جامدة اوى
مستنين الباقى

جامده جدا بجد

يسلمووووووووووووو

حلقة جميلة جدا
كالعادة طبعا
تسلم
في انتظار المزيد

حلقة جميلة جدا
تسلم ايدك
مستنين باقي الحلقات

شكرا ليكم يا جماعة وان شاء الله الحلقة الرابعة بكرة

(الحقة الرابعة)

(تخرج البنات وترى الشباب وهم تقريبا غائبين عن الوعى ويضحكون ضحك لا اردى فينصرفون فى غضب ويلحق بهم الشباب للاصلاح من موقفهم )

عمرو: شيرين استنى بس شيرين
شيرين: انت عايز اية كل مرة بتكذب عليا
عمرو: والله العظيم اخر مرة انا اسف
شيرين :كداب مش مصدقاك زى كل مرة كل مرة بتقول كده
عمرو: استنى بس ............ بحبك
شيرين : يا سلام مفيش اسهل من الكلمة دى تقولها اننما لو كنت بجد عاملى اعتبار مكنتش كدبت عليا
عمرو: والله العظيم اخر مرة ولو حصل تانى ابقى اعملى اللى انتى عايزاه
شيرين : دى اخر مرة يا عمرو هصدقك فيها انما بعد كده والل...........
عمرو: خلاص والله خلاص

( نذهب الى يوسف وشيماء)
شيماء : انت مفيش فايدة فيك بعد اخر مرة قولتلى معنتش هعمل كده تانى وبرده مفيش فايدة
يوسف: صدقينى والله هتغير عشانك
شيماء: انا تعبت وحاولت معاك كتير بس بجد دى اخر مرة هحاول معاك فيها وبعد كده يا ريت صدقنى لازم نبعد عن بعض احسن
يوسف: لا كله الا كده صدقينى هتغير

(طبعا الكلام ده فى الهوا لا هو هتغير ولا التانى هيبطل)

( تانى يوم فى الجامعة يلاحظ عمرو على يوسف التعب والارهاق )

عمرو: مالك يا بنى انت شكلك ما نمتش
يوسف: اه ومش قادر
عمرو: ليه كده
يوسف: هقولك واحنا ماشيين

( بعد الجامعة يعرف عمرو من يوسف السبب)

عمرو: اية بقى فى اية ابوك عامل معاك اية اليومين دول
يوسف: ابويا طردنى من البيت
عمرو: اية انت بتهزر؟
يوسف: بهزر اية يا بنى والله العظيم بعد اخر مرة كنا فى الشقة قعد يقولى لازم ترجع هنا قبل الساعة 12 ويزن على دماغى وامبارح بعد ما شافنى مش شايف ادامى طردنى من البيت
عمرو: ما انت اللى غلطان يعنى لازم كنت تكمل ما كفاية بعد ما البنات شافونا
يوسف: يا عم اللى حصل بقى ...... بس انا مش عارف اعمل اية دلوقتى
عمرو: تعمل اية؟ انت تكلم سيف وتاخد منه مفتاح الشقة تعد فيها كام يوم لحد ما ربنا يفرجها
يوسف: صح انا هكلمه وربنا يسهل

( اصبح يوسف بلا امل فى الحياة على الاقل هذه الايام وسننتقل الى عمرو الحلقة القادمة لنعرف تفاصيل اكثر عن حياته)

[COLOR="Red"][SIZE="5"][CENTER]معلش يا جماعة ان الحلقة اللى فاتت كانت صغيرة بس انا هكمل الحلقة دى
(الحلقة الخامسة)
يوسف: انا مش عارف اقولك اية يا سيف
سيف: متقولش حاجة ابقى بس اعملى نسخة من المفتاح عيش حياتك انت بقى

( فى المساء عمرو جالس مع والدته )

الام: كلمت عمك
عمرو: لا لسه
الام: ليه بس كده
عمرو: انا يا ستى هحول من غير ما يعرف هو لازم يعنى
الام: بردو يا عمرو لا زم يعرف وبعدين انا مش عارفه انت عايز تحول لية
عمرو: انا مش عارف امشى فى الكلية دى وبعدين ماهى اصلها حاجة تغيظ يعنى اية يعنى عايزنى ابقى مهندس مايعوز زى مايعوز هو انا كنت خلفته ونسيته
الام: انت مش ملاحظ انك بتكلم على عمك وبعدين دى مش كانت رغبة ابوك الله يرحمه
عمرو: ماشى وانا سمعت كلامه بس هو مات وانا مش عارف امشى فى الكلية دىوهحطه قدام الامر الواقع يا عمى انا حولت اعلام
الام: براحتك يا عمرو اتصرف مع عمك زى ماتحب

