________________________ تأليف:رضاالهجرسى
الخلع الثانى
أشحت... كى أخلعك
_______________
أوقف قاضينا سيارتة فى المكان المخصص لة ..أمام مبنى المحكمة ..
ترامى الى سمعة ..صوت أمرأة تشحت بعبارات غريبة ..أسند ظهرة
على سيارتة ونظر ناحية المرأة ..وهو يستمع أليها و يبتسم لما ..
يسمعة من عبارات الشحاتة ..والتي يسمعها لأول مرة . .. .وجد أمرأة.. تجاوزت الثلاثين من عمرها. يحيط بها خمس فتيات.تتراوح أعمارهن بين ..الثانية عشر ..والعاشرة ..والثامنة ..والسادسة ..والرابعة ..
وتحمل طفلة على قدميها ..فى الثانية من عمرها ...
تجلس المرأة على السلالم المؤدية الى باب المحكمة الرئيسى ..
والفتيات يتحركن وهن يمددن أيدهن ..لكل من يصعد السلالم ..
والمرأة تردد عباراتها..
المرأة : ساعدونى يا أهل الخير ..ساعدونى يا محسنين ..ساعدوا ولية . غلبانة عايزة تخلع جوزها.. الندل ..الجبان ..
ساعدونى أخلع الخسيس ..وألم ..أجرة المحامى ..
جميع النساء الصاعدة السلالم ...تتسابق لتضع النقود ..فى أيدى الفتيات...
المرأة : اللة يخليكى يا ختى ..وما ميغلبلكيش راجل ..أبدا ..ويهديلك راجلك وما تتجبرى تخلعية أبدا ...
جميع الرجال ..ينظرون نظرات مليئة بالغيظ ..ولا يفكرون حتى فى ..
مساعدتها ..ويسمعونها عبارات الأستهزاء والسخرية..
المرأة: صحيح ..رجالة أندال ..عايزين الخلع ..كلكوا خسسة عايزين
الخلع ..الا ما فية راجل واحد ..يحط فى عينة حصوة ملح ..
ويقول أساعد الولية الغلبانة دى ..صنف خسيس ..عايز الخلع
تطقط جميع النساء من حولها ..
أحدى النساء: والنبى ..ليكى حق يا ختى ..دول عايزين الحرق ..كلهم.
تشير المرأة الى جميع النساء الذين أحاطوا بها ليساعدوها فى لم أجرة المحامى....
المرأة: وأنتوا كلكوا كدة يا حبايبى ...جايين تخلعوا برضة..
ترد جميع النساء فى صوت ملأة الغيظ والحقد ..معا وهن يصرخن
جميع النساء: أيوة يا ختى ..
المرأة : ومعاكوا أجرة المحامى ..
أحدى النساء: أنا بعت عفش بيتى ونمت ع الأرض ..عشان أجيب أجرة . المحامى ..وأخلع الخسع دة من حياتى ..بهدلنى يا ختى..
المرأة: حاسة بيكى يا ختى ..ربنا يساعدك ويخلعهولك ..وتخلصى منة ..يظهر ضابط شرطة من باب المحكمة الرئيسى..
الضابط: لو سمحتوا يا هوانم ..ممنوع الجمهرة ..قدام باب المحكمة ..
أتفضلوا جوة ..وأشتموا زى ما أنتوا عايزين ..يللا والا..
حضطر أدخلكوا بالقوة ..
أحدى النساء: طبعا ما أنت راجل زيهم .. ومش عاجبك كلامنا ..
تتجة جميع النساء الى داخل مبنى المحكمة وتواصل المرأة عبارات الشحاتة ...
يتجة أليها الضابط ..
الضابط: قومى يا ست أنتى من قدام باب المحكمة ..والا حقبض عليكى
وهنا يتحرك قاضينا ناحية الضابط ..
القاضى : سبهالى أنا ..
يضع القاضى كارت فى يد المرأة ..
القاضى: دة الكارت بتاعى ..تجينى بعد ما خلص الجلسات ..
تنظر المرأة الى الكارت وتلقية فى وجهه ..
المرأة: بأة يا راجل يا خسع أنت ..بدل ما تحط فى عينك حصوة ملح
وتحط فى أيدى عشرة ولا عشرين جنية ..تحطلى ورقة .
معفنة ..حقول أية ..ماأنت راجل ذى المعفن جوزى ..ما هو لازم تحاموا لبعضيكوا..
الضابط غاضبا ..
الضابط: أية يا مرة يا مجنونة أنتى ..دة سيادة القاضى ..اللى بتلمى
أجرة المحامى ..عشان تقفى قدامة ...ويخلعلك المعفن بتاعك
القاضى: أرجوك يا حضرة الضابط ..دخلها مكتبى هية وبناتها ..
وأنا حشوف حكايتها أية بعد ما أخلص الجلسة ..
يتجة القاضى ناحية باب المحكمة ..ويأخذهم الضابط الى الداخل..
ينهى قاضينا الجلسة ويدخل مكتبة ..
القاضى: أدينى فضتلك يا ستى ..قوليلى بأة أية الحكاية ..
المرأة : وحتخلعة ..كدة من غير ما أدفع ..للمحامى المتسيط .عماشة
الألف جنية اللى طالبها ..
