لقى انقطاع خدمات موبينيل في بعض المناطق اليوم والي الان سخرية لاذعة من متابعي مواقع التواصل الاجتماعي تويتر وفيس بوك .

جمعت لكم بعضاُ من تلك التويتات والتعليقات الساخرة

ده تعليق شبكة موبينيل في حسابها على تويتر : احنا بنواجه مشكلة فنية حاليا وإحنا بنتعامل معاها و هتتحل في اقرب وقت ممكن و شكرا لتفهمكم

ودي ردود الفعل : -

** أين شبكتي

** موبينيل شبكة المحمول الاولى الى بتقطع فى مصر

** شبكة موبينيل تهنئ الشعب المصرى بذكرى الثورة و تذكرهم بأيام الثورة الحلوة و تقرر قطع الشبكة. المقطوع ف يد الجميع

** مش ناقصنا غير النت يتقطع وتبقى جمعة الغضب

** صدق ال قال، فودافون أحسن تغطية و اتصالات أحسن عروض و موبينيل لونها برتقالى

** أنا كنت جزء من موبينيل، دلوقتى فودافون، مصر بتتغير وأنا كمان

** خلاص بقي رجع الشبكه يا ساويرس ..... حرمنا نقول (نعم ) تاني في الإستفتاء .. الي انت تقول عليه هو اللي حيمشي

** ياتري مين ال شد فيشة موبينيل: 1- اتصالات. 2- فودافون. 3- السلفيين. لو عرفت الاجابة متتصل علي اي حتة علشان الشبكة واقعة

** موبينيل ل عملائها ، من انتم ؟ من انتم ؟؟

** المفروض حملة ڤودافون الجديدة تكون | انا مش موبينيل، انا ڤودافون

** موبينيل: رصيدكم لدينا يسمح

** سؤال حلقتنا النهارده : مين اللي وقع شبكه موبينيل ؟ 1. صبحي صالح 2. الإخوان 3. السلفيين 4. جميع ما سبق

** يعني ايه كوك زيرو..يعني ساويرس يبيع الشركة وياخد الفلوس والعدة كمان

** وانا اللي ظلمت التليفون بتاعي وبهدلت امة وكنت هرمية فالشارع وفالاخر تطلع موبينيل...احنا اسفين يا تليفوني

** مش حنخاف مش حنطاطي .. احنا كرهنا الصوت الواطي. وساعات كمان بيقطع

** موبينيل .. اتكلم من القلب .. عشان مفيش شبكة يا حيليتها

**عمليه تخريبية في المحيط البمبي استهدفت سلك موبينيل الرئيسي،و اعلنت القاعده مسؤليتها عن الحادث

** ساويرس خطف رجله لدولة شمبونجو يجيب القرد يشغل الشبكة وراجع على طول

** يا جماعة محدش ينسى دور موبينيل العظيم في حرب أكتوبر وفي ثورة ٥٢ و ١٩١٩

** موبينيل قتلت واتقتلت

** إلى كل الناس اللى بتتريق على موبينيل عشان وقعت،إنتوا معندكوش إخوات بنات؟ يعنى لو أختك وقعت تحب حد يتريق عليها كده؟

شباب مش ممكن ابدا
زى العسل وعندهم تلقائية كوميدية ولكن لاذعة
هههههههههههههههههههههههه
شكرا مشرفنا العام حمادة الأسد

الله يضحكوا ضحكتونى

** إلى كل الناس اللى بتتريق على موبينيل عشان وقعت،إنتوا معندكوش إخوات بنات؟ يعنى لو أختك وقعت تحب حد يتريق عليها كده؟

هههههههههههههههههههه جامدة

بجد مفيش اخف من الدم المصرى ربنا يبارك فيكم جميعا ضحكتونا

والله انت رجل محترم وموبنيل تستاهل أكتر من كدة

دلوقتي ام نبيل وقعت وبالمناسبه السعيده المنتدي كله معزوم علي ام علي علي حسابي

وسلملي عالتبنجان

ههههههههههههههههههه حلوية حكاية نعم في الاستفتاء دي

** مش حنخاف مش حنطاطي .. احنا كرهنا الصوت الواطي. وساعات كمان بيقطع

إلى كل الناس اللى بتتريق على موبينيل عشان وقعت،إنتوا معندكوش إخوات بنات؟ يعنى لو أختك وقعت تحب حد يتريق عليها كده؟
ههههههههههههههههههههههه
الصراحه عنده حق
تسلم

هههههههههههههههههههههههههههههه والله جميله جدااااا
وانا اللى كنت فاكره ان العيب من التليفون اتارى العيب فى موبينيل نفسها