(عد عدة ايام يذهب عمرو الى كلية الاعلام )

عمرو: سلام عليكم
الموظف: وعليكم السلام ورحمة الله وبركاته
عمرو: لو سمحت كنت عايز بس اعرف ازاى احول من هندسة لى هنا
الموظف: شوف يا سيدى انت تروح تجيب ورق يثبت ان انت مقيد فى الكلية هناك وتسحب ورقك من هناك وتجيب استمارة 2 جند وتروح للاستاذ محمد عبد السلام فى شئون الطلية تخليه يختمهولك وتجيلى هنا ..... سبتمبر الجاى
عمرو: امتى؟
الموظف: سبتمبر الجاى اول العام الدراسى ان شاءالله
عمرو: الف شكر

(يذهب عمرو الى يوسف فى الشقة حيث كان يوسف يبحث عنه عمل )

عمرو: ها وبعدين
يوسف: ولا قبلين لفيت على 3 شركات كل شركة مشوار وبعد اما ادب المشوار الاقى امم مستنية الانترفيو اقف فى الصف شوية وكلمة من ده على حدوتة مع ده تعرف انك اقل واحد فيهم
عمرو: ليه
يوسف: اولا كلهم مخلصين جامعات
ثانيا كتير منهم معاهم كمبيوتر وشوية معاهم كمبيوتر ولغة اقوا انا هاجى اية فى دول اتكل
عمرو: طب وناوى تعمل اية
يوسف: مفيش من بكرة هلف اللف الصح ما هو مش معقول القاهرة الكبرى والضواحى مفيهاش شغلانه ليوسف حسين
عمرو: انا بقى هروح اتمرن عند خالى فى الجرنان عشان عندى معاد فى كلية الاعلام ... سنتمبر الجاى........ ولا بقولك اية انت ناوى تشتغل بجد اشوفلك شغلانة عند خالى فى الجرنان
يوسف: اه والنبى ياض يا عمرو وتجيب هدومك وتيجى تقعد معايا هنا ونروح الشغل سوا ونيجى من الشغل سوا ....... دا انا هستتك يات بت يا بيضة
عمرو: بلاث يا ثى يوسف حد يثوفنا
الاثنان:هههههههههه

( تمر الايام ويذهب عمرو الى الجريدة التى يعمل فيها خاله)

الموظف: حضرتك اللى تبع الاستاذ فؤاد
عمرو: اه دا خالى
الموظف: طب واقف هنا ليه تعالى يا راجل تعالى
.................................................. مع تحياتى...........................................

معلش يا جماعة اعزرونى المفروض الحلقتين دول يبقوا فى حلقة واحدة معلش غلطة بقى

ولا يهمك طبعا
بس بجد الحلقتين اجمل من بعض
في انتظار المزيد ان شاء الله

شكرا ليك يا استاذ

وطبعااحب ابقى معاكم فى برنامجك الجميل ع الكرسى

الحلقه حلوه
مستنين السادسه

ماشى يا قمر
شكرالمشاركتك الجميلة

رائع اسلام

شكرا ليكى يا قمر ويارب تكون القصة عجبتك

الحلقات حلوه اووووووووى


وفى انتظار باقى الحلقات


تحياااااااااااااااتى

شكرا ليكى يا قمر ويارب القصة تكون عجبتك واستنوا مفاجأات فى الحلقات الجاية

حلقة جميلة جدا
تسلم ايدك
مستنين باقي الحلقات

شكرا ليكى يا قمر وان شاء الله القصة تعجبك[/center]

( الحلقة السادسة)

(يذهب عمرو الى الجريدة)

الموظف: انت اللى تبع الاستاذ فؤاد
عمرو: اه دا خالى
الموظف: طب وواقف هنا ليه تعالى يا راجل تعالى
عمرو:اصلى بقالى كام يوم باجى وبقف مع الزملاء ومحدش عبرنا
الموظف: لا يا اجل دا الاستاذ فؤاد دا حببنا
عمرو: ربنا يخليكوا لبعض
الموظف: طبعا انت خريج اعلام
عمرو : لا بصراحة انا فى هندسة وبحول اعلام
الموظف: ..... اة فى هندسة ولسة هحول اعلام .... طب وفيها اية يا راجل تعالى
عمرو:........
الموظف: بص بقى انا عايزك على ما نشوفلك مكان هنا اى جرنان تمسكة وتتصفحه كويس عشان تتعلم منه ........ ولا اقولك انت تنزل معايا الارشيف اجبلك شوية مقالات من القديمة عشان تتعلم المقال بيتكتب ازاى........ ولا اقولك انت تنزل معايا الفوتوشوب تعرف الجرنان بيتعمل ازاى ........... ولا اقولك خودلك سيجارة يا راجل خد

