إخواني أخواتي
السلام عليكم ورحمة الله وبركاته ,,,
كل يوم تقريبا يصلني من احد اصدقائى رسالة بعنوان " يبقى أنت أكيد في مصر" تحتوى على بعض الصور التي تصور الجهل والتخلف وعدم الانضباط المصري وأحيانا خفة الدم المصرية ممزوجة بقله فهم وعدم وعي ، طيب أول مره أكيد الرسالة هذه وصلت لمعظمكم أكيد ضحكنا تانى مرة وسخرنا ثالث مره وبكينا وتألمنا ,,,,,,,,
بس الحقيقة إن مش هي دى مصر لان مصر أجمل من كده بكتير وكل مصرى عارف من صميم أعماقه إن مصر والشعب المصرى عندهم صور للشهامة والحضارة والجمال والثقافة والأخلاق مش ممكن تلاقيها في اى مكان في العالم ولما تشوف الصور الاصيله هذه بجد تقول أنا أكيد أكيد ... في مصر ، طيب ليه كل واحد عنده صوره جميله لبلده لأمه مصر مخبيها ، لا لقد حان وقت الدفاع عن أمنا عن بلدنا إلي هى بتمثل الأهل الأب الأم الأخ الأخت الصديق الصديقة الزوجة والزوج والأبناء ، ياناس آن الأوان نبطل نمصمص شفا يفنا كل ما نشوف صوره وحشه لازم نرد بعشر صور أحلى أنا أبدأ بنفسي وهأبعت مجموعة صور بسيطة تفكرنا هي إيه مصر ومستني أشوف من كل واحد مجموعة صور أحلى وأحلى ، تعبر عن بلدنا الجميلة الاصيله الخالدة والعظيمة ، كل واحد يرسل صوره واحده على الأقل يدافع بيها عن اهله وبلده وتبقى حمله من الصور الجميله تكيد كيد الأعداء وتبلغ رسالة للعالم كله إن لسه في مصريين بيعشقوا وطنهم
يالا يا محمد يالا يا أحمد يا عيسى يا إيمان يا سعد يا أمير يا منى يا عصام يا جورج يا وليد دي بلدنا كلنا يالا يا شباب يالا يا بنات نبعت لبعض أحلى صور عن مصر عن أهلنا عن أخلاقنا عن انتصارتنا عن براءة أولدنا عن جمال نهرنا عن شموخ أجدادنا
ونشوف مع بعض ونتفرج ونرجع تانى ثقتنا فى بلدنا ونعطى الأمل لأولادنا وننتقل من مرحله السلبية إلى المشاركة الإيجابية للنهضة ببلدنا
مصر الجمال
مصر العلم والثقافة
مصر الإصرار (
أولاد بلدنا بيحاولوا رغم قلة الامكنيات المادية)
مصر النصر
مصر الشموخ
مصر الانجازات
مصر الغرب يقف لها احترام وتقديرا
مصر الأصالة الأهل والأجداد والشهداء
أمواتنا شهدائنا نقرأ لهم الفاتحة
مصر السياحة
العالم كله بيقدر بلدنا ويتمنى يقضى فيها عمره يتفرج ويتعلم ويستمتع بمصر الاخاذه وجمال بحرنا وأحلى مناخ عندنا
مش هاقول اكتر من كده لان لسه في كلام كتير مستنيه منكم ومن كل واحد فيكم مستني صوره جميله من غير سخريه من غير يأس طلع أجمل صور عندك لبلدك وأنا مستني ,,,,,,,,
هذه رساله ارسلت لى من مواطن سعودى من اصل مصرى
يامصريين