنات
