بعد ايام من تحويله الى الجنايات بتهمة ضرب التلاميذ ضرب مبرح و استعمال القسوة فى تعليمهم قرر السيد محمود عياد رئيس محكمة جنح زفتى بحبس المدرس لمدة 3 سنوات مع ايقاف التنفيذ و ايضا الزامه بدفع غرامة قدرها 200 جنيه لتهمة استخدام العنف مع التلاميذ و 2000 لتهمة تعريض حياة التلاميذ للخطر و 50 جنيه لتهمة ضرب الاطفال و عقب صدور الحكم سادت الفرحة داخل قاعة المحكمة حيث رحب اهالى القرية بهذا الحكم فى اشارة الى رضاهم الكامل لضرب ابنائهم بسبب عدم تأدية الواجب و قد اعلنو عن اقامة حفل كبير بسبب الافراج عن المدرس

عواف يامصر

بصراحه انا ما كنتش شايف اي داعي لمحاكمته لأن لاوجود لعداوه شخصي بينه وبين التلاميذ انما الضرب كان لمصلحتهم اولا واخيرا وهو التخويف من اجل الالتزام بالواجبات مع اعتراضي اساسا على مبداء الضرب والعنف .
ثانيا الضرب لم يكن مبرح وقاسي كما ذكر ونحن جميعا شاهدنا الفيديو .
والحمد لله ان اولياء الامور كانوا مدركين للموقف جيدا وحاولوا انقاذ المدرس .
قال مدرس يتحكم عليه علشان ضرب التلاميذ لمصلحتهم طب ومبارك اللي قتلنا جميعا لمصلحه شخصيه هتعملوا فيه ايه هههههههههههههههههههههههههه

بصراحه انا ما كنتش شايف اي داعي لمحاكمته لأن لاوجود لعداوه شخصي بينه وبين التلاميذ انما الضرب كان لمصلحتهم اولا واخيرا وهو التخويف من اجل الالتزام بالواجبات مع اعتراضي اساسا على مبداء الضرب والعنف .
ثانيا الضرب لم يكن مبرح وقاسي كما ذكر ونحن جميعا شاهدنا الفيديو .
والحمد لله ان اولياء الامور كانوا مدركين للموقف جيدا وحاولوا انقاذ المدرس .
قال مدرس يتحكم عليه علشان ضرب التلاميذ لمصلحتهم طب ومبارك اللي قتلنا جميعا لمصلحه شخصيه هتعملوا فيه ايه هههههههههههههههههههههههههه

بالظبط يا عبد الرحمن

لو المدرس دة اسمه حسني وابوه اسمه مبارك

كان زمانه قاعد بيتدلع اخر دلع لحد دلوقت

هههههههههههههه
عندك حق والله اخى عبدالرحمن
ربنا يهدى

انا مش معاكم ابدا يا اخوانا في رايكم دا .... انتم ما شوفتوش العيال كانو مرعوبين ازاى .... تعرفو ان نظرة واحدة بس ...مش علقة كمان ... كفيلة بانها تعقد طفل طول حياتة وتفقدة الثقة في نفسة وتقلل من زكاءة العلمى كمان ؟

تعالو نقارن ما بين الاسلوب الهمجى بتاع المدرس المتخلف دا والاسلوب التربوى السليم في الغرب ... امال هم سابقينا بمراحل لية في العلم والبحث العلمى ....

ال اية بيضربو لمصلحتة .... لا يا سيدى ... مش يعنى المدرس من هم العيال ما بينمشي الليل ... دا بس عاوز مستوى العيال يبقي كويس علشان لو جاء موجة وشاف مستوى العيال كويس يديلة تقدير ويترقى

يعنى مصلحتة الشخصية ..

