السلام عليكم ورحمة الله وبركاته

كشفت وثائق سرية سربها موقع "ويكيليكس" ونقلتها عنه صحيفة "نيويورك تايمز" الأمريكية في عددها الصادر اليوم الجمعة 15 ابريل 2011 ان منظمة امريكية ساعدت في نجاح ثورة 25 يناير في مصر والثورات المندلعة كذلك في كل الدول العربية والتى حملت اسم "ربيع الثورات"الاخرى بشكل كبير وواضح
مؤكدة على ان الولايات المتحدة الامريكية كانت توفر مليارات الدولارات من اجل مكافحة الارهاب ومحاربة الاستبداد بالدول العربية فقد دربت عدد من الاشخاص على تقنيات الفيس بوك وتويتر الذى انطلقت منه كل الورات العربية التى شهدها العالم مند نهاية السنة الماضية وحلول سنة 2011

كما نشرت الصحيفة اسماء المجموعات التى تم تدريبهم من اجل اطلاق الشرارات الاولى للثورات الشعبية اهمها :مركز البحرين لحقوق الإنسان و حركة 6 من ابريل والمعهد الديمقراطي الوطني اما الناشطين يمنيين فقد تلقوا التدريب والتمويل من جماعات مثل المعهد الجمهوري الدولي وكذلك منظمة بيت الحرية والتى يوجد مقرها بواشنطن

حرااااااااااااااام بلاش تشككوا فى شباب الثورة..........................

مش مصدق تقنيات الفيس بوك وتوتير ؟؟؟؟
هو دا عايز تدريب
طبعا شكرا ع الخبر
لكن الناس دى من وجهه نظرى بتقول اى كلام

كفاااااااااااااااااااااااايه عاوزين تقللوا مجهود الثوار ليه

الناس دى من وجهه نظرى بتقول اى كلام.

الشباب اللي ضححي بحياته حرام نقول عليه كده


مشكووووور ه علي الخبر

شكرا علي الخبر

شكرا علي الخبر
و ربنا يستر علينا

فى حاجتين :
اولاً : ممكن الكلام ده يكون صحيح ولكن اعتقد انه خرج عن السيطرة ... يعنى ممكن تكون جهات خارجية سعت لعمل حركات احتجاجية قوية داخل البلاد العربية اما لخلق الفوضى او لتحقيق قدر من الديمقراطية داخل البلاد العربية فى وجود الحكام الحاليين قبل ان يثور عليهم الشعب من تلقاء نفسه ويخلعهم وبذلك يكونوا حافظوا على حلفائهم الحكام العرب وضمنوا انهم ييفضلوا فى الحكم اطول فترة ممكنه بدون مايثور عليهم شعبهم ويخلعهم ولو تلاحظوا ان الدول الاوروبية وقفت موقف المتفرج فى بداية الثورة ولم تتحرك الا لما شافت ان الوضع خرج عن السيطرة واصبح الشعب دلوقتى هو اللى بيحدد مصيرة ...

ثانياً : ممكن تكون المخابرات لامريكية بتنشر الكلام ده عشان تخلق نوع من البلبلة التى تصب فى مصلحة لثورة المضادة واللى بتساعد على اجهاض نكتسبات الثورة .. علشان كده احنا افضل حاجه نعملها اننا نفكر فى للى جاى ونسيبنا من الكلم فى اللى فات ومين عمل ومين سوى وعشان ايه .. اللى فات فات ومش هنقدر نغييره لكن فى يدينا نبنى مستقبل افضل ... وشكرا للجميع

ثانياً : ممكن تكون المخابرات لامريكية بتنشر الكلام ده عشان تخلق نوع من البلبلة التى تصب فى مصلحة لثورة المضادة واللى بتساعد على اجهاض مكتسبات الثورة .. علشان كده احنا افضل حاجه نعملها اننا نفكر فى للى جاى ونسيبنا من الكلم فى اللى فات ومين عمل ومين سوى وعشان ايه .. اللى فات فات ومش هنقدر نغييره لكن فى يدينا نبنى مستقبل افضل ... وشكرا للجميع

أنا مع ثانيا مائة بالمائة

وليه انا مع هذا الجزء

ولأن من مصلحة أمريكا واسرائيل نجاح الثورة المضادة واجهاض نجاحات الثورة التى أطاحت بالنظام السابق والذى كان يسمح لأمريكا واسرائيل بتحقيق كل التسهيلات للحصول على خيرات مصر والتى من حق شعب مصر

