كعادة مستخدمي الفيس بوك وتويتر في مصر لم يتركوا موضوع القبض على الجاسوس الاسرائيلي يمر وإلا كانت هناك التعليقات الساخرة واللاذعة بنكهة السخرية المصرية

جمعت لكم بعضا من تلك التويتات

** احنا أسفين يا جاسوس

** يعني ايه كوك زيرو : يعني المخابرات تقول للشعب قبضنا على جاسوس والناس تدافع عن الجاسوس

** الجاسوس لديه صورة ممهورة بتوقيع البرادعي وجدت في جيب بنطلونه الليفيز الماسوني

** يا جاسوس نام و ارتاح, يوتيوب هتكمل الكفاح

** الإسم الإعلامي للقضيه دي لازم يبقي الجاسوس الأهطل

** ان كان ادهم صبرى "ن1" فالجاسوس دا "أ1" الـ أ يعنى اهبل من نوعه والـ 1 يعنى ابن المجنونه اول واحد يعمل كده تمام كده مش ناقص غير سونيا جراهام

** الجاسوس الاسرائيلى كان جاى يطمن على الثورة اية المشكلة العيب فى الدولة اللى تبقى مفتوحة لكل اجهزة الاستخبارات تلعب فى اساسها

** الجاسوس الحق..هو من يتجسس عشان يتصور مع الدبابه , ثم يهدأ ليرفع الصوّر على الفيس

** النيابه: انت جاي تتجسس وللا جاي تهرج؟..الجاسوس :أنا جاي أهرج

** ن الجاسوس الإسرائيلي إلى الشعب المصري .. نشكركم على حسن تعاونكم .. بجد صورتوني أحلى صور في حياتي .. أموووووه

** مانشيت تعبيرى : دفاع الجاسوس :موكلى برىء لأنه بياكل ماكدونالدز مش كنتاكى ... والإدعاء يرد: كان يموه ليخفى نواياه الإجرامية )

** ريبا في اليوم السائع: صور الجاسوس مع صباعه البمبي واكيد طالما جاسوس يبقي قال "ﻷ" للتهديلات علشان الاستقرار"

** الموساد قام بعملية استخبراتية دقيقة و قفل البرايفسي أوبشن بتاع الجاسوس علشان ما نعرفش أصحابه على الفيس بوك - حفاظاً على بقية الشبكة

** يا ريت الموساد مايعملش وقفه احتجاجيه و يقول احنا عاوزين اخونا الجاسوس

** وقبل القبض على الجاسوس الإسرائيلي خرجلنا محمد صبحي ع التلفزيون مشككا فى مستخدمي الفيسبوك إنهم ممكن يكونوا إسرائلين وإسمهم كوهين كمان


** مجموعة من الجواسيس تتجمهر امام نيابة قمل الدولة و يهتفون : احنا عايزيين اخونا الجاسوس

** الجاسوس كان هنا في الاساس عشان يتأكد إن الزمالك ما ياخدش الدوري

** الجاسوس اتمسك بغلطة في معلومة كان هيكتبها استاتس ع الفيس جه يعمل تاج للمخابرات الاسرائيلية عمله للمخابرات المصرية"

** فين جروب الراجل اللي ورا الجاسوس؟

** ماشي عرفنا إنكم مسكتو جاسوس...برافو ....وبعدين ؟ عاوزين الجاسوس اللي في شرم معلش احنا بنتكلم

** وبمناسبة الجاسوس إمتى هانحاسب الجاسوس الكبير اللى باع الغاز للإسرائليين وقفل المعبر وخنق مصر سنيين وقتل ثوار وعذب مسلمين قبل مسيحيين

كلهم حلوين جدا ههههههههههههههههههههه

ولكن اللى جامدين

** ماشي عرفنا إنكم مسكتو جاسوس...برافو ....وبعدين ؟ عاوزين الجاسوس اللي في شرم معلش احنا بنتكلم

** وبمناسبة الجاسوس إمتى هانحاسب الجاسوس الكبير اللى باع الغاز للإسرائليين وقفل المعبر وخنق مصر سنيين وقتل ثوار وعذب مسلمين قبل مسيحيين

شكرا كتير حمادة الأسد

روعة

** الجاسوس كان هنا في الاساس عشان يتأكد إن الزمالك ما ياخدش الدوري

** الجاسوس اتمسك بغلطة في معلومة كان هيكتبها استاتس ع الفيس جه يعمل تاج للمخابرات الاسرائيلية عمله للمخابرات المصرية"


هههههههههههههههههههه

حلوووووووووووووين