شارك الحوار علي الفيس بوك
هابداء حواري طبعا بست الحبايب جده مصرية وهي تحدثني باعتباري ابنها

زي ابني ونني عيني
كل كلمة من كلامك
تحكي عني وذكرياتي
اللى عدت فيها فرحة
وإللى زاد فيها آهاتى
***
لما عقلي حس بيك
فرحة طرحت جوه قلبي
بانت في عينى
حلم ياما حلمت
بِيه بينك وبينى
***
زي ابني يا نن عيني

ذكرياتك تحكي عني
يابن عمرى ونور حياتى
وشوق سنينى
كل كلمة من كلامك
زادت حنيني
وزاد حنينى


**
khaledalex لجده مصرية


مهما هاكبر
انتي حبك جوه قلبي
دايما بيكبر
ولهفتى دايبة فى عينيا
ان ضحكتي
تضحك الدنيا في عنيا
وان بكيتي
دمعتى رايحة وجاية
تنطق الحب إللى بيا
أوعى تنسى لما يمشي
العمر بيكي
أوعى تنسى حب ابنك
بيناديكي
أنا مهما ألف الدنيا ديا
عمرى مالقى أهم منك
لأن قلبك تمللى أكبر
وإنى أصغر
مهما هاكبر
إنتى أمى
روحك ودمك
هوا دمي
رضاك عني أهم منى
نفسى أضمك
وعاوز أقولك
مهما هاكبر
مقدرش أعيش الافي ظلك
لأني ابنك


يا رب يعجبكم الحوار ويعجب قبل منكم جده مصرية اهم واغلي عضو في نجوم مصريه
وده اقل اهداء اقدر اقدمه لأمي وامكم جده مصرية

جميل ماشاء الله

استمر فـى الابداع

فعلا حوار جميل جدااااااااااااااا

واوو
رائع يا خالد

جميله قوى يا خالد
وستو تستاهل اكتر من كده لانها امنا كلنا وحبيبتنا كلنا
وكلنا بنحبها وبنحترمها لانها انسانه جميله جدااااا
ويارتنى كنت عرفتها من زمااااااان كنت استفت منها بحاجات كتير
ربنا يخليهالنا ويبارك فيها
ويخليك يا جميل وتبدعنا دايما
يسلمو ايديك

بجد انت كل يوم بتفجأنى بجمال اكبر من الجمال اللى قبله

جزاك الله خير لانك بتعبر عن احساسنا كلنا باجمل واحن جده فى الوجود

واللهي روعة وجدتنـــــــــــــا تستاهل أكتر من كده وربنا يديكي الصحة وطولة العمر يــــــــــــــا رب

والله كلام جميل جدا
واكيد هيعجب جدتنا القمر اللى منورانا
على انى ما عرفهاش من فترة
بس حبيتها والله
وربنا يخليهالنا

موضوع كويس جدا واحلي حاجة فية انة مع خالد جدتي العسولة

تسلم يا خالد فعلا عبرت عن اللى جوانا كلنا من ناحية جدتنا
و احلى وردة منى ليها

تسلم ايدك ياخالد

والله كلنا بنحبك ياجدتنا

ربنا يخليكى لينا يارب

تسلم الايادي وربنا يخليكي لينا يا جدتنا ...ويحميكي يارب

مبدع ورائع جدا

وجدتنا تستاهل كل خير فعلا جده مصريه وعلى حق

ربنا يديها الصحه يارب

وتسلم الايادي

.

هاااااااااااااااى ياجماعة الموضوع فكرتوا جميلة والله وانا نفسى بجد الجدة تتابعنا هنا فى القسم
وتسلم ياخالد على الموضوع

............................. وردة............................

حواااااااار في منتهي الجماااال بين شاعر المنتدي وست الكل حبيبتناا كلناااا.
تسلم يا خالد .