القاضى: المحامى المتسيط ..قماشة ..فية محامى أسمة قماشة ..
المرأة : عماشة يا خويا ..عماشة ..سلامة سمعك..
القاضى: قوليلى الأول أية حكايتك ..
المرأة :الراجل الخسيس جة من يومين.مونون ..وشامم.ونزل ضرب فية وفى البنات من غير سبب.وراح طاردنا فى الشارع.طلعلى عماشة
من تحت الأرض.وقالى أنة محامى متسيط .وأن أنا والبنات
صعبنا علية ..وحيجيب حقنا ويرجعنا الشقة ..ويرفع لى ..
قضية خلع ..بس لازم أدفع لة ألف جنية الأول. لزوم مصاريف القضية ..وعشان كدة شحت ..والستات اللة يسترهم دفعوا ومبخلوش.
القاضى: لو سمحت يا حضرة الضابط ..تروح بنفسك تجيب لى ..
جوزها ..والمحامى المتسيط دة ..اللى أسمة ..عماشة ..
أرسل القاضى وأحضر طعاما لها ولبناتها ..ومرت ساعتان ..ودخل الضابط ومعة زوجها ..وعماشة .. عيونهم حمراء وتظهر على حركاتهم علامات السطل والونونة..
القاضى: أنت بأة جوز الست دى ..ودول بناتك..
الزوج: أيوة يا باشا ..أنا جوز الست ..ودول بناتي ..هما عملوا حاجة يا باشا..
القاضى: وأنت بأة المحامى المتسيط ..عماشة .
عماشة: محامى أية يا باشا ..دة أنا راجل على باب اللة ..وأرزقى ..
القاضى: أمال قلت لها لية ..أنك محامى وطلبت منها ..ألف جنية ..
عماشة: مش أنا يا باشا ..دة جوزها جالى ..وطلب أعمل كدة ..وحيدينى ميت جنية ..وأنا راجل أرزقى ..وبعمل اللى يطلبة منى الزبون ...
فهمنى أن مراتة مدكنة دهب أمها ..ورسم الخطة ..هو يطردها
وأنا أستلقاها ..فتبيع الدهب بتاع أمها اللى مدكناة ..بس دة كل الموضوع....
القاضى: يا حضرة الضابط ..خد المحامى المتسيط ..حطة فى الحجز على ماأشوف حكاية جوزها ..قرب يا أبو البنات قولى عملت كدة لية..
الزوج: أنت نطقتها يا باشا ..أبو البنات ..كنا عايشين مبسوطين ورزقنا مكفينا فضلت ..تزرب لى بنت ورا بنت ..والمصاريف كترت ..والغلا ولع الدنيا مبقتش قادر ..أأقولها كفاية ..تقولى أما أجيب لك الواد اللى
نفسك فية..لغاية ما الحالة بقت كرب ..وهربت بالشم م الحالة
الكرب دى
القاضى: لية يا ستى كدة ..كان كفاية واحدة ولا أتنين عشان تعرفوا تربوهم
الزوجة: دلوقتى أنا السبب ..مش فضلت تقولى أنا نفسى فى واد .يشيل أسمى بعد ما أموت ..وياخد عزايا ..
القاضى: يا ستى الكلام دة خلاص بطل ..ومبقاش فية ..فرق بين الولد
والبنت ...بطلوا بأة .الجهل دة اللى جايبنا كلنا ورا ..وموقف حال البلد..
المرأة: بصراحة يا باشا ..عشان أنت راجل طيب وعطفت علية وعلى
بناتى ..أنا ححكيلك الحكاية ..
القاضى: يا ريت ..عايز أعرف كنتى بتفكرى أزاى لما فضلتى ..
تخلفى بدون وعى ..ومش عاملة حساب لظروف جوزك
ودخلة القليل ..
المرأة: أأقولك يا باشا ..اللة يسامحها أمى ..ليلة الدخلة ..قعدت ..
تنصحنى وتقولى ..خليكى واعية يا بت ..يغلبك بالمال
أغلبية بالعيال ...
كل ما يجيلة قرش...أديلة كرش...
القاضى : لا وطبقتى نصيحة أمك ..صح.. .لغاية ما جبتية
أرض ..أرض .. يا عينى عليكى يا مصر ..
م اللى بيعملوة فيكى ..ولادك ..
القاضى: أنت يا ابنى فوق لنفسك ولبناتك قبل ما يضيعوا..أنا حسيبك
المرة دى عشان بناتك .. المرة الجاية ححبسك .
.يللا خد عيالك ..
وحاولوا تعيشوا على قدكوا ..وبطل الهباب اللى بتشمة دة ..
-مر أسبوع..وبعد أن أوقف القاضى سيارتة ..ترامى الى سمعة صوت ..
المرأة وهى تشحت بنفس العبارات وحولها بناتها ..توجة أليها وهو فى ذهول..
القاضى : هو عملها تانى ..
المرأة: لا يا باشا.. دة بقى ذى الفل.. وماشى ع العجين ميلخبطوش ..
القاضى: أمال أية اللى رجعك تشحتى تانى..
المرأة: أصل المرة اللى فاتت.. لميت مبلغ حلو قوى من النسوان ..
فقلت أهى سبوبة حلوة.. تساعد ع المعايش ..
( النهاية )