تحليل سوبر ممتاز من الاسكندرانى

وخبر مهم منك أميرة الورد
وبه نداء هام جدا من الاسكندرانى وأتمنى أن يتحقق واحب أن أختتم به ردى

افضل حاجه نعملها اننا نفكر فى اللى جاى ونسيبنا من الكلام فى اللى فات

هو حركة 6 ابريل هي اللي قامت بالثورة

كلام اهبل وخايب

استغفر الله العظيم ويكلس ايه اللى اثناء الثورة كان هارب ومستخبى تحت السرير وخايف من العفاريت حرام عليكم بقى مبقاش غير امريكا ومنظماتهااللى حتسرق مننا الثورة هم فاكرين ان العالم اجمع مركب قرون حيوانات او اذان حمير يا جماعة العينه بالعيان والبينه بالبيان هات ارقام الحسابات وهات اسماء المنظمات مينالمسئول عن الاستلام ومسئول عن الصرف ومين النشطاء هو ده اللى مش ممكن حيبان لانه كذب فى كذب وشباب التحرير على فكرة عارف بعضه وعارفين مين الدخلاء عليهم والجدع يقول انا من منظمة الفلانية واوجه صرفى كانت فى كذا وكذا والمستندات ايه لكن شغل امريكا ام الكل وبتساند ومش عارفة ايه لا تروح امريكا لاتدفع الالمقابل ومفيش عندها حاجة الالمصلحتها ومكنش فى حد مراعى مصلحتها فى كل العالم الا مبارك المحبوس واسرته وبقية العصابة المرمية فى سجن طره والبقية اللى هربانه او مستخبية تحت الاسرة وحتنكشف قريبا جدا على ايدى المصرين الشرفاء وكل من معه مستند يدينهم بس خلاص انا تعبت

ربما خططت أيضاً هذه المنظمة لقتل خالد سعيد والترويج لصفحته على الفيس بوك لتصل إلى مليون عضو
عالعموم شكراً للمساعي الأمريكية المشكورة وما نجيلكوش في ابراج

شكرا على الخبر وانا اوافق جده فى رايها
افضل حاجه نعملها اننا نفكر فى اللى جاى ونسيبنا من الكلام فى اللى فات

طبعا دي تخاريف
لسبب بسيط هي الناس اصلا كان عاجباها الاوضاع
مالفساد كله بيتكلم عنه وبالاسم
كرامة الانسان المصري الكل عارف ايه
يكفي في برنامج بيسئل الشارع لو لم تكن مصريا لوددت ان تكون ايه
والله عيطت لما شاب صغير يرد يقول لحمد ربنا
كل ده ولما الشعب يقوم تطلع امريكا محركاه
بعد ما امريكا خربت الدنيا
عايزه تظهر قدام الناس دلوقتي هي اللي عملت كل حاجة
طبعا ده اسفاف
الغريب ان وثائق الويكيليكس اصلا قالوا انها حصلو عليها حتى سنة 2008
السجلات اللى حصلو عليها حتى الفترة دي
هما كانو كمان بيتنباء بالهيحصل بعد 3 سنوات
دي دعاية لامريكا
والنيورك تايمس معروفة باتصالاته مع المخابرات الامريكية ودي حاجة معروفه بامريكا
ومعروف ان المحابرات تستخدمها لاغراضها واكتر من فضيحة تقالت عليه

طيب لو ويكيلكس دى مزبوطة
ليه ما بتظهرش قبل الاحداث ؟

ليه الوثائق دى مش بتظهر الا بعد الحدث ؟؟

يعنى الحدث يقع من هنا نلاقي له و ثيقة بعدها
طيب يا عم الحاج ما تقول من قبلها عشان نصدقكك

بصي يا شمس ويكيليس دة بيصطاد في المية العكرة من الاخر يعنى وكل الى نزل فيه متناقض وبيصب لصالح جهة معينة
وبالخبر دة يبقى بياكد ان امريكا هى ممولة الموقع الى عندو انفلونزا السلام دة

ميرسي لمروركم جميعا
ومحدش يضايق انا نزلت الخبر لاهميته ولازم الكل يعرف بيتقال ايه عن الثورات العربية

عالم هجاصين وبتوع تلات ورقات

الكلام دة صحيح مائة بالمائة والشباب مشى مع تيار الثورة مع ان ربنا اللى حماها وشكرااااااااااااا