مهما قلت
مهما عبرت
عن مشاعر أم
لأبنائى وبنوتاتى
لن يكفينى موقع بحاله
ولكن مواقع كتير وكتير

مهما قلت كلمة دايمة
نسمعها من سنين وسنين
وعرفت قيمتها ومن غير تمثيل
اقولها ليكم وليكن

الأم مش أم بتخلف
الأم اللى بتلاقى الحب
من قلوب أبناء نجوم مصرية

يا سلام ياخالد يا سلام
فى هذه الساعة التى أرد فيها
السماء تمطر
وقفت شوية بالشباك والمطرة تداعبنى بقطراتها
دعيت ليكم جميعا من قلبى
للمؤسس الجميل لنجوم مصرية بدوام استقراره بالعالمية
دعيت للمشرفين جميعا بالتوفيق
دعيت للأبناء بالنجاحات والسعادة والهناء والاستقرار

امبارح خالد كنت حا اتجنن علشان مش عارفة ادخل نجوم مصرية وبالليل نجحت
ورجع تانى بروبليم حصل والله هذا ما حصل كنت حا اتجنن زى الأم اللى بعيدة عن أولادها

ألف شكر خالد وربنا يسعدك يارب ويعوضك خير وقول يارب

واختتم ردى بجزء جميل كالحوار كله وكان حوارا قيما من قلب صادق كا قلوب أبنائى وبنوتاتى هنا

أوعى تنسى حب ابنك
بيناديكي

عمرى وابدا ومطلقا

بعد اذنك خالد
أدبيا اسمح لى أن أشكر أبنائى وبنوتاتى هنا من كتبوا كلمة جميلة
أن أشكرهم وأشكرهن

ريم - ماستر - سبرينج - طاشية بس عايشة - اؤى - عبير الجنة - النسيم الهادىء
شمس - الجرىء - اسلام فضل - مصراوى بالامارات - وردة مجروحة - ايات بدر

بسم الله ماشاء الله عليكم

وردة مجروحة ... حاضر حبيبتى سأتابع قسمك ولأننى كنت أتابع الأخبار فقط ونادرا أذهب لقسم آخر

ماشاء الله والله موضوع جميل جددددددددا

كلمات بجد رائعة جداااااااااااااا

لاجمل جدة في الدنيااااااااااااااا

ربنا يخليهالنا يارب

برافو
كلمات فعلا رائعه

اذا تسمح ياخالد فكان بيني وبينها حوار ايضا ارجو ان تسمح ان انشره بصفحتك

وانا لما الشوق غلبني
جيت بشوق جاري اليها
ضمتها بحضني وضمتني
وقلبي دايب لسه فيها


قلت والدمعه في عنيا
الغربه ياامي مره دوا
والفؤاد مش لاقي فيا
روميو ضاع ويا الهوا
والحنين راح من ايديا
زادت جروح ودموع سوا

ردت جده مصريه تخاطبب ولدها روميو


اوعي تشكي ولاحد يسمعك
روميو ابتسم خليك قوي
وان كان بعادي بيجرحك
فبعادك بردو هدني
والزمان بيا يجمعك
ولدي الحبيب وحشتني

اذا تسمح ياخالد فكان بيني وبينها حوار ايضا ارجو ان تسمح ان انشره بصفحتك

وانا لما الشوق غلبني
جيت بشوق جاري اليها
ضمتها بحضني وضمتني
وقلبي دايب لسه فيها


قلت والدمعه في عنيا
الغربه ياامي مره دوا
والفؤاد مش لاقي فيا
روميو ضاع ويا الهوا
والحنين راح من ايديا
زادت جروح ودموع سوا

ردت جده مصريه تخاطبب ولدها روميو


اوعي تشكي ولاحد يسمعك
روميو ابتسم خليك قوي
وان كان بعادي بيجرحك
فبعادك بردو هدني
والزمان بيا يجمعك
ولدي الحبيب وحشتني

من اجمل ما قراءت يا روميو

يسلم احساسك وزوقك في الكلمات الجميله والمعبره عن احساسك الرائع

مرسيه ليكم جميعا نورتوني