. ولا الحيوان اللى كان واقف يصور الاطفال وهم بيضربو وعمال يضحك كأنو حيوان سادى وبيشفي غليلة من الاطفال

بصراحة انا مصدومة من كلامكم

وبعدين دخلتم مبارك في الكلام .... انا مالى ومال مبارك دلوقتى

انا بتكلم عن اسلوب التعليم .... هل الاسلوب دا تربوى ... هل الاسلوب دا يرتقي لمستوى التعليم في الدول الاوربية ... هل ينفع اقدم نموزج زى المدرس الحيوان دا ولا اسلوب تعليمة ... واحطة نموزج يحتذي بية .... واقدمة للدول الغربية علشان مثلا يقلدوة واقولهم اضربو الاطفال لمصلحتهم .... دى جريمة جريمة ... ولا هو علشان طفل ضعيف ومش قادر يدافع عن نفسة ؟

اتارى العيال بتكرة المدرسة وبيهربو منها

وبدل مااحببهم في التعليم وفي المدرسين واعلمة ازاى يبتكر ويبدع ويخلق واعلمة ازاى يحب الاخر ويسمع له

بعلمهة الجبن والضعف والخضوع والازلال

وتقولولى مصلحتة!!!!

يا خى تروح المصلحة دى في داهية اللى تعقد ابنى او تهينة او تزلة

مدرس كلب سادى بيستقوى على اطفال والحيوان التانى عمال يصورهم ويضحك وكمان ينشر الفيديو على اليوتيوب علشان امة لا اله الا الله تتفرج على "فيدو ازلال الاطفال"

دى قمة قلة الادب والسفالة

وبصراحة رايكم في الموضوع في قمة الاستفزاز

انا فاكرة وانا صغيرة

وكان مشهود لية بالذكاء الحاد انى اول ما دخلت المعهد الازهرى جة الاستاذ وطلعنى ادام الطلبة وقالى حفظة صورة " كذا "من القران ؟

قلتلة لا يا استاذ ما اخدتهاش في المعهد اللى انا اتحولت منة

راح مطلع بنت وكانت بنت عامل في نفس المعهد وراح قايلها ... اضربيها بالالم ... وبعد ما مدت ايديها علية راح قايلى بصى للفصل وراح قايلهم يلا اضحكو عليها

حسيت اد اية بالازلال وابتديت اهرب من المعهد وكانت والدتى بتهرينى من الضرب علشان اروح وبردو كنت بستمر في الهروب ... هى حتى ما حاولتش تغفهم انا لية مش عاوزة اروح وكانت بتقول زيكم كدة واية يعنى المدرس يضربك علشان مصلحتك
....دا غير بقة العلق اللى كنت باخدها بجريدة طويلة على ايدى وعلى جسمى بمنتهى الحمورية والسادية والقسوة وقلة الادب وانا في تانية ابتدائي


تانى مرة نفس المدرس راح مطلع طالب وقالة مذاكر ؟.... راح قايلة لا يا استاذ راح ماسك سوستة الولد وادام مدرس تانى معاه كان موجود واقسم بالله فتحلة السوستة ادامنا وقالو بص للبنات والبنات تصرخ

وواحد تانى بقة مدرس في الفصل اللى جنبنا كان بيقوم جايب الطلبة اللى مش مذاكرين ويقوم على حافة الدكة مكان ما بنحط الاقلام ... في مجرى كدة ... وكان بيقوم حاطط قورة الطالب ويقوم داقق بسيف ايدة على راسة من ورا يقوم الولد راسة وارمة وكان فية عيال دماغها بتتفتح

واقسم بالله القصص دى حقيقية واقسم بالله كانت بتحصل في معهدنا اللى كان في قرية صغيرة

القصص دى كلها محفورة في دماغى لحد دلقوتى وبقول لنفسي هل يا نيفين لو شوفتى حد من المدرسين دول هتحترمية وتقولى مدرسي وكان بيعمل كدة لمصلحتك

ارد على نفسي علطول واقول لو شفتة هتف على وشة واقولة انت مش اكتر من كلب في نظرى انت كنت بتدرس لينا بفلوس مش بدون مقابل ولا خدمة لله

وكان واجب عليك تراعى ربنا في القرش اللى بتاخدة من عرقنا ومن ضرايبنا ... وتتتعلم انت الاول الاخلاق والسلوك الحميدة والفضيلة وبعد كدة تبقي تعلم الاطفال

لان سلوكك دا اما بيخلق ناس ضعفاء وجبناء او عدوانين

راجعو نفسكم تانى ياشباب ... وكلامك دا اكبر غلط انة يطلع منكم وخصوصا بعد الثورة

تحليل سليم منك يا neveen فعلا الحاجات دى برة مجرد ان المدرس يبص بس للطالب او الطفل بصة مش عاجباة فيها اعدام وش على طول او مؤبد

