اعلن وزير الصناعه والتجاره سمير الصياد انه يوجد كثير من الفرص الكبيره فى التعاون بين البنك الاوربى للتنميه والتعمير فى مجالات التصنيع للمواد الغذائيه والغزل والنسيج والجلود ةوالصناعات الهندسيه والتكنولوجيا المعلومات بعد لقاء الوزير بوفد من البنك يوم الثلاثاء الماضى واكد الوزير ترحيبه بمبادره البنك الهادفه الى دعم الاقتصاد بدعمها الى القطاع الصناعى المصرى وخاصه المشروعات الصغيره والمتوسطه ورحب بتوسيع نطاق تمويل البنك ليشمل مشروعات القطاع الخاص والى هنا ونحن لانختلف عن الوزير فى ترحيبه وسعادته لتحقيق معدلات نمو مرتفعه وهو ماندعو اليه جميعا فى تلك المرحله ولكن ماذا ؟؟؟؟؟؟؟؟؟؟؟؟؟ولم يهتم الوزير الفاضل بأى معلومه من بعيد او قريب عن البنك وكعاده النظام السابق بتعتيم عن مايريدون للعامه عدم معرفته تعامل فى اعلانه عن سروره وترحيبه الفائق عن الحد ونسى الوزير للاسف ان من قام بالثوره المصريه هم الشباب الذين يقضون معظم اوقاتهم على الانترنت حيث تكون المعلومات متدفقه وغير صعوبه وبقليل من البحث سيظهر هويه

البنك الاوربى للتنميه والتعمير فماذا نعرف عنه ؟؟؟؟؟؟
فى منتصف شهر ابريل الماضى وحسب ماجاء فى جريده الدستور اعلنت صحيفه معاريف الاسرائيليه فى عنوان اقل مايقال عنه انه مستفز ( اسرائيل تمد يدها لمصر ) واعتقد الان ان كثير منكم يتفق معى بأنه مستفز ماعلينا المهم ان الصحيفه اعلنت ان بعد موافقه اسرائيل وقادتها للبنك الذى تكون اسرائيل من اكبر مؤسسيه سيمنح مصر قرضا كبيرا يقدر بعشرات الملايين من الدولارات واضافت الصحيفه ان البنك واسرائيل يحاولان انقاذ الاقتصاد المصرى وبدون الدخول فى تفاصيل مستفزه اخرى تشرح الصحيفه انه تم الاتفاق على مسانده مصر اقتصاديا وخاصه ان هذا القرض كان قد عرض على البنك منذ العام الماضى وتقرر منحه لمصر وقد تم التصديق عليه فى اللمؤتمر النصف سنوى الذى عقد فى ابريل الماضى

لا ياعم يفتح الله الله الغني عنهم وعن فلوسهم

احنا نموت من الجوع احسن

مفيش فايدة
لن يحدث تغيير
اصبت بالاحباط

شكرا انج

مفيش فايدة
لن يحدث تغيير
اصبت بالاحباط

شكرا انج

نفس الشعور ياجده اللى حاسس بيه ربنا معانا ومع مصر يتولانا برحمته

انا مش عارف والله موضوع استرداد الاموال المنهوبة دا نايمين علية لية

دا احنا لو خدنا مليون واحد بس من كل كلب فيهم هنقوم العفريت مش البلد كمان وفى الاخر نرجع نشتكى ونعمل مباحثات عشان البلاد التانية تمن علينا بكام مليون دولار

دا لو كل كلب خادلة قفا واحد من اللى بيتاخدوا فى الاقسام كان جاب اللى سارقة كلة واهو كلة من السياسة الزفت اللى المجلس ماشى بيها هو والمسئولين

والله ما هيتصلح حالنا الا لما نغير من نفسنا ونمشى زى الناس

والله ياجماعه انا شايف ان الوزراء كلهماسهل حاجه عندهم هى الاقتراض وده مش حل لانه على المدى البعيد بنتحمل القرض وفوايده وبنحمل دين على دين والقرض الجديد مابنصرفش على اللى مفروض ينصرفعليه بل بيتفرق على ناس معينه ويبدأ فساد جديد اكيد فيه حلول تانيه وطول مافيش شفافيه بين الحكومه والشعب مش حينصلححالنا احنا لازم نكون عارفين كل حاجه بمعنى نعرف المشاكل اللى بنواجها ويعرضوا الحلول بصراحه ونختار سوا البدائل اللى تناسبنا