( بعد عدة ايام يتصل يوسف بعمرو يحددوا ميعاد لسهرة)

عمرو: ايوة يعنى فين
يوسف: فى شقة الواد حسام هو قالى هيبقى هناك واحد صاحبة وهو الى هبيجيب البنات
عمرو: طب واحنا نعرف صاحبه ده عشان يجبلنا البنات
يوسف: يا عم هو قالى ان صاحبة ده رجولة وهو هيجيلنا فى نص الليلة كده
عمرو: طب وسيف
يوسف: انا هتصل بيه واقوله

(فى صباح هذا اليوم عمرو وسيف ويوسف)

يوسف: هههههه الا مش خايف لمنه تعرف
سيف: يا خفة دم اهلك لا يا خويا انا مبخفش من حد وانت مش خايف لا شيماء تعرف
يوسف: يا عم دا مصدعالى دماغى كل يوم تدينى مواحظ عشان ارجع البيت
عمرو: المهم يا خويا انت وهو تتصلوا بيا بالليا قبل ما تروحوا عشان نروح مع بعض
الشباب: ماشى
يوسف: الا صحيح انتوا هتعملوا اية فى الامتحانات
سيف: امشى ياض من هنا هو ده وقتوا
عمرو: الواد عنده حق يا جدع هو انت بتحضر حاجة طب انا هحول وانت بقى ان شاء الله هتعمل اية
سيف: انا عارف اهو الواحد يبقى يقرا كلمتين على الله نفلح
يوسف: هه هه هه هه انت هه هه تفلح يا بنى دا انت لو جابولك ورقة فى الامتحان مكتوب فيها الاجابة بردوا هتسقط
سيف: لا والله انا بردوا طب امشى من هنا
يوسف: طب بس بس خلاص هههه خلاص يا عم
عمرو : يا عينى على العاقلين لما يتجننوا قعدوا اضربوا فى بعض كده زى العيال الصغيرة يا عبيط منك له

(فى المساء تقف سيارة سيف وبداخلها سيف ويوسف ويضربوا كلاكس لعمرو )

عمرو من البلكونة: بس بس بس خلااااااااااااااااااااااااااص فضحتونى جااااااااى
سيف: يلااااااااا ااااااااااااااااااا
يوسف: يلا يا حبيبى خلص
عمرو: خلاص الله يحرقوا

(يذهب الشباب الى الشقة ويتصلوا بحسام وحسام يطمئنهم ان صاحبه هذا سيقوم بالواجب حتى ياتى)

عمرو: هو انت عارف البنات اللى جايبهم دول منين
حسام: يا عم انا هجوزهم والله ما اعرف دول تبعوا هو
عمرو: خلاص ماشى سلام

( يذهب الشباب حتى يصلوا الى الباب ويفتح لهم هذا الشاب صاحب حسام ويرحب بيهم)

الشاب: ازيكوا يا شباب اتفضلوا

( يدخل الشباب الشقة وقبل ان يقفل الباب يسمعوا اصوات البنات بالداخل)

عمرو: مش عارف حاسس اننى عارف الصوت ده
سيف: مصيبه لو كان حد عارفينه ويروح يقول لمنه
يوسف: هههه مش قولتلك خايف

( يدخل الشباب وقبل ان يخطوا خطوة واحد يسعقوا من المفاجاة)

سيف: منة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يوسف: شيماء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عمرو*** فى نفسه: يا نهار اسود
....................... مع تحياتى .................................
ويا رب تعجبكم

حلوه اوووووووووووى ع فكرا
كمل يالا مستنين الحلقه اللى جايه

جامدة يا اسلام

تسلم ايدك يااسلام بجد حلقة جميلة جدا
وفي انتظار باقي الحلقات

شكرا ليكم يا احلى اعضاء ويارب الحلقات الجاية تعجبكم

تسلم ايدك
حلقة جميله جدااااا
مستنين باقي الحلقات

ههههههههههه
واو منه وشيماء قشطه
يلا كمل بقي يا اسلام
حلو اوي كده

حلوه اوى

بس انت مش شايف انها شبه الفيلم اوى؟؟


عموما تسلم ايدك

بجد معلش والله يا جماعة انا بحاول بقدر الامكان اغير فيه وربنا يسهل

( الحلقة السابعة)