وسعت منى شوية مش كدا بس ممن يتشال فيها على طول

كبرتي الموضوع يا اخت نيفين والحكايه مش مستاهله كل ده .
احنا معترفين بانه اللي حصل خطاء والمبداء نفسه مرفوض لكن تعليقنا فقط على ان الموضوع اخذ اكبر من حجمه يعني الحكايه مش مستاهله التعليقات اللي نشرت على الفيديو من تهويلات عن تعذيب وضرب مبرح وساديه الحكايه كلها ضربه خفيفه بمسطره وفي نفس الوقت مش مستاهله نائب عام ونائب خاص ومحاكم كان ممكن الموضوع ينتهي من الوزاره ده لو كبر كمان ولا انت رايك انه يستاهل ان يصل الامر للنائب العام والمحاكم .
اما بخصوص مبارك فتعليقنا فقط على الاهتمام الذائد بتاع حكومتنا اللي بتدور على مشكله صغيره ممكن حلها بسهوله وناسيه ومتناسيه القاتل الفعلي للشعب دي كل الحكايه يعني .
والشئ الثاني والمستغرب هو التهويل الحاصل على ضربة مسطره وكأننا لم نشاهد او نحظى بضرب في طفولتنا والله العظيم الضرب اللي شوفناه وتحملناه يئن منه الحمار واحيانا بدون سبب لمجرد تلميذ ضحك يطلع المدرس يعلق الفصل كله في الفلكه و100 ضربه على قدميه بكل قوه ومنتهى الساديه وحضرتك ذكرتي انك شوفتي ده بنفسك .
يعني موضوع المدرس ده مش مستاهل . وهو بيضرب ضربه بالمسطره وبيقول له شد حيلك شويه . انما فعلا المستفز اكثر هو المصور .

بالنسبه لنشر الفيديو طبعا مستبعد ان يكون المدرس هو اللي نشره ده المنطق بيقول كده .
انما من جهة الاهانه مش اهانه كبيره يعني ان مدرس بيضرب طفل ولو هنغضب على حاجه زي كده على اساس انها فضيحه من باب اولى نغضب على هاله سرحان التي فضحت بنات مصر جميعا على مرأى ومسمع العالم وكانت ضربه في العرض لنا جميعا والعياذ بالله ومع ذلك حكومتنا الرشيده سمحت لها بالعوده معززه مكرمه وتم استقبالها بالورود .
وعموما هي وجهة نظر قابله للخطاء قبل الصواب . وخلاف الرأي ما يزعلش ولا يفسد في الود قضيه

اعمل اعداد جيد للمدرس وبعدين اساله عن اسلوبه
اما الالوب ده هوا المتبع من عقود احن ياما انضربنا واكثر من كدى
وبعدين ايه السرعه دى لمدرس غلبان
والساده الى قتلو واختلسو وجوعو وازلو واغرقو واحرقو شعب مصر مرفهين فى التكيفات والسجار الكوبى
واخر حلاوه وبنتلمس ليهم الاعزار
ده حوجبو بتوجعو وده عند زياد فى
على فكره انا مش شايف اى تغير هيحصل فى مصر والى بيحصل ده ورق جرايد زياده فى المخازن عيزين نخلص منه

.
ياجماعه نتكلم بواقعيه شويه

تعبنا من ثقافه الهزيمه والخوف والرعب

اصبحنا شعب متاخر بسبب هذه الثقافه التي غرست بداخلنا

شوفوا مثلا الخليج بلاش الغرب

اصبحوا على وعي وثقافه عاليه جدا بسبب التعليم الحضاري والطفل في اي مرحله يعامل بطريقه اجتماعيه

لمعرفه اسباب تاخره الدراسي ويتولى أمره اخصائيين لاستعاده الثقه بنفسه

حتى يصبح نشئ صالح لوطنه

اين ادميه هؤلاء الاطفال وماذا ننتظر منهم غدا؟؟؟

.

عدالة القضاء المصري سريعة على البسطاء

مصابة بالشلل تجاه من نهبوا البلاد

عجبي

يا جماعة المدرس اخد برائة
ازاى بتقولوا الكلام دة