( يسعق الشباب من الموقف لا يتحرك منهم احد / سيف نزلت منه دمعة باردة لا يعلم اهو حزين على منة ام على نفسه/ويوسف نظر الى شيماء نظرة احتقار لم تستطع هى ان تنساها بقية حياتها.....
ولم يتمالك سيف نفسه وخلع دبله الخطوبة من اصبعه ونظر اليها ونزلت دمعة اخرى من عينيه والقاها فى وجههاثم اخذ يوسف واسرع بالانصراف وعمرو يحاول الالتحاق بهم وهو مزهول من الموقف
)

عمرو: استنوا بس ..... يا جماعةاحصلكوا طيب

( وامام مدخل العمارة وجدوا حسام امامهم كان يستعد ليصعد فصرخ فيه سيف)

سيف: انت اللى جبتهم صح ..... انطق

( وهم بضربه للولا تدخل عمرو)

عمرو: يا جماعة اهدوا بس
حسام : هو فى اية والله ما اعرف انت بتتكلم عن اية

( اخد عمرو حسام وحكى لهما حدث)

حسام: وربنا ياسيف انا ما اعرف حاجة والواطى اللى فوق ده انا هعرف اربيه
يوسف: يلا نمشى من هنا عشان لو قعدت دقيقة واحدة بعد كده ممكن اطلع اخلص عليها ...يلا

( كان بسيارة حسام بعض الخمور والسجائر انهال عليها الشباب لدرجة اقلقت حسام / وكان الشباب ( سيف ويوسف) بحالة مزرية يضحكون ضحك غير ارادى حينا ... وحينا اخر يصمتون ......
كانوا يجلسون( سيف ويوسف) فى المقعد الخلفى وحسام وعمرو فى المقعد الامامى وحسام الذى يتولى القيادة )

سيف: ههههههههههه وأل اية رايح اخطبها هههههههههه مش انا عبيط بزمتك
يوسف: اه واهبل ههههههههه ولا الابلة عاملالى فيها متوفقة والبنت الشاطرة اللى عايزة مصلحتى وانا اقولها حاضر يا أبلة هههههههههههه
عمرو لحسام وهم تقريبا غائبين عن الوعى : هى العيال دى اتسطلت ولا اية
حسام: هههههههههههه اه باين كده

(( وبينما حسام منشغل بفتح زجاجة خمر اذ بنور قوى فى مواجهتهم ))

عمرو: حاسب . .. حاسب يا حسام
( لم يستطع حسام تملك الموقف واصطدمت السيارة برصيف جانبى ثم انقلبت من شدة الاصطدام )
( انكسرت يد عمرو / ويوسف وسيف اصيبوا بكدمات وجروح فى وجوههم بسيطة )
( اما حسام فقد اصطدم جسمه بقوة فى مقدمة السيارة والزجاج )
( حاول عمرو والشباب وهم فى قمة الذهول والخوف ان يخرجو حسام من السيارة)

عمرو: حسام .... حسام
سيف: ...................
يوسف:............................

( ينطق حسام وبمنتهى الصعوبة وبقايا الخمرعلى ملابسه)
: ..... انا...... انا خايف ......... انا خايف ... خايف اقابله...........................................

(لا يحرك ساكنا )

سيف: حسام
عمرو: حسام .... حساااااااااااااام


( يرى الشباب صديق عمرهم الذى كان دائما بينهم ومعهم فى كل شئ وهو فى داخل تابوت يؤدون الصلاة عليه ودموعهم تنهمر على وجوههم وهم يرونه يوارى التراب الى داخل قبره
مشهد لم يستطيعوا ان يتحملوه وواسوا والده وذهبوا كل شاب منهم فى عالمه )

.............................. مع تحياتى ...............................................

معلش يا جماعة الحلقة دى صغيرة بس ان شاء الله الحلقة اللى جاية هتكون الحلقة الاخيرة وان شاء الله هتكون كبيرة

حلقة جميلة جدا كالعادة يا اسلام
وان شاء الله كلنا في انتظار الحلقة الجاية
تسلم ايدك